2023 yil uchun mol-mulk soligʻi summasi toʻgʻrisidagi ma’lumotnoma qanday topshiriladi

Kecha imtiyozlarni notoʻgʻri qoʻllash muammosiga duch kelgan soliq toʻlovchilar, bugun  hisob-kitobni  yangi ma’lumot bilan topshirishlari mumkin. 

Buxgalter.uz Soliq qoʻmitasida tafsilotlarni aniqlashtirdi:

– 20 yanvar

boʻnak toʻlovlari miqdorini hisoblab chiqarish uchun joriy yil uchun soliq summasi toʻgʻrisidagi ma’lumotnomani taqdim etishning soʻnggi kuni . 2023 yil uchun yuridik shaхslar mol-mulkiga solinadigan soliq boʻyicha boʻnak toʻlovlari toʻgʻrisidagi ma’lumotnoma shakllari my.soliq.uzda joylashtirilgan:

• 10401_29-sonli shakl – aylanmadan olinadigan soliq toʻlovchilar uchun;
• 10401_30-sonli shakl – barcha qolgan yuridik shaхslar uchun.

Norezidentlar ma’lumotnomani taqdim etishmaydi.

Yuridik shaхslar mol-mulkiga solinadigan soliq boʻyicha boʻnak toʻlovlarini toʻlash muddatlari:

• aylanmadan olinadigan soliq toʻlovchilar uchun – yillik soliq summasining 1/4 miqdorida har chorak uchinchi oyining 20-kunidan kechiktirmay;
• barcha qolganlar uchun – yillik soliq summasining 1/12 qismi miqdorida har oyning 10-kunidan kechiktirmay. Bunda 2023 yilning yanvar oyi uchun 20 yanvardan kechiktirmay toʻlash lozim.

Manbaga qarang.

Sizga quyidagi qoʻshimcha tushuntirishlar asqotishi mumkin:

• Yuridik shaхslar mol-mulkiga solinadigan soliq qanday hisoblab chiqariladi;
• Yuridik shaхslar mol-mulkiga solinadigan soliq eng kam qiymatni hisobga olgan holda qanday hisoblab chiqariladi;
• Mol-mulk soligʻi qanday toʻlanadi va hisobot qanday taqdim etiladi;
• 2023 yilda mol-mulk soligʻini qanday toʻlaymiz;
• 2023 yilda mol-mulk soligʻi hisob-kitobi uchun ob’yektlarni mustaqil baholash mumkinmi;
• Soliq solish ob’yekti boʻlmasa, resurs soliqlari boʻyicha “nol koʻrsatkichli hisobotlar” topshirish kerakmi.

Oleg GAYeVOY tayyorladi