Прочтите, если выплачиваете доходы нерезидентам, не связанные с ПУ:
Солиқчилар солиқ тўловчининг қарор қабул қилиш жараёнида иштирок этишга тайёрланишига йўл қўймаса, нима қилиш керак
Buxgalter.uz яқинда эълон қилинган материалларидан бирига қуйидаги шарҳни олди:
– “Солиқ органи бизга ДСБ қарорини юборди ва ўша куни кечроқ – ушбу қарорни қабул қилишда иштирок этиш учун ДСБга таклиф юборди. Ҳужжат бизни ДСБга таклиф қилишган куни келди. Соат 09:00 га чақиришди, хат эса тушдан кейин келди. ДСҚга ҳам шикоят ёздик, судда ҳам шу ҳақда гапирдик. Ҳеч ким эътибор ҳам бермади. Ва бу ягона ҳолат эмас, ҳозир ҳаммаси такрорланмоқда. Аввал қўшимча солиқларни ҳисоблаш ҳақидаги “талабнома”, кейин эса қарор келди. Камерал текширув тўғрисидаги далолатнома умуман йўқ”.
Вазиятни buxgalter.uz илтимосига биноан солиқ маслаҳатчиси, “ICONSULTANT” солиқ маслаҳатчилари ташкилоти директори Иродахон АББОСХОНОВА шарҳлаб берди:
Муҳим тушунтиришни ўтказиб юбормаслик учун бизнинг Телеграм-каналимизга обуна бўлинг.
– Ишингизни кўриб чиқиш учун Бизнес-омбудсманга ва солиқ органларининг хатти-ҳаракатлари устидан шикоят қилиш учун – маъмурий судга мурожаат қилишни тавсия қиламан.
Ушбу вазият давлат органи томонидан белгиланган тартиб ва солиқ тўловчилар ҳуқуқлари жиддий бузилишидан далолат беради. Камерал текширувларда солиқчилар ҳам, солиқ тўловчилар ҳам СКнинг 138-моддаси ва Солиқ текширувларини ташкил этиш ва ўтказиш тартиби тўғрисидаги низомда белгиланган қоидаларга қатъий риоя қилишлари керак.
ДСБ қарорини қабул қилишда иштирок этиш учун таклиф қилинган куннинг ўзида уни олиш сизнинг жараёнга тайёргарлик кўриш ва унда иштирок этиш ҳуқуқингизни бузади.
Тартиб-таомил бузилганлигини тасдиқловчи барча ҳужжатларни, шу жумладан - скриншотлар, СМС-хабарномалар ва ҳоказоларни сақланг. Улар солиқ органларининг қарорларини бекор қилиш учун асос бўлиб хизмат қилиши мумкин.
Кайфиятни туширмаслик ва ўз ҳақ-ҳуқуқларини изчил ҳимоя қилиш, қонунда белгиланган тартибга риоя этишни талаб қилиш муҳимдир.
Эътибор беринг
Маъмурий суд регламент бузилишига йўл қўйган солиқ органининг қарорини бекор қилади. Аммо кейинчалик, агар корхона солиқ соҳасида хато ёки ҳуқуқбузарликларга йўл қўйган бўлса, солиқчилар иқтисодий судга мурожаат қилишлари мумкин. У қўшимча ҳисоблашлар қисмида ДСБ тарафини олади. Биз бундай ҳолатлар ҳақида қуйидаги мақолада ёзганмиз:
Аммо ҳеч бўлмаганда тайёргарлик кўриш ва ўз позициянгизни асослаш учун вақтингиз бўлади.
Шунингдек, солиқ тўловчида солиқ текширувидан олдин ва кейин қўшимча ҳисоблашларни камайтириш имконияти мавжуд. Буни қандай амалга ошириш мумкинлигини адвокат Алберт САФИН ўз тавсиясида тушунтириб берди. Тўғри, бу материалдан фақат Buxgalter PRO тарифларида фойдаланиш мумкин:
Buxgalter.uz тавсия қилади:
Олег ГАЕВОЙ тайёрлади
