Сизга 10 майга қадар акциз солиғини тўлаш учун қуйидагилар керак бўлиши мумкин:
Давстатқўм сайтининг “Танланма кузатув” бўлимида тасдиқланган жорий йилнинг I чораги учун танланма кузатувга тушган кичик корхоналар ва микрофирмалар Рўйхати эълон қилинган. Шаклни тўлдириш учун buxgalter.uz йўриқномасидан фойдаланинг:
Рўйхатга киритилган корхоналар 4-kb savolnoma шаклини eStat 4.0. дастури орқали тўлдирадилар.
Эътибор беринг
4-kb savolnoma кузатув шаклини 2022 йилнинг I чораги учун 2022 йил 15 апрелга қадар тақдим этиш зарур.
Шакл қандай тўлдирилади
1. Ҳавола бўйича ЭРИ калити ёрдамида паролни кўрсатган ҳолда eStat 4.0. дастурига киринг. Сизнинг ташкилотингиз номи ва унинг реквизитлари - КТУТ, СТИР билан ойна очилади.
2. Ташкилотингиз номига босинг ва “шахсий кабинет”га тушасиз.
3. “Шахсий кабинет”нинг ўнг қисмида - сизнинг статистика ҳисоботларингизнинг “ҳолати” - “жўнатилганлар”, “рад этилганлар” ва “қабул қилинганлар”, шунингдек статистика органларининг ваколатли вакилларининг хабарномалари акс эттириладиган тугмалар мавжуд.
Кабинетнинг чап қисмида таклиф этилган рўйхатдан “Кичик бизнес ва тадбиркорлик” ҳаволасини танланг.
4. Сўнгра 4-kb savolnoma шаклини танланг ва “Жўнатиш” тугмасига босинг. Хавотирланманг, сизда шакл дарҳол жўнатилмайди, у шунчаки тўлдириш учун очилади.
Эътибор беринг
4-kb savolnoma шаклининг ҳар бир бўлими бўйича мантиқий назорат - кўрсаткичларни тўғри тўлдириш формуласи билан текшириш назарда тутилган. Шакл бўлимлари учун “Сақлаш” тугмаси назарда тутилган - унга босишни унутманг, акс ҳолда сизнинг бўлимлар бўйича тўлдирилган кўрсаткичларингиз сақланмайди ва қайтадан тўлдиришга тўғри келади.Тўлдиришда йўл-йўриқлар - 4-kb savolnoma шаклининг у ёки бошқа бўлимида айнан қайси кўрсаткичларни акс эттириш зарурлиги ҳақидаги шакл бўлимларининг жадвал қисми остидаги изоҳларга албатта эътибор беринг.
5. Шаклнинг барча зарур бўлимларини кўрсаткичлар (статистика ҳисоботининг юқори панели) билан тўлдиргач, “Жўнатиш” тугмасига босинг.
Ҳисоботнинг тўлдирилган шаклини 4-kb savolnoma шаклининг “Якуний қисми”да тегишли тугмага босган ҳолда Excel га юклаш мумкин.
“Шахсий кабинет”дан чиқиш учун унинг чап қисми юқорисида ташкилотингиз номига босинг ва кейин “Чиқиш” тугмасига босинг.
Агар мураккабликлар юзага келса...
- 4-kb savolnoma шаклини тўлдириш масалалари бўйича (71) 202-81-07, (71) 202-81-08 телефон рақамлари орқали мурожаат қилиш мумкин;
- eStat 4.0. дастури ишидаги техник масалалар бўйича (71) 202-81-45 телефон рақами орқали маслаҳат олиш мумкин.
Сизга муваффақиятлар тилаймиз, ҳурматли бухгалтерлар!
Татьяна ЛИМАРЕВА,
“Норма” эксперти
