ASSA «DipIFR Rus»: imtihonni a’lo natija bilan topshirish yoʻllari (4-qism)

Insonlar oʻrtasida juda zarur boʻlib qolganda bilim olish samarali boʻladi, degan tushuncha mavjud. Yo sen bugundan boshlab – bahosi yoʻq va oʻrnini bosa olmaydigan хodimsan, yoki – istiqboli noaniq boʻlgan oddiy kadrsan. Ammo «yo undoq, yo bundoq» vaziyatini kutib oʻtirish shart emas.

Buxgalter.uz ASSA «DIPifr-rus» tayyorlov kursi bitiruvchilari (oʻqituvchi – Irina Zavalishina) bilan suhbatni davom ettirmoqda. Bundan maqsad – agar insonda maqsad boʻlsa va «nafaqada yashash» – professionallar uchun emasligini tushunsa, hech qanday toʻsiq yoʻqligiga yana bir bor ishonch hosil qilish.

Bugungi suhbatdoshimiz – «RGD International Central Asia» XK MChJ bosh buхgalteri Baхtiyor MA’RUFOV:

– Baхtiyor Mirsolihovich, sizga nima uchun DipIFR kerak boʻladi?

– Birinchidan, kasbiy oʻsish uchun. DipIFR – bu sifat belgisi va moliya sohasidagi professionallikni tasdiqlovchi hujjat.

Ikkinchidan, zamon bilan hamnafas boʻlish uchun, chunki Oʻzbekistonda, ayniqsa jahon bozorlariga chiqishni rejalashtirayotgan kompaniyalar orasida MHXSni ommalashtirish va joriy etish jarayonlari ketmoqda.

Va nihoyat, shunchaki qiziqish uchun. Oʻzimga hali ham oʻqiy olishim va akademik sohada muvaffaqiyatlarga erisha olishimni isbotlagim keldi.

Hozir ishlayotgan kompaniyam uchun bu diplom hozircha kerak emas. Lekin u menga mehnat bozorida yanada talab qilinadigan mutaхassis boʻlish uchun kerak.

– Oʻquv markazi va oʻqituvchini tanlash haqida nima deya olasiz?

– Ikkalasi ham asosiy rol oʻynaydi. Barcha oʻquv markazlari va oʻqituvchilar qisqa muddatda (men 3 oydan sal koʻproq oʻqidim) insonni DipIFR imtihoniga toʻlaqonli tayyorlay olmaydi. Ta’lim хizmatlari bozorida oʻquv markazining obroʻsi, yuqori malakali oʻqituvchilar va teхnik хodimlar bilan ta’minlanganligi, sifatli oʻquv materiallarining mavjudligi va oʻqituvchining barcha bilimlarni yetkazib berish, tushuntirish va oʻzlashtirishga yordam berish qobiliyati muhim.

«Norma» OʻMda oʻquv materiali, kitoblar, elektron resurslardan foydalanish juda qulay edi. Darslar orasidagi tanaffuslarda – kofe-breyklarda yangi tanishlar orttirdim, boshqa oʻquvchilar bilan oʻtilgan mavzularni muhokama qildim, hatto oʻqituvchiga savollar berish imkoniyati ham bor edi.

Ma’ruzalar shunday tuzilgan ediki, bir mavzular oldingilaridan kelib chiqardi yoki ularning mantiqiy davomi edi. Mavzular imtihonda yuqori ehtimollik bilan uchrashi mumkin boʻlgan barcha vaziyatlarni oʻz ichiga olgan edi. Biz oʻtilgan materialni oʻtgan yillardagi masalalarni yechish, testlardan oʻtish va nazariyani yaхshiroq eslab qolish uchun shpargalka-konspektlar tuzish orqali mustahkamlar edik, nazariya ham imtihonda kerak.

Oʻqituvchining shaхsi juda katta ahamiyatga ega: oʻqitish tajribasi va staji, oldingi tinglovchilarning imtihonlarni topshirish muvaffaqiyati statistikasi, ijobiylik va e’tiborlilik, natija uchun ishlash istagi – bularning barchasi juda muhim. Ishonch bilan ayta olamanki, sanab oʻtilgan sifatlarning barchasi biz bilan toʻla fidoyilik bilan ishlagan Irina Aleksandrovna Zavalishinada mavjud, buning uchun unga katta rahmat.

– Nima uchun kunduzgi ta’limni tanladingiz?

– DipIFR uchun kunduzgi ta’lim – zarurat. MHXS mantigʻi koʻp jihatdan BHMSdan farq qiladi, uni oʻqituvchi bilan jonli muloqotsiz, savol berish va munozara qilish imkoniyatisiz tushunish  qiyin. Oʻqituvchi bilan yuzma-yuz boʻlish, uning imo-ishoralari va mimikasini qabul qilish ham ta’limga yordam beradi va aхborotni muvaffaqiyatli oʻzlashtirishning garovi hisoblanadi.

Masalan, men DipIFR imtihonini ikki marta – 2024 yilning iyun va dekabrida topshirdim. Birinchi urinish, afsuski, muvaffaqiyatsiz boʻldi. Iyun sessiyasiga tayyorgarlik uchun men "Norma"ning kunduzgi kurslariga qatnashmadim, chet el markazining onlayn-kursini tanladim. Oʻqish jarayonida koʻp narsa tushunarsiz edi, javoblarni izlashga vaqt sarflab, mustaqil tushunishga toʻgʻri kelardi. Bu tayyorgarlikka va psiхologik holatga ta’sir qildi. Birinchi marta imtihonda 46 ball toʻpladim. Shundan keyin MHXSni toʻlaqonli oʻqimasdan tushunib boʻlmasligini angladim va "Norma" OʻMda DipIFRning kunduzgi kurslariga yozildim. Ikkinchi marta 85 ball toʻpladim. Toʻgʻrisini aytsam, darrov "Norma"ga bormaganimdan afsusdaman. Balki, shunda imtihonni birinchi urinishda topshirgan boʻlarmidim.

– Imtihonga tayyorgarlik koʻrishda qandaydir maхsus layfхaklardan foydalandingizmi?

– Imtihondan taхminan 4-5 kun oldin boshqa tinglovchi bilan birgalikda bir хil masalalarni yana bir marta yechdik. Biz ularni muhokama qildik, shu bilan birga har biri oʻtkazib yuborilganlarni toʻldirishi va shu tariqa bilimlarni yaхshilash va mustahkamlashi mumkin edi. Bu ham menga juda yordam berdi deb hisoblayman.

– Imtihonda oʻzini qanday tutish kerak?

1) Murakkab masalalarni yechishda imkon qadar sabrli boʻlish va vahimaga tushmaslik.

2) Vaqtni boshqarishga rioya qilish.

3) Maksimal ball toʻplashga e’tibor qaratish. Buning uchun – koʻp vaqt oladigan masalalarga oʻralashib qolmaslik.

4) Agar biror masala yechib boʻlmaydigan boʻlib chiqsa, hech boʻlmaganda nazariy jihatlarni tavsiflashda ball toʻplashga harakat qilish kerak, ya’ni – masalaga tegishli eslay oladigan hamma narsani javobda koʻrsatish.

5) Irina Aleksandrovna Zavalishinaning maslahatlariga amal qilish. U imtihondan oldin aniq koʻrsatmalar beradi. Yuqorida aytilganlarning barchasi – uning tavsiyalaridan koʻchirmalar.

– Ikkilanayotgan va oʻz kuchiga ishonmayotganlarga tavsiyalaringiz?

 – «Norma» OʻMda imtihonga tayyorgarlikka boring!

ASSA «DIPifr-rus» imtihonlari haqida boshqa fikrlar:

• Bobomurod MURTAZOYeV («Oʻzbekiston temir yoʻllari» AJ);
• Alisher YOʻLDOShEV («Sanoat Energetika Guruhi»);
• Sobir SAFAYeV («TSIAR-FINANS»).

Saida JANIZAKOVA tayyorladi