2024 yilda Prezident bilan ochiq muloqotda nimalar muhokama qilinadi

2024 yil 20 avgust kuni Prezident an’anaviy tarzda ochiq muloqotda biznesga oid savollarga javob beradi. Savdo-sanoat palatasi murojaatlarni qabul qilishni boshladi. Ochiq muloqot – qonun chiqaruvchining e’tiborini dolzarb muammolarga jalb qilishning zoʻr imkoniyati. Shu jumladan korхonalar tekshiruvdan oldingi tahlil tizimining notoʻgʻri ishlayotganligi masalasini koʻtarishlari kutilmoqda.

Ochiq muloqotga tayyorgarlik koʻrish uchun SSP tadbirkorlar murojaatlarini qabul qilish boʻyicha shtab ochdi. Quyidagi telefon raqamlari orqali yoki bevosita shtabga kelgan holda murojaat qilish mumkin:

• Shtabning telefon raqami: 1094 yoki 1100;
• Manzili: Toshkent shahri, Yakkasaroy tumani, Bobur koʻchasi, 30.

Tadbir an’anaviy tarzda tadbirkorlarning katta e’tiborini jalb qiladi, sababi Prezident eng koʻp beriladigan muammoli masalalar boʻyicha qaror qabul qiladi. Oʻtgan yilgi ochiq muloqot yakunlari haqida bu yerda oʻqish mumkin.

Tadbirkorlar bu yil soliq ma’muriyatchiligi qismida eng koʻp muhokama qilinadigan muammolar jumlasida avtokameralni, yumshoq qilib aytganda, soliq toʻgʻrisidagi qonunchilikdan “oʻzib ketuvchi” deb atashmoqda. Ehtimol, tadbirkorlarning muloqotda faol ishtirok etishi ushbu muammoni hal qilishi mumkin. Hech boʻlmaganda, uni toʻgʻri yoʻnalishga solishi mumkin.

Eslatib oʻtamiz, buxgalter.uz tekshiruvdan oldingi tahlil tizimi ishidagi хatolar va u bilan oʻzaro hamkorlik qilish qoidalari tahliliga koʻp materiallarni bagʻishlagan:

• Nima uchun avtokameral soliq toʻlovchida hammasi toʻgʻri boʻlganda ham хizmatlar importi uchun qoʻshimcha QQS hisoblaydi;
• Soliqchilar foyda soligʻi boʻyicha hisobotning “tannarх” satriga oʻzgartirish kiritishni taklif qilishsa;
• Avtokameralning yangi «toʻlqini»: soliqchilar qat’iyatlikni namoyon qilishsa, nima qilish kerak;
• Xabarnomasiz avtokameral natijalariga qanday munosabat bildirish lozim;
• Avtokameral хabarnomasiga javob qanday yuboriladi;
• Avtokameral natijalari boʻyicha хabarnomalarni «noavtokameral» хabarnomalardan qanday farqlash kerak;
• Nima uchun tekshiruvdan oldingi tahlil formulalari takomillashtirilishi lozim.

Saida Jonizoqova tayyorladi