2023 йил IV чораги учун 4-kb шакли бўйича танлаб текширишга кимлар тушди

Статистика агентлиги жорий йилнинг IV чораги учун 4-kb шакли бўйича (qurilish, savdo, xizmat) танлама текширувга тушган кичик корхоналар ва микрофирмаларнинг Рўйхатини эълон қилди.

4-kb шакли бўйича (qurilish, savdo, xizmat) танлама текширилиши лозим бўлган ташкилотлар рўйхатини юклаш.

 

 

Корхона танлама текширишга тушган-тушмаганини қандай аниқлаш мумкин

Статистика агентлиги веб-сайтидаги интерфаол хизматдан фойдаланиб, корхонангиз танлама текширишга тушган-тушмаганини текширишингиз мумкин.

1. https://module.stat.uz/search/hisobot/uz/users.php саҳифасига ўтинг.

 

2. Корхонангизнинг СТИРи ва расмдаги кодни киритинг, сўнг «Кириш» тугмасини босинг.

 

3. Агар сизнинг корхонангиз танлама текширувга тушган бўлса, eStat 4.0 дастури орқали Сўровномани тўлдиринг.

 

Дастурга қандай кириш ва шаклни қандай тўлдириш керак

Паролни кўрсатиб, ЭРИ ёрдамида ҳавола бўйича eStat 4.0. дастурига киринг.

 

Ташкилотингиз номи ва унинг реквизитлари кўрсатилган ойна очилади – КТУК, СТИР.

Ташкилотингиз номи устига босинг ва сиз шахсий кабинетга ўтасиз. Унинг ўнг қисмида тугмалар акс этади – сизнинг статистик ҳисоботларингизнинг «ҳолати» («юборилган», «рад этилган», «қабул қилинган»), шунингдек статистика органларининг ваколатли вакилларининг хабарномалари.

Экраннинг чап қисмида тавсия этилган рўйхатдан «Хизматлар»  иловасини танланг.

Кейин 4-kb (qurilish, savdo, xizmat) шаклини танланг ва «Юбориш» тугмасини босинг. Хавотир олманг, шакл дарҳол юборилмайди, фақат тўлдириш учун очилади.

 

Шаклнинг барча керакли бўлимларини кўрсаткичлар билан тўлдиргандан сўнг (статистика ҳисоботи шаклининг юқори панели) яна «Юбориш» тугмасини босинг.

4-kb (qurilish, savdo, xizmat) шаклининг ҳар бир бўлими учун мантиқий назорат назарда тутилган – кўрсаткичларни тўлдиришнинг тўғрилигини формулалар билан текшириш.

Шаклнинг бўлимлари учун «Сақлаш» тугмаси назарда тутилган. Уни босишни унутманг, акс ҳолда бўлимлар бўйича тўлдирилган кўрсаткичларингиз сақланмайди ва уларни қайта киритишингизга тўғри келади.

Шунингдек, тўлдириш бўйича тавсияларга эътибор беринг – шакл бўлимларининг жадвал қисми остидаги пастки ёзувлар – айнан қайси кўрсаткичлар 4-kb (qurilish, savdo, xizmat) шаклининг у ёки бу қисмида акс эттирилиши кераклиги ҳақида.

 

Шакл:

• «ҳисобот чораги учун» (1-устун) – 2023 йилнинг IV чораги кўрсаткичлари билан;
• «йил бошидан бери» (2-устун) – 2023 йилнинг I, II, III ва IV  чораклари учун кўрсаткичлар билан (яъни, 2023 йил учун ўсиб борувчи якун билан);
• «ўтган йилнинг тегишли даври учун» (3 – устун) – 2022 йилнинг I, II, III ва IV  чораклари учун (яъни, 2022 йил учун ўсиб борувчи якун билан) тўлдирилади.

Ҳисоботнинг барча керакли бобларини (бўлимларини) тўлдиргандан сўнг «Якуний қисм»га ўтинг. Агар дастурнинг рухсат этилган мантиқий назорати мантиқий хатоларни аниқлаган бўлса, уларни «Эслатма»да тушунтиринг ва шундан кейингина «Юбориш» тугмасини босинг.

 

Юборишдан олдин ҳисобот шакли  «Қораламалар» папкасида жойлашган бўлади. Юборганингиздан кейин қайта ишланишига қараб – «Юборилган ҳисоботлар», «Қайта ишлаш жараёнида», «Қабул қилинган ҳисоботлар» ёки «Рад этилган ҳисоботлар»да.

Тўлдирилган ҳисобот шаклини Ехcелга юклаш учун «Хизматлар» каталогига ўтинг. Ўнг ойнада ушбу бўлимнинг ҳисоботлар рўйхати очилади, тепада иккита «Ҳисобот турлари» ва «Юборилган ҳисоботлар» иловалари бўлади. «Юборилган ҳисоботлар» иловаси устига босинг:

 

Ҳисоботларингиз рўйхати Excel файлини юклаш имконияти билан очилади.

 

«Шахсий кабинет»дан чиқиш учун унинг юқори чап қисмидаги ташкилотингиз номи устига, сўнгра «Чиқиш» тугмаси устига босинг.

4-kb шаклини (qurilish, savdo, xizmat) тўлдириш бўйича саволлар туғилса (71) 202-81-07, (71) 202-81-08 телефони орқали мурожаат қилиш мумкин.

eStat 4.0 дастурида ишлаш билан боғлиқ техник муаммолар бўйича сизга (71) 202-81-45 телефони орқали маслаҳат беришади.