Ер солиғини янги тартиб бўйича қандай ҳисоблаш керак

28.08.2024 йилдаги ПҚ-304-сонли Президент қарори билан шаҳарлар ва қишлоқлар чегараларида жойлашган қишлоқ хўжалиги ерлари учун ер солиғини икки баравар миқдорда ҳисоблаш тартиби бекор қилинади. Солиқ қўмитаси бу қоида қачондан бошлаб амал қилишини аниқлаштирди.

– Янги тартиб Солиқ кодексининг 2-моддасига ўзгартишлар киритилгандан сўнг амал қила бошлайди. Тегишли Ўзбекистон Республикаси Қонуни лойиҳасини бир ой ичида тайёрлаш топширилган.

Бундан кейин шаҳарлар ва қишлоқларнинг маъмурий чегараларида жойлашган қишлоқ хўжалиги мақсадлари учун мўлжалланган ер участкалари бўйича ер солиғи бир карра миқдорда ҳисобланади.