Получите быстрые ответы, проверенные экспертами:
Аввал хабар қилинганидек, 2025 йил 20 ноябрдан 10 декабргача (2025 йил 10 декабрь ҳам киради) тадбиркорлик субъектлари 2025 йил учун электрон чеклар ва онлайн-НКТ чекларидаги суммаларни тузатишлари мумкин.
Шу билан бирга, Солиқ қўмитаси кешбек тўланган чекларни ҳам олдиндан кешбек суммасини ўз ҳисобидан бюджетга қайтариш орқали тузатиш мумкинлигини маълум қилди.
Buxgalter.uz буни қандай амалга ошириш мумкинлигига аниқлик киритди:
Керакли тушунтиришни ўтказиб юбормаслик учун бизнинг Телеграм-каналимизга обуна бўлинг.
1. Бухгалтер юридик шахснинг my3.soliq.uz сайтидаги шахсий кабинети орқали мурожаат юбориши, унда СТИР (якка тартибдаги тадбиркорлар учун ЖШШИР), чек рақами ва санаси, шунингдек фискал модуль рақамини кўрсатган ҳолда чек суммасидаги хатони тузатиш зарурлиги тўғрисида маълум қилиши керак.
2. У ҳисоб рақами реквизитлари кўрсатилган хат олади, унга харид қийматининг 1 фоизи миқдоридаги кешбек суммасини ўтказиш керак.
3. Солиқ тўловчи тўловни амалга оширади, шунингдек шахсий кабинет орқали Солиқ қўмитасига тўловни тасдиқловчи квитанцияларни юборади.
Эътибор беринг
Бу ерда муҳим жиҳат бор: ўтказилган пулларни қайтариб бўлмайди. Шунинг учун тўлов қилишдан олдин суммани қайта текширинг.
4. Кейинчалик ҳудудий солиқ органларининг ишчи гуруҳи тузатиш киритиш бўйича қарор қабул қилади. Солиқ қўмитаси мурожаатларни кўриб чиқиш жараёнини кузатиб боришни тавсия қилади. Рад этилган тақдирда, унинг сабаблари бартараф этилгандан сўнг, қайта мурожаат қилиш мумкин бўлади.
Текширувдан сўнг my3.soliq.uz орқали ушбу чекка тузатиш киритиш имконияти очилади.
5. Тузатиш таъсир кўрсатадиган солиқ ҳисоботларини қайта топширинг. Аниқлаштирилган ҳисоботни тақдим этмаслик текширувдан олдинги таҳлил давомида аниқланадиган тафовутларга олиб келади.
Buxgalter.uz тавсия қилади
- НКТ чеки ва тушумлар тўғрисидаги ҳисоботда йўқотилган маълумотларни қандай тиклаш мумкин;
- Қачон ва қайси турдаги онлайн-НКТ тизими чекини харидорга бериш керак;
- Маркировкаланган товарларнинг сотилиши онлайн-НКТ чекларида қандай акс эттирилади;
- Солиқ қонунчилиги бузилмаслиги учун сотиш ва қайтариш чекларида нималар бўлиши лозим;
- Тўлов тизимлари ва маркетплейслар чекларининг солиқ қонунчилигига мувофиқлигини қандай таъминлаш мумкин.
