Онлайн-НКМ ёки виртуал касса чекида карта турини қандай акс эттириш керак

31 января 2024 г.

Президентнинг 10.01.2024 йилдаги ПҚ-13-сон Қарорига мувофиқ харид чекида банк картасининг тури кўрсатилиши керак: корпоратив ёки шахсий. Ушбу талабга жавоб берадиган биринчи онлайн-НКМлар пайдо бўлди.

Ушбу функционал қандай ишлашини buxgalter.uz илтимосига кўра «RIG» МЧЖ директори Рустам Ёқубов тушунтирди:

Мутахассисларнинг тушунтиришларини ўтказиб юбормаслик учун телеграм-каналимизга обуна бўлинг.

– Яқин кунларда онлайн-НКМ ва виртуал касса аппаратларининг ишлаб чиқарувчилари кассани модернизация қилишни якунлаганликлари ва эндиликда у чекда банк картаси турини акс эттириши мумкинлиги ҳақида хабар қилишади. Бундай хабардан сўнг онлайн-НКМ ёки виртуал касса дастурини сўнгги версиясига қадар янгилашингиз керак бўлади. Энг осон вариант – тезкор оператив-техник ҳисобга олиш маркази мутахассисларига мурожаат қилиш. Баъзи касса аппаратларини ишлаб чиқарувчилар ҳамда ишлаб чиқувчилар дастурий таъминотни масофадан янгилашни назарда тутган бўлишлари мумкин.

Vipos виртуал касса аппарати мисолида янгиланган дастурий таъминот қандай ишлашини тушунтирамиз.

Сотувчи (кассир) реализацияга янги савдо чекини (сотиш чеки) шакллантиришни очгандан сўнг дастур қуйидагиларни талаб қилади:

товарларнинг номи, уларнинг миқдори ва нархи;
тўлов шакли: нақд пул ёки пластик карта орқали;
банк картаси тури: шахсий ёки корпоратив;
RRN-код (бу банк картасидан ҳар бир тўловга тайинланган ноёб рақам).

❖

2024 йилда Soliq мобил иловаси орқали кешбэк тўлаш давом этади.

Сотувчи-кассир товарларнинг номини, уларнинг миқдори ва нархини ҳамда тўлов шаклини танлаши керак. Харидордан аввалдан банк картаси турини аниқлаштириб, уни киритиши лозим.

Тўлов пластик картадан онлайн-НКМ ёки виртуал касса билан бирлаштирилган пин-код ёрдамида қабул қилинган тақдирда, RRN-код автоматик тарзда кўрсатилади. Бошқа барча ҳолларда RRN-код сотувчининг (кассирнинг) хоҳишига кўра қўлда киритилади. Маълумотнинг бирламчи манбаи – тўлов терминалининг чеки.

Эслатиб ўтамиз

Шунингдек, 10.01.2024 йилдаги ПҚ-13-сон Қарорга мувофиқ:

2024 йил 1 январдан бошлаб ойига 1% миқдорида кешбэк олиш мумкин бўлган харидлар суммасининг максимал миқдори БҲМнинг 60 баравари қилиб белгиланди. 2024 йил январь ҳолатига кўра бу 20 400 000 сўм;
корпоратив банк карталарига сотиб олинган товарлар учун кешбэк бекор қилинди;
Ижтимоий ҳимоя ягона реестрига киритилган жисмоний шахсларга яна 4 турдаги товарлар ва хизматлар: ун, шакар, дори-дармон воситалари ҳамда тиббий хизматлар учун ҚҚС қайтарилади;
Ижтимоий ҳимоя ягона реестрига киритилган фуқароларга ойига 3,4 млн сўм (БҲМнинг 10 баравари) миқдоридаги харидлар учун ҚҚС қайтарилади.

Бизнинг экспертларимиз доимо Buxgalter Pro учун солиқ ва бухгалтерия ҳисоби бўйича тушунтиришларни ёзадилар ва янгилайдилар.

Янги тавсияларни ўқинг:

Олег ГАЕВОЙ тайёрлади