Сизга 10 майга қадар акциз солиғини тўлаш учун қуйидагилар керак бўлиши мумкин:
“Ўзини ўзи банд қилган ҳунарманд реализация қилиш мақсадида ўз маҳсулотларини кичик туркумларда олиб чиқади. Бундай товарни божхона декларациясини расмийлаштирмасдан олиб чиқиш мумкинми? Қандай ҳажмда? Бу чегарада қандай ишлайди?”.
“Норма” эксперти Гулнора АБДУНАЗАРОВА ушбу саволга Божхона қўмитасининг Божхона назоратини ташкил этиш бошқармасидан жавоб олди:
– Жисмоний шахслар умумий қиймати 5 000 АҚШ долларидан кўп бўлмаган товарларни (шу жумладан – ўз маҳсулотларини) божхона декларацияси тақдим этмасдан Ўзбекистондан олиб чиқишларни мумкин. Бу ҳолда божхона ва транзит декларациясини тўлдириш керак эмас 
.
Олиб чиқилаётган товарларнинг божхона назорати бевосита чегара ёнидаги божхона масканларида олиб чиқилаётган товарларнинг номи, сони ва қиймати кўрсатилган ҳолда эркин тарзда тўлдирилган товар юкхати асосида амалга оширилади.
Жисмоний шахслар томонидан божхона чегараси орқали олиб ўтиладиган товарлар қиймати чеклар, квитанциялар ва (ёки) бошқа тижорат ҳужжатлари билан тасдиқланиши мумкин. Агар юкнинг эгаси маълум қилинган товарларнинг божхона қиймати тўғри белгиланганлигини тасдиқловчи ҳужжатлар ва маълумотларни тақдим этмаса, божхона органи уни мустақил равишда белгилаши мумкин.
