2024 йилда электрон ҳужжат айланиши операторини қандай танлаш керак

2024-йил 2 февраль

Сиз янги компания очмоқчи бўлсангиз ёки электрон ҳужжат айланиши операторини ўзгартирмоқчи бўлсангиз, ушбу мақола сиз учун фойдали бўлади. Биз тарифлар, имтиёзлар, мобил илованинг мавжудлиги ҳақида тасаввурга эга бўлишингиз ҳамда бизнесингиз учун мақбул ечимни танлай олишингиз учун қиёсий жадвалда операторларнинг шарҳини тайёрладик.

Кўпроқ шарҳлар ва маслаҳатлар – телеграм-каналимиздаги ҳаволаларда.

Солиқ қўмитасининг сайтида ушбу хизматни тақдим этиш ҳуқуқига эга бўлган ЭҲА операторлари рўйхати, уларнинг алоқа рақамлари ҳамда сайтга ҳаволалари мавжуд. Бугунги кунда рўйхатда 24 та оператор мавжуд.

Бизнинг шарҳимизга тор ихтисосли операторлар кирмаган, масалан, Paynet агентлари учун ЭҲА тизими, Invoice.uzasbo.uz бюджет ташкилотлари учун мўлжалланган. Бундан ташқари, тизимга сайтларига кириб бўлмайдиган ёки кам маълумот берадиган, кол-марказлари эса жавоб бермайдиган операторлар киритилмаган.

Ўзбекистон бозорида мавжуд операторларни кўп параметрлар бўйича таққослаб бўлмайди, чунки уларнинг орасида фақат ЭҲА ва бизнес учун мураккаб кўп қиррали платформаларни (масалан, 1UZ, Multibank, The mind, Hippo) таклиф қилувчи хизматлар мавжуд. Бизнинг жадвалимиз орқали сиз операторларнинг қайси бири арзонроққа тушишини, шунингдек, уларнинг мобил иловаси бор ёки йўқлигини тушунишингиз мумкин.

№	Оператор ва унинг расмий сайти	Имтиёз даври ёки ЭҲФ миқдори	Битта ҳужжатни юбориш нархи	Мобил илова
1	Soliqservis https://soliqservis.uz	Янги фойдаланувчилар учун биринчи 50 та ҳужжат текин	Битта ҳужжатни юбориш учун 300 сўм	йўқ
2	Faktura.uz https://faktura.uz	Биринчи 5 та ҳужжат текин	Тарифдан келиб чиқиб 550 сўмдан 900 сўмгача	бор
3	Didox https://didox.uz	Ойига 10 тагача чиқувчи ҳужжат текин	Тарифдан келиб чиқиб 250 сўмдан 600 сўмгача	бор
4	E-docs https://edocs.uz	Ойига 10 тагача чиқувчи ҳужжат текин	Тарифдан келиб чиқиб 270 сўмдан д 550 сўмгача	бор
5	1UZ Курьер https://1uz.uz	2 ойгача текин (150 тагача ҳужжат)	Битта ҳужжат юбориш учун 270 сўм	йўқ
6	Hujjat.uz https://hujjat.uz	йўқ	Битта ҳужжат юбориш учун 300 сўм	бор
7	E-invoice https://e-invoice.uz	йўқ	тарифдан келиб чиқиб 299 сўмдан 506 сўмгача	йўқ
8	The mind https://24m.uz	Ойига 50 тагача чиқувчи ҳужжат текин	Битта ҳужжат юбориш учун 300 сўм	йўқ
9	Uzcardtrade https://edo.uzcardtrade.uz	Биринчи ой текин	Битта ҳужжат юбориш учун 200 сўм	йўқ
10	Multibank https://multibank.uz	Айланмаси 100 млн сўмгача бўлган микрофирмалар тарифида ойига – текин	Ҳисобга хизмат кўрсатиш тариф режасидан қ атъи назар, multibank.uz мижозлари учун электрон ҳужжатларни юбориш текин	бор
11	Netdoc https://netdoc.uz	Биринчи 20 та ҳужжатни юбориш текин	Битта ҳужжат юбориш учун 250 сўм	йўқ
12	L-Factura https://l-factura.uz	йўқ	Битта ҳужжат юбориш учун 199 сўмдан 249 сўмгача	бор
13	Миллий электрон xизматлар маркази https://mexm.uz	йўқ	Тарифдан келиб чиқиб битта ҳужжат юбориш учун 320 сўмдан 600 сўмгача	йўқ
14	Hippo https://hippo.uz	йўқ	Битта ҳужжат юбориш учун 170 сўмдан 340 сўмгача	йўқ
15	Contracts https://contracts.uz	Старт тарифида ойига 50 тагача чиқувчи ҳужжат текин	Тарифдан келиб чиқиб битта ҳужжат юбориш учун 500 сўмдан 600 сўмгача	йўқ

❖

Агар танланган оператор сизни қониқтирмаса, ўқинг, қандай қилиб йўқотишларсиз ЭҲА операторини алмаштириш мумкин.

ЭҲА операторини танлашда қуйидагиларга эътибор беринг:

– тариф сиёсатига;
– интерфейснинг қулайлигига, шу жумладан мобил иловада;
– ҳисоб тизимлари билан мослик (сизнинг эҳтиёжларингизга қараб – 1C, САП, ORACLE);
– мажбурий маркировка қилинадиган товарлар билан ЭҲФни расмийлаштириш имконияти;

❖

Рақамли маркировкалаш қоидаларини бузганлик учун жарима – олмасликни тушунтирганмиз.

– авторизация вариантлари (ЭРИ ёки логин ёрдамида);
– шунингдек, тизимнинг қўшимча имкониятлари. Буларга қуйидагилар кириши мумкин: Ехcелга транзакцияларни экспорт қилиш, корпоратив карталарнинг мониторинги, офлайн режимда архивга кириш, ҳужжатларни босқичма-босқич келишиш, ташкилотни тузиш, банклар ва Солиқ қўмитасининг бошқа хизматлари билан интеграциялашув, битта ҳисоб ёзуви бўйича фойдаланувчилар сони, қўллаб-қувватлаш хизмати ишининг тезкорлиги ва бошқалар.

ЭҲА операторини танлашда яна бир йўналиш уларнинг машҳурлик даражаси бўлиши мумкин. Буни, масалан, бизнинг сўровимиз натижалари бўйича баҳолаш мумкин.

Қуйидаги тавсиялар сиз учун фойдали бўлади:

Саида ЖАНИЗАКОВА тайёрлади