22 октябрдан бошлаб мажбурий маркировкаланиши лозим бўлган товарлар рўйхатида нималар ўзгарди

2021-2026 йилларда идентификация воситалари билан мажбурий рақамли маркировкалаш талаби жорий этиладиган товарлар рўйхатига ўзгартиришлар киритилди. Бу 21.10.2025 йилдаги 662-сонли ВМҚда назарда тутилган.

Тафсилотлар - buxgalter.uz шарҳида:

Ўзгартиришлар 22 октябрдан кучга кирди. Унга кўра 2021-2026 йилларда идентификация воситалари билан мажбурий рақамли маркировкалаш талаби жорий этиладиган товарлар рўйхатида иккита ҳолат ўзгарди:

1. Рўйхатнинг 4-бандидан (Маиший техника) қуйидаги товар позициялари чиқариб ташланди:

• 8539 (чўғланма ёки газ-разрядли, электр лампалар, шу жумладан йўналтирилган ёруғликнинг герметик лампалари, шунингдек ультрабинафша ёки инфрақизил лампалар; ёйли лампалар; ёруғлик диодли (ЛЕД) ёруғлик манбалари);
• 8540 (термокатодли, совуқ катодли ёки фотокатодли электрон лампалар ва трубкалар (масалан, вакуумли ёки буғли ёки газ тўлдирилган лампалар ва трубкалар, симобли ёйли тўғриловчи лампалар ва трубкалар ва электрон-нурли трубкалар, телевизион узатувчи трубкалар).

2. Рўйхатга товар позицияси билан 8-банд қўшилди:

• 8507 (Электр аккумуляторлари, шу жумладан улар учун сепараторлар, тўғри бурчакли (шу жумладан квадрат) ёки бошқа шаклдаги).

Эслатма:

• Рақамли маркировкалаш воситалари билан қандай ишлай бошлаш керак;
• Мажбурий рақамли маркировкаланиши лозим бўлган товарларга ЭҲФни қандай расмийлаштирилади;
• Маркировкаланган товарларнинг сотилиши онлайн-НКТ чекларида қандай акс эттирилади.

Buxgalter.uz тавсия қилади:

 

• Рақамли маркировкалаш бўйича фойдали тавсиялар;
• GTIN (штрих-код) билан қандай ишлаш керак.