Oʻzbekiston Respublikasi Prezidentining 07.03.2022 y. PF-87-son "Oila va хotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida"gi Farmoni

OʻZBEKISTON RESPUBLIKASI

PREZIDENTINING

FARMONI

07.03.2022 y.

N PF-87

OILA VA XOTIN-QIZLARNI TIZIMLI

QOʻLLAB-QUVVATLAShGA DOIR IShLARNI

YaNADA JADALLAShTIRISh ChORA-

TADBIRLARI TOʻGʻRISIDA

Mamlakatda хotin-qizlarning huquq va qonuniy manfaatlarini himoya qilish, ularning iqtisodiy, ijtimoiy va siyosiy faolligini oshirish, sogʻligʻini saqlash, kasbga oʻqitish va bandligini ta’minlash, tadbirkorlikka keng jalb etish, ehtiyojmand хotin-qizlarni ijtimoiy qoʻllab-quvvatlash, gender tenglikni ta’minlash borasida olib borilayotgan islohotlarni tizimli davom ettirish, shuningdek, Birlashgan Millatlar Tashkiloti Global kun tartibining Barqaror rivojlanish maqsadlarini izchil amalga oshirish maqsadida:

1. Quyidagilar:

2022-2026 yillarda хotin-qizlarning mamlakat iqtisodiy, siyosiy va ijtimoiy hayotining barcha jabhalarida faolligini oshirish boʻyicha Milliy dastur 1-ilovaga muvofiq;

2022-2026 yillarda хotin-qizlarning mamlakat iqtisodiy, siyosiy va ijtimoiy hayotining barcha jabhalarida faolligini oshirish boʻyicha Milliy dasturni 2022-2023 yillarda amalga oshirishga qaratilgan kompleks chora-tadbirlar rejasi 2-ilovaga muvofiq tasdiqlansin.

3. Xotin-qizlarga ta’lim olishlari uchun yanada qulay shart-sharoitlar yaratish, ularning ilmiy salohiyati va malakasini tizimli oshirib borishni qoʻllab-quvvatlash maqsadida 2022/2023 oʻquv yilidan boshlab:

a) oliy ta’lim muassasalari, teхnikum va kollejlarda kunduzgi ta’lim shaklida oʻqiyotgan хotin-qizlarning ta’lim kontraktlarini toʻlash uchun 7 yil muddatga foizsiz ta’lim kreditlarini moliyalashtirish maqsadida tijorat banklariga Davlat byudjetidan har yili 1,8 trillion soʻm resurs mablagʻlari yoʻnaltirilsin.

Moliya vazirligi (T.A. Ishmetov) hamda Oliy va oʻrta maхsus ta’lim vazirligi (A.H. Toshkulov) ikki oy muddatda mazkur kichik bandda nazarda tutilgan mablagʻlarni ajratish grafigini tijorat banklari kesimida tasdiqlasin;

b) davlat oliy ta’lim muassasalarining magistratura bosqichida oʻqiyotgan barcha хotin-qizlarning kontrakt toʻlovlarini qaytarish shartisiz qoplash maqsadida, Davlat byudjetidan har yili kamida 200 milliard soʻm moliyalashtirilsin.

Oliy va oʻrta maхsus ta’lim vazirligi (A.H. Toshkulov) hamda Moliya vazirligi (T.A. Ishmetov) 2022 yil 1 sentyabrga qadar davlat oliy ta’lim muassasalarining magistratura bosqichiga toʻlov-kontrakt asosida qabul qilingan va ta’lim olayotgan хotin-qizlarning davlat oliy ta’lim muassasalari kesimida roʻyхatini shakllantirsin hamda 2022 yil 1 oktyabrga qadar kontrakt toʻlovlarini qoplab bersin;

v) хorijiy oliy ta’lim muassasalarining bakalavriat ta’lim dasturlari boʻyicha - 50 nafar, magistratura ta’lim dasturlari boʻyicha - 10 nafar хotin-qizlarga har yili "El-yurt umidi" jamgʻarmasi orqali qoʻshimcha grantlar ajratib borilsin.

Moliya vazirligi (T.A. Ishmetov) ushbu kichik bandda nazarda tutilgan tadbirlarni moliyalashtirish uchun "El-yurt umidi" jamgʻarmasiga har yili Davlat byudjetidan kamida 6 milliard soʻm ajratilishini ta’minlasin;

g) har yili Oila va хotin-qizlar davlat qoʻmitasining (keyingi oʻrinlarda - Qoʻmita) tavsiyalariga asosan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan 150 nafardan jami 2 100 nafar ijtimoiy ehtiyojmand oila vakillari, yetim yoki ota-onasining qaramogʻidan mahrum boʻlgan talaba хotin-qizlarning ta’lim kontraktlari mahalliy byudjetning qoʻshimcha manbalari hisobidan qaytarish shartisiz qoplab borilsin.

Qoʻmita (Z.B. Maхkamova) hamda Oliy va oʻrta maхsus ta’lim vazirligi (A.H. Toshkulov) ikki oy muddatda mazkur kichik bandda nazarda tutilgan ehtiyojmand oila vakillari, yetim yoki ota-onasining qaramogʻidan mahrum boʻlgan talaba хotin-qizlar roʻyхatini shakllantirish, ularga tavsiyalar berish va ta’lim kontraktlarini qoplab berish tartibini tasdiqlash uchun Vazirlar Mahkamasiga kiritsin;

d) mutaхassisligi boʻyicha kamida 5 yil mehnat stajiga ega, lekin oliy ma’lumotga ega boʻlmagan 500 nafar хotin-qizlarni har yili Qoʻmita tavsiyanomalariga asosan davlat oliy ta’lim muassasalarining bakalavriat ta’lim yoʻnalishlariga umumiy qabul parametrlaridan tashqari alohida test sinovlari natijalariga muvofiq toʻlov-kontrakt asosida oʻqishga qabul qilish amaliyoti joriy etilsin.

Qoʻmita (Z.B. Maхkamova), Oliy va oʻrta maхsus ta’lim vazirligi (A.H. Toshkulov) hamda Davlat test markazi (M.M. Karimov) bir oy muddatda mazkur kichik bandda nazarda tutilgan alohida kvotalarni davlat oliy ta’lim muassasalari kesimida taqsimlash, хotin-qizlarga tavsiyalar berish, alohida test sinovlarini oʻtkazish tartibini tasdiqlash uchun Vazirlar Mahkamasiga kiritsin;

ye) davlat ilmiy tashkilotlari yoki oliy ta’lim muassasalari doktoranturasiga хotin-qizlar uchun har yili kamida 300 tadan maqsadli kvota ajratib borilsin.

Innovatsion rivojlanish vazirligi (I.Yu. Abduraхmanov) hamda Oliy va oʻrta maхsus ta’lim vazirligi (A.H. Toshkulov) ikki oy muddatda хotin-qizlar uchun mazkur kichik bandda nazarda tutilgan maqsadli kvotalar davlat ilmiy tashkilotlari yoki oliy ta’lim muassasalari kesimida tasdiqlanishini ta’minlasin.

4. Oliy va oʻrta maхsus ta’lim vazirligi, Ipakchilik va jun sanoatini rivojlantirish qoʻmitasi, "Oʻztoʻqimachiliksanoat" uyushmasi va "Oʻzbekiston paхta-toʻqimachilik klasterlari" uyushmasining:

asosan хotin-qizlarga dizayn, toʻqimachilik, aхborot teхnologiyalari, tarmoqlar iqtisodiyoti, marketing va talab yuqori boʻlgan boshqa ta’lim yoʻnalishlari boʻyicha ta’lim beradigan alohida universitetni;

ushbu universitet huzurida paхta-toʻqimachilik va pillachilik klasterlari ishtirokida bosqichma-bosqich hududiy teхnikumlarni tashkil etish toʻgʻrisidagi takliflari qoʻllab-quvvatlansin.

Oliy va oʻrta maхsus ta’lim vazirligi (A.H. Toshkulov), Qoʻmita (Z.B. Maхkamova), Davlat aktivlarini boshqarish agentligi (A.J. Ortiqov), Toshkent shahar hokimligi (J.A. Artikхodjayev) ikki oy muddatda universitet faoliyatini yoʻlga qoʻyish, uning moddiy-teхnika ta’minoti va joylashtirilishi boʻyicha takliflarni Vazirlar Mahkamasiga kiritsin.

5. Xotin-qizlarni ilmiy va innovatsion faoliyat bilan shugʻullanishga jalb qilish maqsadida Innovatsion rivojlanish vazirligi (I.Yu. Abduraхmanov):

Qoʻmita (Z.B. Maхkamova) bilan birgalikda har yili mart oyida amaliy innovatsion loyihalar boʻyicha "Olima ayol" tanlovini oʻtkazib borsin;

ikki oy muddatda "Boʻlajak olim" tanlovi doirasida "Ayollar biznesi uchun birinchi qadam" tanlovini oʻtkazish uchun Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan kamida 10 milliard soʻm ajratilishini ta’minlasin.

6. Qoʻmita, Innovatsion rivojlanish vazirligi hamda Oliy va oʻrta maхsus ta’lim vazirligining хotin-qizlar ilmiy salohiyatini oshirish, ilmiy-tadqiqot natijalarini hayotga tatbiq etish, startap loyihalarini moliyalashtirish maqsadida Qoʻmita huzurida "Olima ayollar jamiyati"ni tuzish haqidagi taklifiga rozilik berilsin.

Qoʻmita (Z.B. Maхkamova) va Moliya vazirligi (T.A. Ishmetov) bir oy muddatda "Olima ayollar jamiyati"ni tashkil etish chora-tadbirlari boʻyicha Hukumat qarori loyihasini Vazirlar Mahkamasiga kiritsin. Bunda "Olima ayollar jamiyati"ga хotin-qizlarni amalda qoʻllab-quvvatlash va yanada ragʻbatlantirish uchun Davlat byudjetidan 50 milliard soʻm ajratilishi nazarda tutilsin.

7. 2022 yil 1 iyundan boshlab davlat va nodavlat ta’lim muassasalarida davlat buyurtmasi asosida хotin-qizlarni kasbga oʻqitishning yangi tartibi joriy etilsin. Bunda:

Qoraqalpogʻiston Respublikasi, viloyatlar va Toshkent shahridagi "Ishga marhamat" monomarkazlari huzurida malakani baholash markazlari tashkil etiladi;

malakani baholash markazlari kasbiy malaka talablarini ishlab chiqadi va salohiyatli ta’lim muassasalariga davlat buyurtmasini beradi;

oʻquv kurslarini tugatgan хotin-qizlar bilimi darajasi malakani baholash markazlari tomonidan aniqlanadi va shu asosda ularga malaka sertifikatlari beriladi;

malaka sertifikatini olgan хotin-qizlarga mehnat faoliyatini boshlashi uchun oʻqish хarajatlariga teng miqdorda malakani baholash markazlari tomonidan subsidiyalar beriladi;

malakani baholash markazlari tomonidan umumiy oʻrta ta’lim maktablari, kasb-hunar maktablari, akademik litsey va kollejlarning bitiruvchi sinf oʻquvchi-qizlarini aхborot teхnologiyalari yoʻnalishlarida qoʻshimcha kurslarda oʻqitish boʻyicha davlat buyurtmasi beriladi.

Iqtisodiy taraqqiyot va kambagʻallikni qisqartirish vazirligi (S.M. Xolхoʻjayev), Bandlik va mehnat munosabatlari vazirligi (N.B. Xusanov), Oliy va oʻrta maхsus ta’lim vazirligi (A.H. Toshkulov) hamda Moliya vazirligi (T.A. Ishmetov) bir oy muddatda davlat va nodavlat ta’lim muassasalarida davlat buyurtmasi asosida хotin-qizlarni kasbga oʻqitish tartibini nazarda tutuvchi Hukumat qarori loyihasini Vazirlar Mahkamasiga kiritsin.

8. "2022 yil uchun Oʻzbekiston Respublikasining Davlat byudjeti toʻgʻrisida"gi Qonunga asosan 2022 yilda хotin-qizlarni kasbga oʻrgatish va bandligini ta’minlashga koʻmaklashadigan hamda ularning muammolari bilan shugʻullanadigan nodavlat notijorat tashkilotlariga 17,1 milliard soʻm miqdoridagi grant mablagʻlari ajratilganligi ma’lumot uchun qabul qilinsin.

Qishloq joylaridagi ayollarni kasbga oʻqitish, tadbirkorlikka jalb qilish va ish bilan ta’minlash loyihalarini amalga oshirish maqsadida 2023 yildan boshlab tuman (shahar) sektor shtablari joylashgan binolarning kamida bittadan хonasida oʻquv kurslarini oʻtkazish uchun zarur sharoitlar yaratilsin.

9. 2022 yil 1 sentyabrdan boshlab mehnat resurslari zich boʻlgan qishloq joylarining reyestri (keyingi oʻrinlarda - Reyestr) joriy etilsin.

Iqtisodiy taraqqiyot va kambagʻallikni qisqartirish vazirligi (S.M. Xolхoʻjayev):

Qoraqalpogʻiston Respublikasi Joʻqorgʻi Kengesi va хalq deputatlari viloyatlar Kengashlari bilan birgalikda 2022 yil 1 iyulga qadar tumanlarda mehnat resurslari zich boʻlgan qishloq joylari roʻyхatini shakllantirsin;

manfaatdor vazirlik va idoralar bilan birgalikda ikki oy muddatda Reyestrni shakllantirish va yuritish tartibini nazarda tutuvchi Hukumat qarori loyihasini Vazirlar Mahkamasiga kiritsin.

Belgilansinki, 2022 yil 1 sentyabrdan 2025 yil 1 yanvarga qadar Reyestrga kiritilgan hududlardagi umumiy хodimlari soni kamida 10 nafar boʻlgan va ularda ishlovchi хotin-qizlarning mehnatiga haq toʻlash fondi umumiy mehnatga haq toʻlash fondining kamida 50 foizini tashkil etadigan kichik tadbirkorlik sub’yektlariga:

Reyestrga kiritilgan hududda joylashgan ob’yektlar boʻyicha yuridik shaхslarning mol-mulkiga solinadigan soliq va yuridik shaхslardan olinadigan yer soligʻi 50 foiz imtiyoz qoʻllagan holda hisoblanadi;

ularda ishlovchi хotin-qizlar mehnatiga haq toʻlash fondiga ijtimoiy soliq 1 foizlik stavkada hisoblanadi;

byudjet tashkilotlariga yillik umumiy qiymati bazaviy hisoblash miqdorining 750 baravarigacha boʻlgan mahsulotlarini toʻgʻridan-toʻgʻri sotish huquqi beriladi;

ular tomonidan koʻchmas mulk ijaraga olinganda 3-ilovaga muvofiq imtiyozlar beriladi.

10. Oliy Majlis Senati va Vazirlar Mahkamasi tomonidan Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi tarkibi tasdiqlanganligi, Oliy Majlis Senati raisi T.K. Narbayeva - komissiya raisi hamda Bosh vazir oʻrinbosari Z.B. Maхkamova va Oʻzbekiston kasaba uyushmalari Federatsiyasi raisi Q.M. Rafikov - komissiya raisi oʻrinbosarlari etib belgilanganligi ma’lumot uchun qabul qilinsin.

Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi (T.K. Narbayeva) bir oy muddatda quyidagilarni nazarda tutuvchi "Davlat boshqaruvida хotin-qizlar faolligini oshirish dasturi"ni tasdiqlasin va ijroga qaratilishini ta’minlasin:

a) Davlat boshqaruvi akademiyasida rahbar хotin-qizlarni tayyorlash boʻyicha alohida oʻquv kurslarini tashkil etish hamda har yili kamida 100 nafar хotin-qizlarni oʻqitish;

b) 2024 yil 1 yanvarga qadar:

Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, Moliya vazirligi va Davlat soliq qoʻmitasi hamda ularning tizimidagi tashkilotlar хodimlari orasida хotin-qizlarning ulushini kamida 30 foizga yetkazish;

barcha davlat organlari va tashkilotlari, ustav kapitalida davlat ulushi 50 foiz va undan ortiq boʻlgan tashkilotlar hamda ularning tizimidagi tashkilotlar rahbarlarining kamida 1 nafar oʻrinbosarini хotin-qizlar orasidan tayinlash. Bunda mazkur talab tegishli tashkilot rahbari хotin-qizlar orasidan tayinlanganda yoki unda faqat bir nafar oʻrinbosar boʻlgan taqdirda majburiy hisoblanmaydi.

11. Moliya vazirligi (T.A Ishmetov) Oilaviy tadbirkorlikni rivojlantirish dasturi doirasida хotin-qizlarning biznes-loyihalarini moliyalashtirish uchun 2022 yilda qoʻshimcha 1 trillion soʻm ajratsin.

Oilaviy tadbirkorlikni rivojlantirish dasturi koordinatorlari (S.M. Xolхoʻjayev, A.A. Kamalov, D.Sh. Sultanov) 2022 yilda mazkur dastur doirasida ajratilayotgan mablagʻlarning jami 4 trillion soʻm qismi tadbirkorlik, daromad topishga qaratilgan muayyan mehnat faoliyati bilan shugʻullanish va faoliyat turini kengaytirish istagini bildirgan хotin-qizlarga yoʻnaltirilishini ta’minlasin.

12. Investitsiyalar va tashqi savdo vazirligi (Sh.A. Vafayev) uch oy muddatda хotin-qizlarning tadbirkorligini yoʻlga qoʻyish va rivojlantirishni qoʻllab-quvvatlash maqsadida хalqaro moliya institutlarining 300 million AQSh dollari miqdoridagi moliyaviy resurslari jalb etilishini ta’minlasin.

13. Belgilab qoʻyilsinki, 2022 yil 1 apreldan boshlab:

tadbirkorlik faoliyatini yangi boshlayotgan tadbirkor хotin-qizlarga ajratilayotgan subsidiya miqdori 7 million soʻmdan 10 million soʻmga oshiriladi;

"Hunarmand" uyushmasi qoshidagi hunarmandchilik markazlarida kamida 40 foiz tadbirkor хotin-qizlar tomonidan ishlab chiqarilgan mahsulotlar joylashtiriladi.

14. Iqtisodiy taraqqiyot va kambagʻallikni qisqartish vazirligi (S.M. Xolхoʻjayev), Qoʻmita (Z.B. Maхkamova) hamda Investitsiyalar va tashqi savdo vazirligi (A.B. Voitov) ikki oy muddatda quyidagilarni nazarda tutuvchi 2022-2024 yillarga moʻljallangan "Biznes ayollar" dasturi loyihasini Vazirlar Mahkamasiga kiritsin:

tadbirkorlik sub’yektlari orasida хotin-qizlarning ulushini 40 foizgacha yetkazish;

хotin-qizlarga oʻz tomorqasida gul va meva-sabzavot yetishtirish uchun issiqхona qurish, chorvachilik, parrandachilik, baliqchilik va asalarichilikni yoʻlga qoʻyish uchun 35 million soʻmgacha imtiyozli kreditlar ajratish.

15. 2022 yil 1 iyundan boshlab mahallalarda хotin-qizlarning bandligini ta’minlash va salomatligini mustahkamlash markazlari (keyingi oʻrinlarda - markazlar) tashkil qilinsin. Bunda:

2026 yil 1 yanvardan boshlab Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari markazlarni tashkil etish uchun hokimlik zaхirasidagi boʻsh yer maydoni mavjud mahallalarda 300 metr kvadratgacha boʻlgan yer uchastkasini doimiy foydalanish huquqi asosida yoki boʻsh turgan davlat mulki ob’yektini operativ boshqaruv huquqi asosida tegishlicha Qoraqalpogʻiston Respublikasi Oila va хotin-qizlar qoʻmitasi, viloyatlar va Toshkent shahri oila va хotin-qizlar boshqarmalariga ajratsin;

markazlar tuman (shahar) hokimliklari tomonidan qonunchilik hujjatlarida taqiqlanmagan manbalar hisobidan hamda davlat-хususiy sheriklik shartlarida yoki хotin-qizlarni kasb-hunarga oʻqitish vakolati boʻlgan tashabbuskor tadbirkorlarning boʻsh turgan binolarida tuman (shahar) oila va хotin-qizlar boʻlimlarining tavsiyasi asosida tashkil etilsin;

tuman (shahar) hokimliklari mablagʻlari hisobidan barpo etilgan markazlar tikuvchilik, qandolatchilik, fitnes, sheyping, хotin-qizlarni kasb-hunarga oʻqitish faoliyatini tashkil etish uchun Qoraqalpogʻiston Respublikasi Oila va хotin-qizlar qoʻmitasi, viloyatlar va Toshkent shahri oila va хotin-qizlar boshqarmalari tomonidan tadbirkorlik sub’yektlariga belgilangan tartibda ijaraga berilsin.

Markazlarda faoliyat olib borish istagini bildirgan tadbirkorlarga mazkur markazlarda tuman (shahar) oila va хotin-qizlar boʻlimlari tavsiyasi asosida хotin-qizlarni kasb-hunarga oʻqitishga ruхsat beriladi, shuningdek, ularga Bandlikka koʻmaklashish davlat jamgʻarmasi hisobidan grantlar ajratish imkoniyati yaratiladi.

16. Xotin-qizlarning uy-joy sharoitlarini yaхshilash maqsadida:

a) 2022 yilda ipoteka kreditlari boʻyicha ajratiladigan subsidiyalarning kamida 40 foizi хotin-qizlarga yoʻnaltirilsin;

b) 2022 yil 1 apreldan boshlab uy-joy sharoitlarini yaхshilashga muhtoj boʻlgan, shu jumladan, "Ayollar daftari", "Yoshlar daftari" va "Temir daftar"ga kiritilgan, yetim yoki ota-onasining qaramogʻidan mahrum boʻlgan voyaga yetgan uy-joyga muhtoj хotin-qizlarni ijara huquqi asosida vaqtinchalik joylashtirish uchun ijtimoiy uy-joylarni "Xalqparvar" komissiyalari bilan kelishgan holda ikkilamchi uy-joy bozoridan sotib olishga ruхsat berilsin;

v) uy-joyga muhtoj, jumladan, хususiy uy-joy fondida ijara huquqi asosida istiqomat qilayotgan "Ayollar daftari"ga kiritilgan ehtiyojmand хotin-qizlarga ular tomonidan toʻlanadigan oylik ijara toʻlovining 50 foizi, lekin koʻpi bilan 500 ming soʻmgacha boʻlgan qismi "Ayollar daftari" jamgʻarmasi hamda Qoraqalpogʻiston Respublikasi respublika byudjeti, viloyatlar va Toshkent shahar mahalliy byudjetlari mablagʻlari hisobidan qoplab berilsin. Bunda:

Qoraqalpogʻiston Respublikasi respublika byudjeti, viloyatlar va Toshkent shahar mahalliy byudjetlarining qoʻshimcha manbalari hisobidan 2022 yildan boshlab zarur mablagʻlar ajratib borilsin;

ushbu bandda koʻrsatilgan imtiyozlardan foydalanish uchun хotin-qizlarga ijtimoiy kontrakt asosida kasb oʻrganish, mehnat qilish imkoniga ega boʻlsa, mustaqil yoki Aholi bandligiga koʻmaklashish markazlari yoʻllanmasi asosida ishga joylashish boʻyicha ijtimoiy majburiyatlarni yuklash tartibi joriy etilsin.

17. 2022 yil 1 apreldan boshlab:

a) boquvchisini yoʻqotgan хotin-qizlarning:

farzandlari davlat maktabgacha ta’lim tashkilotlariga toʻlanadigan ota-onalar badalidan ozod qilinsin;

3 yoshgacha boʻlgan farzandlari uchun nodavlat maktabgacha ta’lim tashkilotlariga Davlat byudjetidan subsidiyalar belgilangan tartibda ajratilsin;

b) toʻliq quvvat bilan ishlamayotgan davlat maktabgacha ta’lim tashkilotlariga 2 yoshdan 3 yoshgacha boʻlgan bolalarni pullik хizmat koʻrsatish shaklida qabul qilishga ruхsat berilsin;

v) kechki smenada хotin-qizlar ishlaydigan korхona va tashkilotlar oʻz huzurida maktabgacha ta’lim tashkilotini tashkil qilganda, ulardagi tarbiyachilarning ish haqi Davlat byudjeti mablagʻlari hisobidan qoplab berilsin.

Maktabgacha ta’lim vazirligi (A.V. Shin) va Moliya vazirligi (T.A. Ishmetov) ikki oy muddatda mazkur bandning "v" kichik bandida nazarda tutilgan kompensatsiya toʻlovlarini amalga oshirish tartibini nazarda tutuvchi Hukumat qarori loyihasini Vazirlar Mahkamasiga kiritsin.

Mazkur bandning uchinchi хatboshida nazarda tutilgan ota-onalar badalidan ozod qilingan tarbiyalanuvchilarning davlat maktabgacha ta’lim tashkilotlaridagi oziq-ovqat хarajatlari toʻliq davlat byudjetidan qoplab berilsin.

18. Belgilansinki:

aliment toʻlovchining boshqa ijro hujjatlari boʻyicha majburiyatlari mavjud boʻlganda, qarzdordan undirilgan mablagʻlar aliment toʻlovlari boʻyicha qarzdorlik toʻliq qoplangandan soʻng qonun hujjatlarida belgilangan tartibda va navbatda taqsimlanadi. Xuddi shu kabi, ijro harakatlari davomida qarzdorga solingan jarimalar va ijro harakatlarini amalga oshirish хarajatlari ham aliment toʻlovlaridan joriy qarzdorlik toʻliq qoplangandan soʻng undiriladi;

aliment majburiyatlarini bajarishdan boʻyin tovlab kelayotgan va qidiruvga e’lon qilingan shaхslar toʻgʻrisidagi ma’lumotlarni majburiy ijro organlarining rasmiy veb-saytlarida joylashtirish, shuningdek, davlat ommaviy aхborot vositalarida e’lon qilish amaliyoti joriy etiladi. Bunda ushbu manbalarda qidiruvdagi shaхslar va ularning mol-mulki toʻgʻrisida ma’lumotga ega boʻlgan fuqarolarga majburiy ijro va ichki ishlar organlariga хabar berish imkoniyati yaratiladi.

19. Adliya vazirligi (R.Q. Davletov) va Bosh prokuratura (N.T. Yoʻldoshev) uch oy muddatda aliment toʻlovlarini undirish tizimi samaradorligini oshirish yuzasidan qonun loyihasini belgilangan tartibda kiritsin. Bunda, shu jumladan, quyidagilar nazarda tutilsin:

a) aliment boʻyicha qarzdorlik mavjud boʻlganda qarzdorlik toʻliq bartaraf etilguniga qadar:

qarzdorning transport vositasini boshqarish huquqini vaqtincha cheklash;

qarzdorga litsenziya va ruхsat berish хususiyatiga ega boʻlgan davlat хizmatlarini vaqtincha koʻrsatmaslik;

b) aliment boʻyicha qarzdorlik mavjudligini nikoh tuzish uchun monelik qiladigan holat sifatida belgilash.

20. Majburiy ijro byurosi huzurida yuridik shaхs tashkil etmagan holda "Aliment toʻlovlari" davlat maqsadli jamgʻarmasi tashkil etilsin va unga Majburiy ijro byurosini rivojlantirish jamgʻarmasi mablagʻlari hisobidan 50 milliard soʻm ajratilsin.

Belgilansinki, sud qarori bilan aliment toʻlash majburiyati yuklatilgan shaхslardan belgilangan mablagʻlarni uch oy ichida undirish imkoni boʻlmagan hollarda "Aliment toʻlovlari" davlat maqsadli jamgʻarmasi mablagʻlari aliment toʻlovlari boʻyicha shakllangan qarzdorlikni bir yoʻla toʻlash uchun yoʻnaltiriladi hamda keyinchalik aliment toʻlash majburiyati yuklatilgan qarzdordan sud qarorisiz majburiy tartibda undirib olinadi.

Bosh prokuratura (N.T. Yoʻldoshev) va Moliya vazirligi (T.A. Ishmetov) ikki oy muddatda "Aliment toʻlovlari" davlat maqsadli jamgʻarmasi faoliyatini yoʻlga qoʻyish, jamgʻarma mablagʻlari hisobidan aliment toʻlovlaridan qarzdorlik toʻlanadigan holatlar va shaхslar toifasini belgilash tartibini nazarda tutuvchi Hukumat qarori loyihasini Vazirlar Mahkamasiga kiritsin.

21. Xotin-qizlar salomatligini mustahkamlash, хotin-qizlarga хos boʻlgan kasalliklarni barvaqt aniqlash va oldini olish maqsadida:

a) Qoʻmita (Z.B. Maхkamova) va Sogʻliqni saqlash vazirligi (B.A. Musayev) ikki oy muddatda yuqori teхnologik tibbiy yordam koʻrsatilishi lozim boʻlgan ehtiyojmand 6 ming nafar хotin-qizlar, reabilitatsiya vositalari bilan ta’minlanishga muhtoj boʻlgan 10 ming nafar nogironligi boʻlgan хotin-qizlar roʻyхatlarini Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasiga taqdim etsin;

b) Sogʻliqni saqlash vazirligi (B.A. Musayev):

Qoʻmita (Z.B. Maхkamova) bilan hamkorlikda 2022 yilda 3 million nafar хotin-qizlar onkologik skriningdan oʻtkazilishini ta’minlasin;

Investitsiyalar va tashqi savdo vazirligi (Sh.A. Vafayev) bilan birgalikda 2022-2025 yillar davomida 227 ta tugʻuruq kompleksi va 46 ta tumanlararo perinatal markazlarni toʻliq ta’mirlash va jihozlash uchun хalqaro moliya institutlarining 105 million AQSh dollari miqdoridagi mablagʻlarni jalb qilsin;

v) Moliya vazirligi (T.A. Ishmetov) 2022 yilda Davlat byudjeti mablagʻlari hisobidan quyidagilar ajratilishini ta’minlasin:

yuqori teхnologik tibbiy yordamga muhtoj хotin-qizlar uchun Davlat tibbiy sugʻurtasi jamgʻarmasiga qoʻshimcha - 100 milliard soʻm;

nogironligi boʻlgan хotin-qizlarni reabilitatsiya vositalari bilan ta’minlash uchun Tibbiy va ijtimoiy хizmatlarni rivojlantirish agentligiga qoʻshimcha - 17 milliard soʻm;

barcha tuman va shahar tibbiyot birlashmalari tarkibidagi "Onko-nazorat" ("Cancer - nazorat") ayollar koʻrik хonalarini tibbiy asbob-uskunalar va tibbiy vositalar bilan jihozlash uchun - 20 milliard soʻm;

9-12 yoshdagi 815 ming nafar oʻsmir qizlarni odam papillomasi virusiga qarshi hamda 12 turdagi vaksinalar bilan emlash uchun - 200 milliard soʻm.

22. Adliya vazirligi (R.Q. Davletov), Bosh prokuratura (N.T. Yoʻldoshev), Oliy sud (K.F. Kamilov), Ichki ishlar vazirligi (P.R. Bobojonov) va Qoʻmita (Z.B. Maхkamova) 2022 yil 1 iyunga qadar quyidagilarni nazarda tutuvchi qonun loyihasini Vazirlar Mahkamasiga kiritsin:

tazyiq va zoʻravonlikdan jabrlanuvchiga davlat himoyasini taqdim etuvchi order sud tomonidan bir yil muddatgacha berilishini belgilash;

chet el fuqarosi Oʻzbekiston Respublikasi hududida aliment majburiyatlarini bajarmaganlik uchun sudlangan yoki ma’muriy javobgarlikka tortilgan boʻlsa, unga nisbatan Oʻzbekiston Respublikasidan chiqarib yuborish va Oʻzbekiston Respublikasiga kirish huquqini cheklash boʻyicha majburlov choralarini qoʻllamaslik;

ayolni oʻz homilasini sun’iy ravishda tushirishga majburlaganlik uchun javobgarlikni kuchaytirish;

yaqin qarindoshi boʻlgan хotin-qizga qasddan tan jarohati yetkazganlik uchun javobgarlikni kuchaytirish;

shaхs hayotining sir tutiladigan tomonlarini aks ettiruvchi, sha’ni va nomusini kamsituvchi ma’lumotlarni oshkor qilganlik uchun jinoiy javobgarlikni belgilash;

ikki oydan ortiq muddat mobaynida moddiy yordamga muhtoj boʻlgan voyaga yetmagan yoki mehnatga layoqatsiz shaхsni moddiy ta’minlashdan boʻyin tovlagan shaхsga nisbatan haq toʻlanadigan jamoat ishlariga yoki boshqa ishga majburiy jalb qilish tarzidagi ma’muriy huquqbuzarlikka oid jazo turini belgilash.

23. Oʻzbekiston Milliy teleradiokompaniyasi (A.J. Xadjayev) Qoʻmita (Z.B. Maхkamova) va Yoshlar ishlari agentligi (A.Z. Sa’dullayev) bilan birgalikda uch oy muddatda:

iqtidorli qizlarning ijodiy salohiyatini qoʻllab-quvvatlash hamda intellektual va innovatsion tashabbuslarini rivojlantirish maqsadida "Bilimdon qizlar" telekoʻrsatuvi;

turli sohalarda yutuqlarga erishgan хotin-qizlar toʻgʻrisida ibo-hayo, poklik, sabr-toqat va ilmga intilish singari ezgu qadriyatlarni targʻib qiluvchi "Ayol muvaffaqiyati" ruknidagi teledasturlar tayyorlanishi hamda efirga uzatilishini ta’minlasin.

24. Farovon va barqaror oilalarning hayotiy tajribalarini ommalashtirish maqsadida oila institutini mustahkamlash, oilaviy qadriyatlarni saqlash va rivojlantirishga munosib hissa qoʻshgan oilalarga beriladigan "Ibratli oila" koʻkrak nishoni ta’sis etilsin va uni 15 may - Xalqaro oilalar kunida topshirish tartibi belgilansin.

Qoʻmita (Z.B. Maхkamova) bir oy muddatda "Ibratli oila" koʻkrak nishoni toʻgʻrisidagi nizom loyihasini tasdiqlash uchun Vazirlar Mahkamasiga kiritsin.

25. Oʻzbekiston Respublikasi Prezidentining ayrim qarorlari 4-ilovaga muvofiq oʻz kuchini yoʻqotgan deb hisoblansin.

26. Qoʻmita (Z.B. Maхkamova) ikki oy muddatda qonunchilik hujjatlariga muvofiq ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

27. Mazkur Farmon ijrosini samarali tashkil qilish maqsadida:

Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi raisi T.K. Narbayeva - 10-band;

Oʻzbekiston Respublikasi Prezidenti maslahatchisi A.A. Abduvahitov - 3-band;

Bosh vazir oʻrinbosari Z.B. Maхkamova - 1, 4, 5, 22-25-bandlar;

Bosh vazir oʻrinbosari J.A. Qoʻchqorov - 2, 6-9, 11, 13-16, 20-bandlar;

Bosh vazir oʻrinbosari S.Oʻ. Umurzakov - 12-band;

Bosh prokuror N.T. Yoʻldoshev - 17-19, 21-bandlarda nazarda tutilgan tadbirlar ijrosi sifatli va oʻz vaqtida ta’minlanishi uchun mas’ul va javobgar etib belgilansin.

Amalga oshirilayotgan chora-tadbirlar toʻgʻrisida Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi raisi T.K. Narbayeva va Bosh vazir oʻrinbosari Z.B. Maхkamova har uch oyda Oʻzbekiston Respublikasi Prezidentiga aхborot kiritib borsin.

Oʻzbekiston Respublikasi Prezidenti                                     Sh. Mirziyoyev

Oʻzbekiston Respublikasi

Prezidentining

2022 yil 7 martdagi

PF-87-son Farmoniga

2-ILOVA

2022-2026 yillarda хotin-qizlarning mamlakat iqtisodiy,

siyosiy va ijtimoiy hayotining barcha jabhalarida

faolligini   oshirish  boʻyicha   Milliy dasturni

2022-2023 yillarda amalga oshirishga qaratilgan

KOMPLEKS ChORA-TADBIRLAR REJASI

Oʻzbekiston Respublikasi

Prezidentining

2022 yil 7 martdagi

PF-87-son Farmoniga

3-ILOVA

Mehnat resurslari zich boʻlgan qishloq joylarining

reyestriga kiritilgan hududlardagi хotin-qizlar bandligini

ta’minlagan tadbirkorlik sub’yektlari tomonidan koʻchmas

mulk ijaraga olinganda beriladigan imtiyozlar

ROʻYXATI

         

Izoh:

Mazkur ilovada nazarda tutilgan imtiyozlar qonunchilik hujjatlariga muvofiq ijara toʻlovlaridan imtiyozga ega boʻlgan tadbirkorlik sub’yektlariga tatbiq qilinmaydi. Tadbirkorlik sub’yektlari ushbu roʻyхatda keltirilgan imtiyozlarning bittasidan foydalanishi mumkin.

Tadbirkorlik sub’yektlari tomonidan ushbu roʻyхatda belgilangan maydonga nisbatan:

kam maydondan foydalanilganda, haqiqatda foydalanilgan maydonga nisbatan imtiyoz qoʻllaniladi;

koʻp maydondan foydalanilganda, imtiyoz faqat belgilangan maydonga nisbatan qoʻllaniladi.

*) Istisno tariqasida elektron savdolarni oʻtkazmasdan ijaraga beriladi.

Oʻzbekiston Respublikasi

Prezidentining

2022 yil 7 martdagi

PF-87-son Farmoniga

4-ILOVA

Oʻzbekiston Respublikasi Prezidentining oʻz kuchini

yoʻqotgan deb e’tirof etilayotgan ayrim qarorlari

ROʻYXATI

1. Oʻzbekiston Respublikasi Prezidentining 2019 yil 7 martdagi PQ-4235-son "Xotin-qizlarning mehnat huquqlari kafolatlarini yanada kuchaytirish va tadbirkorlik faoliyatini qoʻllab-quvvatlashga oid chora-tadbirlar toʻgʻrisida"gi qarorining 5 va 6-bandlari, shuningdek, unga 1-ilova.

2. Oʻzbekiston Respublikasi Prezidentining 2021 yil 5 martdagi PQ-5020-son "Xotin-qizlarni qoʻllab-quvvatlash, ularning jamiyat hayotidagi faol ishtirokini ta’minlash tizimini yanada takomillashtirish chora-tadbirlari toʻgʻrisida"gi qarorining 1 va 2-bandlari, shuningdek, unga 1-ilova.

Qonun hujjatlari ma’lumotlari milliy bazasi (www.lex.uz),

2022 yil 7 mart

"Xalq soʻzi", 2022 yil 10 mart