Чет эл компанияси корхонани ходимлар билан таъминлаганда доимий муассаса шаклланадими

Вазият: чет эл компанияси Ўзбекистон корхонасига маълум ишларни бажариш учун малакали ишчиларни (ходимларни) жалб этади. Шартнома 1 йилдан ортиқ муддатга тузилган.

Чет эл компаниясининг фаолияти ДМнинг (доимий муассасанинг) шаклланишига олиб келадими? 

Buxgalter.uz тушунтиради:

– Шартнома муддатларидан қатъи назар, норезидентнинг фаолияти бир вақтнинг ўзида қуйидаги шартлар бажарилса, ДМнинг шаклланишига олиб келмайди:

1) ходимлар юридик шахс номидан ва унинг манфаатларини кўзлаб ҳаракат қилади, яъни корхонангиз номидан ва унинг манфаатларини кўзлаб фаолият олиб боради;

2) ўз ходимларини берган чет эл компанияси унинг иш натижалари учун жавобгар бўлмайди;

3) чет эл компаниясининг ходимларни беришдан олган даромади ушбу ходимларни тақдим этиш бўйича календарь йилдаги харажатлар умумий суммасининг 10 фоизидан ошмаслиги керак.

Ушбу талаблар бажарилмаган тақдирда  норезидентнинг юридик шахсга Ўзбекистон ҳудудида ишлаш учун чет эллик ходимларни жалб қилиш бўйича фаолияти ДМнинг ташкил этилишига олиб келади. Ва норезидент ушбу мақомда рўйхатдан ўтиши шарт.

Юқоридаги учта шарт бажарилишини солиқ органларига қандай ҳужжатлар билан исботлаш кераклиги бу ерда тушунтирилди > > >

Buxgalter.uz тавсия қилади:

 

• Чет эллик ходимга иш ҳақини қандай тўлаш керак;
• Норезидентнинг доимий муассасаси фойда солиғини қандай тўлаши керак;
• Россия компаниясининг доимий муассасаси қачон ташкил этилади;
• Норезидентларнинг даромадларидан олинадиган фойда солиғини тўлаш ва солиқ ҳисоботини тақдим этиш тартиби;
• Норезидентларнинг даромадларидан тўлов манбаида фойда солиғини тўлаш;
• Солиқ резидентлиги сертификатига қандай талаблар қўйилади.