Aviatashuvchilar uchun QQSning nol darajali stavkasini qachon qoʻllash mumkin

preview

«Aviatashuvchi tashkilot xalqaro tashishlar yoki charter reyslari uchun aviachiptalarni butunlay Oʻzbekiston rezident va norezident turoperatorlariga sotadi. U xalqaro tashishlar uchun aviachiptalar va charterlarni Oʻzbekiston rezidentlariga realizatsiya qilishda QQSning nol darajali stavkasini qoʻllashga haqlimi? Yoki nol darajali stavka faqat ushbu xizmatlarni norezidentlarga realizatsiya qilishdagina qoʻllaniladimi?»

Buxgalter.uz soʻrovi boʻyicha savolga Soliq qoʻmitasining Soliq nizolarini sudgacha tartibga solish boshqarmasi boshligʻi Gulnora NIZAMUTDINOVA javob berdi:

Mutaxassisning kerakli tushuntirishini oʻtkazib yubormaslik uchun bizning Telegram kanalimizga obuna boʻling.

 

Mutaxassislarga oʻz savollaringizni berish uchun Buxgalter Proga kirish huquqini rasmiylashtiring.

 

– Xalqaro aviatashishlar bilan bevosita bogʻliq xizmatlarga QQSning nol darajali stavkasi qoʻllanadi .

Bunday xizmatlarga, xususan, yoʻlovchilar, pochta va bagajni tashish xizmatlari kiradi :

  • agar yoʻlovchilar, pochta va bagajning joʻnatish punkti yoki manzil punkti Oʻzbekiston hududidan tashqarida joylashgan boʻlsa;
  • tashishlar yagona xalqaro tashish hujjatlari asosida rasmiylashtirilganda.

Tashish hujjatlari – bu chipta va bagaj kvitansiyasi, pochta va yuk xatlari, shuningdek, qogʻoz yoki elektron shaklda rasmiylashtiriladigan, yoʻlovchi, bagaj va yuklarni havo transporti bilan tashish shartnomasini tasdiqlovchi boshqa tashish hujjatlari .

 

Charter – bu havo kemasini ijaraga olish shartnomasi boʻlib, unga muvofiq bir taraf (fraxtchi) boshqa tarafga (fraxtlovchiga) aniq haq evaziga yoʻlovchilar, bagaj, yuk va pochtani tashish yoki boshqa maqsadlar uchun bitta yoki bir nechta reysga bitta yoki bir nechta havo kemasini toʻliq taqdim etishga majbur boʻladi.

Chipta – bu bagaj kvitansiyasini oʻz ichiga olgan va yoʻlovchi hamda bagajni havo toshish shartnomasi tuzilganligini tasdiqlovchi hujjat.

Yoʻlovchilar va bagajni havo toshish qoidalari e’lon qilingan parvozlar jadvali va charter shartnomalari asosida yoʻlovchilar va bagajni ichki va xalqaro havo tashishlariga qoʻllanadi .

Shunday qilib, agar ikkala shart ham bajarilsa – joʻnatish (manzil) punktlaridan biri Oʻzbekiston hududidan tashqarida joylashgan va tashish yagona xalqaro tashish hujjatlari bilan rasmiylashtirilgan boʻlsa, bunday xizmat QQSning nol darajali stavkasini qoʻllash maqsadlarida u Oʻzbekiston rezidentiga yoki norezidentiga realizatsiya qilinishidan qat’i nazar, xalqaro tashish xizmati deb tan olinadi.

 

 

 

QQS QQS QQS /oz/publish/doc/text208688_aviatashuvchilar_uchun_qqsning_nol_darajali_stavkasini_qachon_qullash_mumkin