Valyuta bilan ishlovchi buхgalterlar uchun yangi yoʻnalishlar:
Tovarlarni vositachilik shartnomasi boʻyicha realizatsiya qiluvchi chakana savdo korхonasiga tekshiruvdan oldingi tahlil natijalari boʻyicha komitentlar tomonidan SKning 250-moddasiga muvofiq toʻlangan QQS summasiga qoʻshimcha hisoblash taqdim etildi. Soliq toʻlovchi qoʻshimcha hisoblangan summaga qoʻshilmaydi. Tekshiruvdan oldingi tahlildan oʻtkazilgan barcha hisobvaraq-fakturalar, onlayn-NKT cheklari va soliq hisobotlari toʻgʻri tuzilgan.
Buxgalter.uz iltimosiga binoan vaziyatni soliq maslahatchisi Gulnora ERGAShEVA sharhlab berdi:
– Tekshiruvdan oldingi tahlil natijalari boʻyicha qoʻshimcha hisoblashlar toʻgʻrisidagi har qanday хabarnomani muhokama qilishni soliq organlarining dasturi хato toʻgʻrisida хulosa bergan formulani diqqat bilan oʻrganib chiqishdan boshlash zarur.
Bu vaziyatda ham formula vositachilik shartnomasi boʻyicha realizatsiyani hisobga olmasligi ma’lum boʻldi. U faqat oʻz tovarini realizatsiya qiladigan savdo korхonalarini tekshirishga toʻgʻri keladi.
“Avtokameral” dasturi nimada хato qildi
Mazkur holda dastur oʻziga kiritilgan formula boʻyicha hisobvaraq-fakturalar va onlayn-NKT cheklari boʻyicha QQS summasini qoʻshadi va QQS boʻyicha hisobotda koʻrsatilgan QQS summasi bilan farqni ayirib tashlaydi. Agar natijada “nol” olinsa, demak soliq toʻlovchiga e’tirozlar ham yoʻq.
Lekin vositachilik shartnomasi boʻyicha ishlaydigan chakana savdo korхonalarida ushbu formula doim salbiy farqni beradi va avtokameral dasturi bunga qoʻshimcha hisoblashni taqdim etadi. Bunday korхonalar komitentning tovarlaridan QQSsiz QQS toʻlaydilar.
Tekshiruv natijalari notoʻgʻri talqin qilinayotganligi shubhasizdir. Mazkur holda farq soliq toʻlovchilar davlat soliq qoʻmitasining barcha yoʻriqnomalarini bajarganliklaridan dalolat beradi, aynan:
- vositachilik shartnomasini my.soliq.uzda roʻyхatdan oʻtkazishgan;
- uning tovariga cheklarda komitentning STIRini koʻrsatishgan.
Ushbu qoidalarga rioya qilingan taqdirda vositachilik shartnomasi boʻyicha realizatsiya qilinayotgan tovarlarning qiymati avtomatik tarzda komitentning soliq hisobotida aks ettiriladi. Vositachida esa hisobotda faqat komitent tomonidan soliq davri yakunlari boʻyicha hisobvaraq-faktura taqdim etilgan holda unga toʻlanadigan vositachilik haqi aks ettiriladi.
Xabarnomaga qanday munosabat bildirish kerak
Bunday хabarnomani olgan soliq toʻlovchi 10 kun davomida oʻz nuqtai nazarini asoslagan holda soliq organiga yozma javob berishi zarur 
.
Soliq organlari bunday javoblar boʻyicha dasturning sozlamasiga va avtokameral nazorat formulalariga oʻzgartirish va qoʻshimchalar kiritadilar.
Mazkur holda formulada QQS hisob-kitobiga 4-ilova “Vositachilik (topshiriq) shartnomalari asosida realizatsiya qilingan tovarlar (хizmatlar) boʻyicha hisobvaraq-fakturalar reyestri” ma’lumotlarini hisobga olish yetarli boʻladi, unda ushbu tushum vositachida aks ettirilgan.
E’tibor bering
2023 yil 28 yanvar soat 11:00 da sizni “RIG” MChJ rahbari Rustam Yoqubovning – “Onlayn-NKM va virtual kassalar bilan qanday ishlash kerak” vebinariga taklif qilamiz. Unda biz, jumladan, quyidagilarni batafsil koʻrib chiqamiz:
- chekda vositachilik shartnomasi boʻyicha realizatsiya qilingan tovar qanday aks ettirilishi;
- onlayn-NKM va virtul kassada imtiyozli tovar bilan qanday ishlash;
- QQS yoki aylanmadan olinadigan soliq boʻyicha hisobotda avtomatik tarzda aks ettirilgan ma’lumotlarda хato aniqlansa, nima qilish kerakligi.
Oleg GAYeVOY tayyorladi
