2021 yilda chakana savdo sohasida qanday oʻzgartirishlar boʻldi

preview

Soliq ma’muriyatchiligini modernizatsiya qilish 2021 yilda chakana savdo sohasiga ham daxl qildi. Buxgalter.uz asosiy oʻzgartirishlarni jadvalga jamladi: 

№

NHH

Nima oʻzgartirildi

Sharhga havola

1

8.02.2021 yildagi 59-son VMQ

“Iste’molchilar huquqlarini himoya qilish va ushbu yoʻnalishda davlat organlari hamda tashkilotlari hamkorligini samarali tashkil etishni ta’minlash boʻyicha qoʻshimcha chora-tadbirlar toʻgʻrisida”

Chakana savdo ob’yektlarida xalq iste’moli tovarlarining nazorat xaridini tashkillashtirish va ularni ekspertizadan (testdan) oʻtkazish tartibi toʻgʻrisida nizom tasdiqlandi. Nizom nazorat xaridini oʻtkazishni rejalashtirish va moliyalashtirish masalalarini, ularning tartib-taomillarini, natijalar ustidan shikoyat qilish tartibini, boshqa muhim jihatlarni belgilaydi

>>

2

04.06.2021 yildagi PQ-5136-son qaror

 “Koʻchma savdo faoliyatiga axborot texnologiyalarini joriy etish va savdo avtomati orqali chakana savdo faoliyati bilan shugʻullanuvchi tadbirkorlik sub’yektlarini qoʻllab-quvvatlash chora-tadbirlari toʻgʻrisida”

Savdo avtomatlari va avtodoʻkonlar orqali chakana savdo faoliyatini tartibga solishning elektron tizimi joriy qilindi.

2021 yil 1 dekabrdan boshlab:

  • tadbirkorlar shu kabi savdo ob’yektlarini "K - SAVDO" AATda roʻyxatdan oʻtkazishlari va koʻchma savdo joyini  (xususiy mulkdorlarga tegishli joylardan tashqari) elektron auksionda "K - SAVDO" AAT orqali sotib olishlari kerak boʻladi

>>

3

28.07.2021 yildagi 468-son qaror

“Oʻzbekiston Respublikasida ichimlik mahsulotlarining iste’mol qadoqlariga depozit tizimini ixtiyoriy joriy etish toʻgʻrisida”

Quyidagilarni nazarda tutuvchi Ichimlik mahsulotlarining iste’mol qadoqlariga depozit tizimini ixtiyoriy tatbiq etish tartibi toʻgʻrisidagi nizom tasdiqlandi:

  • taralar turlarini aniqlash, depozit toʻlovi miqdorini oʻrnatish, depozit tizimini joriy etish yuzasidan vakolatli organni xabardor qilish;
  • mahsulotni depozitli tarada qadoqlanganligini identifikatsiya qilish uchun depozit markirovkasini amalga oshirish;
  • depozitli tarada qadoqlangan mahsulotni realizatsiya qilishda undiriladigan depozit toʻlovini amalga oshirish;
  • depozitli tarani yigʻishni tashkil etish va oʻzaro hisob-kitoblarni amalga oshirish;
  • depozit tizimi ishtirokchilarining huquq va majburiyatlari

>>

4

15.09.2021 yiladgi PF-6314-son Farmon

 “Tadbirkorlik sub’yektlari uchun ma’muriy va soliq yukini yanada kamaytirish, biznesning qonuniy manfaatlarini himoya qilish tizimini takomillashtirish chora-tadbirlari toʻgʻrisida”

2021 yil 1 oktyabrdan boshlab:

 

  • qat’iy belgilangan miqdordagi JShDS toʻlovchisi boʻlgan yakka tartibdagi tadbirkorlar tomonidan soliq hisoboti topshirilmaydi;
  • alohida tayyor import iste’mol tovarlarining bojxona deklaratsiyasi rasmiylashtirilgan sanadan keyin 12 oy oʻtgach sotuvga qoʻyilishi hamda chakana savdoda realizatsiya qilinishiga qoʻyilgan taqiq bekor qilindi.

 

2022 yil 1 yanvardan 2023 yil 1 yanvarga qadar:

  • respublika tumanlarida (Toshkent shahri bundan mustasno) faoliyat yurituvchi yakka tartibdagi tadbirkorlik sub’yektlariga belgilangan ijtimoiy soliq stavkasi 2 baravarga pasaytiriladi

>>

5

04.10.2021 yildagi PQ-5252-son qaror “Chakana savdo va xizmat koʻrsatish sohasida nazorat-kassa texnikasidan foydalanishni takomillashtirishga doir qoʻshimcha chora-tadbirlar toʻgʻrisida”

2021 yil 1 dekabrdan boshlab:

  • elektron toʻlov tizimlari xizmatlari yordamida amalga oshirilgan tranzaksiyalarning ("P2P" toʻlovlari bundan mustasno) elektron cheklarida avtomatik tarzda shakllanuvchi fiskal belgilarni majburiy aks ettirish talabi oʻrnatiladi.

2022 yil 1 yanvardan boshlab:

  • jismoniy shaxslarga chakana xaridlar uchun QR-kodi boʻyicha cheklarni roʻyxatdan oʻtkazish sharti bilan keshbekni qaytarish boshlanadi. Chek berilmaganligi toʻgʻrisidagi ma’lumot uchun jismoniy shaxs savdo shoxobchasi toʻlaydigan jarimaning 20%i miqdorida mukofot oladi;
  • Mahsulotlar (tovarlar va xizmatlar) yagona elektron milliy katalogi identifikatsiyalash kodlari aks ettirilmaydigan onlayn NKT cheklarini taqdim etish taqiqlanadi;
  • raqamli markirovkalangan mahsulotlarni sotishda onlayn NKTga ulangan maxsus qurilmalardan (2D-skanerlar, ma’lumotlarni yigʻuvchi terminallar yoki boshqa turdagi maxsus qurilmalar) majburiy foydalanish talabi oʻrnatiladi;

2023 yil 1 yanvardan boshlab quyidagi imkoniyatlarga ega boʻlmagan onlayn-NKTdan foydalanish mumkin emas:

  • bank kartalari orqali toʻlovlarni qabul qilish;
  • onlayn NKMning joylashgan joyi toʻgʻrisidagi ma’lumotni soliq organlariga taqdim etish (virtual kassalar va onlayn NKM sifatida foydalanilayotgan bank kartalarini qabul qiluvchi terminallar bundan mustasno);
  • shtrix-kodlar va raqamli markirovka kodlarini toʻgʻri oʻqish va aniqlash

>>

6

07.01.2021 yildagi 1-son VMQga 3-ilova

“Soliq xavfini boshqarish, soliq xavfi mavjud soliq toʻlovchilarni (soliq agentlarini) aniqlash va soliq tekshiruvlarini tashkil etish va oʻtkazish toʻgʻrisida”

Ulgurji va chakana savdo faoliyatini amalga oshirish tartibi toʻgʻrisida nizomga oʻzgartirishlar kiritildi. Chakana savdo ob’yektlari:

  • oʻzi (nomi, STIRi, manzili, ish vaqti, davlat roʻyxatidan oʻtkazilganligi, litsenziyalar gʻaqidagi ma’lumotlarni) toʻgʻrisidagi ma’lumotlarni tanishish uchun qulay joylarda  joylashtirishi;
  • tovarlarning sotib olinganligini tasdiqlovchi hujjatlarga ega va ularning muvofiqlik sertifikatlariga ega boʻlishi;
  • narxnomada tovar kelib chiqqan mamlakati, ishlab chiqaruvchisi va narxi, yaroqlilik muddatini koʻrsatishi kerak

 

7

22.09.2021 yildagi 595-son VMQ

“Soliq toʻlovchilarni hisobga olishni yanada takomillashtirish va qoʻshilgan qiymat soligʻining oʻrnini qoplash tartibini soddalashtirish chora-tadbirlari toʻgʻrisida”

2021 yil 1 dekabrdan boshlab:

  • DSQ yetkazib beruvchida hisobvaraq-fakturani rasmiylashtirishda mahsulot mavjudligini MXIK kodi boʻyicha aniqlaydi. Agar tizim yetkazib beruvchida  EHFni rasmiylashtirish paytida tovar mavjud emas deb hisoblasa, u hisobvaraq-fakturani rasmiylashtira olmaydi

 

8

20.09.2021 yildagi 587-son VMQ

 “Yirik shaharlarda, viloyatlar va tumanlar markazlarida tunu kun faoliyat yurituvchi savdo va xizmat koʻrsatish ob’yektlari joylashgan hududlarda jamoat xavfsizligini ta’minlash boʻyicha qoʻshimcha chora-tadbirlar toʻgʻrisida”

Yirik shaharlar, viloyatlar va tumanlar markazlarida tungi vaqtda ishlaydigan savdo va xizmat koʻrsatish ob’yektlariga IIV, Milliy gvardiya, FVV tomonidan qoʻshimcha xavfsizlik choralari belgilandi

>>

9

12.10.2021 yildagi OʻRQ-721-son Qonun

"Litsenziyalash, ruxsat berish va xabardor qilish tartib-taomillari toʻgʻrisida"gi Oʻzbekiston Respublikasi Qonuni qabul qilinganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish haqida”

Alkogol mahsulotlarini realizatsiya qilish uchun maxsus har oylik yigʻim tasdiqlandi. U alkogol mahsulotlarini realizatsiya qilish boshlanganligi toʻgʻrisida soliq organi xabardor qilingan kundan e’tiboran toʻlanadi

>>

Saida JONIZOQOVA tayyorladi

 

Savdo va ovqatlanish Savdo va ovqatlanish Savdo va ovqatlanish /oz/publish/doc/text176157_2021_yilda_chakana_savdo_sohasida_qanday_uzgartirishlar_buldi