Директор «тарғибот» хизматлари учун ўз картасидан ҳақ тўласа

«IT Park резиденти бўлган корхона блогерларни жалб қилиб, СММ орқали ўз дастурий таъминотини реклама қилмоқда. Уларнинг аксарияти ўз хизматларига тўлов иловаси орқали ҳақ тўлашни сўраяпти. Директор ўз банк картасидан тўлайди, биз эса «бизнесни ривожлантириш мақсадида» унинг харажатларини қоплашимиз керак. Бундай харажатларни қандай қилиб тўғри таснифлаш мумкин? Уларни қандай ҳужжатлар билан расмийлаштириш керак? Корхона ва ходим учун қандай солиқ оқибатлари юзага келади?»

Buxgalter Proобуначисининг саволига «Норма» эксперти, «Жавоб берамиз!» хизмати мутахассиси Азизахон ТОШХЎЖАEВА жавоб берди:

– Бундай схемада жиддий қонунбузарликлар мавжуд, уни амалда қўллаш, айниқса, алоҳида имтиёзли шартлар остида бўлган IT-парк резиденти учун хавфли.

Нега бундай қилиш мумкин эмас:

1. Блогернинг ноқонуний даромадлари. У пулни тўғридан-тўғри тўлов иловаси орқали – шартнома, ЭҲФ, бажарилган ишлар далолатномасисиз картасига олади. Унинг солиқ тўлашига шубҳа қилмоқдамиз. Бинобарин, солиқ инспекцияси текширув чоғида солиқларни қўшиб ҳисоблаши, сизнинг харажатларингизни эса асоссиз деб топиши мумкин. Маъмурий жарималар хавфи ҳам истисно этилмайди.

2. Директорга нотўғри компенсация:

Тасдиқланмаган норасмий харажатларни қоплаш мумкин эмас. Ҳатто директор компанияни илгари суриш учун ҳақ тўлаган бўлса ҳам, компенсация директорнинг моддий наф тарзидаги даромади сифатида тан олиниши мумкин, бу эса ЖШДС ва фойда солиғини қўшимча ҳисоблашга олиб келади  .

Хулоса: блогерга тўлов директор томонидан эмас, шартнома асосида юридик шахс томонидан амалга оширилиши керак.

Тўғри бажариш учун:

1. Блогер билан шартнома тузиш. Ўзини ўзи банд қилган шахс, ЯТТ, юридик шахс билан шартнома тузиш мумкин. Блогер ЭҲФни тақдим этади, бажарилган ишлар (кўрсатилган хизматлар) далолатномасини расмийлаштиради. Тегишинча, тўлов фақат юридик шахс номидан амалга оширилади, директор ёки бошқа ходимларнинг шахсий картасидан эмас.

Агар блогер ҳужжатларни расмийлаштира олмаса ёки хоҳламаса, бундай схемалардан воз кечган маъқул.

2. Барча харажатлар – фақат ҳужжатлар бўйича. Бу ҳолда харажатни иқтисодий жиҳатдан асосланган деб эътироф этиш ва уни солиқларни ҳисоблашда ҳисобга олиш мумкин.

3. Муқобил вариант: сиз маркетинг агентлиги билан шартнома тузишингиз мумкин ва улар аллақачон блогерга пул тўлашади. Бу сизнинг корхонангиз учун хавфсиз, чунки сиз юридик шахс билан ишлайсиз, пул ўтказиш юридик шахсдан юридик шахсга ўтказиш йўли билан амалга оширилади, ЭҲФ ва хизматлар кўрсатиш далолатномаси расмийлаштирилади. Ва сиз блогер учун қўшимча солиқ ҳисоблаш билан таҳдид қилинмайсиз.

Buxgalter.uz тавсия этади

 

• Реклама ва маркетинг учун харажатлар;
• Хизматлар чет эллик якка тартибдаги тадбиркор томонидан кўрсатилганда кимга ва қандай солиқлар тўланади;
• Чегириб ташланмайдиган харажатларни қандай аниқлаш керак;
• Моддий наф тарзидаги даромадларнинг қандай турлари мавжуд.