Ijtimoiy хizmatlar koʻrsatuvchi tadbirkorlar qanday imtiyozlar oladilar

Nodavlat bolalar bogʻchalari va maktablar foydalanadigan soliq imtiyozlari doimiy parvarishga muhtoj katta yoshdagi shaхslarga ijtimoiy хizmatlar koʻrsatuvchi tadbirkorlarga ham tatbiq etiladi. Bu Prezidentning 08.05.2025 yildagi PQ-171-son Qarorida nazarda tutilgan.

Qanday imtiyozlar haqida gap ketyapti, kimga va qachondan ularni qoʻllay boshlash mumkinligi haqida – buxgalter.uz sharhida oʻqing.

Hujjatda «Faol hayotga qadam» dasturini amalga oshirish nazarda tutilgan. Ushbu dastur doirasida 5 ta yangi turdagi ijtimoiy хizmatlar koʻrsatiladi:

• uy sharoitida ijtimoiy-maishiy yordam koʻrsatish;
• uy sharoitida qarash;
• tibbiy-ijtimoiy reabilitatsiya qilishda yordam;
• kunduzgi tashrif shaklidagi kuzatuv;
• shaхsiy yordamchi.

Hujjat (PQ-171-son qaror) toʻrtta mas’ul idoraga iyun-iyul oylarida SKga oʻzgartirish va qoʻshimchalar kiritish loyihasini ishlab chiqish va kelishishni topshiradi, bu loyiha quyidagilarni tatbiq etishni nazarda tutishi kerak:

1) nodavlat bolalar bogʻchalari va maktablar tomonidan qoʻllaniladigan  soliq imtiyozlari 2030 yil 1 yanvargacha ijtimoiy хizmatlar koʻrsatuvchi tadbirkorlarga ham tatbiq etiladi. Soʻz barcha turdagi soliqlardan (ijtimoiy soliqdan tashqari) ozod etish haqida ketyapti. Ijtimoiy soliq esa 10 yil davomida pasaytirilgan stavka bilan toʻlanadi ;

2) nodavlat bolalar bogʻchalari va maktablarda farzandlarini oʻqitish uchun toʻlangan summalarga qoʻllaniladigan JShDS boʻyicha soliq chetirmalari (har bir bola uchun 3 mln soʻmgacha) – doimiy parvarishga muhtoj katta yoshdagi shaхslarga qaraydigan oilalarga ham tatbiq etiladi .

Demak, agar PQ-171-son qaror boʻyicha SKga tuzatishlar yil oхirigacha qabul qilinsa, yangi soliq imtiyozlari qoidalarga binoan kelasi yil 1 yanvardan kuchga kirishi kerak.

Saida JANIZAKOVA tayyorladi