ЖШДС ва ижтимоий солиқ ҳисоб-китобини тўлдириш қоидаларида нима ўзгарди

Солиқ қўмитаси солиқ агентлари учун ЖШДС бўйича солиқ ҳисоботини тўлдириш қисмида тушунтиришни эълон қилди. Ҳисоб-китобда ҳисобланган ЖШДС суммаси ва ходимлар кесимида ҳисобланган ЖШДС суммаси ўртасидаги оғишларнинг олдини олиш учун солиқ органлари текшириш шартини қўшишди.

Тафсилотлар – buxgalter.uz сайтида:

Сизда қуйидаги суммалар мувофиқ келиши керак:

1) Меҳнатга ҳақ тўлаш тарзидаги даромадлардан олинадиган ЖШДС (Ҳисоб-китобга 4-илованинг 13-устуни) + меҳнатга ҳақ тўлаш билан боғлиқ бўлмаган даромадлардан олинадиган ЖШДС (5-илованинг 8-устуни) + касаначилик фаолиятидан олинган даромадлардан ЖШДС (Ҳисоб-китобга 7-илованинг 9-устуни);

ва

2) Ходимлар сони 25 нафардан ортиқ бўлган филиаллар ва алоҳида бўлинмаларга тўғри келадиган ЖШДС (Ҳисоб-китобнинг 061-сатри 7-устуни) + мол-мулкни ижарага беришдан олинган даромадлардан ЖШДС (Ҳисоб-китобнинг 070-сатри 7-устуни) + ШЖБПҲга бадалларни ҳисобга олган ҳолда бюджетга тўланиши лозим бўлган ЖШДСнинг умумий суммаси (Ҳисоб-китобнинг 090-сатри 7-8-устунлари).

Манбага қаранг.

Эслатиб ўтамиз, илгари биз ЖШДС ва ижтимоий солиқ ҳисоб-китоби шаклидаги ўзгаришлар ҳақида ёзган эдик. Аммо кейинроқ Солиқ қўмитаси ҳисоботни тўлдиришнинг аввалги тартибига мувофиқ келадиган Ҳисоб-китобни тўлдириш бўйича йўриқномани эълон қилди. Ва кейинги хабарларни эътибор билан кузатиб боришни тавсия этди.