My.soliq.uz интерфейсининг янгиланиши солиқ тўловчилар ишига қандай таъсир қилди

Ушбу ҳафтанинг бошланиши бухгалтерлар учун my.soliq.uzдаги янгиланган хизматлар интерфейси билан қайд этилди. Кўплаб интерактив хизматлар тугмалари остида “New” ёзуви пайдо бўлди. Buxgalter.uz янгиликни текширди.

Ёрқин қизил белгили “New” билан интерактив хизматлар янги эмас. Улар кўп йиллар мобайнида солиқ тўловчиларга яхши таниш. Уларда “New” белгиси пайдо бўлганидан кейин ҳам деярли ҳеч нарса ўзгармади.

Хизматларни очишда “Ҳурматли фойдаланувчилар! My.soliq.uz порталининг янги версиясига босқичма-босқич ўтилиши муносабати билан мазкур хизмат қуйидаги манзил бўйича тақдим этилади: ҳавола”, деган хабар чиқади. Ушбу ҳаволалар my3.soliq.uzдаги солиқ тўловчининг шахсий кабинетига олиб боради. Бу ерда ҳам ҳеч нарса янги эмас. Аксарият хизматлар янги сайтга кеча ёки бугун ўтказилмаган. Айтганча, юқорида келтириб ўтилган хабар ҳам “New” ёзувисиз ҳам очилган.

Адолат юзасидан таъкидлаш лозимки, my.soliq.uzни ишлаб чиқувчилар хизматлар интерфейсини анча қулай ва тушунарли қилишга ҳаракат қилишган. Улар буни қанчалик уддалашганлигига сиз фойдаланувчилар баҳо берасиз албатта.

Фақат my.soliq.uzда олиш мумкин бўлган яна бир нечта хизматлар қолган. Бу “New” белгисига эга бўлган хизматлар. Аммо, яқин орада уларни янги манзилга кўчиришади, деб аниқ айтиш мумкин.

Ҳар қандай янгилик каби ҳаяжонсиз бўлмади. Солиқ маслаҳатчиси Гулнора ЭРГАШЕВА у ҳақда қуйидагиларни гапириб берди:

– Ҳафта бошида my.soliq.uzни очганимда албатта “New” ёзувига эътибор бердим. Дарҳол нима ўзгарганлигини кўриш иштиёқи чулғаб олди. “Тугмалар бўйлаб кезиб”, янги ҳеч нарсани топмадим. Ушбу хизматларда, илгаригидек, уларнинг функционалидан фойдаланиш имконияти бўлган my3.soliq.uzга олиб борувчи ҳавола бор. Балки арзимас нарсаларни қайта ишлашгандир, бироқ ҳозирча жиддий нарса тополмадим.

Биринчи уринишда “Электрон ҳисобварақ-фактуралар” хизматини тополмаганим аччиқланишга мажбур қилди. У электрон ҳужжат айланиши операторидан қатъи назар, ташкилотнинг барча ҳисобварақ-фактураларини кузатиб бориш мумкинлиги билан қулайдир. Аммо туш вақтига яқин хизмат яна пайдо бўлди, бироқ барча статистик маълумотлар тугатилган эди. Тўғри, бироздан сўнг улар ҳам янгиланди.

Янгилаб бориш ва яхшилаш жараёни узлуксиздир. Ушбу иш доирасида солиқчилар солиқ тўловчиларнинг фикр-мулоҳазаларига кўпроқ қулоқ солишларини хоҳлардик.

ЭРИсининг хавфсизлиги ҳақида қайғуриш бухгалтер учун муҳимдир!

 

Компаниянгизни унинг рақамли имзосидан қонунга хилоф равишда фойдаланилишидан ҳимоя қилинг. ЭРИсини қандай сақлаш ва ундан фойдаланиш устидан назорат қилиш ҳақида фойдали маслаҳатлар олинг.

Шахсий кабинетга бегоналар кирганини аниқладингизми? Хавотирланманг! Кескин вазиятларда ҳаракат қилиш ҳақида аниқ йўриқномаларни ўқинг ва ўз компаниянгизни қандай ҳимоя қилишни билиб олинг.

Директор ўзгарганда – ЭРИсини ортиқча сарсонгарчиликсиз қандай янгилиш мумкин? Ташкилотингизнинг узлуксиз ишини қандай таъминлаш ва бу вазифани қандай уддалаш ҳақида билиб олинг.

ЭРИсини аутсорсинг компаниясига қандай топшириш керак. Амалий маслаҳатлар ва тавсиялар сизга хавфни энг паст даражага туширишга ёрдам беради.

Эксперларимиз материаллари сизга ЭРИси билан қандай самарали ишлаш ва сиз ва компаниянгиз учун хавфни энг паст даражага туширишга ёрдам беради!