АИКни расмийлаштиришда хатоларнинг олдини олиш йўллари

«Asl Belgisi» мутахассислари дори воситаларини импорт қилишда aslbelgisi.uz да агрегацияланган импорт кодини (АИК) расмийлаштиришда хатоларга йўл қўймаслик бўйича тушунтиришлар беришди.

Buxgalter.uz да ҳам бу борада тавсиялар мавжуд. Улашамиз:

Эслатиб ўтамиз: АИК – бу божхона расмийлаштируви ва божхона тартиб-таомилларидан ўтказиш мақсадида рақамли маркировкалаш операторининг маркировкаланган товарнинг ҳар бир алоҳида партияси учун яратадиган ноёб рақамли кодидир. АИКсиз мажбурий рақамли маркировкалашга тортиладиган товарни чегарадан ўтказиш мумкин эмас. АИК ГҚИК ва ТҚИК кодларини (гуруҳли ва транспорт қадоқларини идентификация қилиш кодлари) ўз ичига олиши мумкин.

Фақат бир хил GTIN (штрих-код)га эга товарларни агрегациялаш мумкин.

АИК БЮДнинг 31-графасида (юк жойлари ва товар тавсифи) 6-рақам остида – товар ҳақидаги умумий маълумотларни киритиш учун электрон БЮДда белгиланган майдоннинг ўзида кўрсатилади, БЮД 31-устунини батафсиллаштиришда эмас.

«Asl Belgisi» мутахассислари дистрибьюторлар содир этадиган кенг тарқалган хато ҳақида хабар беришди. Кўпинча улар барча маркировка кодларини қамраб олган ҳолда бутун етказиб беришга битта АИК расмийлаштирадилар, аммо шу билан бирга божхонадан уларнинг юкнинг фақат бир қисми ўтади. Натижада товар қолдиғи аллақачон муомалага киритилган ҳисобланади ва божхона расмийлаштирувига тортилмайди. Демак -- қолган маҳсулотни реализация қилишда қийинчиликлар юзага келади.

Шунинг учун, агар товар босқичма-босқич келса, муомалага киритиладиган етказиб беришнинг ҳар бир қисмига алоҳида АИК расмийлаштириш тавсия етилади. Бундай ҳолда муаммолар юзага келмайди.

Манбага қаранг.

Buxgalter.uz тавсия этади

 

• Импорт соҳасидаги қонунчиликни бузганлик учун қандай жавобгарлик белгиланган;
• Товарлар қандай маркировкаланади, ушбу қоидаларни бузганлик учун жарима солмасликлари учун нима қилиш керак;
• Мажбурий рақамли маркировкаланиши керак бўлган товарларга ЭҲФни қандай расмийлаштирилади;
• Маркировкаланган товарларни сотилиши онлайн-НКМ чекларида қандай акс эттирилади;
• Маркировкаланган товар муомаладан қандай чиқарилади.