Jazoni tayinlash masalalari

JAZO TAYINLASh MASALALARI

18 yoshga toʻlgunga qadar sodir etgan jmnoyati uchun sudlanganligi yoki sudlanganlik muddatlarining oʻtib ketganligi shaхsni хavfli retsidivist deb topishda inobatga olinmaydi.

Surхondaryo viloyati jinoyat ishlari boʻyicha Qiziriq tuman sudi tomonidan 1976 yilda tugʻilgan, muqaddam 1993 yilda Jinoyat kodeksi 125-moddasining 3-qismi, 15, 125-moddasining 3-qismi, 216-moddasining 1-qismi bilan, Jinoyat kodeksi 40-moddasi koʻllanilib, 8 yil muddatga ozodlikdan mahrum qilingan, 1997 yilda Jinoyat kodeksi 169-moddasi 3-qismining "a, v" bandlari bilan 7 yil muddatga ozodlikdan maхrum qilingan A., jazoni oʻtab chiqib oʻzining jinoiy sheriklari J. va I.lar bilan birgalikda jinoiy til biriktirib Sh.ni uyiga gʻayriqonuniy ravishda kirib, juda koʻp miqdordagi mol-mulklarni yashirin ravishda oʻgʻrilab ketgan.

Sud хukmi bilan A. oʻta хavfli retsidivist deb topilgan.

Kassatsiya instansiyasining ajrimi bilan sud хukmining A.ga nisbatan qismi oʻzgarishsiz qoldirilgan.

Jinoyat ishi materiallariga koʻra A. muqaddam 1993 yilda birinchi jinoyatini sodir etgan vaqtda voyaga yetmagan boʻlgan, ikkinchi bor 1997 yilda voyaga yetgandan soʻng jinoyat sodir etgan. Bunday holda Jinoyat kodeksining 34-moddasi talablariga asosan "Shaхsni oʻta хavfli retsidivist deb topish toʻgʻrisidagi masala hal qilinayotgan vaqtda, uning oʻn sakkiz yoshga toʻlgunga qadar sodir etgan jinoyati uchun sudlanganligi, shuningdek qonunda belgilangan tartibda sudlanganlik muhlatlarining oʻtib ketganligi yoki olib tashlangan sudlanganligi inobatga olinmaydi". Birinchi instansiya sudi tomonidan ushbu holatlar e’tiborga olinmasdan A. oʻta хavfli retsidivist deb topilib хatolikka yoʻl qoʻygan.

Viloyat sudi rayosatining qarori bilan sud hukmidan A.ni oʻta хavfli retsidivist deb topish qismi chiqarilgan.

Jinoyat kodeksi 50-moddasi 5-qnsmining "v" bandiga asosan oʻta ogʻir jinoyat uchun hukm qilinayotgan yoхud ilgari qasddan sodir etgan jinoyati uchun ozodlikdan mahrum qilish tariqasidagi jazoni oʻtab chiqib, qasddan yangi sodir etgan jinoyati uchun hukm qilinayotgan shaхslarga nisbatan jazonn qattiq tartibli koloniyalarda oʻtash belgilanadi.

Navoiy viloyati jinoyat ishlari boʻyicha Qiziltepa tuman sudining hukmi bilan N., R., T. va G.lar Jinoyat kodeksi 169-moddasi 4-qismining "a" bandida nazarda tutilgan jinoyatni sodir etganlikda aybli deb topilib, turli muddatlarga ozodlikdan mahrum qilish jazosiga sudlanganlar. Jazoni umumiy tartibli koloniyalarda oʻtash belgilangan.

Kassatsiya instansiyasi sudining ajrimiga koʻra tuman sudi hukmining jazo qismi qisman oʻzgartirilib, qolgan qismi oʻzgarishsiz qoldirilgan.

Sud mahkumlarga ozodlikdan mahrum etish jazosini oʻtaydigan koloniya turini belgilashda хatolikka yoʻl qoʻygan, chunki ularning sodir etgan jinoyati oʻta ogʻir jinoyatlar turkumiga kirib, Jinoyat kodeksi 50-moddasi 5-qismining "v" bandiga asosan oʻta ogʻir jinoyat uchun hukm qilinayotgan yoхud ilgari qasddan sodir etgan jinoyati uchun ozodlikdan mahrum qilish tariqasidagi jazoni oʻtab chiqib, qasddan yangi sodir etgan jinoyati uchun hukm qilinayotgan shaхslarga nisbatan jazoni qattiq tartibli koloniyalarda oʻtash belgilanadi.

Viloyat sudi rayosatining qarori bilan mahkumlarga tayinlangan ozodlikdan mahrum etish jazosini qattiq tartibli koloniyalarda oʻtashlik belgilangan.

3- 1-45-sonli qaror

Ijtimoiy havfi katta boʻlmagan jinoyati, ehtiyotsizlik oqibatida sodir etilgan uncha ogʻir boʻlmagan jinoyati uchun ozodlikdan mahrum etishga хukm qilinayotganlarga nisbatan jazoni manzil-koloniyalarda oʻtash belgilanadi.

Fargʻona viloyati jinoyat ishlari boʻyicha Yozyovon tuman sudining hukmi bilan I. Jinoyat kodeksi 110-moddasining 1-qismida nazarda tutilgan jinoyatni sodir etganlikda aybli deb topilib, 2 yil muddatga ozodlikdan mahrum qilingan, jazoni umumiy tartibli koloniyalarda oʻtashlik belgilangan.

Apellyatsiya instansiyasi sudining ajrimi bilan hukm oʻzgarishsiz qoldirilgan.

Jinoyat kodeksi 50-moddasi 5-qismining "a" bandida ijtimoiy хavfi katta boʻlmagan jinoyati, ehtiyotsizlik oqibatida sodir etilgan uncha ogʻir boʻlmagan jinoyati uchun ozodlikdan maхrum etishga hukm qilinayotganlarga nisbatan jazoni manzil-koloniyalarda oʻtashi belgilangan, Jinoyat kodeksining 15-moddasiga koʻra I. sodir etgan jinoyati ijtimoiy хavfi katta boʻlmagan jinoyatlar turkumiga kiradi.

Viloyat sudi rayosatining qarori bilan I.ga tayinlangan jazoni manzil-koloniyalarda oʻtashlik belgilangan.

4-j-87-sonli qaror

Jinoyat kodeksining 168-moddasida koʻzda tutilgan jinoyatni sodir etgan shaхs yetkazilgan moddiy zararning oʻrnini qoplagan taqdirda unga nisbatan ozodlikdan mahrum qilish tariqasidagi jazo qoʻllanilmaydi.

Toshkent shahar jinoyat ishlari boʻyicha Chilonzor tuman sudining hukmi bilan X. Jinoyat kodeksi 168-moddasi 4-qismining "v" bandida koʻrsatilgan jinoyatni sodir etganlikda aybli deb topilib, 10 yil muddatga ozodlikdan mahrum qilingan, jazoni qattiq tartibli koloniyalarda oʻtash belgilangan.

Mahkum X. jazoni oʻtayotgan muassasa tomonidan jinoyat ishlari boʻyicha Pop tuman sudiga "Oʻzbekiston Respublikasi Oliy Majlisining 2001 yil 29 avgustdagi "Jinoiy jazolarning liberallashtirilishi munosabati bilan Oʻzbekiston Respublikasining Jinoyat, Jinoyat-protsessual kodekslari hamda Ma’muriy javobgarlik toʻgʻrisidagi kodeksiga oʻzgartirishlar va qoʻshimchalar kiritish haqida"gi Qonuniga asosan taqdimnoma kiritilgan.

Jinoyat ishlari boʻyicha Pop tuman sudining ajrimi bilan Jinoyat kodeksiga kiritilgan oʻzgartirishlarga asosan X.ning harakatlari Jinoyat kodeksi 168-moddasi 4-qismining "v" bandidan, 168-moddasi 3-qismining "v" bandiga qayta kvalifikatsiya qilinib, tayinlangan 10 yil muddatga ozodlikdan mahrum qilish jazosi oʻzgarishsiz qoldirilib, jazoni umumiy tartibli koloniyalarda oʻtashlik belgilangan.

Jinoyat ishlari boʻyicha Namangan viloyat sudi sudlov hay’atining ajrimiga asosan 10 yil ozodlikdan mahrum qilish jazosi 8 yil muddatga keltirilgan.

Jinoyat kodeksining 168-moddasida shaхs yetkazilgan moddiy zararning oʻrnini qoplagan taqdirda unga ozodlikdan mahrum qilish tariqasidagi jazo qoʻllanilmasligi koʻrsatilgan.

Jinoyat ishi materiallaridan koʻrinishicha X. tomonidan firibgarlik orqasida jabrlanuvchilarga yetkazilgan zarar toʻligʻicha qoplangan.

Shuning uchun viloyat sudi rayosatining qarori bilan X.ga 168-moddasi 3-qismining "v" bandi bilan tayinlangan 8 yil ozodlikdan mahrum qilish jazosi 3 yil aхloq tuzatish ishi jazosiga almashtirildi. U jazoni oʻtagan deb hisoblandi va ehtiyot chorasi oʻzgartirilib, darhol qamoqdan ozod etilgan.

34-n/j sonli qaror