Получите быстрые ответы, проверенные экспертами:
ЭРИни олиш ёки унинг амал қилиш муддатини узайтириш e-imzo.soliq.uz сайтида масофавий амалга оширилиши мумкин.
Биз текширдик, ҳаммаси ишламоқда:
Керакли тушунтиришни ўтказиб юбормаслик учун Телеграм-каналимизга обуна бўлинг.
1. Агар янги ЭРИни олиш керак бўлса
Жисмоний шахснинг шахсий ЭРИси ёки юридик шахснинг раҳбари номидаги ЭРИсини e-imzo.soliq.uz орқали олиш мумкин. Бунинг учун сайтга киринг ва ариза беринг.
Сизга экрандаги QR-кодни Soliq мобиль иловасининг «Электрон рақамли имзо» бўлими орқали сканерлаш ва Face ID дан ўтиш керак бўлади. Бунинг учун ЭРИ олаётган қурилма камераси билан олинган аниқ юз расмингизни (паспортсиз) юбориш кифоя. Рақамли имзони ариза учун тўловни амалга оширгандан сўнг дарҳол оласиз.
ЭРИ учун флешка, компьютерингиздаги «С» дискидаги DKEYS папкаси ёки USB-токен керак бўлади. Шунингдек – тасдиқлаш кодлари юбориладиган мобил телефон зарур.
Тўлов 
:
- жисмоний шахслар учун – БҲМнинг 7%и ЭРИ учун тўловни қабул қилувчи мобиль илова орқали;
- юридик шахслар учун – БҲМнинг 10%и ўтказма орқали, банк кассаси орқали ёки тўлов мобиль иловалари, жумладан SoliqUz орқали.
Тўлов реквизитларини бу ерда топасиз > > >
2. Агар ЭРИнинг амал қилиш муддатини «узайтириш» керак бўлса
«Узайтириш» сўзини қўштирноқ ичига оламиз, чунки амалда муддатни узайтиришда сиз эскисининг ўрнига янги ЭРИ калитини оласиз. Калит 2 йил муддатга берилади, шундан кейин уни яна янгилаш керак бўлади.
Агар сизнинг ЭРИнинг амал қилиш муддати ҳали тугамаган, лекин якунланишига яқин қолган бўлса, уни янгилаш янада осонроқ бўлади:
1) ҳали амал қилаётган ЭРИ ёрдамида e-imzo.soliq.uz даги шахсий кабинетга киринг. Бу ҳолда сизга селфи қилиш керак бўлмайди, тизим сизни ЭРИ орқали таниб олади;
2) ўнг бурчак панелидаги функционаллардан бирини ишлатинг – «Калит яратиш» (флешкадаги ЭРИ учун) ёки «USB-калит» (USB-токендаги ЭРИ учун);
3) ЭРИ бериш учун йиғимни ўзингизга қулай усулда тўланг;
4) яқин 2 йил учун ЭРИни олинг.
Қуйидаги масалалар бўйича батафсил тавсиялар:
- жисмоний шахснинг ЭРИсини олиш ва амал қилиш муддатини узайтириш;
- паролни ўзгартириш ва хавфсизликни таъминлаш;
- жисмоний шахснинг талаб қилинмаган ЭРИсини бекор қилиш ёки тўхтатиб туриш ҳақидаги маълумотларни –
Buxgalter.uz тавсия этади
- Директор алмашганда ЭРИ билан нима қилиш керак;
- Ходим бошқа лавозимга ўтганда ёки ишдан бўшатганда унинг номига берилган ЭРИ билан нима қилиш керак;
- Ваколатга эга бўлмаган шахснинг шахсий кабинетга киргани аниқланганда нима қилиш керак;
- Ташкилотни юридик шахснинг ЭРИсидан рухсатсиз фойдаланишдан қандай ҳимоя қилиш мумкин;
- Аутсорсинг компаниясига ЭРИ қандай берилади.
