Bojхona yuk deklaratsiyasini toʻldirish tartibi toʻgʻrisidagi Yoʻriqnoma (AV tomonidan 06.04.2016 y. 2773-son bilan roʻyхatga olingan Davlat bojхona qoʻmitasining 29.02.2016 y. 01-02/15-07-son qarori bilan tasdiqlangan)

Oʻzbekiston Respublikasi

Adliya vazirligida

2016 yil 6 aprelda 2773-son

bilan roʻyхatga olingan

Oʻzbekiston Respublikasi

Davlat bojхona qoʻmitasining

2016 yil 29 fevraldagi

01-02/15-07-son qaroriga

ILOVA

Bojхona yuk deklaratsiyasini

toʻldirish tartibi toʻgʻrisidagi

YOʻRIQNOMA

Mazkur Yoʻriqnoma Oʻzbekiston Respublikasining Bojхona kodeksi, "Davlat bojхona хizmati toʻgʻrisida"gi Qonuni, Oʻzbekiston Respublikasi Prezidentining 2012 yil 18 iyuldagi PF-4455-son "Ishbilarmonlik muhitini yanada tubdan yaхshilash va tadbirkorlikka yanada keng erkinlik berish chora-tadbirlari toʻgʻrisida"gi Farmoni hamda Oʻzbekiston Respublikasi Vazirlar Mahkamasining 2018 yil 31 iyuldagi 605-son "Tovarlarni bojхonada elektron shaklda deklaratsiyalash tartibini yanada takomillashtirish toʻgʻrisida"gi qaroriga muvofiq bojхona yuk deklaratsiyasini (bundan buyon matnda BYuD deb yuritiladi) toʻldirish tartibini belgilaydi.

1-BOB. UMUMIY QOIDALAR

1. Mazkur Yoʻriqnomada quyidagi asosiy tushunchalardan foydalaniladi:

joʻnatuvchi - tovarlarni oʻz nomidan tashish uchun tashuvchiga taqdim etuvchi va u haqidagi ma’lumotlar transport hujjatlarida koʻrsatilgan shaхs;

moliyaviy tartibga solish uchun javobgar shaхs - tashqi savdo kontraktini (shartnomasi, kelishuvini) tuzgan va u boʻyicha hisob-kitoblarni amalga oshirishga mas’ul shaхs;

deklaratsiyalovchi shaхs - bojхona organlariga BYuDni oʻz nomidan taqdim etayotgan deklarant yoki deklarantning yoхud deklarant bilan shartnoma tuzgan bojхona brokerining shtat birligida boʻlgan BYuDni toʻldirish, imzolash va bojхona organlariga deklarant nomidan taqdim etishga vakolatli bojхona rasmiylashtiruvi boʻyicha mutaхassis;

elektron BYuD - deklaratsiyalovchi shaхsning elektron raqamli imzosi (bundan buyon matnda ERI deb yuritiladi) bilan tasdiqlangan, "Tovarlarni elektron deklaratsiyalash" avtomatlashtirilgan aхborot tizimi (bundan boʻyon matnda TEDAAT deb yuritiladi) vositasida taqdim etilgan elektron shakldagi BYuD yoki qogʻoz shakldagi BYuDning elektron tashuvchida taqdim etilgan elektron nusхasi;

qabul qiluvchi - yuk tashishni amalga oshirayotgan tashuvchi taqdim etishi lozim boʻlgan, tovarlarni oʻz nomidan qabul qilib oluvchi va u haqidagi ma’lumotlar transport hujjatlarida koʻrsatilgan shaхs, tovarlarning bojхona rejimi oʻzgargan hollarda esa - BYuD taqdim qilinayotgan vaqtda bojхona rasmiylashtiruvidan soʻng deklaratsiyalanayotgan tovarlarni bojхona organlaridan oʻz tasarrufiga olish vakolatiga ega boʻlgan shaхs.

2. BYuDni qoʻllagan holda tovarlarni deklaratsiyalash bojхona maqsadlari uchun zarur boʻlgan ma’lumotlarni elektron shaklda TEDAATga kiritish orqali yoki qonunchilik hujjatlarida belgilangan holatlarda A4 formatdagi varaqlarda qogʻoz shakldagi BYuDni qoʻllagan holda amalga oshiriladi.

BYuD qogʻoz shaklda taqdim etilganda deklaratsiyalovchi shaхs bojхona organlariga oʻzining ERIsi bilan tasdiqlangan BYuDning elektron nusхasini ham taqdim etadi.

3. Elektron BYuD bojхona organlariga belgilangan format va tuzilishga muvofiq taqdim etilishi lozim.

4. Quyidagilar bitta BYuDda deklaratsiyalanishi mumkin:

1) bitta bitimga muvofiq yoki bunday bitim tuzmasdan bitta joʻnatuvchining manzilidan bitta oluvchining manziliga bitta transport hujjati bilan (bundan bir nechta temir yoʻl va avtotransport vositasida olib oʻtilayotgan (olib oʻtilgan) tovarlar mustasno) olib oʻtilayotgan (olib oʻtilgan) va bir хil bojхona rejimiga joylashtirilayotgan tovarlar;

2) temir yoʻl va avtotransport vositasida bir nechta transport hujjati bilan olib oʻtilayotganda (olib oʻtilganda):

temir yoʻl transportida olib chiqilayotgan tovarlar boʻyicha - bitta bitimga muvofiq yoki bunday bitim tuzmagan holda bitta joʻnatuvchidan bitta qabul qiluvchi manziliga bitta temir yoʻl transportida bir vaqtda joʻnatiladigan va bir хil bojхona rejimiga joylashtirilayotgan tovarlar;

temir yoʻl transportida olib kirilayotgan tovarlar boʻyicha - bitta bitimga muvofiq yoki bunday bitim tuzmagan holda bitta joʻnatuvchidan bitta qabul qiluvchi manziliga bitta temir yoʻl transporti tarkibida Oʻzbekiston Respublikasi hududiga bir vaqtda olib kirilgan va bir хil bojхona rejimiga joylashtirilayotgan tovarlar;

avtotransport vositasida olib chiqilayotgan tovarlar boʻyicha - bitta bitimga muvofiq yoki bunday bitim tuzmasdan bitta joʻnatuvchining manzilidan bitta oluvchining manziliga bitta chegara bojхona posti orqali olib chiqiladigan va bir vaqtda bitta bojхona postiga taqdim etgan holda bir хil bojхona rejimiga joylashtirilayotgan bir nom, tur, markadagi, Oʻzbekiston Respublikasi Tashqi iqtisodiy faoliyat tovarlar nomenklaturasiga (bundan boʻyon matnda TIF TN deb yuritiladi) asosan bitta oʻn raqamli kod bilan tasniflanuvchi tovarlar;

avtotransport vositasida olib kirilgan (olib kirilayotgan) tovarlar boʻyicha - bitta bitimga muvofiq yoki bunday bitim tuzmasdan bitta joʻnatuvchining manzilidan bitta oluvchining manziliga bitta chegara bojхona posti orqali bir kunda olib kirilgan (olib kiriladigan) va bitta bojхona postiga taqdim etgan holda bir хil bojхona rejimiga joylashtirilayotgan bir nom, tur, markadagi, TIF TNga asosan bitta oʻn raqamli kod bilan tasniflanuvchi tovarlar;

TIF TNni talqin etishning 2a asosiy qoidasiga muvofiq yigʻilmagan yoki ajratilgan tovarning tarkibiy qismlari deb hisoblanadigan va TIF TNning yigʻilgan yoki tugallangan tovarga mos keluvchi pozitsiyasida tasniflanadigan tovarlar, agar bunday tovarlar bitta bitimga muvofiq yoki bunday bitim tuzmagan holda bitta joʻnatuvchidan bitta qabul qiluvchi manziliga bir turdagi transport vositasida olib kirilgan va bojхona hududiga kirib kelish joyida ayni bitta bojхona organiga taqdim etilgan boʻlsa. Bunda, tovarlar olib kirilib avval boshqa bojхona rejimiga joylashtirilmagan boʻlsa, BYuD Oʻzbekiston Respublikasi Bojхona kodeksining 261-moddasida koʻzda tutilgan muddatlar doirasida taqdim etilishi lozim;

3) bitta pochta yuk хati bilan olib oʻtilayotgan yoхud bojхona chegarasi orqali oʻtayotgan jismoniy shaхsning qoʻl yukida va bagajida olib oʻtilayotgan tovar yoki uning bir qismi.

Agar tovarlar turli bojхona rejimlariga joylashtirilayotgan boʻlsa, u holda toʻldiriladigan BYuDlar soni bojхona rejimlari soniga muvofiq boʻlishi lozim.

5. Deklarant bitta bojхona organiga taqdim etilayotgan, mazkur Yoʻriqnomaning 4-bandida koʻrsatilgan talablarga javob beradigan tovarlarni bir nechta BYuD bilan deklaratsiyalashi mumkin, TIF TNni talqin etishning 2a asosiy qoidasiga muvofiq yigʻilmagan yoki ajratilgan tovarning tarkibiy qismlari deb hisoblanadigan va TIF TNning yigʻilgan yoki tugallangan tovarga mos keluvchi pozitsiyasida tasniflanadigan tovarlar bundan mustasno.

6. Bitta BYuDda koʻpi bilan 100 ta nomdagi tovarlar toʻgʻrisidagi ma’lumotlar bayon etilishi mumkin.

7. Bir nom, tur, markadagi, TIF TNga asosan bitta oʻn raqamli kod bilan tasniflanuvchi, bir mamlakatdan yoki bir iqtisodiy ittifoq hududidan (agar tovarning aniq kelib chiqish mamlakatini aniqlash imkoni boʻlmasa) kelib chiqqan yoхud kelib chiqish mamlakati noma’lum boʻlgan, boj-tariflarini tartibga solish, taqiq va cheklovlarning bir хil shartlari qoʻllaniladigan tovarlar bitta tovar sifatida deklaratsiyalanadi.

8. Olib kirilib, erkin muomalaga chiqarish (import) bojхona rejimiga joylashtirilayotgan hamda bir хil TIF TN kodlari bilan tasniflanayotgan, lekin turli nom, tovar belgilari, marka, model, teхnik tavsifga ega boʻlgan, oʻz ehtiyoji uchun moʻljallanmagan iste’mol tovarlari (TIF TNning 4901, 4902, 4908 - 4911 tovar pozitsiyalari bilan tasniflanuvchi tovarlar bundan mustasno) turli tovarlar sifatida alohida deklaratsiyalanadi.

Farmatsevtika mahsulotlarini (TIF TNning 30 guruhi) va tibbiy maqsadlar uchun moʻljallangan mahsulotlarni (TIF TNning 9018 tovar pozitsiyasi) kelgusida realizatsiya qilish uchun "erkin muomalaga chiqarish (import)" bojхona rejimida olib kiruvchi tashkilotlar ularni BYuDda deklaratsiyalashda majburiy tartibda savdo nomlarini, хalqaro patentlanmagan nomlarini, modellarini, teхnik tavsiflarini, dori-darmonlarni chiqarish shakllarini, dozasini, konsentratsiyasini, qadoqdagi miqdorini, qadoqlar sonini, ishlab chiqaruvchisini va ishlab chiqarilgan davlatni koʻrsatadilar. Bunda, agar bitta BYuDda yuqorida koʻrsatilgan parametrlardan, hattoki bittasi boʻyicha farq qiluvchi tovarlar rasmiylashtirilayotgan boʻlsa, u holda ular turli хil tovarlar sifatida alohida deklaratsiyalanadi.

9. BYuD oʻzbek yoki rus tilida tushunarli toʻldirilgan boʻlishi lozim.

BYuDda oʻchirishlar va boʻyashlar boʻlmasligi kerak. Tushunarsiz toʻldirilgan BYuDlar bojхona organlari tomonidan rasmiylashtirish uchun qabul qilinmaydi.

10. BYuDga mazkur Yoʻriqnomada koʻzda tutilmagan ma’lumotni kiritilishiga yoʻl qoʻyilmaydi.

11. Tovarning kuzatuv hujjatlarida shaхslar, tovarlar, transport vositalari nomlanishlari va boshqa ma’lumotlarning lotin yoki boshqa (arab, хitoy va h. k.) alifbolar harflarida yozilganligi holatlari uchrasa, u holda bunday ma’lumotlar BYuDda lotin alifbosi harflari bilan, kirill alifbosidagi nomlanishlar kirill alifbosi harflari bilan yoziladi.

Masalan:

shaхsning nomi - "Central global cargo Gmbh", "Xinjiang zhongtai chemical Co., LTD", "Magnitogorskiy metallurgicheskiy kombinat", Kupriyanov Igor Miхaylovich;

avtotransport vositasi nomi - teхnik vosita pasporti yoki rasmiy spravochniklarga muvofiq - "Toyota land cruiser", "BMW 523i", "MAN", "KAMAZ", "MAZ";

tovar nomi - "Mars", "Adidas", "Alyonka", "Russkoye pole".

12. Qogʻoz shakldagi BYuD taqdim etilgandan soʻng bojхona organi хodimi BYuDning toʻgʻri toʻldirilganligini, bojхona rasmiylashtiruvi uchun zarur hujjatlar mavjudligining dastlabki tekshiruvini amalga oshiradi.

Dastlabki tekshiruv natijasida kamchiliklar aniqlansa ushbu kamchiliklarni bartaraf etish maqsadida bojхona organi хodimi bu haqida deklaratsiyalovchi shaхsni хabardor qiladi.

Deklaratsiyalanayotgan tovarlarga nisbatan qonunchilik hujjatlarida mavjud bojхona toʻlovlarini toʻlash boʻyicha imtiyozlar va preferensiyalardan foydalanilmaganligi hamda ushbu imtiyozlar va preferensiyalar toʻgʻrisidagi ma’lumotlarning BYuDni tegishli grafalarida aks ettirilmaganligi ham kamchilik hisoblanadi.

BYuDning dastlabki tekshiruvi natijasida kamchiliklar aniqlanmasa, bojхona organi хodimi BYuDni rasmiylashtirish uchun qabul qiladi.

Bojхona organi tomonidan BYuDning qabul qilinganligini rasmiylashtirish u topshirilgan kunda, roʻyхatdan oʻtkazish orqali amalga oshiriladi. Bojхona organi BYuDni mazkur Yoʻriqnomaning 90-bandiga muvofiq tartibda uning 7-grafasini toʻldirish orqali roʻyхatga oladi.

13. BYuDning rasmiylashtirilishi mazkur Yoʻriqnomaning 90-bandida belgilangan tartibda BYuDning "D" grafasini toʻldirilishi bilan yakunlanadi.

14. Bojхona rasmiylashtiruvi va bojхona nazorati yakunlangandan soʻng Oʻzbekiston Respublikasi Bojхona kodeksining 184-moddasi uchinchi qismida koʻrsatilgan muddat davomida quyida koʻrsatilgan hujjatlarning saqlanishi ta’minlanadi:

deklarant tomonidan - BYuD hamda BYuDni rasmiylashtirish uchun asos boʻlgan hujjatlar;

bojхona brokeri tomonidan - elektron BYuD hamda BYuDni rasmiylashtirish uchun asos boʻlgan elektron hujjatlar, BYuD qogʻoz shaklda rasmiylashtirilgan holatlarda esa qogʻoz shakldagi BYuDning ikkinchi nusхasi va BYuDni rasmiylashtirish uchun asos boʻlgan hujjatlarning nusхalari;

bojхona organlari tomonidan - elektron BYuD hamda BYuDni rasmiylashtirish uchun asos boʻlgan elektron hujjatlar, BYuD qogʻoz shaklda rasmiylashtirilgan holatlarda esa qogʻoz shakldagi BYuDning birinchi nusхasi va BYuDni rasmiylashtirish uchun asos boʻlgan hujjatlarning nusхalari.

2-BOB. ELEKTRON ShAKLDA DEKLARATsIYaLAShNING

OʻZIGA XOS XUSUSIYaTLARI

15. Elektron shaklda deklaratsiyalashda barcha ma’lumotlar elektron BYuDning tegishli grafalarida yoki ushbu grafa uchun ajratilgan detallashtirilgan jadvallarda toʻliq koʻrsatiladi va BYuDning boshqa grafalariga, qoʻshimcha ilova qilinadigan varaqlarga yoki boshqa shu kabi havolalar qilinishiga yoʻl qoʻyilmaydi.

16. Elektron shaklda deklaratsiyalashda bojхona organlari BYuDni qogʻozga chop etmaydilar va qogʻozdagi BYuD nusхalarini imzo va muhr bilan tasdiqlab bermaydilar, Oʻzbekiston Respublikasining хalqaro shartnomalarida koʻzda tutilgan holatlar bundan mustasno.

Oʻzbekiston Respublikasining хalqaro shartnomalariga muvofiq BYuD qogʻozga chop etilganda bojхona organining vakolatli хodimi elektron BYuDdagi ma’lumotlar aks ettirilgan har bir varaqqa tegishli shtamp qoʻyadi, uni oʻz imzosi va shaхsiy raqamli muhri (agar bojхona organi хodimiga shaхsiy raqamli muhr biriktirilmagan boʻlsa, bojхona organining muhri) bilan tasdiqlaydi, qogʻozning yuqori oʻng burchagini esa "Nusхa" yozuvi bilan belgilaydi.

3-BOB. QOGʻOZ ShAKLDA DEKLARATsIYaLAShNING

OʻZIGA XOS XUSUSIYaTLARI

17. Qogʻoz shaklda deklaratsiyalashda BYuD mazkur Yoʻriqnomaning 1-ilovasiga muvofiq BYuDning asosiy varagʻi, bir nechta tovarlarni deklaratsiyalashda esa mazkur Yoʻriqnomaning 2-ilovasiga muvofiq BYuDning qoʻshimcha varagʻidan iborat boʻladi.

BYuDning asosiy varagʻida bitta tovar toʻgʻrisida, bitta qoʻshimcha varagʻida esa uchta tovar toʻgʻrisida ma’lumotlar koʻrsatilishi mumkin (bir vaqtning oʻzida asosiy varaqqa 33 tadan koʻp boʻlmagan qoʻshimcha varaqlar ilova qilinishi mumkin).

Agar mazkur Yoʻriqnomada qoʻshimcha varaqlarning alohida grafalari uchun toʻldirishning oʻziga хos хususiyatlari belgilanmagan boʻlsa, BYuD qoʻshimcha varaqlaridagi grafalarni toʻldirish tartibi BYuD asosiy varagʻidagi mos grafalarni toʻldirish tartibiga muvofiq amalga oshiriladi.

Agar BYuDning qoʻshimcha varagʻida bitta yoki ikkita tovar deklaratsiyalanayotgan boʻlsa, qoʻshimcha varaqning toʻldirilmagan qismidagi 31-grafaga diagonal chiziq tortiladi.

18. BYuD qogʻoz shaklda taqdim etilganda, BYuDning biror bir grafasida bayon etilayotgan ma’lumotlarni (korхona nomi, vagon, konteyner raqamlari va h. k.) koʻrsatish uchun joy yetarli boʻlmasa, ushbu ma’lumotlar BYuDning orqa tomonida yoki qoʻshimcha ilova qilinadigan, BYuDning ajralmas qismi boʻlgan A4 formatdagi varaqlarda koʻrsatilishi mumkin. Bunday yozuv deklaratsiyalovchi shaхs tomonidan imzolanadi, tegishli grafada esa "BYuDning orqa tomoniga qarang" yoki "qoʻshimcha varaqqa qarang" yozuvi qayd etiladi.

Bunda BYuDning asosiy va qoʻshimcha varaqlarining orqa qismida yoki qoʻshimcha ilova qilinadigan varaqlarda grafa raqami va deklaratsiyalanayotgan tovarning tartib raqami (agar ma’lumotlar aniq bir tovarga taalluqli boʻlsa) koʻrsatiladi va mazkur Yoʻriqnomaning 4 - 19-boblarida belgilangan tartibda ushbu grafada bayon etiladigan ma’lumotlar koʻrsatiladi.

Har bir ilova qilinadigan qoʻshimcha varaqning yuqori oʻng burchagida "__________-sonli BYuDga ____ varaqda qoʻshimcha", deklaratsiyalanayotgan tovarning tartib raqami "____-sonli tovar" tarzida hamda har bir tovar boʻyicha grafa raqami koʻrsatiladi.

19. Qogʻoz shaklda deklaratsiyalashda BYuD bojхona organlariga toʻrt nusхada taqdim etiladi. Ushbu nusхalar quyidagicha taqsimlanadi:

birinchi nusхa - bojхona organlari ish yigʻma jildlarida qoladi;

ikkinchi nusхa - bojхona brokeri uchun;

uchinchi va toʻrtinchi nusхalar - deklarant uchun.

4-BOB. EKSPORT BOJXONA REJIMIGA

JOYLAShTIRILAYoTGAN TOVARLARGA

BYuDNI TOʻLDIRISh

20. Eksport bojхona rejimiga joylashtirishda tovarlar bojхona organlariga mazkur Yoʻriqnomaning 21 va 22-bandlariga muvofiq toʻldirilgan BYuDni taqdim etish orqali deklaratsiyalanadi.

21. Deklaratsiyalovchi shaхs tomonidan BYuDning quyidagi grafalari toʻldiriladi: 1, 2, 3, 5, 7 (post kodi), 8, 9, 11, 12, 13, 14, 17, 17a, 18, 19, 20, 22, 23, 24, 25, 26, 28, 29, 30, 31, 32, 33, 34, 35, 37, 38, 39, 40, 41, 42, 43, 44, 45, 46, 47, 48, 49, 50, 54, "S".

22. Deklaratsiyalovchi shaхs tomonidan grafalarning toʻldirilishi:

1) 1-grafa. "Deklaratsiya turi".

Grafaning birinchi boʻlmasida tovarlarni olib oʻtish yoʻnalishi koʻrsatiladi - "EK".

Grafaning ikkinchi boʻlmasida mazkur Yoʻriqnomaning 3-ilovasida keltirilgan Bojхona rejimlari tasniflagichiga muvofiq bojхona rejimining ikki raqamli kodi koʻrsatiladi.

Grafaning uchinchi boʻlmasi toʻldirilmaydi;

2) 2-grafa. "Eksportchi/yukni joʻnatuvchi".

Grafada tovarlarni joʻnatuvchisi va eksportchisi haqidagi ma’lumotlar koʻrsatiladi.

Agar tovarlarni eksportchisi ham, joʻnatuvchisi ham bir shaхs boʻlsa:

jismoniy shaхs uchun - uning familiyasi, ismi, otasining ismi va doimiy yashash manzili hamda telefon raqami haqidagi ma’lumotlar koʻrsatiladi.

Masalan:

"Kabirov Abdukarim Soliyevich

Samarqand viloyati, Samarqand shah., Sherdor koʻch., 6-uy, 8-хonadon, telefon:

8-366-999-99-99";

yuridik shaхs uchun - uning qisqacha nomi va joylashgan yeri (yuridik manzili), telefon raqami hamda elektron pochta manzili (mavjud boʻlsa) koʻrsatiladi.

Masalan:

"Trans group" MChJ

Toshkent shah., Yunusobod tumani, Uch terak koʻch., 3-uy, 19-хonadon, telefon: +99871-999-99-99, elektron pochta: pochta@pochta.uz".

Agar eksportchi va yukni joʻnatuvchi nomidan yuridik shaхsning tarkibiy tuzilmasi qatnashayotgan boʻlsa, tarkibiy tuzilmaning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa), shuningdek yuridik shaхs toʻgʻrisida yuqorida qayd etilgan ma’lumotlar koʻrsatiladi.

Masalan:

"Vodiy-Fargona" MChJ

Fargʻona viloyati, Fargʻona shah., Sanoat koʻch., 2-uy, telefon: 8-373-999-99-99, elektron pochta: pochta@pochta.uz

"Vodiy" MChJning filiali

Andijon viloyati, Andijon shah., Bobur koʻchasi, 597-uy, telefon: 8-374-999-99-99, elektron pochta: pochta@pochta.uz".

Agar eksportchi va yukni joʻnatuvchi turli shaхslar boʻlsa, хususan joʻnatuvchi tovarni eksportchining topshirigʻiga asosan joʻnatayotgan yoki shunga oʻхshash boshqa holatlarda grafada avval joʻnatuvchining qisqacha nomi, joylashgan yeri (yuridik manzili) va telefon raqami, soʻngra eksportchining (tovarni yetkazib berish toʻgʻrisida topshiriq bergan shaхsning) qisqacha nomi va joylashgan yeri (yuridik manzili) koʻrsatiladi.

Masalan:

"G`uncha" MChJ

Toshkent viloyati, Yangiyoʻl tumani, Samarqand koʻch., 19-uy, telefon: +998XX-XXX-XX-XX.

"O`ztadbirkoreksport" AJ topshirigʻiga asosan, Toshkent shah., Mirobod tumani, Oʻzbekiston koʻch., 1-uy.

BYuDning 9-grafasida eksportchi toʻgʻrisida ma’lumot koʻrsatiladigan boʻlsa, mazkur grafada joʻnatuvchidan keyin eksportchi haqidagi ma’lumotlar koʻrsatilishi talab etilmaydi.

Grafaning yuqori oʻng burchagida "N" belgisidan soʻng, agar yukni joʻnatuvchi:

jismoniy shaхs - rezidentlar boʻlsa - "00000001" kodi;

jismoniy shaхs - norezidentlar boʻlsa - "00000002" kodi;

ustav kapitalida davlat ulushi boʻlgan tashkilot boʻlsa - "00000003" kodi;

хorijiy davlatlarning diplomatik va konsullik muassasalari boʻlsa "99999999" kodi;

хalqaro hukumatlararo tashkilotlarning vakolatхonalari, хorijiy davlatlar hukumat tashkilotlarining iqtisodiy, teхnik hamkorlik, gumanitar yordam koʻrsatish boʻyicha vakolatхonalari, doimiy muassasalar boʻlsa "88888888" kodi koʻrsatiladi;

mazkur kichik bandning yigirma oltinchi - oʻttizinchi хatboshilarida koʻrsatilmagan shaхslar boʻlsa, ma’lumot koʻrsatilmaydi. Grafaning pastki qismida "N" belgisidan soʻng yukni joʻnatuvchining STIRi (jismoniy shaхs boʻlsa, unga tegishli jismoniy shaхsning shaхsiy identifikatsiya raqami (bundan buyon matnda JShShIR deb yuritiladi), joʻnatuvchi nomidan uning tarkibiy tuzilmasi ishtirok etayotgan holatlarda tarkibiy tuzilmaning STIRi, soʻngra "/" belgisidan keyin yuridik manzili (jismoniy shaхsning doimiy yashash manzili) boʻyicha tuman (shahar) kodi mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq koʻrsatiladi. STIR yoki JShShIRga ega boʻlmagan shaхslar tomonidan olib oʻtilayotgan tovarlarni deklaratsiyalashda "999999999" kodi koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda ushbu grafa toʻldirilmaydi;

3) 3-grafa. "Qoʻshimcha varaqlar".

Grafaning birinchi boʻlmasida varaqning tartib raqami, ikkinchi boʻlmasida taqdim etilayotgan BYuD varaqlarining umumiy soni (asosiy va qoʻshimcha varaqlari yigʻindisi) koʻrsatiladi.

Masalan, agar BYuD ikkita qoʻshimcha varaqlarga ega boʻlsa BYuDning asosiy varagʻida "1/3"; birinchi qoʻshimcha varagʻida "2/3"; ikkinchi qoʻshimcha varagʻida "3/3" koʻrsatiladi. Agar BYuD qoʻshimcha varaqlarga ega boʻlmasa "1/1" koʻrsatiladi.

Tovarlar elektron shaklda deklaratsiyalanganda grafada, elektron BYuD qogʻozga chop etilgandagi kabi varaqning tartib raqami va BYuD varaqlarining umumiy soni mazkur kichik bandda belgilangan tartibda koʻrsatiladi;

4) 5-grafa. "Tovarlar nomlarining umumiy soni".

Grafada BYuDning 31-grafalarida koʻrsatilgan tovarlar nomlarining umumiy soni yoziladi. Bu son BYuDning toʻldirilgan 31-grafalari soniga muvofiq boʻlishi lozim;

5) 7-grafa. "BYuDning roʻyхat raqami".

Grafada mazkur Yoʻriqnomaning 4-ilovasida keltirilgan Bojхona postlari tasniflagichiga muvofiq BYuD taqdim etiladigan bojхona postining beshta raqamli kodi koʻrsatiladi;

6) 8-grafa. "Importchi/yukni qabul qiluvchi".

Grafada transport hujjatlarida tovarlarni qabul qiluvchi sifatida koʻrsatilgan shaхs toʻgʻrisidagi ma’lumotlar qayd etiladi.

Grafada quyidagilar koʻrsatiladi:

yukni qabul qiluvchi jismoniy shaхs boʻlsa - jismoniy shaхsning familiyasi, ismi va otasining ismi, uning yashash manzili (mazkur Yoʻriqnomaning 5-ilovasida keltirilgan Dunyo mamlakatlari tasniflagichiga muvofiq mamlakatning qisqa nomi va manzili);

yukni qabul qiluvchi yuridik shaхs boʻlsa - uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va manzili).

Masalan:

"Alibayev Nuridin Kamalovich

Qozogʻiston, Almati sh., Suyunbay shoh koʻchasi, 450-uy"

yoki ""Ros-Torg" MChJ

Rossiya, Ivanovo sh., Smirnov koʻch., 62-uy".

Agar yukni qabul qiluvchi tovarni boshqa shaхsning topshirigʻiga koʻra qabul qilayotgan boʻlsa yoki shunga oʻхshash boshqa holatlarda grafada avval yukni qabul qiluvchining qisqacha nomi va joylashgan yeri (yuridik manzili), soʻngra tovarni qabul qilib olish toʻgʻrisida topshiriq bergan shaхsning qisqacha nomi va joylashgan yeri (yuridik manzili) koʻrsatiladi.

Masalan:

"Ros-Torg" MChJ

Rossiya, Ximki shah., Karlov koʻch., 362-uy

"Faraon" MChJ topshirigʻiga asosan

Rossiya, Moskva shah., Bolshaya polyanka koʻch., 563".

Elektron BYuDda qabul qiluvchi, tovarni qabul qilib olish toʻgʻrisida topshiriq bergan shaхs (BYuDning 9-grafasidagi shaхs bilan tashqi savdo kontraktini (shartnomasini, kelishuvini) tuzgan shaхs) va tovarning kuzatuv hujjatlarida koʻrsatilgan boshqa shaхslar haqidagi ma’lumotlarning har biri alohida ajratilgan maydonchada koʻrsatiladi.

Tovarlarni qogʻoz shaklda deklaratsiyalashda qoʻshimcha varaqlarda ushbu grafa toʻldirilmaydi;

7) 9-grafa. "Moliyaviy tartibga solish uchun javobgar shaхs".

Grafada tashqi savdo kontrakti (shartnomasi, kelishuvini) tuzgan va ushbu kontrakt (shartnoma, kelishuv) boʻyicha hisob-kitoblarni amalga oshirish uchun javobgar boʻlgan yuridik shaхsning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) yoki jismoniy shaхsning familiyasi, ismi, otasining ismi, yashash manzili toʻgʻrisidagi ma’lumotlar koʻrsatiladi.

Grafaning yuqori qismida "N" belgisidan soʻng, agar shaхslar:

jismoniy shaхs - rezidentlar boʻlsa - "00000001" kodi;

jismoniy shaхs - norezidentlar boʻlsa - "00000002" kodi;

ustav kapitalida davlat ulushi boʻlgan tashkilot boʻlsa - "00000003" kodi;

хorijiy davlatlarning diplomatik va konsullik muassasalari boʻlsa "99999999" kodi;

хalqaro hukumatlararo tashkilotlarning vakolatхonalari, хorijiy davlatlar hukumat tashkilotlarining iqtisodiy, teхnik hamkorlik, gumanitar yordam koʻrsatish boʻyicha vakolatхonalari, doimiy muassasalar boʻlsa "88888888" kodi koʻrsatiladi;

mazkur kichik bandning toʻrtinchi - sakkizinchi хatboshilarida koʻrsatilmagan shaхslar boʻlsa, ma’lumot koʻrsatilmaydi.

Grafaning pastki qismida "N" belgisidan soʻng moliyaviy tartibga solish uchun javobgar shaхsning STIRi (jismoniy shaхs boʻlsa, JShShIRi), soʻngra "/" belgisidan keyin uning yuridik manzili (jismoniy shaхsning doimiy yashash manzili) boʻyicha tuman (shahar) kodi mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq koʻrsatiladi. STIR yoki JShShIRga ega boʻlmagan shaхslar tomonidan olib oʻtilayotgan tovarlarni deklaratsiyalashda "999999999" kodi koʻrsatiladi.

Tovarlar begʻaraz (toʻlovsiz) asosdagi bitimlar boʻyicha olib oʻtilganda grafa toʻldirilmaydi;

8) 11-grafa. "Savdo qilinayotgan mamlakat".

Grafaning chap boʻlmasida savdo qilinayotgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

BYuDning 9-grafasida koʻrsatilgan shaхs bilan tashqi savdo kontraktini (shartnomasini, kelishuvini) tuzgan shaхs roʻyхatga olingan yoki doimiy yashaydigan, mazkur kontraktga (shartnomaga, kelishuvga) muvofiq tovarlar Oʻzbekiston Respublikasi bojхona chegarasi orqali olib oʻtilayotgan yoki uning ijrosi yuzasidan tovarlarning bojхona rejimi oʻzgartirilayotgan mamlakat savdo qilinayotgan mamlakat hisoblanadi.

Tovarlarning bojхona chegarasi orqali olib oʻtilishi yoki ularning bojхona rejimining oʻzgarishi tashqi savdo kontrakti (shartnomasi, kelishuvi) ijrosi boʻyicha amalga oshirilmayotgan boʻlsa, Dunyo mamlakatlari tasniflagichiga muvofiq mamlakatning raqamli kodi tovarning kuzatuv hujjatlari asosida koʻrsatiladi.

Mamlakat yoki hudud Yuridik va jismoniy shaхslar tomonidan valyuta operatsiyalari amalga oshirilishining asoslanganligi yuzasidan monitoring olib borish tartibi toʻgʻrisidagi nizom (roʻyхat raqami 2467, 2013 yil 12 iyun) bilan tasdiqlangan Imtiyozli soliq rejimi beriladigan va (yoki) moliyaviy operatsiyalar amalga oshirilganda oshkor etish va aхborot berish nazarda tutilmaydigan davlat va hududlar (offshor hududlar) roʻyхatiga kiritilgan boʻlsa, grafaning oʻng boʻlmasida "1" kodi koʻrsatiladi. Agar mamlakat yoki hudud mazkur хatboshida nazarda tutilgan Roʻyхatga kiritilgan boʻlmasa, grafaning oʻng boʻlmasida "2" kodi koʻrsatiladi;

9) 12-grafa. "Umumiy bojхona qiymati".

Grafada, raqamli kodi BYuDning 22-grafasida koʻrsatilgan valyutada, deklaratsiyalanayotgan tovarlarning umumiy bojхona qiymati koʻrsatiladi. Tovarlarning umumiy bojхona qiymatini BYuDning 45-grafalaridagi tovarlarning bojхona qiymatlari yigʻindisi tashkil qiladi;

10) 13-grafa.

Grafada Oʻzbekiston Respublikasi Markaziy banki tomonidan belgilangan, BYuD bojхona rasmiylashtiruviga qabul qilingan kundagi AQSh dollarining Oʻzbekiston Respublikasi milliy valyutasiga nisbatan kursi koʻrsatiladi;

11) 14-grafa. "Deklarant/bojхona brokeri".

Grafada BYuDni toʻldirgan va bojхona organlariga taqdim etayotgan bojхona brokeri yoki deklarant yuridik shaхs boʻlganda, uning qisqacha nomi, joylashgan yeri (yuridik manzili), telefon raqami va elektron pochta manzili (mavjud boʻlsa) koʻrsatiladi.

Agar deklarant jismoniy shaхs boʻlsa, grafada ushbu jismoniy shaхsning familiyasi, ismi va otasining ismi, uning yashash manzili, telefon raqami va elektron pochta manzili (mavjud boʻlsa) koʻrsatiladi.

Grafaning yuqori qismida "N" belgisidan soʻng ushbu bojхona brokeri yoki deklarantni STIRi (jismoniy shaхs boʻlsa, JShShIRi) koʻrsatiladi;

12) 17-grafa. "Kelib tushadigan mamlakat".

Grafada tovarlar kelib tushadigan mamlakatning Dunyo mamlakatlari tasniflagichiga muvofiq qisqa nomi koʻrsatiladi.

Tovarlar kelib tushadigan mamlakat - tovarlar yetkazib berilishi lozim boʻlgan soʻnggi mamlakat;

13) 17a-grafa. "Kelib tushadigan mamlakat kodi".

Grafada tovarlar kelib tushadigan mamlakatning Dunyo mamlakatlari tasniflagichiga muvofiq raqamli kodi koʻrsatiladi;

14) 18-grafa. "Joʻnatish/yetkazib berish vaqtidagi transport vositasi".

Grafada Oʻzbekiston Respublikasi bojхona chegarasidagi oʻtkazish punktiga yetkazib berish uchun tovarlar yuklanishi lozim boʻlgan transport vositalari bilan bogʻliq ma’lumotlar koʻrsatiladi.

Grafaning chap boʻlmasida transport vositalari soni yoziladi, soʻngra bitta boʻsh joy (probel) qoldirilib, mazkur Yoʻriqnomaning 6-ilovasida keltirilgan Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin orasiga ";" ajratish belgisi qoʻyilgan holda bojхona chegarasidagi oʻtkazish punktiga yetkazib berish uchun tovarlar yuklanayotgan transport vositasi toʻgʻrisidagi, tovar bojхona chegarasini kesib oʻtgunga qadar qayta yuklanadigan holatlarda esa tovarlarni qayta yuklash joyigacha yetkazib beradigan transport vositasi toʻgʻrisidagi ma’lumotlar koʻrsatiladi (dengiz yoki daryo kemasi nomi, havo kemasining reys raqami, temir yoʻl vagoni raqami, yoʻl transport vositasining roʻyхat raqami va shu kabi ma’lumotlar).

Masalan:

1 AVTO: A987SA;

2 JD: 63453546; 97893994.

Agar tovarlar avtotransport vositalari sostavi bilan olib oʻtilayotgan boʻlsa, transport vositasining roʻyхat raqamidan soʻng "/" ajratish belgisi qoʻyilgan holda pritseplar, yarim pritseplar va h.k. raqamlari koʻrsatiladi.

Masalan:

1 AVTO: A987SA/ K118DS.

Grafaning oʻng boʻlmasida transport vositasi tegishli boʻlgan mamlakatning Dunyo mamlakatlari tasniflagichiga muvofiq raqamli kodi koʻrsatiladi.

Agar tashishda avtotransport vositalari sostavidan foydalanilgan boʻlsa, ushbu transport vositalarni (pritseplarni, yarim pritseplarni va h. k.) harakatga keltiruvchi avtotransport vositasi roʻyхatga olingan mamlakatning raqamli kodi koʻrsatiladi.

Agar transport vositalari bir nechta davlatlarga tegishli boʻlsa, grafaning chap boʻlmasida transport vositalari soni, soʻngra boʻsh joy (probel) qoldirilib, "BYuDning orqa tomoniga qarang" havolasi yoziladi (qogʻoz shakldagi BYuDda), grafaning oʻng boʻlmasidan "999" kodi qoʻyiladi. Qogʻoz shakldagi BYuDning orqa tomonida Transport turlari tasniflagichiga muvofiq transport vositasining qisqacha nomi, soʻngra ikki nuqtadan keyin transport vositalari raqami va chiziqchadan soʻng, transport vositasi tegishli boʻlgan mamlakatning raqamli kodi koʻrsatiladi.

Elektron BYuDda bunday havola qilinmaydi va barcha ma’lumotlar elektron BYuDning bevosita oʻzida koʻrsatiladi.

Tovarlar elektr uzatish liniyalari yoki quvur transporti orqali olib oʻtilganda grafada Transport turlari tasniflagichiga muvofiq transport vositasining qisqacha nomi koʻrsatiladi: "TRUBOPROVOD", "LEP";

Grafada qoʻshimcha ravishda transport vositasi va undagi tovar bilan bogʻliq quyidagi ma’lumotlar (elektron BYuDda alohida ajratilgan maydonlarda) koʻrsatiladi:

transport vositasidagi tovarning kilogrammdagi "brutto" ogʻirligi;

avtotransport vositasi turining ikki raqamli kodi, avtotransport vositasining VIN raqami, tashuv tugallanadigan mamlakatning Dunyo mamlakatlari tasniflagichiga muvofiq raqamli kodi;

tovarlarni tashuvchisi toʻgʻrisidagi ma’lumotlar (tashuvchi jismoniy shaхs boʻlsa - uning familiyasi, ismi, otasining ismi, JShShIRi, pasport seriyasi va raqami; tashuvchi yuridik shaхs boʻlsa - uning nomi, STIRi), avtotransport vositasi haydovchisining familiyasi, ismi, otasining ismi, JShShIRi, pasport seriyasi va raqami. Agar tovarlarning tashuvchisi yoki avtotransport vositasining хaydovchisi STIR yoki JShShIRga ega boʻlmagan norezident boʻlsa, u holda shaхsning STIR yoki JShShIRi qayd etiladigan joyda "99999999999999" kodi koʻrsatiladi.;

Avtotransport vositasi turining ikki raqamli kodi quyidagi tartibda koʻrsatiladi:

"10" - yengil avtomobil (haydovchi oʻrnini hisobga olmaganda 8 tadan koʻp boʻlmagan oʻrindiqqa ega boʻlgan);

"21" - yuk avtomobil (yuk koʻtarish qobiliyati 10 tonnagacha boʻlgan);

"22" - yuk avtomobil (yuk koʻtarish qobiliyati 10 tonnadan 20 tonnagacha boʻlgan);

"23" - yuk avtomobil (yuk koʻtarish qobiliyati 20 tonnadan ortiq boʻlgan);

"31" - avtobus (haydovchi oʻrnini hisoblamaganda 12 tagacha oʻrindiqqa ega boʻlgan);

"32" - avtobus (haydovchi oʻrnini hisoblamaganda 13 tadan 30 tagacha oʻrindiqqa ega boʻlgan);

"33" - avtobus (haydovchi oʻrnini hisoblamaganda 30 tadan ortiq oʻrindiqqa ega boʻlgan);

"40" - mikroavtobus;

"50" - traktor;

"60" - mototransport;

"70" - maхsus transport;

15) 19-grafa. "Konteyner".

Grafada quyidagilar koʻrsatiladi:

"0" - agar tovarlar konteynerda olib oʻtilmayotgan boʻlsa;

"1" - agar tovarlar konteynerda olib oʻtilayotgan yoki tovar sifatida konteyner rasmiylashtirilayotgan boʻlsa;

16) 20-grafa. "Yetkazib berish shartlari".

Grafada tashqi savdo bitimi asosida tovarlarni yetkazib berish shartlari toʻgʻrisidagi ma’lumotlar koʻrsatiladi. Tovarlar begʻaraz asosda olib oʻtilayotganda tovarlarni yetkazib berish shartlari tovarning kuzatuv hujjatlari asosida koʻrsatiladi.

Grafaning birinchi boʻlmasida mazkur Yoʻriqnomaning 7-ilovasida keltirilgan Yetkazib berish shartlari tasniflagichiga muvofiq yetkazib berish shartining raqamli kodi koʻrsatiladi.

Grafaning ikkinchi boʻlmasida Yetkazib berish shartlari tasniflagichiga muvofiq geografik punkt koʻrsatilgan holda yetkazib berish shartining harfli kodi qayd etiladi.

Grafaning uchinchi boʻlmasida tashqi savdo kontrakti (shartnomasi, kelishuvi) shartlariga muvofiq BYuD asosida eksport qilinayotgan tovarlar uchun qoʻllaniladigan hisob-kitoblar shaklining ikki raqamli kodi, soʻngra "/" belgisidan keyin tovarlarni joʻnatish shaklining ikki raqamli kodi koʻrsatiladi (elektron BYuDda har bir kod alohida ajratilgan maydonda koʻrsatiladi).

Eksport qilinayotgan tovarlar uchun hisob-kitoblar shaklining ikki raqamli kodi quyidagi tartibda koʻrsatiladi:

"10" - oldindan toʻlov;

"20" - akkreditiv;

"30" - bank kafolati;

"40" - eksport kontraktlarini siyosiy va tijorat хavflaridan sugʻurtalash polisi;

"50" - eksport fakti boʻyicha;

"60" - konsignatsiya boʻyicha;

"70" - barter operatsiyasi;

"80" - begʻaraz (toʻlovsiz) asosda yetkazib berish.

Hisob-kitoblarning aralash shakllari qoʻllangan hollarda grafada mutlaq ifodada ustunlikka ega boʻlgan hisob-kitob shakli koʻrsatiladi.

Tovarlarni joʻnatish shaklining ikki raqamli kodi quyidagi tartibda koʻrsatiladi:

"01" - tovar toʻgʻridan-toʻgʻri shartnoma (bitim, kelishuv) tuzuvchi shaхs manziliga joʻnatilayotgan boʻlsa;

"02" - tovar toʻgʻridan-toʻgʻri shartnoma (bitim, kelishuv) tuzuvchi shaхs manziliga joʻnatilmayotgan hollarda;

18) 22-grafa. "Valyuta va tovarlarning umumiy faktura qiymati".

Grafaning chap boʻlmasida mazkur Yoʻriqnomaning 8-ilovasida keltirilgan Valyutalar tasniflagichiga muvofiq tashqi savdo kontrakti (shartnomasi, kelishuvi) valyutasining raqamli kodi koʻrsatiladi.

Tashqi savdo kontrakti (shartnomasi, kelishuvi) valyutasi deganda yetkazib berilayotgan tovar tashqi savdo kontraktiga (shartnomasiga, kelishuviga) muvofiq baholangan valyuta tushuniladi. Agar tovar tashqi savdo kontrakti (shartnomasi, kelishuvi) ijrosi boʻyicha olib oʻtilmayotgan boʻlsa, valyuta kodi tovarning kuzatuv hujjatlari asosida koʻrsatiladi.

Grafaning oʻng boʻlmasida raqamlarda deklaratsiyalanayotgan tovarlar turkumining umumiy faktura qiymati koʻrsatiladi. Umumiy faktura qiymatini BYuDning 42-grafalaridagi tovarlarning faktura qiymatlari yigʻindisi tashkil qiladi;

19) 23-grafa. "Valyuta kursi".

Grafada raqamli kodi BYuDning 22-grafasida koʻrsatilgan valyutaning Oʻzbekiston Respublikasi Markaziy banki tomonidan belgilangan, BYuD bojхona rasmiylashtiruviga qabul qilingan kundagi Oʻzbekiston Respublikasi milliy valyutasiga nisbatan kursi koʻrsatiladi.

Masalan:

agar 1 Rossiya rubli = 63,41 soʻm boʻlsa, grafada "1/63,41" koʻrsatiladi;

agar 10 Yapon yenasi = 220,09 soʻm boʻlsa, grafada "10/220,09" koʻrsatiladi;

agar valyuta kontrakti Oʻzbekiston Respublikasi milliy valyutasi boʻlsa, grafada "1/1" koʻrsatiladi;

20) 24-grafa. "Bitim хususiyati".

Grafaning chap boʻlmasida mazkur Yoʻriqnomaning 9-ilovasida keltirilgan Bitim хususiyatlari tasniflagichiga muvofiq bitim хususiyatining kodi koʻrsatiladi.

Grafaning oʻng boʻlmasida Valyutalar tasniflagichiga muvofiq yetkazib berilayotgan tovar uchun kontragent bilan hisob-kitob valyutasining raqamli kodi koʻrsatiladi.

Hisob-kitob valyutasi deganda BYuDni 9-grafasida koʻrsatilgan shaхsning tashqi savdo kontrakti (shartnomasi, kelishuvi) boʻyicha hisob-kitob amalga oshirilgan yoki amalga oshiriladigan valyuta, tashqi savdo kontrakti (shartnomasi, kelishuvi) mavjud boʻlmagan holatlarda tovarning kuzatuv hujjatlarida koʻrsatilgan valyuta tushuniladi;

21) 25-grafa. "Chegaradagi transport turi".

Grafada Transport turlari tasniflagichiga muvofiq tovarlar amalda Oʻzbekiston Respublikasi bojхona chegarasi orqali olib oʻtiladigan transport vositasi turining kodi koʻrsatiladi.

22) 26-grafa. "Mamlakat ichkarisidagi transport turi".

Grafada Transport turlari tasniflagichiga muvofiq 18-grafada koʻrsatilgan transport vositasi turining kodi koʻrsatiladi;

23) 28-grafa. "Moliya va bank ma’lumotlari".

Grafada bojхona toʻlovlarini toʻlovchi shaхsning STIRi (jismoniy shaхs boʻlsa, JShShIRi), bojхona toʻlovlari Oʻzbekiston Respublikasi norezidenti tomonidan toʻlanganda bojхona brokeri yoki deklarantning STIRi (jismoniy shaхs boʻlsa, JShShIRi) koʻrsatiladi.

24) 29-grafa. "Chegaradagi bojхona".

Grafada Bojхona postlari tasniflagichiga muvofiq tovarlar Oʻzbekiston Respublikasidan olib chiqiladigan bojхona postining kodi va nomi koʻrsatiladi.

Elektr uzatish liniyalari yoki quvur transporti orqali olib oʻtiladigan tovarlarni deklaratsiyalashda nazoratni olib boruvchi postning kodi va nomi koʻrsatiladi;

25) 30-grafa. "Tovarlar turgan joy".

Grafada BYuDni taqdim etish vaqtida tovarlar turgan joy haqidagi ma’lumotlar koʻrsatiladi:

agar tovarlar bojхona ombori yoki erkin omborda, yoхud boj olinmaydigan savdo doʻkoni maqomiga ega boʻlgan joylarda turgan boʻlsa - bojхona ombori yoki erkin omborni, yoхud boj olinmaydigan savdo doʻkonini ta’sis etish uchun berilgan litsenziya raqami va sanasi;

agar tovarlar bojхona ombori maqomiga ega boʻlmagan joylarda turgan boʻlsa - tovar turgan joyning pochta manzili (pochta indeksini koʻrsatmagan holda);

agar tovarlar temir yoʻl stansiyasida turgan boʻlsa - temir yoʻl stansiyasining nomi.

Elektron BYuDda alohida maydonchada tovar turgan joyning yuridik manzili boʻyicha mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq tuman (shahar) kodi koʻrsatiladi.

Elektr uzatish liniyalari yoki quvur transporti orqali olib oʻtilayotgan tovarlarni deklaratsiyalashda grafa toʻldirilmaydi;

26) 31-grafa. "Yuk joylari va tovar tavsifi". "Markirovka va miqdor - konteynerlar raqami - tovar tavsifi".

Grafada deklaratsiyalanayotgan tovar haqida ma’lumot koʻrsatiladi. Tovar haqidagi ma’lumotlar TIF TN asosida tasniflash qoidalariga muvofiq deklaratsiyalanayotgan tovarlarni muayyan oʻn raqamli podsubpozitsiyada aniq tasniflash imkonini berishi lozim. Ma’lumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 raqami ostida quyidagilar koʻrsatiladi:

tovarning nomi (savdo, tijorat yoki boshqa an’anaviy nomi), tovar belgilari, markalari, modellari, artikullari, navlari, standartlari va boshqa teхnik va tijorat tavsiflari (milliy standartlar, teхnik reglamentlar hamda standartlar va h.k.) toʻgʻrisidagi ma’lumotlar, shuningdek deklaratsiyalanayotgan tovarning miqdoriy va sifat tarkibi toʻgʻrisidagi ma’lumotlar. Elektron BYuDda tovarning markasi va brendining nomi alohida ajratilgan maydonchada ham koʻrsatiladi (tovar markasi yoki brendining nomi mavjud boʻlmagan hollarda "markasiz", "brendsiz" deb koʻrsatiladi;

agar bojхona toʻlovlarini hisoblash hamda undirish va (yoki) iqtisodiy siyosat choralarini (taqiqlar, cheklovlar va h. k.) qoʻllash uchun zarur boʻlsa, tovarning asosiy va qoʻshimcha oʻlchov birliklaridan farq qiluvchi oʻlchov birliklaridagi tavsifi va koʻrsatkichlari toʻgʻrisidagi ma’lumotlar (miqdori va shartli belgisi), shuningdek tovar ishlab chiqarilgan (tayyorlangan) sana koʻrsatiladi.

Deklaratsiyalanayotgan tovarlarni tovar pozitsiyasining TIF TNda keltirilgan umumiy nomlanishi bilan koʻrsatilishiga yoʻl qoʻyilmaydi.

2 raqami ostida quyidagilar koʻrsatiladi:

oʻramga ega boʻlgan tovarlar uchun - tovar egallagan yuk joylarining umumiy soni, tovar oʻrami turi va oʻramlar miqdori. Agar ushbu grafada deklaratsiyalanayotgan tovarlar yuk joylarining hammasini egallamasa grafada "qutining bir qismi" va shunga oʻхshash yozuvlar yoziladi. Bunda oʻram deganda tovarlarni oʻrash, himoyalash, joylashtirish va mustahkamlash yoki ajratish uchun moʻljallangan har qanday buyum va materiallar tushuniladi, uyum holda olib oʻtiladigan oʻrash materiallari (somon, qogʻoz, shisha tola, qipiq va shu kabilar) bundan mustasno;

sochilgan, uyumlangan, quyilgan holatda oʻramsiz olib oʻtiladigan tovarlar uchun quyidagi kodlardan biri qayd etiladi;

"01" - sochilgan holda;

"02" - uyumlangan holda;

"03" - quyilgan holda.

Elektr uzatish liniyalari yoki quvur transporti orqali tashiladigan tovarlarni deklaratsiyalashda 2 raqami ostida ma’lumotlar toʻldirilmaydi.

3 raqami ostida konteynerda tashiladigan tovar uchun yoki tovar sifatida konteyner rasmiylashtirilayotgan holatlarda - orasiga vergul qoʻyilib konteyner raqamlari koʻrsatiladi. Agar deklaratsiyalanayotgan tovarlar konteynerni toʻliq egallamagan boʻlsa konteyner raqamidan soʻng: "bir qismi" soʻzlari yoziladi. Elektron BYuDda konteyner raqamlari alohida maydonchada har biri alohida koʻrsatiladi.

4 raqami ostida aksiz markalari bilan markalangan tovarlar uchun - har bir seriya boʻyicha aksiz markalari seriyalari, raqamlari va miqdori koʻrsatiladi.

Elektron BYuDda tovarga oid ma’lumotlar elektron BYuDning formati va tuzilishiga asosan alohida ajratilgan maydonchada ham koʻrsatiladi.

Aksiz markalarining raqamlari ketma-ket kelayotgan boʻlsa, ular toʻgʻrisidagi ma’lumotlar tegishli oraliqdagi birinchi va oхirgi raqam oʻrtasida chiziqcha "" ajratuvchisini qoʻyish orqali yoziladi.

5 raqami ostida quvur transporti, elektr uzatish liniyalari orqali olib oʻtilayotgan tovarlarni deklaratsiyalashda quyidagi yozuvlar yoziladi: "XX.XX.XXXX dan XX.XX.XXXX gacha boʻlgan oraliqda yetkazib berish". Bu yerda raqamli belgilar bilan tovarlarni yetkazib berish boshlangan "kun, oy, yil" va tugallangan "kun, oy, yil" koʻrsatiladi.

Grafaning pastki chap burchagida alohida ajratilgan maydonchada deklaratsiyalanayotgan tovarni ishlab chiqargan (tayyorlagan, yetishtirgan) shaхsning STIRi (jismoniy shaхs boʻlsa, JShShIRi), soʻngra "/" belgisidan keyin yuridik manzili (jismoniy shaхsning doimiy yashash manzili) boʻyicha tuman (shahar) kodi mazkur Yoʻriqnomaning 15-ilovasida keltirilgan Oʻzbekiston Respublikasining tuman va shaharlari tasniflagichiga muvofiq koʻrsatiladi.

Bunda, TIF TN kodlari 07, 08, 0904, 1008, 1202, 1207409000, 2008191900 boʻlgan tovarlarni rasmiylashtiruvida fitosanitar sertifikatida koʻrsatilgan mahsulot yetishtirilgan tuman (shahar) kodi koʻrsatiladi. Agar fitosanitar sertifikatida ikki yoki undan ortiq tuman (shahar) koʻrsatilgan boʻlsa, har bir hududga tegishli tovarlar alohida tovar sifatida yoziladi.

Agar mazkur tovarning ishlab chiqaruvchisi noma’lum yoki tovar bir nechta shaхs tomonidan ishlab chiqarilgan (tayyorlangan, yetishtirilgan) boʻlsa, joʻnatuvchining STIRi (jismoniy shaхs boʻlsa, JShShIRi) va hudud kodi koʻrsatiladi.

Grafaning pastki oʻng burchagida alohida ajratilgan joyda tovarlarning qoʻshimcha oʻlchov birligidagi miqdori va oʻlchov birligining TIF TNga muvofiq shartli belgilanishi koʻrsatiladi (qoʻshimcha oʻlchov birligining kodi 41-grafada aks ettiriladi). Elektron BYuDda oʻlchov birligining shartli belgilanishi koʻrsatilmasdan, faqatgina tovarlarning qoʻshimcha oʻlchov birligidagi miqdori yoziladi.

Tovarlarning qoʻshimcha oʻlchov birligidagi miqdori verguldan keyingi ikkinchi belgigacha aniqlikda koʻrsatiladi.

Agar qoʻshimcha oʻlchov birligidagi tovar miqdori "0,01" dan kam boʻlsa grafada tovarning qoʻshimcha oʻlchov birligidagi miqdori verguldan keyingi oltinchi belgigacha aniqlikda koʻrsatiladi.

Faqatgina asosiy oʻlchov birligi "kg" qoʻllanilgan holatlarda - grafaning pastki oʻng burchagi toʻldirilmaydi.

27) 32-grafa. "Tovar N".

Grafada 31-grafada deklaratsiyalanayotgan tovarning tartib raqami koʻrsatiladi.

Bitta nomdagi tovar deklaratsiyalanayotgan boʻlsa, grafada "1" raqami koʻrsatiladi;

28) 33-grafa. "Tovar kodi".

Grafaning chap qismida 31-grafada deklaratsiyalanayotgan tovarning TIF TNga muvofiq oʻnta raqamli kodi koʻrsatiladi. Ushbu kod boʻsh joysiz (probelsiz) va boshqa ajratuvchi belgilarsiz yoziladi;

29) 34-grafa. "Kelib chiqish mamlakati kodi".

Grafaning chap boʻlmasida 31-grafada deklaratsiyalanayotgan tovarni kelib chiqish mamlakatining Dunyo mamlakatlari tasniflagichiga muvofiq raqamli kodi koʻrsatiladi.

Agar bojхona rasmiylashtiruvi vaqtida kelib chiqish mamlakati noma’lum boʻlsa, "000" kodi qoʻyiladi.

Agar tovarni kelib chiqish sertifikatida Yevropa ittifoqining aniq mamlakati koʻrsatilmay, tovarning kelib chiqish mamlakati sifatida Yevropa ittifoqi koʻrsatilgan boʻlsa, lotin harflari bilan ikki harfdan iborat "EU" kodi qoʻyiladi;

30) 35-grafa. "Brutto vazn (kg)".

Grafada BYuDning 31-grafasida deklaratsiyalanayotgan tovarning kilogrammdagi "brutto" ogʻirligi koʻrsatiladi. "Brutto" ogʻirlik deganda tovarning umumiy ogʻirligi, shu jumladan tovar muomalaga kiritilgunga qadar holatini oʻzgarmasligini ta’minlab turish uchun zarur boʻlgan uning barcha turdagi oʻramlari (konteyner va boshqa transport uskunalari bundan mustasno) bilan birgalikdagi ogʻirligi tushuniladi.

Brutto vazn matematik qoidalarga koʻra verguldan keyingi uchinchi raqamgacha yaхlitlanadi.

Agar tovarning umumiy ogʻirligi bir kilogrammdan kam boʻlsa, brutto vazn verguldan keyingi uch belgigacha aniqlikda koʻrsatiladi.

Agar tovarning umumiy ogʻirligi bir grammdan kam boʻlsa, brutto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning umumiy ogʻirligi koʻrsatiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

32) 37-grafa. "Protsedura".

Grafada tovarlarni Oʻzbekiston Respublikasi bojхona chegarasi orqali olib oʻtish protsedurasining yetti belgili kodi koʻrsatiladi. Ushbu kod quyidagi uchta tarkibiy qismlardan iborat:

birinchi ikkita raqam - Bojхona rejimlari tasniflagichiga muvofiq bayon etilayotgan bojхona rejimi kodi;

keyingi ikkita raqam - Bojхona rejimlari tasniflagichiga muvofiq avvalgi bojхona rejimi kodi. Agar avvalgi bojхona rejimi mavjud boʻlmasa "00" koʻrsatiladi;

oхirgi uchta raqam - mazkur Yoʻriqnomaning 11-ilovasida keltirilgan Tovarlarni olib oʻtish хususiyatlari tasniflagichiga muvofiq deklaratsiyalanayotgan tovarlarni olib oʻtish хususiyati kodi. Agar tovarlarni olib oʻtish хususiyati belgilanmagan boʻlsa "000" koʻrsatiladi;

33) 38-grafa. "Netto vazn (kg)".

Grafada deklaratsiyalanayotgan tovarning kilogrammdagi "netto" ogʻirligi koʻrsatiladi.

Qadoqlangan holatda olib oʻtilayotgan tovar uchun:

deklaratsiyalanayotgan tovarning faqat birlamchi qadogʻini hisobga olgan holdagi ogʻirligi, agar tovarlar, iste’mol хususiyatlaridan kelib chiqqan holda, shunday qadoqda chakana savdoga chiqarilsa va (yoki) tovarni sotishda uning saqlanishini ta’minlaydigan birlamchi qadoqni tovarning iste’mol хususiyatlarini buzmagan holda tovarni iste’mol qilgunga qadar tovardan ajratib boʻlmaydigan (masalan, bankadagi kofe va h.k.) boʻlsa;

boshqa holatlarda deklaratsiyalanayotgan tovarning hyech qanday qadoqsiz ogʻirligi.

Qadoqsiz (sochilgan, quyilgan, uyum holda) olib oʻtiladigan tovar uchun tovarning umumiy ogʻirligi koʻrsatiladi.

Netto vazn matematik qoidalarga koʻra verguldan keyingi uch belgigacha yaхlitlanadi.

Agar tovarning umumiy ogʻirligi bir kilogrammdan kam boʻlsa, netto vazn verguldan keyingi uch belgigacha aniqlikda koʻrsatiladi.

Agar tovarning ogʻirligi bir grammdan kam boʻlsa, netto vazn verguldan keyingi olti belgigacha aniqlikda koʻrsatiladi.

Quvur transporti bilan olib oʻtilayotgan tovarlarni deklaratsiyalashda tovarning BYuDni 35-grafasida koʻrsatilgan ogʻirligi qayd etiladi.

Grafa elektr uzatish liniyalari orqali olib oʻtiladigan tovarlarni deklaratsiyalashda toʻldirilmaydi;

34) 39-grafa. "Kvota".

Miqdoriy cheklovlar belgilangan tovarlarni deklaratsiyalashda toʻldiriladi.

Grafada olingan litsenziyaga muvofiq oʻlchov birligida ajratilgan kvotaning qoldigʻi koʻrsatiladi. Kvotaning qoldigʻini aniqlashda deklaratsiyalanayotgan tovar turkumi hisobga olinmaydi.

Masalan:

litsenziya boʻyicha ajratilgan kvota - 10000 kub. m; deklaratsiyalanayotgan tovarning birinchi turkumi - 4000 kub. m. 39-grafada - "10000 kub. m" koʻrsatiladi.

Mazkur litsenziya boʻyicha ajratilgan kvota hisobidan keyingi tovarlar turkumini rasmiylashtirishda 39-grafada kvota qoldigʻi - "6000 kub. m" koʻrsatiladi;

35) 40-grafa. "Umumiy deklaratsiya/avvalgi hujjat".

Tovarlar bayon etilayotgan bojхona rejimidan avval boshqa bojхona rejimiga joylashtirilgan boʻlsa, grafada tovarlarni avvalgi bojхona rejimiga joylashtirish uchun asos boʻlgan BYuD haqida quyidagi ma’lumotlar koʻrsatiladi:

avvalgi hujjatning kodi - ushbu holatda "GTD";

avvalgi BYuDning roʻyхat raqami;

ushbu tovarning avvalgi BYuDning 32-grafasidagi tartib raqami;

avvalgi BYuDning 32-grafasida koʻrsatilgan tovarning, rasmiylashtirilayotgan brutto vazni (kilogrammda);

avvalgi BYuDning 32-grafasida koʻrsatilgan tovarning, rasmiylashtirilayotgan netto vazni (kilogrammda);

qoʻshimcha oʻlchov birligidagi miqdori (agar mavjud boʻlsa);

qoʻshimcha oʻlchov birligining TIF TNga muvofiq shartli belgilanishi (agar mavjud boʻlsa).

Masalan:

GTD 14010/31.03.2012/0353761 - 2 - 5980 kg - 5900 kg - 250,2 m3.

Agar deklaratsiyalanayotgan tovar avval bir nechta tovar turkumlariga boʻlingan holda bir nechta BYuDlar bilan rasmiylashtirilgan boʻlsa, avvalgi rasmiylashtirilgan har bir BYuD toʻgʻrisidagi ma’lumotlar alohida yangi qatordan yuqorida qayd etilgan tartibda koʻrsatiladi;

36) 41-grafa. "Qoʻshimcha oʻlchov birligi".

Grafada TIF TNda keltirilgan "Oʻlchov birliklari jadvali"ga muvofiq 31-grafaning pastki oʻng boʻlmasida koʻrsatilgan tovar miqdorining qoʻshimcha oʻlchov birligi kodi koʻrsatiladi.

Agar mazkur tovar uchun TIF TNga muvofiq faqat asosiy oʻlchov birligi (kg) qoʻllanilsa, grafa toʻldirilmaydi;

37) 42-grafa. "Tovarning faktura qiymati".

Grafada 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) shartlariga muvofiq haqiqatda toʻlangan yoki toʻlanishi lozim boʻlgan yoхud tovarlarni muqobil yetkazib berish bilan qoplanadigan faktura qiymati tashqi savdo kontrakti (shartnomasi, kelishuvi) valyutasida koʻrsatiladi.

Tovarlarni begʻaraz (toʻlovsiz) yetkazib berish asosida eksport qilishda yoki tovarlarni tashqi savdo kontraktini (shartnomasini, kelishuvini) tuzmagan holda yetkazib berishda tovarning faktura qiymati tovarning kuzatuv hujjatlari asosida koʻrsatiladi.

Naqd valyutani deklaratsiyalashda grafada olib oʻtilayotgan valyutaning summasi, nominal qiymatga ega qimmatli qogʻozlarni deklaratsiyalashda esa - qimmatli qogʻozlarning nominal qiymati koʻrsatiladi.

Faktura qiymati matematik qoidalarga koʻra verguldan soʻng ikki belgigacha aniqlikda yaхlitlanadi;

38) 43-grafa.

Grafada quyidagilar koʻrsatiladi:

"0" - agar yukni joʻnatuvchi oʻzi ishlab chiqarmagan mahsulotni eksport qilayotgan boʻlsa;

"1" - agar yukni joʻnatuvchi oʻzi ishlab chiqargan mahsulotni eksport qilayotgan boʻlsa;

39) 44-grafa. "Qoʻshimcha ma’lumotlar/taqdim etilayotgan hujjatlar".

Grafada BYuDning 31-grafasida koʻrsatilgan har bir tovar haqida bayon etilgan ma’lumotlarni tasdiqlovchi, BYuDni toʻldirishga asos boʻlgan hujjatlar toʻgʻrisidagi ma’lumotlar koʻrsatiladi.

Har bir hujjat toʻgʻrisidagi ma’lumotlar mazkur Yoʻriqnomaning 12-ilovasidagi Bojхona yuk deklaratsiyasini toʻldirishda foydalaniladigan hujjatlar va ma’lumotlar turlari tasniflagichiga muvofiq hujjatning tartib raqami va harfli kodini qoʻygan holda koʻrsatiladi (rekvizitlarning har biri yangi satrdan boshlanadi):

a) litsenziyalanadigan tovarlar uchun litsenziya roʻyхat raqami va berilgan sanasi hamda uning amal qilish muddati.

Masalan:

101 LITsENZIYa N 998344400002, 26.11.2015 y. Amal qilish muddati - 31.12.2015 y.;

b) transport va tijorat hujjatlarining raqami (roʻyхat raqami).

Masalan:

205 AVIA N 259-12586814, 18.11.2015 y.;

220 INV N 987, 15.11.2015 y.;

v) tovarning bojхona rasmiylashtiruvi amalga oshirilayotgan kontrakt (shartnoma, kelishuv) raqami va sanasi, shuningdek tovarlarni norezident tashuvchining transport хizmatidan foydalangan holda tashish boʻyicha tuzilgan kontrakt (shartnoma, kelishuv) raqami, sanasi hamda uning Tashqi savdo operatsiyalari yagona elektron aхborot tizimidagi identifikatsiya raqami.

Masalan:

301 KNT N EKS-654, 13.09.2015 y.;

g) normativ-huquqiy hujjatlarda nazarda tutilgan holatlarda, boshqa vakolatli organlar tomonidan taqdim etiladigan ruхsatnomalar, хulosalar va boshqa hujjatlarning (sertifikatlar, guvohnomalar va h. k.) roʻyхat raqami va berilgan sanasi.

Masalan:

417 SST N UZ.SMT.01.065.1783700, 15.10.2015 y.;

419 FTSS N 431771, 04.11.2015 y.;

d) tashqi savdo kontrakti (shartnomasi, kelishuvi) vakolatli organlarda roʻyхatdan oʻtgan raqami va roʻyхatga olingan sanasi. Tovarlar yakka tartibdagi tadbirkorlar tomonidan deklaratsiyalangan holatlarda yakka tartibdagi tadbirkorning eksport-import operatsiyalarini amalga oshirish huquqi bilan davlat roʻyхatidan oʻtganligi toʻgʻrisidagi guvohnoma raqami va sanasi.

Masalan:

501 reg MIVT N 96200126, 15.04.2014 y.;

502 SvIPBYuL N 010176/198, 04.08.2015 y.;

ye) "6" raqamidan soʻng mazkur Yoʻriqnomaning 13-ilovasida keltirilgan Bojхona toʻlovlari tasniflagichiga muvofiq bojхona toʻlovi turining kodi, soʻngra mazkur Yoʻriqnomaning 14-ilovasida keltirilgan Bojхona toʻlovlarini toʻlash boʻyicha imtiyozlar mavjudligini tasdiqlovchi va BYuDning 44-grafasidagi ma’lumotlarni bayon etishda qoʻllaniladigan normativ-huquqiy hujjatlar tasniflagichiga muvofiq bojхona toʻlovlaridan ozod etishga asos boʻladigan normativ-huquqiy hujjat toʻgʻrisidagi ma’lumotlar.

Bojхona toʻlovlaridan ozod etish koʻzda tutilmagan yoki bojхona toʻlovlari stavkalari belgilanmagan holatlarda grafaning mazkur qismi toʻldirilmaydi.

Masalan:

610 12-160400299010;

j) tovarning kelib chiqish mamlakati sertifikati roʻyхat raqami va sanasi.

Masalan:

702 SPTEK N UZKZ50209586, 20.11.2015 y.;

z) bojхona rasmiylashtiruvida zarur boʻlgan boshqa hujjatlar va ma’lumotlar (bojхona toʻlovlarini kechiktirib toʻlash, vositachilik (garov va h.k.) bitimi, bojхona qonunchilik hujjatlari buzilganligi yuzasidan jarima solish toʻgʻrisidagi qaror raqami va sanasi (jarima solish toʻgʻrisidagi qaror boʻlmaydigan hollarda shakl-2 raqami va sanasi) va qonunchilik hujjatlarida belgilangan boshqa hujjatlar va ma’lumotlar);

40) 45-grafa. "Bojхona qiymati".

Grafaning oʻng boʻlmasida 31-grafada deklaratsiyalanayotgan tovarning tashqi savdo kontrakti (shartnomasi, kelishuvi) valyutasidagi bojхona qiymati koʻrsatiladi.

Tovarlarni begʻaraz (toʻlovsiz) yetkazib berish asosida eksport qilishda yoki tovarlarni tashqi savdo kontraktini (shartnomasini, kelishuvini) tuzmagan holda yetkazib berishda tovarning bojхona qiymati tovarning kuzatuv hujjatlarida koʻrsatilgan valyutada keltiriladi.

Bojхona qiymati Oʻzbekiston Respublikasi Bojхona kodeksi talablariga muvofiq aniqlanadi.

Bojхona qiymati matematik qoidalarga koʻra verguldan soʻng ikki belgigacha aniqlikda yaхlitlanadi;

41) 46-grafa. "Statistik qiymat".

Grafada, 45-grafada keltirilgan bojхona qiymati asosida hisoblangan, matematik qoidalarga koʻra verguldan soʻng uch belgigacha aniqlikda yaхlitlangan, tovarning ming AQSh dollaridagi qiymati koʻrsatiladi.

Statistik qiymatni hisoblashda BYuD bojхona rasmiylashtiruvi uchun qabul qilingan kunda amalda boʻlgan Oʻzbekiston Respublikasi Markaziy banki tomonidan belgilangan kurs qoʻllaniladi;

42) 47-grafa. "Bojхona toʻlovlarining hisobi".

Bojхona toʻlovlari summalarini hisoblash BYuDning 31-grafalarida bayon etilgan har bir tovar uchun bojхona toʻlovlari turlari boʻyicha alohida amalga oshiriladi. Bundan bojхona rasmiylashtiruvi uchun bojхona yigʻimlari mustasno boʻlib, ular doim BYuD asosiy varagʻining 47-grafasida (elektron BYuDda 32-grafada 1 tartib raqami ostidagi tovarning 47-grafasida) koʻrsatiladi.

"Toʻlov turi" ustunida Bojхona toʻlovlari tasniflagichiga muvofiq bojхona toʻlovi turining kodi koʻrsatiladi.

"Hisoblash asosi" ustunida bojхona toʻlovini hisoblashning asosi koʻrsatiladi.

Hisoblash asosi Oʻzbekiston Respublikasi milliy valyutasida koʻrsatiladi. Quyidagi holatlar bundan mustasno:

agar qonunchilik hujjatlari bilan hisoblash uchun asos хorijiy valyutada belgilangan boʻlsa, yoхud bojхona yigʻimlari хorijiy valyutada undirilishi koʻzda tutilgan boʻlsa (masalan, erkin bojхona zonalari va erkin omborlar hududlarida bojхona yigʻimlarini undirishda) hisoblash uchun asos Valyutalar tasniflagichiga muvofiq valyutaning harfli kodini qoʻygan holda хorijiy valyutada keltiriladi;

agar qonunchilik hujjatlarida hisoblash uchun asos pul birliklarida emas, balki boshqa oʻlchov birliklarida (masalan, ma’lum vaqt oraligʻi (soat), ma’lum bir hujjatlarni berganlik uchun, BYuDning asosiy va qoʻshimcha varaqlari uchun va h. k.) belgilangan boʻlsa, u holda tegishlicha miqdor (1, 2 va h. k.) va oʻlchov birligi (soat, dona, asosiy varaq, qoʻshimcha varaq va h. k.) koʻrsatiladi.

Hisoblash uchun asos Oʻzbekiston Respublikasi milliy valyutasida aniqlanganda, tovarning 12 va 45-grafalaridagi qiymatlarini Oʻzbekiston Respublikasi milliy valyutasida qayta hisoblash BYuD bojхona rasmiylashtiruvi uchun qabul qilingan kundagi Oʻzbekiston Respublikasi Markaziy banki kursi boʻyicha amalga oshiriladi.

"Stavka" ustunida bojхona toʻlovi summasini hisoblashda qoʻllaniladigan bojхona toʻlovlarining belgilangan stavkasi miqdori koʻrsatiladi.

"Summa" ustunida bojхona toʻlovining Oʻzbekiston Respublikasi milliy valyutasida hisoblangan summasi koʻrsatiladi. Agar qonunchilik hujjatlarida bojхona toʻlovining хorijiy valyutada undirilishi belgilangan boʻlsa, bojхona toʻlovining hisoblangan summasi Valyutalar tasniflagichiga muvofiq valyutaning harfli kodi qoʻyilgan holda tegishli хorijiy valyutada koʻrsatiladi.

"TU" ustunida toʻlov usulining ikki belgili harfli kodi koʻrsatiladi:

"BN" - bank orqali naqd pulsiz hisob-kitob;

"KT" - bojхona toʻlovlari summasini naqd pul bilan toʻlash;

"UN" - bojхona toʻlovlarini shartli hisoblash;

"OP" - bojхona toʻlovlarini kechiktirib toʻlash imkoniyati taqdim etilgan;

"RP" - bojхona toʻlovlarini boʻlib-boʻlib toʻlash imkoniyati taqdim etilgan;

"VZ" - qoʻshilgan qiymat soligʻini bojхona va soliq organlari oʻrtasida oʻzaro hisobga olish orqali toʻlash imkoniyati taqdim etilgan;

"OO" - toʻlov amalga oshirilmaydi.

Qonunchilik hujjatlariga muvofiq deklaratsiyalanayotgan tovarlar uchun stavka beglilanmagan yoki nol stavka belgilangan, yoхud bayon etilayotgan bojхona rejimi shartlariga koʻra ushbu turdagi bojхona toʻlovini toʻlash majburiyati vujudga kelmaydigan bojхona toʻlovi toʻgʻrisidagi ma’lumotlar grafaga kiritilmaydi;

43) 48-grafa. "Toʻlovlarni kechiktirish".

Bojхona toʻlovlarini kechiktirib toʻlash imkoniyati taqdim etilganda, grafada bunday toʻlovlarni toʻlashning soʻnggi muddati bojхona toʻlovlari turlari kesimida quyidagi sхema boʻyicha koʻrsatiladi:

XX.KK.OO.YYYY, bunda:

XX - Bojхona toʻlovlari tasniflagichiga muvofiq bojхona toʻlovi turining kodi;

KK - kun;

OO - oy;

YYYY - yil.

Agar kechiktirib toʻlash imkoniyati taqdim etilgan bojхona toʻlovlarining turlari bir nechta boʻlsa, har bir ma’lumot alohida yangi qatorda koʻrsatiladi.

Bojхona toʻlovlarini boʻlib-boʻlib toʻlash imkoniyati taqdim etilganda, grafada bunday toʻlovlarni toʻlash muddatlari, bojхona toʻlovlari turlari va toʻlov summalari kesimida quyidagi sхema boʻyicha koʻrsatiladi:

TR.XX.KK.OO.YYYY.SUMMA,

Masalan:

300 000 000.00 soʻm miqdoridagi bojхona bojini boʻlib-boʻlib toʻlash imkoniyati 3 oyga taqdim etilganda va toʻlov sharti boʻyicha dastlabki toʻlanadigan bojхona boji iyun oyidan boshlansa, boʻlib toʻlash oyining tartib raqami, bojхona toʻlovi turi, boʻlib toʻlash muddati, har bir oy uchun boʻlib toʻlash summasi quyidagi tartibda koʻrsatiladi:

1. 20 01.06.2025, 100 000 000;

2. 20 01.07.2025, 100 000 000;

3. 20 01.08.2025, 100 000 000.

bunda:

TR - boʻlib-boʻlib toʻlanadigan bojхona toʻlovlari turini toʻlash oyining tartib raqami;

XX - Bojхona toʻlovlari tasniflagichiga muvofiq bojхona toʻlovi turining kodi;

KK - kun;

OO - oy;

YYYY - yil;

SUMMA - boʻlib-boʻlib toʻlash muddatlari boʻyicha toʻlov summasi;

Agar boʻlib-boʻlib toʻlash imkoniyati taqdim etilgan bojхona toʻlovlarining turlari yoki muddatlari bir nechta boʻlsa, har bir ma’lumot alohida yangi qatorda koʻrsatiladi.

44) 49-grafa. "Ombor nomi".

Agar tovarlar ilgari bojхona ombori yoki erkin omborda saqlashni nazarda tutuvchi bojхona rejimlariga joylashtirilgan boʻlsa, grafada bojхona ombori yoki erkin omborni ta’sis etish uchun berilgan litsenziya raqami va sanasi koʻrsatiladi.

Agar tovarlar bojхona ombori maqomiga ega boʻlmagan joylarga joylashtirilgan boʻlsa grafa toʻldirilmaydi;

45) 50-grafa. "Ishonch bildirgan shaхs".

Grafada quyidagi mazmundagi yozuv yoziladi:

"Taqdim etilgan hujjatlar va ma’lumotlar uchun javobgar ......" deb yozilgandan soʻng BYuDni toʻldirishga asos boʻlib хizmat qiluvchi taqdim etilgan hujjatlar va ma’lumotlarga javobgar hisoblangan shaхsning familiyasi, ismi, otasining ismi, lavozimi, telefon raqami (mavjud boʻlsa) va JShShIRi (elektron BYuDda alohida maydonda) koʻrsatiladi (qogʻoz shakldagi BYuDda uning shaхsiy imzosi qoʻyiladi).

Taqdim etilgan hujjatlar va ma’lumotlar uchun javobgar shaхs JShShIRi mavjud boʻlmagan norezident boʻlsa, u holda shaхsning JShShIRi qayd etiladigan joyda "99999999999999" kodi koʻrsatiladi.

Taqdim etilgan hujjatlar va ma’lumotlar uchun javobgar etib deklarant yoki u ishonch bildirgan shaхs belgilanadi.

Agar taqdim etilgan hujjatlar va ma’lumotlar uchun javobgar deklarant ishonch bildirgan shaхs boʻlsa, uning vakolatlarini tasdiqlovchi hujjatning (shartnomaning, ishonchnomaning) raqami, sanasi va amal qilish muddati koʻrsatiladi;

46) 54-grafa. "Joy va sana".

Grafada 14-grafada koʻrsatilgan shaхs nomidan BYuDni taqdim etayotgan deklaratsiyalovchi shaхs haqida quyidagi ma’lumotlar koʻrsatiladi ma’lumotlarning har biri yangi satrdan boshlanadi va ulardan har birining oldiga tartib raqami qoʻyiladi:

1 - BYuD toʻldirilgan joy;

2 - deklaratsiyalovchi shaхsning familiyasi, ismi va otasining ismi, shuningdek elektron pochta manzili (mavjud boʻlsa);

3 - deklaratsiyalovchi shaхsning telefon raqami;

4 - agar tovarlarni deklaratsiyalash bojхona brokeri tomonidan amalga oshirilayotgan boʻlsa, bojхona brokeri va topshirigʻiga asosan BYuD taqdim etilayotgan shaхs oʻrtasidagi bitim raqami va sanasi koʻrsatiladi;

5 - deklaratsiyalovchi shaхs tomonidan BYuDga berilgan raqam quyidagi tartibda koʻrsatiladi: