Получите быстрые ответы, проверенные экспертами:
Чорвачилик ва паррандачилик хўжаликларига бюджетга тўланган ҚҚСнинг бир қисмини қайтариш тўғрисидаги Вақтинчалик низом тасдиқланди.
Барча муҳим тафсилотлар ва қайтариш тартиби – buxgalter.uz шарҳида:
Муҳим янгиликларни ўтказиб юбормаслик учун Телеграм каналимизга обуна бўлинг.
Янги Вақтинчалик низом 07.11.2024 йилдаги 745-сон ВМҚга иловалар таркибига киритилди 
. У 2028 йил 1 январгача амал қилади.
Ҳужжат:
1) чорвачилик ва паррандачилик хўжаликларига ҳисобот даври учун бюджетга тўлаган ҚҚСнинг бир қисмини қайтариш тартибини белгилайди;
2) аниқлаштирилган солиқ декларацияси топширилиши натижасида ҳосил бўлган ортиқча тўлов суммасига тааллуқли эмас.
Чорвачилик ва паррандачилик хўжаликларининг фаолият тури иқтисодий фаолият турларининг умумдавлат таснифлагичи асосида аниқланади.
Қайси чорвачилик ва паррандачилик хўжаликларига тўланган ҚҚСнинг бир қисми қайтарилади
2025 йил 1 апрелдан бошлаб қуйидаги шартлар тўлиқ бажарилганда улар томонидан бюджетга тўланган солиқнинг 50%и ҳар ойнинг 25 санасигача автоматик равишда қайтарилади:
1) мулкчилик ёки ижара ҳуқуқида фойдаланиладиган ер участкаларининг мавжудлиги;
2) ҳисобот даврида топширилган солиқ ҳисоботига мувофиқ ҳисобланган солиқнинг ушбу ҳисобот даврининг 1-20 санаси оралиғида бюджетга тўлиқ тўланиши. Ҳисобот даврига олдинги ойларда ортиқча тўланган солиқ суммаси ҳам ҳисобга олинади;
Тўланган солиқнинг бир қисмини қайтариш ҳуқуқини йўқотмаслик учун ҳисоботни қандай тўлдириш ва ҚҚСни хатосиз ва аниқ муддатда тўлаш керак, тавсияда ўқинг > > >
3) ҳисобот даврида ишлаб чиқарилган йирик ва майда шохли чорва гўшти, сутини, парранда гўшти ва тухумлари (товуқ, бедана, ўрдак, ғоз, курка ва туяқуш) сотишдан олинган жами даромад барча товарлар (хизматлар) сотишдан олинган даромаднинг камида 90%ини ташкил этиши;
4) ҳисобварақ-фактуралар ёки касса чеклари сотилган товарлар (хизматлар) номенклатураси ва амалга оширилаётган фаолиятнинг аниқ белгилари ёки турларига мос келувчи МХИКни акс эттириши.
Эътибор беринг
Саноат йўли билан қайта ишланган гўшт, сут, парранда гўшти ва тухум учун тўланган солиқнинг бир қисми қайтарилмайди.
Чорвадор ва паррандачилар учун ҚҚСнинг бир қисмини қайтариш тартибини биз тавсияда босқичма-босқич ёзиб бердик > > > У ерда батафсил схема бор – нима қилиш керак ва қайси муддатларда.
Эътибор беринг
Агар хўжалик юритувчи субъектнинг солиқлар, молиявий жазолар ва жарималар бўйича қарзлари мавжуд бўлса, тўланган солиқнинг бир қисми биринчи навбатда уларни тўлашга йўналтирилади.
Тадбиркорлик субъекти томонидан тўланган солиқ суммаси камайтириш томонга ўзгарган тақдирда, камайтирилган суммага пропорционал равишда қайтарилган солиқнинг бир қисми бюджетга тўланиши керак.
ҚҚСнинг бир қисмини қайтаришни қисман ёки тўлиқ рад этишнинг асослари
Агар субъект юқорида келтирилган барча мезонларга жавоб бермаса (тегишли маҳсулот сотишдан олинадиган даромаднинг етарли бўлмаган улуши, солиқни тўлиқ тўламаслик, МХИКни нотўғри кўрсатиш ва ҳ.к.), солиқнинг бир қисмини қайтаришдан рад этиши мумкин.
Бундай ҳолда солиқ тўловчининг шахсий кабинетига 1 иш куни ичида солиқнинг бир қисмини қайтаришни рад этишнинг асосли сабаблари кўрсатилган хабарнома келади.
Агар нотўғри маълумотлар тақдим этиш, ҳужжатларни сохталаштириш фактлари аниқланса, қайтарилган солиқ суммалари пеня ҳисоблаб бюджетга ундириб олинади.
