ДСҚ “нақдлаштирувчи идоралар”нинг айрим контрагентларига ҚҚС бўйича қарзни бўлиб-бўлиб тўлашга имкон беради

Тўланиши лозим бўлган ҚҚС суммасини камайтириш ҳуқуқини суиистеъмол қилган корхоналар рўйхати 574 та субъектни ўз ичига олади. ДСҚ бундай корхоналарнинг камерал текширувдан ўтган ва хатосини тан олган 586 та контрагентларига солиқ қарзини 2021 йил якунига қадар тенг улушларда тўлаш имконини беради.

Бундай чора регуляторнинг корхоналар ишининг узлуксизлигини таъминлаш истаги билан шартланган.

ДСҚнинг маълум қилишича, камерал текширувлар натижалари бўйича сохта битимлар 8 752 та корхонада (текширилганларнинг 97%и) тасдиқланган. Шу жумладан 1,1%ида ҚҚСни ғайриқонуний ҳисобга олиш ҳолати қисман тасдиқланган.

Текширилган корхоналарнинг 3%и ўзининг ҳақлигини исботлаган. Уларга нисбатан ортиқча ундирилган маблағларни ўрнини тезлаштирилган тарзда қоплаш тартиб-таомили йўлга қўйилган.

Давлат солиқ қўмитаси жорий йилнинг 1 майига қадар, ушбу корхоналар томонидан асоссиз ҳисобга олинган ҚҚС суммаси бўйича ихтиёрий қайта ҳисобот топширган тақдирда мазкур корхоналар мансабдор шахслари маъмурий ва жиноий жавобгарликка тортилмаслигини эслатиб ўтади.

Солиқ назорати давом этмоқда.

Манбага қаранг.