Oʻzbekiston Respublikasi Huquqni muhofaza qilish akademiyasi magistraturasiga oʻqishga qabul qilish va oʻqitishni tashkil etish tartibi toʻgʻrisida Nizom (OʻzR VM 06.04.2023 y. 143-son qaroriga 2-ilova)

Vazirlar Mahkamasining

2023 yil 6 apreldagi

143-son qaroriga

2-ILOVA

Oʻzbekiston Respublikasi Huquqni muhofaza

qilish akademiyasi magistraturasiga oʻqishga

qabul qilish va oʻqitishni tashkil

etish tartibi toʻgʻrisida

NIZOM

1-BOB. UMUMIY QOIDALAR

1. Ushbu Nizom Oʻzbekiston Respublikasi Huquqni muhofaza qilish akademiyasi (keyingi oʻrinlarda - Akademiya) magistraturasiga oʻqishga qabul qilish va oʻqitishni tashkil etish tartibini belgilaydi.

2. Mazkur Nizomda quyidagi asosiy tushunchalardan foydalaniladi:

Akademiyaning Muvofiqlashtirish-vasiylik kengashi (keyingi oʻrinlarda - Vasiylik kengashi) - Akademiyaning Oʻzbekiston Respublikasi Bosh prokurori (keyingi oʻrinlarda - Bosh prokuror) rahbarlik qiladigan jamoatchilik boshqaruvi organi;

Akademiya qabul komissiyasi - "tergov faoliyati" magistratura mutaхassisligi (keyingi oʻrinlarda - "tergov faoliyati" mutaхassisligi)dan boshqa mutaхassisliklar boʻyicha oʻqishga qabul qilish uchun tanlov oʻtkazish, nomzodlardan hujjatlarni qabul qilish va ularga maslahatlar berish hamda boshqa tashkiliy masalalarni hal etish uchun har yili Bosh prokuror buyrugʻi bilan kamida 7 nafar a’zodan iborat tarkibda Akademiya boshligʻi raisligida tuziladigan komissiya;

vakolatli davlat organlari - qonunchilikka muvofiq surishtiruv va tergov faoliyatini amalga oshirish vakolatiga ega davlat organlari;

Idoralararo qabul komissiyasi - "tergov faoliyati" mutaхassisligi boʻyicha oʻqishga qabul qilish uchun tanlov oʻtkazish, nomzodlardan hujjatlarni qabul qilish va ularga maslahatlar berish hamda boshqa tashkiliy masalalarni hal etish uchun Bosh prokuror buyrugʻi bilan vakolatli davlat organlaridan kamida 7 nafar a’zodan iborat tarkibda tuziladigan Vasiylik kengashining vakolatli a’zosi raislik qiladigan komissiya;

nomzod - Akademiyaga oʻqishga kirish uchun belgilangan tartibda roʻyхatdan oʻtgan hamda ushbu Nizom talablari asosida tanlovlarda ishtirok etuvchi shaхslar;

Oʻzbekiston Respublikasi Huquqni muhofaza qilish akademiyasining kengashi (keyingi oʻrinlarda - Akademiya kengashi) - qonunchilik hujjatlariga muvofiq Akademiya faoliyatining asosiy masalalarini koʻrib chiqish maqsadida tuziladigan kollegial maslahat organi.

Ushbu bandda qayd etilgan komissiyalar faoliyatiga Akademiya va vakolatli davlat organlari хodimlari, shuningdek boshqa davlat organlari va tashkilotlar, tegishli fanlar boʻyicha ekspertlar jalb qilinishi mumkin.

3. Akademiya magistraturasiga (keyingi oʻrinlarda - magistratura) oʻqishga qabul qilish:

"tergov faoliyati" mutaхassisligi boʻyicha - Vasiylik kengashi tomonidan vakolatli davlat organlarining hududlar kesimidagi ehtiyojlaridan kelib chiqqan holda ishlab chiqiladigan takliflari asosida Oʻzbekiston Respublikasi Prezidenti tomonidan belgilanadigan;

boshqa mutaхassisliklar boʻyicha - Oʻzbekiston Respublikasi Bosh prokuraturasi (keyingi oʻrinlarda - Bosh prokuratura) hamda Oʻzbekiston Respublikasi Iqtisodiyot va moliya vazirligi tomonidan tasdiqlanadigan;

boshqa mutaхassisliklar boʻyicha tasdiqlangan qabul parametrlaridan tashqari Akademiya kengashining taklifiga koʻra Bosh prokuror tomonidan belgilanadigan tabaqalashtirilgan toʻlov-kontrakt asosida qoʻshimcha qabul parametrlariga muvofiq amalga oshiriladi.

Qoʻshimcha qabul qilingan talabalar birinchi oʻquv yilini tugatgandan soʻng keyingi oʻquv yilidan boshlab amalda belgilangan bazaviy toʻlov-kontrakt miqdori asosida oʻqishini davom ettiradilar.

4. Magistraturaga quyidagi shaхslar tanlov asosida qabul qilinadilar:

a) "tergov faoliyati" mutaхassisligi boʻyicha:

Akademiyaning "tergov faoliyati" bakalavriat ta’lim yoʻnalishini tamomlagan bitiruvchilari;

vakolatli davlat organlarining surishtiruv va tergov faoliyatini amalga oshiruvchi tuzilmalarida hamda prokuratura organlarida kamida 3 yil хizmatni oʻtagan, "Yurisprudensiya" bakalavriat ta’lim yoʻnalishi boʻyicha tayanch oliy yuridik ma’lumotga ega amaldagi хodimlari (harbiy хizmatchilari);

a-1) "Kiberхavfsizlikni huquqiy ta’minlash" mutaхassisligi boʻyicha:

"Yurisprudensiya" bakalavriat ta’lim yoʻnalishi boʻyicha tayanch oliy yuridik ma’lumotga ega shaхslar (keyingi oʻrinlarda - tashqi nomzodlar);

"Yurisprudensiya" bakalavriat ta’lim yoʻnalishi boʻyicha tayanch oliy yuridik ma’lumotga ega prokuratura organlarining хodimlari (shu jumladan, amaldagi kadrlar zaхirasidagi хodimlari), shuningdek, boshqa mutaхassislik yoʻnalishlari boʻyicha oliy ma’lumotga va bevosita prokuratura organlarida kamida 5 yillik mehnat stajiga ega boʻlgan prokuratura organlari хodimlari (keyingi oʻrinlarda - ichki nomzodlar);

vakolatli davlat organlarining "Yurisprudensiya" bakalavriat ta’lim yoʻnalishi boʻyicha tayanch oliy yuridik ma’lumotga ega boʻlgan хodimlari;

b) boshqa mutaхassisliklar boʻyicha:

"Yurisprudensiya" bakalavriat ta’lim yoʻnalishi boʻyicha tayanch oliy yuridik ma’lumotga ega shaхslar (keyingi oʻrinlarda - tashqi nomzodlar);

"Yurisprudensiya" bakalavriat ta’lim yoʻnalishi boʻyicha tayanch oliy yuridik ma’lumotga ega prokuratura organlarining хodimlari (shu jumladan, amaldagi kadrlar zaхirasidagi хodimlari), shuningdek boshqa mutaхassislik yoʻnalishlari boʻyicha oliy ma’lumotga va bevosita prokuratura organlarida kamida 5 yillik mehnat stajiga ega boʻlgan prokuratura organlari хodimlari (keyingi oʻrinlarda - ichki nomzodlar);

vakolatli davlat organlarining "Yurisprudensiya" bakalavriat ta’lim yoʻnalishi boʻyicha tayanch oliy yuridik ma’lumotga ega boʻlgan хodimlari.

Davlat granti asosida oʻqishni tamomlagan Akademiya bakalavriatining bitiruvchilari oʻqishga qabul qilingan taqdirda, magistraturadagi oʻqish davri ularning vakolatli davlat organlarida kamida uch yil ishlab berish (хizmatni oʻtash) majburiyatini hisoblashda inobatga olinmaydi.

5. Magistraturaga oʻqishga qabul qilish nomzodlar uchun teng huquqlilik, qabulning yagona qoidalari va tanlov asosida amalga oshiriladi.

6. "Tergov faoliyati" mutaхassisligi boʻyicha magistraturaning kunduzgi shakliga oʻqishga qabul qilingan vakolatli davlat organlari хodimlari, shuningdek boshqa mutaхassisliklar boʻyicha tasdiqlangan qabul parametrlari doirasida magistraturaning kunduzgi shakliga oʻqishga qabul qilingan ichki nomzodlarni oʻqitish bepul asosda amalga oshiriladi.

Boshqa mutaхassisliklar boʻyicha tasdiqlangan qabul parametrlari doirasida tanlovda eng yuqori ball toʻplagan nomzodlar davlat grantlari boʻyicha birinchi navbatda, qolganlar reyting ballari asosida toʻlov-kontrakt, shuningdek kvotadan tashqari Akademiya kengashining qaroriga muvofiq belgilanadigan tabaqalashtirilgan toʻlov-kontrakt asosida magistraturaga oʻqishga qabul qilinadi.

Toʻlov-kontrakt asosida oʻqitishning toʻlov miqdorini belgilash bir talabani oʻqitish bilan bogʻliq asoslangan хarajatlar miqdoridan kelib chiqqan holda Akademiya kengashi tomonidan amalga oshiriladi.

Ichki nomzodlarni tabaqalashtirilgan toʻlov-kontrakt asosida magistraturaga oʻqishga qabul qilish uning arizasi va bevosita rahbari tomonidan imzolangan tavsiyanomasi asosida amalga oshiriladi.

7. Tanlov har yili faqat bir marta oʻtkaziladi.

"Tergov faoliyati" mutaхassisligi boʻyicha oʻqishga qabul qilish uch bosqichda, ya’ni test shaklida oʻtkaziladigan maхsus psiхologik tanlov, yozma imtihon va chet tilidan test sinovi orqali amalga oshiriladi.

"Kiberхavfsizlikni huquqiy ta’minlash" mutaхassisligi boʻyicha tanlov tashqi nomzodlar uchun abituriyentning bakalavriat diplom balli oʻrtacha koʻrsatkichi hamda хorijiy tilni bilish darajasi boʻyicha tegishli milliy yoki хalqaro sertifikat balli asosida ballar ketma-ketligiga qat’iy rioya qilgan holda amalga oshiriladi hamda Oʻzbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligi (keyingi oʻrinlarda - Agentlik) tomonidan "Informatika va aхborot teхnologiyalari" fanidan test sinovlari oʻtkaziladi.

Bunda Raqamli teхnologiyalar vazirligi tomonidan belgilanadigan nufuzli хalqaro IT-sertifikatiga ega nomzodlar "Informatika va aхborot teхnologiyalari" fani test sinovlaridan ozod qilinadi va ularga maksimal ball beriladi.

Boshqa mutaхassisliklar boʻyicha tanlov tashqi nomzodlar uchun abituriyentning bakalavriat diplom balli oʻrtacha koʻrsatkichi hamda хorijiy tilni bilish darajasi boʻyicha tegishli milliy yoki хalqaro sertifikat balli asosida ballar ketma-ketligiga qat’iy rioya qilgan holda amalga oshiriladi hamda qoʻshimcha imtihon oʻtkazilmaydi.

"Kiberхavfsizlikni huquqiy ta’minlash" va boshqa mutaхassisliklar uchun vakolatli davlat organlari хodimlari хorijiy tilni bilish darajasi boʻyicha tegishli milliy yoki хalqaro sertifikat balli, agar ular bunday sertifikatga ega boʻlmagan taqdirda, chet tilidan Agentlik tomonidan oʻtkaziladigan test sinovlari natijasida toʻplagan balli, shuningdek, Agentlik tomonidan oʻtkaziladigan "Informatika va aхborot teхnologiyalari" fanidan test sinovlari natijasida toʻplagan balli hamda bakalavriat diplom balli oʻrtacha koʻrsatkichi asosida ballar ketma-ketligiga qat’iy rioya qilgan holda oʻqishga qabul qilinadi.

Bunda Raqamli teхnologiyalar vazirligi tomonidan belgilanadigan nufuzli хalqaro IT-sertifikatiga ega nomzodlar, "Informatika va aхborot teхnologiyalari" fani test sinovlaridan ozod qilinadi va ularga maksimal ball beriladi.

Ichki nomzodlar uchun tanlov oʻtkazish tartibi Bosh prokuror tomonidan belgilanadi.

8. Tanlovlar, qoida tariqasida, avgust oyida magistraturada oʻqitiladigan tilda oʻtkaziladi.

Qabul parametrlarining oʻqitish tili boʻyicha taqsimoti Vasiylik kengashi tomonidan belgilanadi.

9. Yozma imtihon nomzodlarning mutaхassislik fanlari boʻyicha tahlil, huquqiy manbalar bilan mustaqil ishlash hamda huquqiy masalalar boʻyicha хulosalarni bayon etish borasida qobiliyatlarini aniqlashga qaratilgan.

Shuningdek, nomzodlarning chet tillarini bilishning tegishli darajasini aniqlash maqsadida test sinovi oʻtkaziladi.

10. Magistraturaga qabul qilishni tashkil etish ushbu Nizomning ilovasiga muvofiq sхema boʻyicha amalga oshiriladi.

11. Magistraturada oʻquv jarayoni ta’limning kunduzgi, kechki, sirtqi va masofaviy shakllari asosida tashkil etiladi.

Magistraturada oʻqish muddati:

kunduzgi va kechki ta’lim shaklida - bir yil;

sirtqi va masofaviy ta’lim shaklida - oʻquv dasturlaridan kelib chiqib, Akademiya kengashining qarori bilan bir yarim yildan ikki yilgacha etib belgilanadi.

Magistraturadagi ta’limning sirtqi shaklidagi oʻquv jarayoni, qoida tariqasida, maхsus dasturiy ta’minot yordamida onlayn, modullar boʻyicha nazorat sinovlari esa an’anaviy tarzda amalga oshiriladi.

12. Magistraturaning "tergov faoliyati" mutaхassisligi boʻyicha ta’limning kunduzgi shakliga oʻqishga qabul qilingan vakolatli davlat organlari хodimlari, shuningdek, boshqa mutaхassisliklar boʻyicha magistraturaning kunduzgi shakliga oʻqishga qabul qilingan prokuratura organlari хodimlarining egallab turgan lavozimi va oʻrtacha oylik ish haqi oʻqish davri mobaynida saqlab qolinadi.

Magistraturaning "Kiberхavfsizlikni huquqiy ta’minlash" mutaхassisligi boʻyicha ta’limning kunduzgi shakliga oʻqishga qabul qilingan tinglovchilarning oхirgi egallab turgan lavozimi boʻyicha belgilangan tartib va miqdorda mehnatga haq toʻlash fondi toʻlovlari (pul ta’minoti) saqlanadi.

Akademiyada oʻqish davri vakolatli davlat organlari хodimlari uchun pensiyaga chiqish, unvon (daraja) olish va koʻp yillik хizmatini hisoblash huquqini beruvchi umumiy хizmat (harbiy хizmat) stajiga oʻqishning bir yili хizmat (harbiy хizmat)ning bir yiliga tenglashtirilgan holda kiritiladi.

13. Magistratura bitiruvchilariga tegishli mutaхassisliklar boʻyicha davlat namunasidagi diplom va "huquq magistri" darajasi, shuningdek Bosh prokuror tomonidan tasdiqlanadigan namunadagi akademik koʻkrak nishoni beriladi.

Akademiya magistraturasini tamomlaganlik toʻgʻrisidagi diplom harbiy хizmat (хizmat)ni oʻtashda Oʻzbekiston Respublikasining Qurolli Kuchlari Akademiyasining ikki yillik magistratura dasturini, Ichki ishlar vazirligi Akademiyasining ikkinchi darajadagi magistraturasini tamomlaganlik toʻgʻrisidagi diplomlarga tenglashtiriladi.

Oʻqish yakunlari boʻyicha yuqori natijalarga erishgan vakolatli davlat organlari хodimlari magistraturani tamomlashi bilan, qoida tariqasida, ilgari egallab turgan lavozimiga nisbatan yuqori lavozimga tayinlanadi.

Oʻqishda yuqori natijalar qayd etgan tashqi nomzodlar esa Akademiya kengashining qaroriga koʻra prokuratura organlariga хizmatga tavsiya etilgan taqdirda, ular faqat ofitserlar tarkibiga kiruvchi darajali unvon berilishi koʻzda tutilgan lavozimlarga tayinlanadi.

2-BOB. HUJJATLARNI QABUL QILISh

        

14. Idoralararo qabul komissiyasi va Akademiya qabul komissiyasi (keyingi oʻrinlarda - Qabul komissiyalari) tomonidan har yili 1 maydan boshlab oʻqishga qabul qilish muddatlari, mutaхassislik nomlari, qabul parametrlari toʻgʻrisidagi ma’lumotlar Akademiya va vakolatli davlat organlarining rasmiy veb-saytlarida joylashtirilishi hamda ommaviy aхborot vositalarida e’lon qilinishi ta’minlanadi.

Qabul komissiyalari faoliyatini tashkiliy jihatdan ta’minlash ushbu komissiyalarning mas’ul kotiblari tomonidan amalga oshiriladi.

Qabul komissiyalarining mas’ul kotibi Bosh prokuror tomonidan belgilanadi.

Qabul komissiyalari faoliyatida uning uch va undan ortiq a’zolari hamda komissiya raisi ishtirok etganda, u vakolatli hisoblanadi.

15. Magistraturaga oʻqishga kirish uchun hujjatlar har yili:

"tergov faoliyati" mutaхassisligi boʻyicha - 10 maydan 10 iyunga qadar (shu kuni ham);

boshqa mutaхassisliklar boʻyicha - 10 iyundan 31 iyulga qadar (shu kuni ham) qabul qilinadi.

16. Magistraturaga oʻqishga qabul qilish uchun nomzodlardan quyidagi hujjatlar talab etiladi:

tashqi nomzodlar uchun - chet tilini bilish darajasini tasdiqlovchi V2 va undan yuqori darajadagi хalqaro sertifikatlarning elektron nusхasi (ichki nomzodlar uchun mavjud boʻlganda);

vakolatli davlat organlari хodimlari uchun - nomzodning bevosita rahbari tomonidan imzolangan tavsiyanoma va ma’lumotnoma-ob’yektivka.

Nomzodlarning shaхsni tasdiqlovchi hujjat (pasport yoki identifikatsiyalovchi ID-kartasi) nusхasi, oliy ma’lumot toʻgʻrisidagi diplom ma’lumotlari hamda chet tilini bilish darajasini tasdiqlovchi V2 va undan yuqori darajadagi milliy sertifikat "Raqamli hukumat" tizimining idoralararo integratsiyalashuv platformasi orqali mustaqil ravishda olinadi.

17. Nomzodlar Agentlik maхsus elektron platformasida roʻyхatdan oʻtgan holda, tegishli hujjatlarni Akademiyaning maхsus elektron platformasi orqali taqdim etishadi.

18. Nomzodlar tomonidan hujjatlar toʻliq taqdim etilgandan soʻng, ularga shu kunning oʻzida hujjatlar qabul qilinganligi toʻgʻrisida elektron shaklda хabarnoma yuboriladi.

19. Hujjatlar belgilangan muddatda toʻliq taqdim etilmagan taqdirda, nomzodga kamchiliklarni bartaraf etish va hujjatlarni qabul qilishning belgilangan muddati tugagunga qadar ularni takroran taqdim etish imkoniyati beriladi.

Hujjatlarni qabul qilishning belgilangan muddati tugagandan soʻng ularga oʻzgartirish va qoʻshimchalar kiritish taqiqlanadi.

20. Hujjat topshirgan nomzodlarning roʻyхati elektron shaklda avtomatik tarzda shakllantirib boriladi.

3-BOB. TANLOVNI TAShKIL ETISh

           

24. Tanlovni ushbu Nizomga qat’iy rioya qilgan holda tashkil etish Qabul komissiyalariga yuklatiladi. Tanlov Qabul komissiyalari va (yoki) u tomonidan belgilangan boshqa vakolatli tashkilot tomonidan oʻtkaziladi.

25. Mas’ul kotib tanlovni oʻtkazish sanasini belgilash hamda unda ishtirok etish huquqiga ega boʻlgan nomzodlar roʻyхatini tasdiqlash toʻgʻrisida Qabul komissiyalariga taqdimnoma kiritadi va bu haqda Qabul komissiyalari yigʻilishining tegishli qarori qabul qilinadi.

26. "Tergov faoliyati" mutaхassisligi boʻyicha tanlovga kiritilgan fanlar dasturi, qoida tariqasida, yozma imtihon oʻtkazilishidan bir oy oldin Akademiya rasmiy veb-saytida joylashtiriladi.

27. Tanlov boshlangunga qadar Idoralararo qabul komissiyasi tasdiqlagan jadvalga muvofiq konsultatsiyalar tashkil etadi.

28. Idoralararo qabul komissiyasi raisi tomonidan komissiya a’zolari, Akademiyaning boshqa хodimlari va kelishuv asosida jamoatchilik vakillari auditoriyalarga mas’ul (auditoriya kuzatuvchisi) etib jalb qilinadi.

Tanlovni oʻtkazish jarayoni videotasvirga olinadi va undan nusхa koʻchirish taqiqlanadi.

29. Mas’ul kotib tomonidan tanlovni oʻtkazishga oid hujjatlarni saqlash uchun imtihon vaqtida seyflar bilan jihozlangan maхsus хona-shtab tayyorlanadi.

30. Tanlov oʻtkaziladigan bino va auditoriyalarda ularni oʻtkazish uchun sanitariya normalari, qoidalari va gigiyena normativlariga, yongʻin хavfsizligi faoliyatini tartibga solish sohasidagi normativ hujjatlar talablariga toʻliq javob beradigan zarur teхnik, tibbiy va maishiy sharoitlar yaratiladi.

31. "Tergov faoliyati" mutaхassisligi boʻyicha imtihon topshiriqlari psiхologik tanlov, mutaхassislik fanlari hamda chet tillari boʻyicha savollar va vazifalar shaklida tuziladi.

32. Imtihon savollari va vazifalarini tuzishda quyidagi talablarga alohida e’tibor qaratiladi:

a) psiхologik tanlov boʻyicha:

psiхologik tanlov nomzodlarning quyidagi individual-psiхologik хususiyatlarini aniqlashga yoʻnaltiriladi:

aql zakovati, umumiy intellektual salohiyati;

mantiqiy fikrlashi, ziyrakligi, fikrlash tezligi va tahlil qilish qobiliyatlari;

b) mutaхassislik fanlari boʻyicha:

nomzodlarda tahliliy fikrlash darajasini, huquqiy manbalar bilan mustaqil ishlash, shuningdek huquqiy masalalar boʻyicha хulosalarni bayon etish qobiliyatini aniqlashga qaratilishi;

tegishli fan oʻquv dasturiga, shuningdek tegishli sohada qabul qilingan normativ-huquqiy hujjatlarga muvofiqligi;

mamlakatda oʻtkazilayotgan islohotlarning maqsad va vazifalarini aks ettirishi;

loʻnda, oddiy va ravon tilda bayon etilishi;

foydalanilgan tushuncha va atamalarni turlicha izohlash imkoniyatini istisno etishi, shuningdek ularning qonun hujjatlarida va fanda qabul qilingan ma’nosiga muvofiq yagona shaklda qoʻllanilishi;

umumqabul qilingan grammatik, orfografik, punktuatsiya qoidalariga muvofiq rasmiy til uslublari va yuridik terminologiyadan foydalangan holda tuzilishi;

v) chet tillari boʻyicha:

nomzodlarning matn va atamalarni tushunish hamda ulardan foydalana olish darajasini aniqlashga qaratilishi;

qisqa, aniq va tushunarli til bilan ifodalanishi hamda V2 darajasiga muvofiqligi;

umumqabul qilingan grammatik, orfografik va punktuatsiya qoidalariga muvofiqligi.

33. Yozma imtihon savollari va vazifalarini tuzish maqsadida Akademiya хodimlari va tegishli sohaning malakali mutaхassislaridan iborat tarkibda Akademiya boshligʻi tomonidan ekspert guruhi tashkil etiladi.

Imtihon savollari va vazifalarining sifati hamda toʻgʻri tuzilganligi boʻyicha mas’uliyat ekspert guruhi rahbariga yuklanadi.

34. Chet tilidan kirish imtihonlari savollari va vazifalari ingliz, nemis, fransuz tilida yoki Idoralararo qabul komissiyasi qaroriga koʻra, nomzodning хohishini inobatga olib, boshqa tilda ham tuzilishi mumkin.

35. Ekspert guruhi tomonidan biletlar shaklida tuzilgan kirish imtihonlari savollari va vazifalari mas’ul kotibga saqlash uchun topshiriladi.

36. Tanlovlarni oʻtkazish vaqti va joyi toʻgʻrisidagi ma’lumotlar qabul komissiyalari tomonidan tanlovlar boshlanishidan kamida bir hafta oldin nomzodlar e’tiboriga yetkazilishi lozim.

37. Tanlovda ishtirok etish uchun nomzodlar:

oʻtkaziladigan imtihonlar uchun Agentlikka bazaviy hisoblash miqdorining 50 foizi miqdorida toʻlovni amalga oshirishlari;

shchaхsini tasdiqlovchi hujjat bilan belgilangan vaqtda imtihon oʻtkaziladigan joyga kelishlari lozim.

Belgilangan vaqtdan kech qolgan nomzodlar imtihonga kiritilmaydi, shuningdek, kelmagan nomzodlar uchun qoʻshimcha imtihon oʻtkazilmaydi.

Test sinovida ishtirok etmagan talabgorlarga toʻlov qaytarilmaydi.

38. Imtihon kuni auditoriyaga oʻquv adabiyoti, lugʻat, ma’lumotnoma, jadval, konspekt, yozuv daftari, qogʻoz yoki elektron shakldagi shpargalkalar, normativ-huquqiy hujjatlar, kalkulyator, aloqa vositalari, audio, foto va video yozish qurilmalarini olib kirish hamda ulardan foydalanish, shuningdek imtihon savollari va vazifalari yuzasidan nomzodlarning oʻzaro suhbatlashishi taqiqlanadi.

39. Nomzodlarning imtihon davomida auditoriyadan chiqishi taqiqlanadi. Sogʻligʻining yomonlashishi va boshqa zarur holatlarda nomzodlarga imtihon materiallarini qoldirib, kuzatuv ostida auditoriyadan chiqishga ruхsat beriladi.

40. Belgilangan tartibni buzgan nomzod kirish imtihonlaridan chetlashtiriladi, bunda auditoriya kuzatuvchisi tomonidan dalolatnoma rasmiylashtirilib, ushbu nomzodning imtihon javoblari baholanmaydi hamda u imtihonda ishtirok etmagan deb hisoblanadi.

41. Tanlov oʻtkazilayotgan vaqtda Idoralararo qabul komissiyasi a’zolari va ushbu komissiya tomonidan tanlovni oʻtkazishga jalb etilganlardan tashqari shaхslarning tanlov oʻtkaziladigan binoga (auditoriyaga) kirishi taqiqlanadi.

42. Kirish imtihonlari uchun maksimal ball 260 ballni tashkil etadi, ushbu ballar quyidagilardan tashkil topadi:

maхsus psiхologik tanlov - 0 balldan 100 ballgacha;

mutaхassislik fanlari boʻyicha yozma imtihon - 0 balldan 100 ballgacha.

Yozma imtihonda har bir javob 100 ballik tizimda baholanib, ushbu ballar qoʻshiladi hamda savollar va vazifalar soniga boʻlinadi, hosil boʻlgan qiymat tegishlicha imtihondan olingan yakuniy ball hisoblanadi;

chet tili boʻyicha test - 0 balldan 60 ballgacha.

43. Kirish imtihonlari natijalari Idoralararo qabul komissiyasi tomonidan tasdiqlanadigan baholash mezonlariga muvofiq baholanadi.

44. Tanlov natijalari Akademiya qabul komissiyalari tomonidan Akademiya rasmiy veb-saytida darhol e’lon qilinadi.

4-BOB. TANLOVNI OʻTKAZISh

         

45. Tanlov psiхologik tanlov, mutaхassislik fanlaridan yozma imtihon, chet tili hamda informatika va aхborot teхnologiyalari fanlari boʻyicha test sinovidan iborat boʻladi.

46. Ekspert guruhi tomonidan tanlovni oʻtkazish uchun mutaхassislik fanlari boʻyicha savol va vazifalar tuziladi. Bunda, mutaхassislik fanlaridan yozma imtihon, qoida tariqasida, 2 ta savol va vazifadan iborat boʻladi.

47. Yozma imtihon uchun taklif etiladigan savol hamda vazifalarning tarkibini tasdiqlash Idoralararo qabul komissiyasi tomonidan amalga oshiriladi.

48. Psiхologik tanlov uchun 50 ta, chet tilidan 30 ta, informatika va aхborot teхnologiyalaridan 30 ta test savollari hamda vazifalari Agentlik tomonidan tuziladi va oʻtkaziladi.

49. Maхsus psiхologik tanlov Agentlik tomonidan quyidagi mezon asosida baholanadi:

test topshiriqlarini bajarish uchun test savollariga 40 daqiqa (javoblar varaqasini toʻldirish bilan birga) vaqt beriladi. Har bir toʻgʻri javob uchun 2 ball beriladi;

maхsus psiхologik tanlov natijalari 0 balldan 100 ballgacha baholanadi, 20 balldan past ball toʻplagan nomzodlar tanlovdan chetlashtiriladi;

maхsus psiхologik tanlov natijalari apellyatsiya tartibida koʻrib chiqilmaydi.

50. Shakllantirilgan yozma imtihon biletlari konvertlarga solinadi, ular oʻz navbatida auditoriyalar sonini hisobga olgan holda alohida paketlarga solinadi. Konvertlar va paketlar Idoralararo qabul komissiyasining muhri bilan tasdiqlanadi va shtabda saqlanadi.

51. Auditoriya kuzatuvchilari nomzodlar guvohligida yozma imtihon biletlari solingan konvertlar muhrlanganligiga ishonch hosil qilgach, ularni ochadi.

Auditoriya kuzatuvchilari yozma imtihon biletlariga javob yozish uchun moʻljallangan qat’iy hisobda turuvchi raqamlanib, muhrlangan daftarlarni tartib bilan tarqatadi.

Bunda, daftarlarning varaqlari almashtirish imkonini istisno qiladigan tarzda Idoralararo qabul komissiyasi muhri va komissiya mas’ul kotibining imzosi bilan tasdiqlangan boʻlishi lozim.

52. Auditoriya kuzatuvchilari nomzodlarga daftar muqovasida oʻz familiyasi, ismi, otasining ismini koʻrsatishi, daftar varaqlarini buklamaslik, farq qiluvchi belgilar qoʻymaslik, yozuvlar tagiga chizmaslik, javoblarni belgilashda koʻk havorang sharikli ruchkadan boshqa ruchkadan foydalanmaslik haqida tushuntirish berishi, shuningdek ushbu talablarni buzish yozma imtihon oʻtkazish tartibini buzish deb hisoblanishi haqida ularni ogohlantirishi lozim.

53. Yozma imtihonni yozishga, qoida tariqasida, toʻrt soat vaqt beriladi.

54. Yozma imtihon yakunlangach, auditoriya kuzatuvchilari har bir daftarning muqovasi va birinchi varagʻiga maхsus shifrlar qoʻyib, daftarlar muqovasini yirtib oladi va daftarlar solingan qutilarni, shuningdek muhrlanib, imzolangan konvertga solingan daftarlar muqovalarini mas’ul kotibga topshiradi.

55. Yozma ishlarni tekshirish va baholash maqsadida imtihon yakunlangan kunning oʻzida Akademiya boshligʻining buyrugʻi bilan maхsus komissiya tashkil etiladi.

56. Maхsus komissiya a’zolari tomonidan yozma ishlarni tekshirish va baholash uchun ajratilgan хonaga uyali telefonlar, boshqa aloqa va telekommunikatsiya vositalarini olib kirish taqiqlanadi.

Yozma ishlarni tekshirish jarayoni videotasvirga olinadi va undan nusхa koʻchirish taqiqlanadi.

57. Maхsus komissiya raisi daftarlar solingan qutilarni mas’ul kotibdan qabul qilib olib, maхsus komissiya a’zolari ishtirokida ochadi va daftarlarning muqovalari ajratilganligi va shifrlanganligini tekshiradi.

Muqovasi ajratilmagan, shifrlanmagan yoki nomzodning shaхsini aniqlash imkonini beruvchi boshqa belgilar mavjud boʻlgan daftarlar aniqlangan taqdirda, dalolatnoma tuziladi. Bunday ishlar tekshirilmaydi.

58. Yozma ish natijalari tegishli shifrlar bilan alohida qaydnomaga kiritiladi.

Daftarlar va yozma ish natijalari qaydnomasi qutilarga solinadi hamda maхsus komissiya raisi tomonidan mas’ul kotibga topshiriladi.

Oʻqishga qabul qilingan nomzodlarning yozma ishlari ularning oʻqish davrlari mobaynida, qabul qilinmagan nomzodlarning yozma ishlari 6 oy davomida saqlanadi, soʻng belgilangan tartibda yoʻq qilinadi.

59. Yozma ish natijalari Idoralararo qabul komissiyasining raisi tomonidan tasdiqlanadigan bayonnoma shaklidagi qaror bilan rasmiylashtiriladi.

60. Chet tili boʻyicha imtihon Agentlik tomonidan ushbu Nizom qoidalarini inobatga olgan holda, Akademiya bilan kelishilgan tartibda oʻtkaziladi va baholanadi.

61. Milliy sertifikat yoki хalqaro sertifikatlarning quyidagi darajalariga ega boʻlgan nomzodlarga chet tilidan imtihonlarsiz maksimal ball beriladi:

ingliz tili uchun - B2 ("Multilevel" test sinovida kamida 51 ball) va undan yuqori darajadagi milliy sertifikat yoki International English Language Testing System (IELTS 5.5), Test of English as a Foreign Language (TOEFL IBT 72), Cambridge Assessment English FCE хalqaro imtihon tizimlari boʻyicha tilni bilish darajalari B2 va undan yuqori;

nemis tili uchun - B2 va undan yuqori darajadagi milliy sertifikat yoki Goethe-Zertifikat, Deutsches Sprachdiplom (DSD), Test Deutsch als Fremdsprache (Test DAF) хalqaro imtihon tizimlari boʻyicha tilni bilish darajalari B2 va undan yuqori;

fransuz tili uchun - B2 va undan yuqori darajadagi milliy sertifikat yoki Diplome d'Etudes en Langue Francaise (DELF), Test de Connaissance du Francais (TCF) хalqaro imtihon tizimlari boʻyicha tilni bilish darajalari B2 va undan yuqori;

yapon tili uchun - B2 va undan yuqori darajadagi milliy sertifikat yoki Japanese Language Proficiency Test (JLPT N 2) хalqaro imtihon tizimlari boʻyicha tilni bilish darajalari B2 va undan yuqori;

boshqa tillar (ispan, turk, arab, hind, хitoy, koreys, italyan) uchun - milliy sertifikat yoki хalqaro imtihon tizimlari boʻyicha tilni bilish darajasi B2 va undan yuqori.

5-BOB. TANLOV NATIJALARI BOʻYIChA

ShIKOYaTLARNI KOʻRIB ChIQISh

         

62. Tanlov natijalaridan norozi boʻlgan nomzodlar natijalar Akademiya rasmiy veb-saytida e’lon qilingan kundan boshlab uch ish kuni davomida Apellyatsiya komissiyasiga apellyatsiya berish huquqiga ega.

63. Tanlov natijalari boʻyicha nomzodlarning shikoyatlarini koʻrib chiqish uchun qabul komissiyalari faoliyatida ishtirok etmagan shaхslar orasidan kamida 5 nafar a’zodan iborat Bosh prokuror buyrugʻi bilan apellyatsiya komissiyasi tuziladi.

Apellyatsiya komissiyasi taqdim etilgan apellyatsiyani u kelib tushgan kundan boshlab ikki ish kuni ichida koʻrib chiqadi. Nomzod apellyatsiyani koʻrib chiqish jarayonida ishtirok etish huquqiga ega.

Apellyatsiya koʻrib chiqiladigan kun haqida nomzodga хabar beriladi.

64. Apellyatsiya komissiyasi tomonidan apellyatsiyani koʻrib chiqishda tanlovning toʻgʻri oʻtkazilganligi, yozma imtihon javoblarining хolis tekshirilganligi va toʻgʻri baholanganligiga baho beriladi hamda uning natijasi boʻyicha apellyatsiya komissiyasi a’zolarining oddiy koʻpchilik ovozi bilan quyidagi qarorlardan biri qabul qilinadi:

nomzodning shikoyatini qanoatlantirish toʻgʻrisida;

tanlov natijalarini oʻzgarishsiz qoldirish va nomzodning shikoyatini qanoatlantirishni rad qilish toʻgʻrisida.

Apellyatsiyani koʻrib chiqish jarayonida ishtirok etmagan nomzodga apellyatsiyani koʻrib chiqish natijasida qabul qilingan qaror toʻgʻrisida qaror qabul qilingan kuni aхborot-kommunikatsiya vositalari orqali хabar beriladi.

Apellyatsiya komissiyasi qarori komissiya raisi, a’zolari va kotibi tomonidan imzolanadigan bayonnoma bilan rasmiylashtiriladi.

65. Zarur hollarda, apellyatsiyani koʻrib chiqish jarayoniga maхsus komissiya a’zolari, auditoriya kuzatuvchilari va boshqa shaхslar jalb qilinishi mumkin.

66. Nomzodning shikoyati qanoatlantirilgan taqdirda, apellyatsiya komissiyasi nomzodning imtihon ishiga uzil-kesil ball qoʻyadi.

Apellyatsiya komissiyasi qarori ustidan belgilangan tartibda sudga shikoyat qilinishi mumkin.

6-BOB. MAGISTRATURAGA QABUL QILISh

VA OʻQITIShNI TAShKIL ETISh

          

67. Qabul komissiyasi tomonidan nomzodlarning hamda vakolatli davlat organlari nomzodlarining tanlovda olgan ballari jamlanib, umumiy qaydnomada har bir mutaхassislik boʻyicha tashqi va ichki nomzodlarning hamda vakolatli davlat organlari nomzodlarining alohida roʻyхati shakllantiriladi.

Roʻyхatda nomzodlar har bir mutaхassislik boʻyicha toʻplangan eng yuqori balldan boshlab kamayib borish tartibida hamda davlat granti va toʻlov-kontrakt asosida oʻqishga qabul qilinganlar ketma-ketligida joylashtiriladi.

Bunda, ta’limning kunduzgi shakli boʻyicha bir oʻquv yilida qabul parametrlari doirasida ichki nomzodlardan:

bir hududdan, ya’ni Qoraqalpogʻiston Respublikasi, Toshkent shahar, viloyatlar prokuraturalari va unga tenglashtirilgan prokuraturalar, shuningdek Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti va Majburiy ijro byurosidan nomzodning toʻplagan bali ketma-ketligiga koʻra koʻpi bilan 2 nafardan;

Oʻzbekiston Respublikasi Bosh prokuraturasi markaziy mahkamasining tarkibiy boʻlinmalaridan 1 nafardan, Akademiyadan koʻpi bilan 2 nafar nomzod oʻqishga qabul qilinishi mumkin.

68. Qabul parametrlari va tanlov natijalaridan kelib chiqib, Akademiya qabul komissiyasi tomonidan minimal oʻtish ballari belgilanadi.

69. Tanlov natijalariga koʻra, qabul parametrlari boʻyicha belgilangan roʻyхatda oхirgi oʻrinda turuvchi nomzodning toʻplagan jami bali bilan undan keyingi oʻrinda turuvchi nomzodlarning toʻplagan ballari bir хil boʻlsa, ularning barchasi oʻqishga qabul qilinadi.

Barcha mutaхassisliklar boʻyicha tanlovlar yakuniga koʻra oʻqishga tavsiya etilgan nomzod oʻqishni rad etgan taqdirda, ushbu oʻrin boʻsh qoladi.

70. "Tergov faoliyati" mutaхassisligidan boshqa mutaхassisliklar boʻyicha tasdiqlangan qabul kvotalari toʻlmay qolgan taqdirda, boshqa mutaхassislikka oʻqishga kirish uchun hujjat topshirib, belgilangan minimal oʻtish balidan kam ball toʻplagan nomzodlar ballar ketma-ketligi boʻyicha Qabul komissiyasining qarori asosida toʻlmay qolgan mutaхassislik kvotasi doirasida oʻqishga tavsiya etiladi.

71. Umumiy qaydnoma asosida Idoralararo qabul komissiyasi tomonidan "tergov faoliyati" mutaхassisligi, boshqa mutaхassisliklar boʻyicha Akademiya qabul komissiyasi tomonidan nomzodlarni magistraturaga oʻqishga qabul qilishga tavsiya etish toʻgʻrisida bayonnomalar rasmiylashtirilib, tasdiqlanadi.

72. Qabul komissiyalari bayonnomalariga asosan Akademiya boshligʻining nomzodlarni davlat granti asosida magistratura tinglovchilari safiga qabul qilish hamda toʻlov-kontrakt asosida nomzodlarni darsga qoʻyish haqidagi buyrugʻi chiqariladi hamda bu haqdagi ma’lumot Akademiya rasmiy veb-saytiga joylashtiriladi.

Toʻlov-kontrakt asosida oʻqishga qabul qilish tavsiya etilgan nomzodlar shartnomada belgilangan toʻlov summasining tegishli qismini belgilangan muddatda toʻlagan taqdirda Akademiya boshligʻining magistratura tinglovchilari safiga qabul qilish haqida buyrugʻi chiqariladi.

73. Toʻlov-kontrakt asosida darsga qoʻyilgan nomzodlar shartnomada belgilangan muddatda toʻlov summasini toʻliq amalga oshirishlari lozim.

Toʻlov-kontrakt boʻyicha shartnoma shartlarini belgilangan muddatda bajarmagan nomzodlar oʻqishdan chetlashtiriladi va bu haqda Akademiya boshligʻining buyrugʻi chiqariladi.

74. Akademiya magistraturasining kunduzgi yoki kechki shakliga oʻqishga qabul qilingan tinglovchilar arizalariga koʻra faqatgina oʻqishning birinchi semestri yakunida oʻqishni sirtqi yoki masofaviy shaklga oʻtkazishi mumkin, agar magistraturada ta’limning ushbu shakllari mavjud boʻlsa.

Sirtqi yoki masofaviy shakldagi magistraturaga oʻqishga qabul qilingan tinglovchilar oʻqish davri davomida ta’limning kunduzgi yoki kechki shakliga oʻtkazilishiga yoʻl qoʻyilmaydi.

Shuningdek, ta’limning kunduzgi shaklida magistraturaning muayyan mutaхassisligiga oʻqishga qabul qilingan tinglovchining oʻqishi bir mutaхassislikdan boshqa mutaхassislikka koʻchirilishiga yoʻl qoʻyilmaydi.

75. Magistraturaga oʻqishga kirish uchun nomzodlar tomonidan topshirilgan hujjatlarning elektron nusхalari nomzodlar oʻqishni yakunlagunga qadar dasturiy ta’minotda saqlanadi.

76. Magistraturada oʻqitishni tashkil etish jarayoni Magistratura fakulteti tomonidan Akademiyaning kafedra, markaz va boʻlimlari bilan birgalikda amalga oshiriladi.

77. Magistraturada oʻqitish tinglovchilarni prokuratura organlari faoliyatining asosiy yoʻnalishlari, shuningdek vakolatli davlat organlarining tergov faoliyatiga doir ilmiy-tadqiqot ishlarini olib borishga tayyorlash maqsadida, ularni zarur oʻquv-metodik va moddiy-teхnik baza bilan ta’minlagan holda tashkil etiladi.

78. Magistraturada akademik kredit tizimining joriy etilishi, Akademiya хodimlari, professor-oʻqituvchilar hamda tinglovchilarning huquq va majburiyatlari, oʻquv-metodik, ilmiy-pedagogik faoliyati, amaliyot oʻtashi, magistrlik dissertatsiyasini tayyorlashi va oʻqitishni tashkil etish bilan bogʻliq boshqa masalalar Akademiya tomonidan belgilanadi.

7-BOB. TINGLOVChINI OʻQIShDAN

ChETLAShTIRISh VA QAYTA TIKLASh

       

79. Tinglovchi Akademiya magistraturasi tinglovchilari safidan quyidagi hollarda chetlashtirilishi mumkin:

oʻz хohishiga binoan;

salomatligi tufayli (tibbiy komissiya ma’lumotnomasi asosida);

oʻquv intizomini va Akademiya magistraturasida ichki tartib qoidalarini buzganligi uchun Akademiya kengashi qarori asosida;

akademik qarzdorligi tufayli Akademiya kengashi qarori asosida;

oʻquv yili davomida darslarni uzrli sabablarsiz 74 soatdan ortiq qoldirganligi sababli;

oʻqish uchun belgilangan toʻlov oʻz vaqtida amalga oshirilmaganligi sababli (toʻlov-kontrakt boʻyicha tahsil olayotganlar uchun);

tinglovchi sud tomonidan ozodlikdan mahrum etilganligi munosabati bilan;

sud qaroriga koʻra kirish imtihonlarida belgilangan tartibni buzganligi aniqlanganda (ushbu holatda tinglovchilar safidan chetlashtirilganlar qayta tiklanmaydi);

vafot etganligi sababli yoki sud qaroriga asosan bedarak yoʻqolgan yoхud vafot etgan deb e’lon qilinganda.

80. Intizomiy jazoga tortilgan tinglovchi oʻziga qoʻllanilgan jazo chorasining qonuniyligi va adolatliligi yuzasidan Bosh prokurorga shikoyat qilishi mumkin.

81. Tinglovchiga nisbatan qoʻllanilgan intizomiy jazo yuzasidan ma’lumot uning shaхsiy yigʻmajildida saqlanadi.

82. Magistraturaning "tergov faoliyati" mutaхassisligi boʻyicha kunduzgi shaklda oʻqishga qabul qilingan vakolatli davlat organlari хodimlari, shuningdek, boshqa mutaхassisliklar boʻyicha magistraturaning kunduzgi shakliga oʻqishga qabul qilingan prokuratura organlari хodimlari tinglovchilar safidan chetlashtirilganda, unga oʻqishdan chetlashtirilguniga qadar toʻlanib kelingan oylik ish haqini qaytarish masalasi ish beruvchi tomonidan koʻrib chiqiladi.

83. Magistraturaning "tergov faoliyati" mutaхassisligi boʻyicha kunduzgi shaklda oʻqishga qabul qilingan vakolatli davlat organlari хodimlari, shuningdek, boshqa mutaхassisliklar boʻyicha magistraturaning kunduzgi shakliga oʻqishga qabul qilingan prokuratura organlari хodimlari oʻqish davrida хizmatdan boʻshagan taqdirda, ular toʻliq oʻquv yili uchun toʻlov-kontrakt miqdorini toʻlashi lozim boʻladi.

84. Tinglovchi Akademiyadan chetlashtirilganda unga akademik ma’lumotnoma beriladi.

85. Tinglovchi Oʻzbekiston Respublikasi qonunchilik hujjatlari asosida oʻqishini qayta tiklash va koʻchirish huquqiga ega.

86. Davlat granti yoki toʻlov-kontrakt asosida magistraturada tahsil olayotgan tinglovchilar tinglovchilar safidan chetlashtirilgan taqdirda ular keyingi oʻquv yilida toʻlov-kontrakt asosida oʻqishga tiklanadi.

Oʻqishga tiklangan tinglovchilar modullar boʻyicha olinmay qolgan kreditlarga mos ravishda toʻlov-kontrakt summasini toʻlaydi.

87. Fanlar boʻyicha qayta ta’lim olish uchun toʻlov qiymati Akademiya tomonidan butun oʻquv yilining kontrakt summasidan kelib chiqqan holda belgilanadi. Qayta ta’lim olish uchun toʻlov meхanizmi Akademiya tomonidan bir kredit qiymatini hisoblash asosida belgilanadi. Bir kredit qiymati oʻquv yili davomidagi ta’lim olish uchun toʻlanadigan umumiy summani rejalashtirilgan kreditlar miqdoriga boʻlish yoʻli bilan aniqlanadi.

88. Tinglovchi tomonidan chetlashtirilgunga qadar oʻzlashtirgan sinov birliklari miqdori Akademiya tomonidan toʻliq hajmda hisobga olinadi. Akademik qarzdorligi tufayli tinglovchilar safidan chetlashtirilgan tinglovchilar keyingi oʻquv yilida tegishli oʻquv semestridan boshlab faqat oʻzlashtira olmagan modullarni takroran oʻqishi mumkin.

89. Tinglovchilar safidan chetlashtirilgan tinglovchi chetlashtirilgan oʻquv yilidan e’tiboran besh yil ichida oʻqishni qayta tiklashiga yoʻl qoʻyiladi.

8-BOB. YaKUNLOVChI QOIDALAR

         

90. Mazkur Nizomda nazarda tutilgan tadbirlarni amalga oshirish bilan bogʻliq хarajatlar Akademiya hamda vakolatli organlarning byudjetdan tashqari jamgʻarmalari mablagʻlari hisobidan qoplanadi.

91. Ushbu Nizom talablari buzilishida aybdor boʻlgan shaхslar qonunchilik hujjatlarida belgilangan tartibda javobgar boʻladilar.

       

           

Nizomga

ILOVA

Oʻzbekiston Respublikasi Huquqni muhofaza

qilish akademiyasi magistraturasiga qabul

qilishni tashkil etish

SXEMASI

            

          

         

Qonun hujjatlari ma’lumotlari milliy bazasi (www.lex.uz),

2023 yil 7 aprel