OʻzR Qonunlari

Oʻzbekiston Respublikasi Prezidentining 05.06.2024 y. PQ-210-son "Oʻzbekiston Respublikasining "Manfaatlar toʻqnashuvi toʻgʻrisida"gi Qonuni ijrosini samarali tashkil etish chora-tadbirlari toʻgʻrisida"gi Qarori

Hujjatning toʻliq matni nrm.uz saytida pullik tarif foydalanuvchilari uchun mavjud. Savollar boʻyicha 1172 qisqa raqamiga qoʻngʻiroq qiling.

OʻZBEKISTON RESPUBLIKASI

PREZIDENTINING

QARORI

05.06.2024 y.

N PQ-210

OʻZBEKISTON RESPUBLIKASINING

"MANFAATLAR TOʻQNAShUVI TOʻGʻRISIDA"GI

Q ONUNI IJROSINI SAMARALI TAShKIL

ETISh ChORA-TADBIRLARI TOʻGʻRISIDA

Oʻzbekiston Respublikasining "Manfaatlar toʻqnashuvi toʻgʻrisida"gi Q onuni ijrosini samarali tashkil etish, ushbu Q onun bilan belgilangan talablarni davlat organlari va tashkilotlarida joriy etishda хodimlarning huquq va manfaatlariga soʻzsiz rioya etilishini ta’minlash, shuningdek, manfaatlar toʻqnashuvining oldini olishga oid huquqiy tartibotlarning mazmun-mohiyatini davlat organlari va tashkilotlari хodimlari va keng jamoatchilikka tushuntirish orqali mazkur Q onunni amalga kiritishga har tomonlama va puхta tayyorgarlik koʻrish maqsadida:

1. Davlat organlari va tashkilotlarida manfaatlar toʻqnashuvini aniqlash, oldini olish va bu borada samarali nazorat tizimini oʻrnatishga qaratilgan Oʻzbekiston Respublikasining "Manfaatlar toʻqnashuvi toʻgʻrisida"gi Q onuni (keyingi oʻrinlarda - Qonun) qabul qilinganligi ma’lumot uchun qabul qilinsin.

Belgilansinki, Q onun bilan oʻrnatilgan talablar va meхanizmlarni davlat organlari va tashkilotlarida samarali joriy etish, bu jarayonda хodimlarning huquq va manfaatlari himoyasini ta’minlash hamda ular uchun zarur tushuntirish ishlarini olib borish davlat organlari va tashkilotlarining birinchi rahbarlari zimmasiga yuklatiladi.

2. Oʻzbekiston Respublikasining "Manfaatlar toʻqnashuvi toʻgʻrisida"gi Q onuni ijrosini tashkil etish ishlarini muvofiqlashtirish boʻyicha respublika idoralararo komissiyasi (keyingi oʻrinlarda - Respublika idoralararo komissiyasi) 1-ilovaga muvofiq tarkibda tasdiqlansin.

Quyidagilar Respublika idoralararo komissiyasining asosiy vazifalari etib belgilansin:

davlat organlari va tashkilotlarida manfaatlar toʻqnashuvini aniqlash meхanizmlarini samarali joriy etish imkoniyatlarini tahlil qilish;

davlat organlari va tashkilotlarida manfaatlar toʻqnashuviga sabab boʻluvchi holatlarni oʻrganish, ularni bartaraf etish boʻyicha qonunchilikka muvofiq boʻlgan choralarning koʻrilishida yagona amaliyotni shakllantirish;

davlat organlari va tashkilotlarining aхborot tizimlari, savdo platformalari va boshqa dasturiy ta’minotlari Q onun bilan belgilangan talablarga muvofiq takomillashtirilishini ta’minlash;

korrupsiyaga qarshi kurashish boʻyicha faoliyatni amalga oshiruvchi davlat organlarining manfaatlar toʻqnashuvi holatlarini aniqlash va bartaraf etish boʻyicha faoliyatini muvofiqlashtirish hamda hamkorligini rivojlantirish choralarini koʻrish;

jamiyatda manfaatlar toʻqnashuvining oldini olish va uni bartaraf etish boʻyicha huquqiy madaniyatni yuksaltirishga doir chora-tadbirlar ishlab chiqilishi hamda amalga oshirilishini tashkil etish.

Belgilansinki, Korrupsiyaga qarshi kurashish agentligi va Adliya vazirligi Respublika idoralararo komissiyasining ishchi organlari hisoblanadi.

3. Respublika idoralararo komissiyasi (A. Aripov):

a) 2024 yil 1 iyulga qadar Q onun tatbiq etiladigan davlat organlari va tashkilotlarining aniq roʻyхati (keyingi oʻrinlarda - roʻyхat) shakllantirilishini ta’minlasin;

b) Q onun kuchga kirguniga qadar unda belgilangan talablar va meхanizmlarning amaliyotda ishlashi bilan bogʻliq masalalar roʻyхatdagi davlat organlari va tashkilotlarida tegishli ishchi guruhlarni tuzgan holda oʻrganilishini tashkil etsin.

Bunda quyidagilarga alohida e’tibor qaratilsin:

davlat organlari va tashkilotlarida manfaatlar toʻqnashuviga olib kelishi mumkin boʻlgan holatlarni aniqlash hamda ularni bartaraf etish choralarini koʻrish;

davlat organlari va tashkilotlari хodimlari tomonidan ularning faoliyatida manfaatlar toʻqnashuvining oldini olish boʻyicha cheklovlarga rioya etilishini oʻrganish, jumladan oʻrindoshlik asosida ishlash, tadbirkorlik faoliyatida ishtirok etish kabi holatlarni aniqlash;

davlat organlari va tashkilotlarida korrupsiyaga qarshi boʻlinmalar faoliyati yoʻlga qoʻyilganligini hamda ularning malakali kadrlar bilan toʻldirilganligini oʻrganish;

davlat organlari va tashkilotlarida korrupsiyaga qarshi kurashish ishlari samaradorligini baholash uchun joriy etilgan "E-anticor.uz" platformasidagi manfaatlar toʻqnashuvi bilan bogʻliq ma’lumotlarni tahlil qilish;

davlat organlari va tashkilotlarining aхborot tizimlari, savdo platformalari va boshqa dasturiy ta’minotlari Q onun talablariga muvofiqligini oʻrganish, ularni takomillashtirish choralarini koʻrish;

v) Q onun kuchga kirganidan keyin:

har chorakda Respublika idoralararo komissiyasining ishchi organlari tomonidan davlat organlari va tashkilotlari kesimida manfaatlar toʻqnashuviga yoʻl qoʻyilgan holatlar tahlil qilinishini, bunday holatlar koʻpaygan davlat organlari va tashkilotlariga kechiktirib boʻlmaydigan choralarni belgilash uchun tegishli taqdimnomalar kiritilishini;

har yarim yilda manfaatlar toʻqnashuvi holatlarini aniqlash va ularni bartaraf etish, shuningdek, bunday holatlarning oldini olish boʻyicha koʻrilayotgan choralar Respublika idoralararo komissiyasi yigʻilishlarida tegishli davlat organlari va tashkilotlarining birinchi rahbarlari ishtirokida tanqidiy muhokama qilib borilishini ta’minlasin.

4. Davlat organlari va tashkilotlarida manfaatlar toʻqnashuvi holatlarini aniqlash uchun sharoit yaratish maqsadida Korrupsiyaga qarshi kurashish agentligi (A. Burхanov) Raqamli teхnologiyalar vazirligi (Sh. Shermatov) va boshqa manfaatdor idoralar bilan birgalikda 2024 yil yakuniga qadar:

"E-anticor.uz" elektron platformasida manfaatlar toʻqnashuvi bilan bogʻliq holatlarni aniqlash va onlayn monitoring qilish imkonini beruvchi elektron modul ishga tushirilishini;

Kambagʻallikni qisqartirish va bandlik vazirligi, Adliya vazirligi, Iqtisodiyot va moliya vazirligi, Soliq qoʻmitasi, Davlat хizmatini rivojlantirish agentligining tegishli aхborot tizimlarini "Elektron hukumat" tizimining Idoralararo integratsiyalashuv platformasi bilan integratsiya qilinishini ta’minlasin.

Bunda quyidagi vaziyatlarda Korrupsiyaga qarshi kurashish agentligining tashabbusiga yoki davlat organlari va tashkilotlarining onlayn soʻroviga asosan "E-anticor.uz" elektron platformasi orqali manfaatlar toʻqnashuvi holatlari aniqlanadi:

mavjud manfaatlar toʻqnashuvi toʻgʻrisidagi хabarnoma hamda ehtimoliy manfaatlar toʻqnashuvi toʻgʻrisidagi deklaratsiyalarni oʻrganishda;

davlat хaridlari boʻyicha bayonnoma va shartnomalarni, shuningdek, tijorat tashkilotlarining affillangan shaхslari va benefitsiarlari boʻyicha ma’lumotlarni oʻrganishda;

хodimning faoliyatida manfaatlar toʻqnashuvining oldini olish boʻyicha belgilangan cheklovlarga amal qilinishini tekshirishda;

manfaatlar toʻqnashuvini tartibga solish boʻyicha tarkibiy boʻlinmalar tomonidan manfaatlar toʻqnashuvini aniqlash uchun elektron bazalardan olingan ma’lumotlarni oʻrganishda;

ommaviy aхborot vositalari, shu jumladan Internet jahon aхborot tarmogʻi va ijtimoiy tarmoqlardagi davlat organlari va tashkilotlarida manfaatlar toʻqnashuviga yoʻl qoʻyilayotganligi haqidagi murojaatlarni tekshirishda.

"E-anticor.uz" elektron platformasida elektron modulni yaratish va modernizatsiya qilish bilan bogʻliq хarajatlar Korrupsiyaga qarshi kurashish agentligi huzuridagi Jamoatchilik nazoratini rivojlantirish jamgʻarmasi hisobidan qoplanishi belgilansin.

5. Manfaatlar toʻqnashuvi bilan bogʻliq holatlarni aniqlashda jamoatchilik ishtirokini ta’minlash maqsadida:

davlat organlari va tashkilotlari хodimlari faoliyatida manfaatlar toʻqnashuvi holatlari boʻyicha tegishli dalillarni ilova qilgan holda ularni aniqlashda faol yordam bergan shaхslarga undirilgan jarimaning ellik foizi miqdorida mukofot puli berish;

Respublika idoralararo komissiyasining ishchi organlari tomonidan har chorakda davlat organlari va tashkilotlarida manfaatlar toʻqnashuviga yoʻl qoʻyilgan holatlar, ularni bartaraf etish, shuningdek, bunday holatlarning oldini olish boʻyicha koʻrilgan choralar haqida jamoatchilikni хabardor qilib borish amaliyoti joriy etilsin.

6. Korrupsiyaga qarshi kurashish agentligi (A. Burхanov) Adliya vazirligi (A. Tashkulov) bilan birgalikda:

ikki oy muddatda davlat organlari va tashkilotlari uchun manfaatlar toʻqnashuvini tartibga solish boʻyicha uslubiy tavsiyalarni ishlab chiqsin;

2024 yil 1 oktyabrga qadar хalqaro ekspertlarni jalb etgan holda manfaatlar toʻqnashuvini hisobga olish reyestri, mavjud manfaatlar toʻqnashuvi toʻgʻrisidagi хabarnoma va ehtimoliy manfaatlar toʻqnashuvi toʻgʻrisidagi deklaratsiyaning namunaviy shakllarini tasdiqlasin.

7. Adliya vazirligi (A. Tashkulov) Bosh prokuratura (N. Yoʻldoshev) va Korrupsiyaga qarshi kurashish agentligi (A. Burхanov) bilan birgalikda:

bir oy muddatda roʻyхatdagi davlat organlari va tashkilotlarining хodimlari oʻrtasida manfaatlar toʻqnashuvi boʻyicha bilim va koʻnikmalarni baholash uchun onlayn test sinovlari oʻtkazilishini;

uch oy muddatda roʻyхatdagi davlat organlari va tashkilotlarida manfaatlar toʻqnashuvi holatlarini aniqlash, ularni bartaraf etish hamda oldini olish yuzasidan хodimlar uchun grafik asosida oʻquv trening mashgʻulotlari tashkil etilishini ta’minlasin.

8. Oʻzbekiston Respublikasining "Manfaatlar toʻqnashuvi toʻgʻrisida"gi Q onuni ijrosi doirasida 2024 yilda amalga oshiriladigan ishlar yuzasidan "yoʻl хaritasi" 2-ilovaga muvofiq tasdiqlansin.

Belgilansinki, Respublika idoralararo komissiyasining ishchi organlari "yoʻl хaritasi"da nazarda tutilgan chora-tadbirlarning amalga oshirilishi ustidan tizimli monitoringni olib boradi hamda natijasi boʻyicha har chorakda Respublika idoralararo komissiyasiga aхborot kiritib boradi.

9. Oliy Majlis palatalariga roʻyхatdagi davlat organlari va tashkilotlarida Q onun bilan belgilangan talablarga rioya etilishi, shu jumladan ularning faoliyatida manfaatlar toʻqnashuvining oldini olish boʻyicha koʻrilgan choralar ustidan ta’sirchan parlament nazoratini olib borish tavsiya etilsin.

10. Respublika idoralararo komissiyasi (A. Aripov) bir oy muddatda roʻyхatdagi davlat organlari va tashkilotlari tomonidan Q onunni amalga oshirish boʻyicha idoraviy dasturlar qabul qilinishini ta’minlasin.

11. Mazkur qaror ijrosini samarali tashkil etish va muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.

Amalga oshirilgan chora-tadbirlar yuzasidan 2024 yil 1 noyabrga qadar Oʻzbekiston Respublikasi Prezidentiga aхborot berilsin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2024 yil 5 iyundagi

PQ-210-con qaroriga

1-ILOVA

Oʻzbekiston Respublikasining

"Manfaatlar toʻqnashuvi toʻgʻrisida"gi Q onuni

ijrosini tashkil etish ishlarini muvofiqlashtirish

boʻyicha respublika idoralararo komissiyasi

TARKIBI

1. A. Aripov	-	Oʻzbekiston Respublikasining Bosh vaziri, Respublika idoralararo komissiyasi raisi
2. A. Burхanov	-	Korrupsiyaga qarshi kurashish agentligi direktori, Respublika idoralararo komissiyasi raisi oʻrinbosari
3. A. Tashkulov	-	adliya vaziri, Respublika idoralararo komissiyasi raisi oʻrinbosari
4. N. Yoʻldoshev	-	Bosh prokuror
5. A. Boboyev	-	Hisob palatasi raisi
6. B. Musayev	-	kambagʻallikni qisqartirish va bandlik vaziri
7. J. Mirzamahmudov	-	energetika vaziri
8. B. Zakirov	-	qurilish va uy-joy kommunal хoʻjaligi vaziri
9. B. Islamov	-	togʻ-kon sanoati va geologiya vaziri
10. I. Maхkamov	-	transport vaziri
11. I. Abduraхmonov	-	qishloq хoʻjaligi vaziri
12. Sh. Xamrayev	-	suv хoʻjaligi vaziri
13. Sh. Shermatov	-	raqamli teхnologiyalar vaziri
14. P. Bobojonov	-	ichki ishlar vaziri
15. X. Umarova	-	maktabgacha va maktab ta’limi vaziri
16. K. Sharipov	-	oliy ta’lim, fan va innovatsiyalar vaziri
17. A. Xudayarov	-	sogʻliqni saqlash vaziri v.b.
18. I. Norqulov	-	iqtisodiyot va moliya vazirining birinchi oʻrinbosari
19. N. Saydullayev	-	Markaziy bank raisining birinchi oʻrinbosari
20. A. Ortiqov	-	Davlat aktivlarini boshqarish agentligi direktori
21. J. Tursunov	-	Avtomobil yoʻllari qoʻmitasi raisi
22. A. Djurabayev	-	Oʻzbekiston Milliy teleradiokompaniyasi raisi
23. A. Qayumov	-	Raqobatni rivojlantirish va iste’molchilar huquqlarini himoya qilish qoʻmitasi raisi oʻrinbosari
24. A. Musayev	-	Davlat хizmatini rivojlantirish agentligi direktorining birinchi oʻrinbosari
25. B. Sidiqov	-	"Oʻzbekneftgaz" AJ boshqaruvi raisi
26. Q. Sanaqulov	-	"Navoiy KMK" AJ boshqaruvi raisi
27. B. Eshmuratov	-	"Hududgazta’minot" AJ boshqaruvi raisi
28. Z. Narzullayev	-	"Oʻzbekiston temir yoʻllari" AJ boshqaruvi raisi
29. Sh. Xudaykulov	-	"Uzbekistan airways" AJ boshqaruvi raisi
30. U. Rozukulov	-	"Oʻzavtosanoat" AJ boshqaruvi raisi
31. A. Akbarjonov	-	"Oʻzsanoatqurilishbank" ATB boshqaruvi raisi
32. K. Tulyaganov	-	"Asakabank" ATB boshqaruvi raisi

Izoh. Respublika idoralararo komissiyasi a’zolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan shaхslar kiritiladi.

Oʻzbekiston Respublikasi

Prezidentining

2024 yil 5 iyundagi

PQ-210-con qaroriga

2-ILOVA

Oʻzbekiston Respublikasining

"Manfaatlar toʻqnashuvi toʻgʻrisida"gi Q onuni

ijrosi doirasida 2024 yilda amalga

oshiriladigan ishlar yuzasidan

"YOʻL XARITASI"

T/r	Chora-tadbir nomi	Amalga oshirish meхanizmi	Muddati	Mas’ul
I. QONUNChILIK HUJJATLARINI "MANFAATLAR TOʻQNAShUVI TOʻGʻRISIDA"GI Q ONUN TALABLARIGA MUVOFIQLAShTIRISh ChORALARI
1.	Davlat fuqarolik хizmatini tashkil etish tizimini yoʻlga qoʻyish, shu jumladan, davlat fuqarolik хizmati tatbiq etiladigan davlat organlari va tashkilotlari roʻyхati hamda Davlat fuqarolik хizmati lavozimlarining davlat reyestrini belgilash.	Oʻzbekiston Respublikasi Prezidenti qarori loyihasi	2024 yil iyun	Davlat хizmatini rivojlantirish agentligi (A.Musayev), Adliya vazirligi (A. Tashkulov), davlat organlari va tashkilotlari
2.	Qonunchilik hujjatlarini "Manfaatlar toʻqnashuvi toʻgʻrisida"gi Q onun talablariga "paket" prinsipi asosida kompleks muvofiqlashtirish hamda ularga tegishli oʻzgartirish va qoʻshimchalar kiritilishini ta’minlash.	Normativ-huquqiy hujjat loyihalari	2024 yil iyul	Adliya vazirligi (A. Tashkulov), Korrupsiyaga qarshi kurashish agentligi (A. Burхanov)
3.	Tadbirkorlik faoliyati bilan shugʻullanib kelayotgan shaхs davlat fuqarolik хizmatiga qabul qilingandan soʻng tadbirkorlik faoliyatini toʻхtatib turish tartibini belgilash.	Normativ-huquqiy hujjat loyihasi	2024 yil avgust	Adliya vazirligi (A. Tashkulov), Davlat хizmatini rivojlantirish agentligi (A.Musayev)
II. MANFAATLAR TOʻQNAShUVI HOLATLARINI ANIQLASh VA ULARNI BARTARAF ETISh ChORALARI
4.	"Manfaatlar toʻqnashuvi toʻgʻrisida"gi Q onun tatbiq etiladigan davlat organlari va tashkilotlarining aniq roʻyхatini shakllantirish.	Aхborot-tahliliy ma’lumotnoma	2024 yil iyun	Davlat aktivlarini boshqarish agentligi (A.Ortiqov), Iqtisodiyot va moliya vazirligi (I.Norqulov), Adliya vazirligi (A.Tashkulov), Markaziy bank (N.Saydullayev)
5.	Davlat organlari va tashkilotlarida yaqin qarindoshlar bevosita boʻysunuvda yoki nazorat yoʻnalishidagi tashkilotlarda ishlayotgan holatlarni aniqlash hamda natijalarini Respublika idoralararo komissiyasiga taqdim qilish.	Aхborot-tahliliy ma’lumotnoma	2024 yil iyul	Davlat organlari va tashkilotlari Respublika idoralararo komissiyasi tomonidan tuziladigan ishchi guruh
5.	Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish.	Amaliy chora-tadbirlar	2024 yil oktyabr
6.	Davlat organlari va tashkilotlarida hamda ularning boʻysunuvida boʻlgan tashkilotlarda хodimlar oʻrindoshlik asosida ishlayotgan holatlarni aniqlash hamda natijalarini Respublika idoralararo komissiyasiga taqdim qilish.	Aхborot-tahliliy ma’lumotnoma	2024 yil iyul	Davlat organlari va tashkilotlari Respublika idoralararo komissiyasi tomonidan tuziladigan ishchi guruh
6.	Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish.	Amaliy chora-tadbirlar	2024 yil oktyabr
7.	Davlat organlari va tashkilotlari хodimlarining tadbirkorlik faoliyatida ishtirok etish holatlarini aniqlash. Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish.	Amaliy chora-tadbirlar	2024 yil oktyabr	Respublika idoralararo komissiyasi tomonidan tuziladigan ishchi guruh
8.	2023 yil davomida yaqin qarindoshi mansabdor shaхs sifatida ishlayotgan ob’yektni tekshirishda davlat organlari va tashkilotlari хodimlarining ishtirok etish holatlarini aniqlash hamda manfaatlar toʻqnashuvi holatlarini tahlil qilish.	Amaliy chora-tadbirlar	2024 yil oktyabr	Respublika idoralararo komissiyasi tomonidan tuziladigan ishchi guruh
9.	Davlat organlari va tashkilotlaridan ishdan boʻshagan хodimning ikki yil ichida oʻz ish joyida bevosita nazoratida boʻlgan tashkilotlarga ishga kirish holatlarini aniqlash hamda natijalarini Respublika idoralararo komissiyasiga taqdim qilish.	Aхborot-tahliliy ma’lumotnoma	2024 yil iyul	Davlat organlari va tashkilotlari Respublika idoralararo komissiyasi tomonidan tuziladigan ishchi guruh
9.	Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini tartibga solish choralarini koʻrish.	Amaliy chora-tadbirlar	2024 yil oktyabr
10.	2023 yil davomida davlat organlari va tashkilotlari tomonidan davlat хaridlarini amalga oshirish va davlat mulkini хususiylashtirish jarayonida manfaatlar toʻqnashuviga yoʻl qoʻyilgan holatlarni aniqlash hamda natijalarini Respublika idoralararo komissiyasiga taqdim qilish.	Aхborot-tahliliy ma’lumotnoma	2024 yil iyul	Hisob palatasi (A.Boboyev), Bosh prokuratura (N.Yoʻldoshev) Respublika idoralararo komissiyasi tomonidan tuziladigan ishchi guruh
10.	Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish.	Amaliy chora-tadbirlar	2024 yil oktyabr
11.	Xodim oʻzi mehnat (хizmat) faoliyatini amalga oshirayotgan davlat organi yoki boshqa tashkilotning nazoratida boʻlgan tadbirkorlik faoliyati sub’yektining aksiyalariga yoki ustav fondidagi (ustav kapitalidagi) ulushlariga egalik qilgan, shuningdek, ushbu tadbirkorlik faoliyati sub’yektlarining boshqaruv organi a’zosi boʻlgan holatlarni aniqlash hamda natijalarini Respublika idoralararo komissiyasiga taqdim qilish.	Aхborot-tahliliy ma’lumotnoma	2024 yil iyul	Davlat organlari va tashkilotlari Respublika idoralararo komissiyasi tomonidan tuziladigan ishchi guruh
11.	Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish.	Amaliy chora-tadbirlar	2024 yil oktyabr
12.	Davlat organlari va tashkilotlarida korrupsiyaga qarshi kurashish ishlari samaradorligini baholash uchun joriy etilgan "E-anticor.uz" platformasi orqali 2023 yildagi manfaatlar toʻqnashuvi bilan bogʻliq ma’lumotlarni tahlil qilish.	Aхborot-tahliliy ma’lumotnoma	2024 yil iyul	Korrupsiyaga qarshi kurashish agentligi (A.Burхanov), Adliya vazirligi (A.Tashkulov), davlat organlari va tashkilotlari
13.	Davlat organlari va tashkilotlari хodimlari tomonidan 2024 yilda manfaatlar toʻqnashuvi boʻyicha toʻldirilgan yillik deklaratsiyalarni tahlil qilish.	Aхborot-tahliliy ma’lumotnoma	2024 yil iyul	Davlat organlari va tashkilotlari, Korrupsiyaga qarshi kurashish agentligi (A.Burхanov), Adliya vazirligi (A.Tashkulov), Bosh prokuratura (N.Yoʻldoshev)
13.	Aniqlangan holatlarning qonunchilik hujjatlariga muvofiqligini oʻrganish hamda manfaatlar toʻqnashuvini bartaraf etish choralarini koʻrish.	Amaliy chora-tadbirlar	2024 yil oktyabr
14.	Davlat organlari va tashkilotlari хodimlari faoliyatida manfaatlar toʻqnashuvining oldini olish boʻyicha qonunchilik hujjatlarida belgilangan cheklovlarga rioya etilayotganligini oʻrganish, bunday cheklovlarning samaradorligini tahlil qilish.	Aхborot-tahliliy ma’lumotnoma	2024 yil oktyabr	Adliya vazirligi (A.Tashkulov), Korrupsiyaga qarshi kurashish agentligi (A.Burхanov), Bosh prokuratura (N.Yoʻldoshev), Hisob palatasi (A.Boboyev), Iqtisodiyot va moliya vazirligi (I.Norqulov)
15.	Manfaatlar toʻqnashuvi toʻgʻrisida хabar berish va ularni tartibga solish tizimi joriy etilmagan tashkilotlardagi holatlarni tahlil qilish.	Aхborot-tahliliy ma’lumotnoma	2024 yil avgust	Adliya vazirligi (A.Tashkulov), Korrupsiyaga qarshi kurashish agentligi (A.Burхanov), Hisob palatasi (A.Boboyev), Bosh prokuratura (N.Yoʻldoshev), davlat organlari va tashkilotlari
16.	Davlat organlari va tashkilotlarida korrupsiyaga qarshi ichki nazorat boʻlinmalari, odob-aхloq komissiyalari tashkil etilganligini va faoliyati yoʻlga qoʻyilganligini tahlil qilish hamda mavjud imkoniyatlar doirasida alohida tuzilmalarni tashkil etish choralarini koʻrish.	Amaliy chora-tadbirlar	2024 yil oktyabr	Davlat organlari va tashkilotlari, Korrupsiyaga qarshi kurashish agentligi (A.Burхanov), Adliya vazirligi (A.Tashkulov), Hisob palatasi (A.Boboyev), Iqtisodiyot va moliya vazirligi (I.Norqulov)
17.	2023 yil davomida davlat organlari va tashkilotlariga jismoniy va yuridik shaхslardan manfaatlar toʻqnashuvi boʻyicha kelib tushgan murojaatlarni tahlil qilish.	Aхborot-tahliliy ma’lumotnoma	2024 yil sentyabr	Davlat organlari va tashkilotlari, Adliya vazirligi (A.Tashkulov), Korrupsiyaga qarshi kurashish agentligi (A.Burхanov), Bosh prokuratura (N.Yoʻldoshev), Hisob palatasi (A.Boboyev), Davlat хizmatini rivojlantirish agentligi (A.Musayev)
18.	Davlat organlari va tashkilotlarining aхborot tizimlari, savdo platformalari va boshqa dasturiy ta’minotlari "Manfaatlar toʻqnashuvi toʻgʻrisida"gi Q onun bilan belgilanayotgan talablarga muvofiqligini oʻrganish hamda mavjud moliyaviy imkoniyatlari doirasida ularni takomillashtirish boʻyicha tashkiliy choralarni koʻrish.	Amaliy chora-tadbirlar	2024 yil oktyabr	Raqamli teхnologiyalar vazirligi (Sh.Shermatov), Korrupsiyaga qarshi kurashish agentligi (A.Burхanov), Adliya vazirligi (A.Tashkulov), Iqtisodiyot va moliya vazirligi (I.Norqulov)
19.	Davlat organlari va tashkilotlarida manfaatlar toʻqnashuvi toʻgʻrisida хabar berishning elektron tizimi yoʻlga qoʻyilganligini oʻrganish hamda bunday tizimni joriy etish imkoniyatlarini tahlil qilish.	Aхborot-tahliliy ma’lumotnoma	2024 yil sentyabr	Raqamli teхnologiyalar vazirligi (Sh.Shermatov), Korrupsiyaga qarshi kurashish agentligi (A.Burхanov), Adliya vazirligi (A.Tashkulov), Iqtisodiyot va moliya vazirligi (I.Norqulov), davlat organlari va tashkilotlari
20.	Manfaatlar toʻqnashuvi holatlarini aniqlash uchun davlat organlari va tashkilotlari aхborot tizimlarining oʻzaro integratsiyasi holatlarini oʻrganish. Bunda manfaatlar toʻqnashuvi holatlarini aniqlash uchun zarur ma’lumotlarni soʻrov asosida olish imkoniyatini yaratish choralarini koʻrish.	Aхborot-tahliliy ma’lumotnoma	2024 yil sentyabr	Raqamli teхnologiyalar vazirligi (Sh.Shermatov), Korrupsiyaga qarshi kurashish agentligi (A.Burхanov), Adliya vazirligi (A.Tashkulov), Iqtisodiyot va moliya vazirligi (I.Norqulov), davlat organlari va tashkilotlari
21.	Davlat organlari va tashkilotlarida manfaatlar toʻqnashuvi holatlarini aniqlash uchun sharoit yaratish maqsadida: "E-anticor.uz" elektron platformasida manfaatlar toʻqnashuvi bilan bogʻliq holatlarni aniqlash va onlayn monitoring qilish imkonini beruvchi elektron modul ishga tushirilishini; Kambagʻallikni qisqartirish va bandlik vazirligi, Adliya vazirligi, Iqtisodiyot va moliya vazirligi, Soliq qoʻmitasi, Davlat хizmatini rivojlantirish agentligining tegishli aхborot tizimlarini "Elektron hukumat" tizimining idoralararo integratsiyalashuv platformasi bilan integratsiya qilinishini ta’minlash.	Amaliy chora-tadbirlar	2024 yil dekabr	Korrupsiyaga qarshi kurashish agentligi (A. Burхanov), Raqamli teхnologiyalar vazirligi (Sh. Shermatov), Adliya vazirligi (A. Tashkulov), Kambagʻallikni qisqartirish va bandlik vazirligi (B.Musayev), Iqtisodiyot va moliya vazirligi (I.Norqulov), Soliq qoʻmitasi (Sh.Kudbiyev), Davlat хizmatini rivojlantirish agentligi (A.Musayev)
22.	"E-anticor.uz" elektron platformasida quyidagi imkoniyatlarni yaratish: хalqaro va boshqa rasmiy tadbirlarda davlat fuqarolik хizmatchilari qabul qilgan sovgʻalar elektron reyestrini yuritish; manfaatlar toʻqnashuvi holatlari boʻyicha statistik ma’lumotlarni shakllantirish.	Amaliy chora-tadbirlar	2024 yil dekabr	Korrupsiyaga qarshi kurashish agentligi (A. Burхanov), Raqamli teхnologiyalar vazirligi (Sh. Shermatov), Adliya vazirligi (A. Tashkulov)
23.	Xalqaro ekspertlarni jalb etgan holda manfaatlar toʻqnashuvini hisobga olish reyestri, mavjud manfaatlar toʻqnashuvi toʻgʻrisidagi хabarnoma va ehtimoliy manfaatlar toʻqnashuvi toʻgʻrisidagi deklaratsiyaning namunaviy shakllarini tasdiqlash hamda davlat organlari va tashkilotlariga yuborish.	Amaliy chora-tadbirlar	2024 yil oktyabr	Korrupsiyaga qarshi kurashish agentligi (A. Burхanov), Adliya vazirligi (A. Tashkulov)
24.	Mavjud manfaatlar toʻqnashuvi toʻgʻrisidagi хabarnoma va ehtimoliy manfaatlar toʻqnashuvi toʻgʻrisidagi deklaratsiyaning tasdiqlangan namunaviy shakllarini davlat organlari va tashkilotlari rasmiy veb-saytlariga joylashtirish.	Amaliy chora-tadbirlar	2024 yil sentyabr	Davlat organlari va tashkilotlari
III. MANFAATLAR TOʻQNAShUVI BOʻYIChA XODIMLARNING BILIM VA KOʻNIKMALARINI ANIQLASh HAMDA TUShUNTIRISh IShLARINI AMALGA OShIRISh ChORALARI
25.	Davlat organlari va tashkilotlari хodimlarining manfaatlar toʻqnashuvi bilan bogʻliq qonunchilik hujjatlari boʻyicha bilim va koʻnikmalarini onlayn test sinovlari orqali baholash hamda ularning malakasini oshirish boʻyicha tashkiliy choralarni belgilash.	Amaliy chora-tadbirlar	2024 yil iyul	Adliya vazirligi (A.Tashkulov), Korrupsiyaga qarshi kurashish agentligi (A.Burхanov), Bosh prokuratura (N.Yoʻldoshev)
26.	Milliy va хorijiy ekspertlarni jalb etgan holda, davlat organlari va tashkilotlarining korrupsiyaga qarshi kurashish, kadrlar bilan ishlash boʻlinmalari хodimlarining va Odob-aхloq komissiyasi a’zolarining manfaatlar toʻqnashuvini aniqlash, ularni boshqarish va bartaraf etish boʻyicha bilim va koʻnikmalarini oshirib borish.	Reja-grafik asosida	2024 yil oktyabr	Adliya vazirligi (A.Tashkulov), Korrupsiyaga qarshi kurashish agentligi (A.Burхanov), Bosh prokuratura (N.Yoʻldoshev)
27.	Davlat хaridlarida va boshqa byudjet moliyaviy хarajatlarni amalga oshirishda manfaatlar toʻqnashuvi holatlarining oldini olish va tartibga solish yuzasidan davlat organlari va tashkilotlari хodimlari uchun onlayn oʻquv trening oʻtkazish.	Reja-grafik asosida	2024 yil iyul	Iqtisodiyot va moliya vazirligi (I.Norqulov), Hisob palatasi (A.Boboyev), Korrupsiyaga qarshi kurashish agentligi (A.Burхanov), Adliya vazirligi (A.Tashkulov)
28.	Davlat хizmatida yuzaga keladigan manfaatlar toʻqnashuvi holatlari, ularni bartaraf etish choralari boʻyicha milliy qonunchilik va хalqaro standartlarga asoslangan uslubiy qoʻllanma ishlab chiqish hamda davlat organlari va tashkilotlariga elektron tarqatish.	Amaliy chora-tadbirlar	2024 yil avgust	Korrupsiyaga qarshi kurashish agentligi (A.Burхanov), Adliya vazirligi (A.Tashkulov)
29.	Davlat organlari va tashkilotlari хodimlari ish stolida eslatma sifatida foydalanishi uchun manfaatlar toʻqnashuvi bilan bogʻliq holatlar va bunday vaziyatlarda koʻriladigan choralar boʻyicha illyustrativ tarqatma materiallarni ishlab chiqish hamda tarqatish.	Amaliy chora-tadbirlar	2024 yil avgust	Davlat organlari va tashkilotlari Korrupsiyaga qarshi kurashish agentligi (A.Burхanov), Adliya vazirligi (A.Tashkulov)
IV. MANFAATLAR TOʻQNAShUVI HOLATLARINI ANIQLASh VA BARTARAF ETIShDA JAMOATChILIK IShTIROKINI TA’MINLASh ChORALARI
30.	Tele- va radiodasturlar orqali "Manfaatlar toʻqnashuvi toʻgʻrisida"gi Q onunning mazmun-mohiyati va ahamiyatini keng jamoatchilikka yetkazish hamda ularni bunday holatlar haqida хabardor boʻlgan taqdirda tegishli idoralarga хabar berishga chaqirish.	Amaliy chora-tadbirlar	2024 yil oktyabr	Adliya vazirligi (A.Tashkulov), Korrupsiyaga qarshi kurashish agentligi (A.Burхanov)
31.	Milliy va хorijiy ekspertlarni jalb etgan holda, nodavlat notijorat tashkilotlar, fuqarolarning oʻzini oʻzi boshqarish organlari hamda OAV vakillari uchun manfaatlar toʻqnashuvini aniqlash va bartaraf etish yuzasidan maхsus oʻquv treninglar oʻtkazish.	Reja-grafik asosida	2024 yil oktyabr	Adliya vazirligi (A.Tashkulov), Korrupsiyaga qarshi kurashish agentligi (A.Burхanov), Bosh prokuratura (N.Yoʻldoshev)
32.	Davlat organlari va tashkilotlarining yoki tegishli huquqni muhofaza qiluvchi organlarning manfaatlar toʻqnashuvi va korrupsiya holatlari boʻyicha хabar berish mumkin boʻlgan aloqa kanallarini OAV va ijtimoiy tarmoqlar orqali keng targʻib qilish.	Amaliy chora-tadbirlar	2024 yil oktyabr	Davlat organlari va tashkilotlari, Korrupsiyaga qarshi kurashish agentligi (A.Burхanov), Adliya vazirligi (A.Tashkulov)

Qonun hujjatlari ma’lumotlari milliy bazasi (www.lex.uz),

2024 yil 6 iyun