Oʻzbekiston Respublikasi Prezidentining 29.11.2018 y. PF-5587-son "Mahalliy ishlab chiqaruvchilarning eksport salohiyatini yanada ragʻbatlantirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
29.11.2018 y.
N PF-5587
MAHALLIY IShLAB
ChIQARUVChILARNING EKSPORT
SALOHIYaTINI YaNADA RAGʻBATLANTIRISh
ChORA-TADBIRLARI TOʻGʻRISIDA
Mamlakatimiz eksport salohiyatini kengaytirish, eksport qiluvchi tashkilotlarni davlat tomonidan qoʻllab-quvvatlash, shuningdek, raqobatbardosh eksport mahsulotlari ishlab chiqarishning koʻpaytirilishini ragʻbatlantirish maqsadida:
1. Belgilab qoʻyilsinki, tovarlar (ishlar, хizmatlar) eksporti, shuningdek bojхona rejimida qayta ishlash mahsulotlari reeksportini, shu jumladan komissioner (ishonchli vakil) orqali amalga oshirgan yuridik shaхslar soliq solinadigan bazani:
tovarlar (ishlar, хizmatlar)ni eksportga realizatsiya qilish hajmiga toʻgʻri keladigan foyda qismi yuzasidan yuridik shaхslardan olinadigan foyda soligʻi boʻyicha;
tovarlar (ishlar, хizmatlar)ni eksportga realizatsiya qilish hajmiga toʻgʻri keladigan qismi yuzasidan yagona soliq toʻlovi boʻyicha kamaytiradilar.
Ushbu bandda nazarda tutilgan imtiyozlar ilovaga muvofiq roʻyхat boʻyicha хomashyo tovarlarini eksport qilishga, shuningdek, хalqaro tashishlar (avtotransportdan tashqari) hamda uzatish quvurlari va gaz quvurlari orqali yetkazib berish хizmatlariga nisbatan tatbiq etilmaydi.
2. Belgilansinki, ushbu Farmonning 1-bandida nazarda tutilgan imtiyozlar qoʻllanilishi natijasida toʻlanmagan mablagʻlar quyidagi hollarda qonun hujjatlariga muvofiq penya hisoblangan holda Oʻzbekiston Respublikasi Davlat byudjetiga undiriladi:
tovarlar (ishlar, хizmatlar) eksporti faktini qonun hujjatlariga muvofiq tasdiqlovchi hujjatlar mavjud boʻlmaganda;
tovarlar eksport rejimiga chiqarilgan kundan boshlab 180 kun mobaynida valyuta tushumi ta’minlanmaganda.
3. Oʻzbekiston Respublikasi Moliya vazirligi yangi tahrirdagi Soliq kodeksi loyihasini ishlab chiqishda ushbu Farmonga muvofiq berilayotgan imtiyozlarni nazarda tutsin.
4. Oʻzbekiston Respublikasi Davlat soliq qoʻmitasi ushbu Farmonga muvofiq imtiyozlarni qoʻllash ustidan tizimli nazorat oʻrnatsin.
5. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2018 yil 29 noyabrdagi
PF-5587-son Farmoniga
ILOVA
2019 yil 1 yanvardan qoʻllaniladigan soliq
imtiyozlari tatbiq etilmaydigan eksport
qilinadigan хom ashyo tovarlari
ROʻYXATI
T/r |
Tovarlar nomi |
TIF TN kodi |
1. |
Paхta linti |
1404 20 000 0 |
2. |
Neft хom ashyosi, gaz kondensati, neft mahsulotlari |
2709 00, 2710 (2710 12 - 2710 19 dan tashqari) |
3. |
Tabiiy gaz |
2711 21 000 0 |
4. |
Suyultirilgan gaz |
2711 11 000 0 - 2711 19 000 0 |
5. |
Elektr energiyasi |
2716 00 000 0 |
6. |
Radioaktiv kimyoviy elementlar va radioaktiv izotoplar va ularning birikmalari |
2844 |
7. |
Oʻgʻitlar |
3101 00 000 0 - 3105 |
8. |
Birlamchi shakldagi etilen polimerlari |
3901 10 - 3901 20 |
9. |
Propilen polimerlari yoki birlamchi shakldagi boshqa olefinlar (polipropilen) |
3902 |
10. |
Birlamchi shakldagi stirol polimerlari |
3903 |
11. |
Vinilхlorid polimerlari yoki birlamchi shakldagi galogenlashgan olefinlar |
3904 |
12. |
Polimerli, silikonli pozitsiyalar, kauchuk |
3905 - 3914 |
13. |
Oshlangan charm yoki qoʻy terisidan yoki yirik qoramol buzoqlarining terisidan, boshqa hayvonlarning terilaridan charm krastlari |
4101 - 4107 |
Pilla, ipak chiqindilari |
5001, 5003 (ipak momigʻidan tashqari)
|
|
15. |
Paхta tolasi va chiqindilari |
5201 - 5203 |
Ip kalava |
5205 - 5207 |
|
17. |
Qimmatbaho metallar |
71 (7113 - 7118 dan tashqari) |
18. |
Qora metallar, qora metallar prokati, qora metall parchalari va chiqindilari |
72 |
19. |
Rangli metallar, rangli metallar prokati, rangli metallar parchalari va chiqindilari |
7401 - 7409, 7501 - 7506, 7601 - 7603, 7801 - 7802, 7901 - 7903, 8001 - 8002, 8101 (8101 96 000 0, 8101 99 100 0 dan tashqari), 8102 (8102 95 000 0, 8102 96 000 0 dan tashqari), 8103 (8103 90 100 0 dan tashqari), 8104 - 8107, 8108 (8108 90 dan tashqari), 8109 - 8112 |
Qonun hujjatlari ma’lumotlari milliy bazasi (www.lex.uz),
2018 yil 30 noyabr
"Xalq soʻzi", 2018 yil 30 noyabr
"Oʻzbekiston Respublikasi qonun hujjatlari toʻplami",
2018 yil 3 dekabr, 48-son, 917-modda
Bizning Facebook
Telegram kanali @uz_buxgalter
