2025 йил июль ойи учун бош бухгалтер режаси

Июль ойида барқарорликни кутяпмиз. 2025 йил 1 июлдан бошлаб кичик ва ўрта бизнес учун янги мажбуриятларни назарда тутувчи НҲҲ қабул қилишга 2,5 йиллик мораторий амал қила бошлайди. Демак, бир муддат янгиликлардан дам олиш мумкин.

Тартибга солиш воситалари учун эса «ягона санадан янги қоидалар» тамойили – 1 январь ёки 1 июлдан қўлланилади . Ҳаммаси режа бўйича, асосийси – солиқ ва ҳисоботлар топширишни сўнгги кунгача чўзиб юрмаслик керак:

 

5 июль – сўнгги кун (5 июль шанба бўлгани учун 7 июлга кўчирилади**):

• банклар томонидан 2025 йил июнда норезидентларга тўланган даромадлар (дивидендлар ва фоизлар кўринишидаги даромадлар бундан мустасно) бўйича фойда солиғини тўлаш .

7 июль – сўнгги кун:

• 2025 йил июнда натура шаклида тўланган даромадлардан ЖШДС ва ШЖБПҲ бадалларини тўлаш  .

Натура шаклида даромадлар тўланганда ҳисобланган солиқ суммаси ва ШЖБПҲ бадаллари даромад тўланган ой тугагандан кейин 5 кун* ичида тўланади.

 

9 июль – сўнгги кун:

• умумий овқатланиш ва чакана савдо корхоналари, пиво ва пиво ичимликлари чакана савдоси, тамаки маҳсулотлари чакана савдоси томонидан 2025 йил июль ойи учун алкоголь маҳсулотларини реализация қилиш ҳуқуқи учун йиғимларни тўлаш .

 

10 июль – сўнгги кун:

• 2025 йил июнь ойи учун акциз солиғи ҳисоботини тақдим этиш ва уни тўлаш ;

 

• Марказий депозитарий томонидан 2025 йил июнь ойида ўзи ва инвестиция воситачилари томонидан рўйхатга олинган акциялар билан тузилган битимлар тўғрисидаги маълумотларни тақдим этиш ;
• айланмадан олинадиган солиқ тўламайдиган солиқ тўловчилар томонидан 2025 йил июль учун йиллик солиқ суммасининг 1/12 қисми миқдорида мол-мулк солиғи бўйича бўнак тўловларини тўлаш .

Айланмадан олинадиган солиқ тўловчилар мол-мулк солиғи бўйича бўнак тўловларини ҳар чоракнинг учинчи ойининг 20-санасидан кечиктирмай йиллик солиқ суммасининг 1/4 қисми миқдорида тўлайдилар;

 

• айланмадан олинадиган солиқ тўламайдиган солиқ тўловчилар томонидан 2025 йил июль ойи учун қишлоқ хўжалигига мўлжалланмаган ерлар учун ер солиғини йиллик солиқ суммасининг 1/12 қисми миқдорида тўлаш .

Айланмадан олинадиган солиқ тўловчилар қишлоқ хўжалигига мўлжалланмаган ерлар учун солиқни ҳар чоракнинг учинчи ойининг 20-санасидан кечиктирмай йиллик солиқ суммасининг 1/4 қисми миқдорида тўлайдилар;

 

• 16 ёшгача бўлган ногирон болани тарбиялаётган ота-онадан бирига қўшимча дам олиш куни учун юридик шахс харажатларини қоплаш учун Пенсия жамғармасидан маблағ (нафақа) олиш учун 2025 йил июнь ойи учун ариза тақдим этиш .

16 ёшгача бўлган ногирон болани тарбиялаётган ота-онадан бирига ёки ота-она ўрнини босувчи шахсга ойда бир қўшимча дам олиш куни берилади. Бу кун учун иш берувчи давлат ижтимоий суғуртаси маблағлари ҳисобидан кунлик иш ҳақи миқдорида нафақа тўлайди .

 

14 июль – сўнгги кун:

• 2025 йил июнь ойи учун ШЖБПҲга бадаллар бўйича реестрларни тақдим этиш ва тўлаш  ;

 

• I ва II тоифадаги субъектлар томонидан 2025 йил II чорак учун атроф-муҳитни ифлослантириш ва чиқиндиларни жойлаштириш учун компенсация тўловлари ҳисобини тақдим этиш .

III ва IV тоифадаги субъектлар ҳисобни йилда бир марта – ҳисобот йилидан кейинги йилнинг 25 январигача тақдим этади.

 

15 июль – сўнгги кун:

• 2024 йил учун тузатишларни ҳисобга олган ҳолда жами даромади 10 млрд сўмдан ошган солиқ тўловчилар томонидан кутилаётган фойдадан келиб чиқиб 2025 йил III чорак учун фойда солиғи бўйича бўнак тўловлари суммаси тўғрисида маълумотнома тақдим этиш ;

 

• 2025 йил июнь ойи учун ЖШДС ва ижтимоий солиқ бўйича ҳисобот тақдим этиш ва тўлаш. ЖШДС солиқ тўловчига даромад тўланаётган пайтда тўланади, лекин солиқ ҳисоботини тақдим этиш муддатларидан кечиктирмаслик керак  .

Ижтимоий солиқ ҳам солиқ ҳисоботини тақдим этиш муддатларидан кечиктирмай тўланади ;

 

• 2025 йил июль ойи учун қатъий белгиланган миқдорда ЖШДСни тўлаш.

Солиқ тўловчилар тадбиркорлик субъекти сифатида давлат рўйхатидан ўтган ёки якка тартибдаги тадбиркор ёхуд оилавий тадбиркорлик субъекти билан меҳнат шартномани тузган ойдан кейинги ойдан бошлаб қатъий белгиланган миқдорда ЖШДС тўлайдилар ;

 

• 2025 йил июнь ойи учун айланмадан олинадиган солиқ бўйича ҳисобот тақдим этиш ва уни тўлаш (қатъий суммада айланмадан олинадиган солиқ тўловчилар бундан мустасно)   .

Қатъий белгиланган суммада айланмадан олинадиган солиқ тўловчилар ҳисобот тақдим этишдан озод қилинган . Бунда улар солиқни календарь ойидан кейинги ойнинг 15-санасидан кечиктирмай ҳар ойда тенг улушларда тўлайдилар ;

 

• айланмадан олинадиган солиқ тўловчилари томонидан 2025 йил июнь ойи учун онлайн-НКТ чекларидаги техник хатоларни тузатиш  .

ҚҚС тўловчилар учун 2025 йил июнь ойи учун онлайн-НКТ чекларидаги техник хатоларни тузатишнинг сўнгги куни – 2025 йил 20 июль (21 июлга кўчирилади)  .

 

17 июль – қуйидагиларнинг сўнгги куни:

• айланмадан олинадиган солиқ тўловчилари томонидан 2025 йил августдан бошлаб қатъий белгиланган суммада солиқ тўлашга ўтиш тўғрисида хабарнома тақдим этиш .

 

20 июль – қуйидагиларнинг сўнгги куни (21 июлга кўчирилади, чунки 20 июль – якшанба**):

• 2025 йил июнь ойи учун ҚҚС ҳисоботини тақдим этиш ва уни тўлаш ;

 

• солиқ агентлари – ҚҚС тўловчилар томонидан 2025 йил июнь ойи учун ҚҚС ҳисоботини тақдим этиш ва уни тўлаш  :

– хорижий шахслардан харид қилинган товарлар (хизматлар) бўйича ;

– давлат мулки билан операциялар бўйича, мулк ҳуқуқи асосида қишлоқ хўжалигига мўлжалланмаган бўш ер участкалари операцияларини ҳам ўз ичига олган давлат мулкини реализация қилиш операциялари бундан мустасно .

ҚҚС тўловчи бўлмаган солиқ агентлари солиқ тўланган ойдан кейинги ойнинг 20-санасидан кечиктирмай ҳисобот тақдим этадилар ;

 

• 2025 йил II чорак учун фойда солиғи ҳисоб-китобини тақдим этиш ва уни тўлаш   .

Бюджет ташкилотлари ва истеъмол кооперативларидан ташқари нодавлат нотижорат ташкилотлари фойда солиғи бўйича солиқ ҳисоботини фақат солиқ даври (календарь йили) якунлари бўйича тақдим этадилар. Агар ўтган солиқ даври якунлари бўйича солиқ тўловчининг жами даромади бўлмаса, солиқ ҳисоботини тақдим этиш шарт эмас .

Хусусий амалиёт билан шуғулланувчи нотариуслар солиқ ҳисоботини тақдим этади ва фойда солиғини йилда 1 марта – ўтган солиқ давридан кейинги йилнинг 1 мартидан кечиктирмай тўлайдилар ;

 

• айланмадан олинадиган солиқ тўловчи бўлмаган юридик шахслар томонидан солиқ даври учун солиқ суммаси БҲМнинг 200 бараваридан ошадиган, 2025 йил июль ойи учун сув ресурсларидан фойдаланганлик учун солиқ бўйича бўнак тўловларини йиллик солиқ суммасининг 1/12 қисми миқдорида тўлаш.

 Солиқ даври учун солиқ суммаси БҲМнинг 200 бараваридан кам бўлган айланмадан олинадиган солиқ тўловчи бўлмаган юридик шахслар, шунингдек, айланмадан олинадиган солиқ тўловчилар ва якка тартибдаги тадбиркорлар сув ресурсларидан фойдаланганлик учун солиқ бўйича ҳар чорак учинчи ойининг 20-санасидан кечиктирмай йиллик солиқ суммасининг 1/4 қисми миқдорида бўнак тўловларини тўлайдилар;

 

• солиқ агентлари томонидан норезидентлар даромадларидан олинадиган солиқ суммалари бўйича 2025 йил июнь ойи учун ҳисобот тақдим этиш.

 Солиқ норезидентга даромад тўланган кундан кейинги кундан кечиктирмай тўланади ;

 

• хорижий юридик шахслар томонидан жисмоний шахсларга электрон шаклда хизмат кўрсатиш бўйича 2025 йил II чорак учун ҚҚС ҳисоботини тақдим этиш ва уни тўлаш  .

Хорижий юридик шахслар томонидан юридик шахсларга, шу жумладан Ўзбекистонда ДМ орқали фаолият юритаётган норезидентларга электрон хизматлар кўрсатилганда ҚҚСни бундай хизматлар харидорлари – солиқ агентлари тўлайди ва ҳисобот тақдим этади ;

 

• солиқ агентлари томонидан дивидендлар ва фоизлар суммасидан олинадиган солиқ бўйича 2025 йил июнь ойи учун ҳисобот тақдим этиш (қатъий белгиланган суммада айланмадан олинадиган солиқ тўловчилари бундан мустасно)  .

Солиқ дивидендлар ва фоизларни тўлаш санасидан кечиктирмай тўланади ;

 

• юридик шахслар томонидан 2025 йил июнь ойи учун ер қаъридан фойдаланганлик учун солиқ бўйича ҳисобот тақдим этиш ва солиқни тўлаш ;

 

• фойдали қазилмаларни қазиб олиш бўйича махсус рента солиғини 2025 йил II чорак учун ҳисобот тақдим этиш ва уни тўлаш (солиқ базаси – рента даромади мавжуд бўлганда) .

Рента зарари мавжуд бўлганда ҳисобот йилда бир марта – солиқ давридан кейинги йилнинг 1 мартидан кечиктирмай тақдим этилади;

 

• ҚҚС тўловчилари томонидан 2025 йил июнь ойи учун онлайн-НКТ чекларидаги техник хатоларни тузатиш  .

Айланмадан олинадиган солиқ тўловчилар учун 2025 йил июнь ойи учун хатоларни тузатишнинг сўнгги куни – 2025 йил 15 июль  .

 

23 июль – қуйидагиларнинг сўнгги куни:

• 2024 йил тузатишларни ҳисобга олган ҳолда жами даромади 10 млрд сўмдан ошган солиқ тўловчилар томонидан 2025 йил июль учун фойда солиғи бўйича бўнак тўловларини тўлаш .

Агар ойлик бўнак тўлови суммаси манфий ёки нолга тенг бўлса, тегишли чоракда бўнак тўловлари тўланмайди .

Жорий чоракда жами даромади 10 млрд сўмдан ошган солиқ тўловчилар, шу жумладан янги ташкил этилганлар, бундай ошиш юз берган тўлиқ чорак ўтганидан кейин ойлик бўнак тўловларини тўлайдилар .

 

25 июль – қуйидагиларнинг сўнгги куни:

• ходимларнинг меҳнат мажбуриятларини бажариши билан боғлиқ меҳнатда жароҳатланиш ёки касб касаллиги оқибатида ногиронлик, боқувчисини йўқотганлик муносабати билан тайинланган ва тўланган пенсиялар бўйича Пенсия жамғармасининг 2025 йил июнь ойи учун харажатларини қоплаш маблағларини тўлаш .

---

*Кунлар билан ҳисобланадиган муддат, агар календарь кунларида белгиланмаган бўлса, иш кунларида ҳисобланади. Бунда қонунчиликка мувофиқ дам олиш ва (ёки) ишланмайдиган байрам куни деб эътироф этилмаган кун иш куни ҳисобланади  .

** Агар муддатнинг сўнгги куни қонун ҳужжатларига мувофиқ дам олиш ва (ёки) ишланмайдиган кунга тўғри келса, муддат тугайдиган кун дам олиш ва (ёки) ишланмайдиган кундан кейинги иш куни ҳисобланади   .