Sifatsiz mahsulot muomalaga kirsa

2026 yil 19 yanvardan boshlab sifatsiz mahsulotini oʻz vaqtida qaytarib olgan tadbirkorlar uchun javobgarlik yengillashtiriladi va unga sertifikat bergan muvofiqlikni baholash organlari uchun javobgarlik kuchaytiriladi.

Tafsilotlar – buxgalter.uz sharhida:

Fuqarolik kodeksi va iste’molchilar huquqlarini himoya qilish, standartlashtirish va teхnik jihatdan tartibga solish toʻgʻrisidagi qonunlarga kiritilgan oʻzgartirishlarga koʻra:

• muvofiqlikni baholash qoidalari buzilganligi oqibatida fuqarolarning hayoti va sogʻligʻiga zarar yetkazilgan taqdirda, muvofiqlikni baholash organi tovarning (ishning, хizmatning) sotuvchisi, ishlab chiqaruvchisi (ijrochisi) bilan birgalikda yetkazilgan zararning oʻrnini qoplash uchun solidar javobgar boʻladi;
• sifatsiz mahsulotning kamida 70 foizini muomaladan qaytarib olgan ishlab chiqaruvchi, uning vakolatli shaхsi, sotuvchi yoki import qiluvchi qonun hujjatlarida nazarda tutilgan moliyaviy sanksiyalardan ozod qilinadi.

Buxgalter.uz tavsiya qiladi:

 

• Chakana savdoda tovarning qaytarilishini qanday hisobga olish kerak;
• Mamlakat ichida tuzilgan oldi-sotdi shartnomalari boʻyicha kelib tushgan tovarlarni qabul qilish;
• Brak tufayli kelib chiqadigan yoʻqotishlarni qanday hisobga olish kerak.