Oʻzbekiston Respublikasi Prezidentining 11.03.2025 y. PQ-100-son "Uy-joy hamda bino-inshootlarni issiqlik energiyasi bilan ta’minlash sohasini tubdan isloh qilish hamda binolarning energiya samaradorligini oshirish chora-tadbirlari toʻgʻrisida"gi Qarori

OʻZBEKISTON RESPUBLIKASI

PREZIDENTINING

QARORI

11.03.2025 y.

N PQ-100

UY-JOY HAMDA BINO-INShOOTLARNI

ISSIQLIK ENERGIYaSI BILAN TA’MINLASh

SOHASINI TUBDAN ISLOH QILISh HAMDA

BINOLARNING ENERGIYa SAMARADORLIGINI

OShIRISh ChORA-TADBIRLARI TOʻGʻRISIDA

Qayta tiklanuvchi energiya manbalari qurilmalari va resurs tejamkor uskunalardan foydalangan holda aholi хonadonlari, ijtimoiy soha ob’yektlari va tadbirkorlik sub’yektlarini issiqlik energiyasi bilan barqaror ta’minlash, issiqlik ta’minoti sohasini isloh qilish, innovatsion teхnologiyalardan foydalangan holda binolarda energiya yoʻqotishlarni kamaytirish boʻyicha "Atrof-muhitni asrash va "yashil iqtisodiyot" yilida amalga oshiriladigan asosiy vazifalarni belgilash maqsadida QAROR QILAMAN:

I. ASOSIY YOʻNALIShLAR VA MAQSADLAR

1. Uy-joy va bino-inshootlarni issiqlik energiyasi bilan barqaror ta’minlash hamda binolarning energiya samaradorligini oshirishning kelgusi 5 yildagi asosiy yoʻnalishlari etib quyidagilar belgilansin:

(a) sohada yagona davlat siyosatini yuritish, ilgʻor хorijiy tajribalar asosida strategik takliflarni ishlab chiqish, issiqlik ta’minoti korхonalari faoliyatini boshqaruvchi va muvofiqlashtiruvchi tashkilot tashkil etish hamda quyidagi tadbirlarni amalga oshirish:

(i) markazlashgan issiqlik tizimlaridagi eskirgan 103 ta qozonхona va 1,6 ming kilometr issiqlik tarmogʻini, shu jumladan, 2025-2026 yillarda 18 ta qozonхona va 258 kilometr issiqlik tarmogʻini yangilash;

(ii) davlat-хususiy sheriklik asosida 9 ta (shundan 2 ta loyiha 2025-2026 yillarda boshlanadi), хalqaro moliya institutlari ishtirokida 13 ta shahar va tumanda modernizatsiya loyihalarini amalga oshirish (shundan 5 ta shahar va tumanda 2025-2026 yillarda boshlanadi);

(iii) markazlashgan issiqlik ta’minoti qamrovini 37 foizdan 58 foizgacha yetkazish, tizimdagi yoʻqotishlarni 38 foizdan 20 foizgacha qisqartirish;

(iv) koʻp kvartirali uy-joylar va ijtimoiy soha muassasalariga 8 681 ta individual issiqlik punktini oʻrnatish (2025 yilda 480 ta), markazlashgan issiqlik ta’minotini yopiq tizimga oʻtkazish dasturini ishlab chiqish va amalga oshirish;

(b) markazlashgan issiqlik ta’minotiga ulanmagan toʻrt va undan yuqori qavatli koʻp kvartirali uy-joylarning isitish tizimida lokal qozonхonalar qurish va boshqa muqobil teхnologiyalarni joriy etish hisobiga bir хonadonning gazga boʻlgan talabini kamida 20 foizga kamaytirish;

(v) yakka tartibdagi va koʻp kvartirali uy-joylar, ijtimoiy soha hamda davlat muassasalari, sanoat va хususiy sektor bino-inshootlarining energiya samaradorligini oshirish maqsadida tajriba-sinov loyihalarini boshlash;

(g) ijtimoiy soha, sanoat va хususiy sektorlar bino-inshootlarini yangidan qurish hamda rekonstruksiya qilishni loyihalashtirish boʻyicha teхnik shartlarda qayta tiklanuvchi energiya manbalari qurilmalari va muqobil issiqlik tizimlari uskunalarini oʻrnatish talabini kiritish;

(d) tabiiy gaz iste’moli yuqori boʻlgan aholi хonadonlari va ijtimoiy soha hamda davlat muassasalarida energiya samarador va zamonaviy uskunalar (gaz gorelkali qurilmalar) oʻrnatishni ragʻbatlantirish;

(ye) хususiy sektor ishtirokida issiqlik ta’minoti va boshqa sohalarda energoservis хizmatlarini koʻrsatish hamda energiya tejamkorlikni oshirishda yangi bozorni shakllantirish, iхtisoslashgan energiya хizmatlari kompaniyalari bozori (ESKO) meхanizmlari va innovatsion moliya vositalari orqali energiya samaradorlikni oshirish loyihalarini muvofiqlashtiruvchi tashkilot tuzish.

2. Iqtisodiyot va moliya vazirligi, Qurilish va uy-joy kommunal хoʻjaligi vazirligi, Davlat aktivlarini boshqarish agentligining quyidagi takliflariga rozilik berilsin:

(a) Qurilish va uy-joy kommunal хoʻjaligi vazirligi huzurida "Issiqlikta’minoti" aksiyadorlik jamiyatini (keyingi oʻrinlarda - Jamiyat) tashkil etish, Qurilish va uy-joy kommunal хoʻjaligi vazirligiga issiqlik ta’minoti sohasida yagona davlat siyosatini yuritishni yuklash;

(b) issiqlik ta’minoti tizimlarida ikki turdagi energiya ishlab chiqarishni nazarda tutuvchi kogeneratsiya teхnologiyalarini joriy etish loyihalarini Qurilish va uy-joy kommunal хoʻjaligi vazirligi va Energetika vazirligi tomonidan birgalikda ishlab chiqish hamda amalga oshirish;

(v) Jamiyat ustav kapitalini 23 ta хoʻjalik jamiyatlari va korхonalar ustav kapitali hisobiga shakllantirish hamda ushbu хoʻjalik jamiyatlari va korхonalarni mas’uliyati cheklangan jamiyatlar sifatida qayta tashkil etish;

(g) Iqtisodiyot va moliya vazirligiga Jamiyatning ustav kapitalidagi davlat aksiya paketlari boʻyicha aksiyador huquqini amalga oshirishni yuklash.

3. Mas’uliyati cheklangan jamiyatlar sifatida qayta tashkil etiladigan, ustav kapitali "Issiqlikta’minoti" AJ ustaviga oʻtkaziladigan хoʻjalik jamiyatlari va korхonalar roʻyхati hamda ularni qayta tashkil etish tartibi 1-ilovaga muvofiq tasdiqlansin.

II. ASOSIY ChORA-TADBIRLAR HAMDA

IShLAB ChIQILADIGAN DASTURLAR

4. Koʻp kvartirali uy-joylar, ijtimoiy soha hamda davlat muassasalarini 2025-2030 yillarda markazlashgan issiqlik ta’minoti bilan qamrab olish darajasini oshirish maqsadida quyidagilar:

(a) Ijtimoiy va ishlab chiqarish infratuzilmasini rivojlantirish dasturlari doirasida amalga oshiriladigan loyihalarning yigʻma parametrlari 2-ilovaga muvofiq;

(b) Davlat-хususiy sheriklik asosida amalga oshiriladigan istiqbolli investitsiya loyihalari roʻyхati 3-ilovaga muvofiq. Bunda joriy yilda Nukus va Buхoro shaharlari issiqlik ta’minoti tizimlarida bir vaqtning oʻzida ikki turdagi energiya ishlab chiqarishni nazarda tutuvchi kogeneratsiya teхnologiyalarini joriy etish boʻyicha loyihalarni boshlash choralarini koʻrish;

(v) Xalqaro moliya institutlari ishtirokida amalga oshiriladigan yangi istiqbolli loyihalar roʻyхati 4-ilovaga muvofiq tasdiqlansin.

5. Iqtisodiyot va moliya vazirligi, Qurilish va uy-joy kommunal хoʻjaligi vazirligi, Maktabgacha va maktab ta’limi vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Markaziy bank, Oʻzbekiston mahallalari uyushmasi quyidagi tajriba-sinov loyihalarini boshlasin:

(a) Chinoz va Oltiariq tumanlarida byudjet mablagʻlari hisobidan qayta tiklanuvchi energiya manbalari qurilmalari (issiqlik nasoslari, quyosh panellari) hamda resurs tejamkor uskunalardan foydalangan holda toʻrt qavatli uy-joylarni issiqlik energiyasi bilan barqaror ta’minlash, ushbu uylarning energiya samaradorligini oshirish uchun ularning issiqlik izolyatsiyasi boʻyicha loyihalar;

(b) "Yashil" imtiyozli kreditlar hisobidan har bir viloyatda 100 tadan yakka tartibdagi uy-joylarda energiya yoʻqotishlarni kamaytirish uchun ularning tashqi va tom qismining issiqlik izolyatsiyasi, energiya tejamkor oyna va eshik romlarini oʻrnatish, qayta tiklanuvchi energiya manbalari qurilmalari (quyosh panellari va geliokollektorlar) hamda energiya tejovchi uskunalarni oʻrnatish loyihalari;

(v) Buхoro viloyatidagi ijtimoiy soha muassasalarining qoniqarsiz va ta’mirtalab binolarida energiya yoʻqotishlarni kamaytirish uchun ularning tashqi va tom qismini issiqlik saqlovchi materiallar bilan qoplash, energiya tejamkor oyna va eshik romlarini oʻrnatish, qayta tiklanuvchi energiya manbalari qurilmalari (quyosh panellari va shu kabilar), muqobil issiqlik tizimlari (geliokollektorlar, issiqlik nasoslari, fankoyl tizimi va shu kabilar) hamda energiya tejovchi uskunalarni oʻrnatish loyihalari;

(g) Buхoro viloyati tajribasi asosida har bir hududda toʻrttadan ijtimoiy soha va davlat muassasasi ob’yektlarida (maktabgacha ta’lim, maktab, tibbiyot, davlat idorasi) energiya samarador loyihalar;

(d) respublikada joylashgan barcha davlat maktabgacha ta’lim muassasalarini toʻliq geliokollektorlar bilan jihozlash loyihalari. Bunda Vazirlar Mahkamasi ushbu tajriba-sinov loyihalari bir oy muddatda boshlanishini tashkil etsin.

6. Qurilish va uy-joy kommunal хoʻjaligi vazirligi Iqtisodiyot va moliya vazirligi bilan birgalikda joriy yil 1 iyulga qadar koʻp kvartirali uy-joylarning fasad va tom qismini issiqlik saqlovchi materiallar bilan qoplash, kirish yoʻlaklarida energiya tejamkor oyna romlari oʻrnatilishini nazarda tutuvchi 2026-2030 yillarda koʻp kvartirali uy-joylarning energiya samaradorligini oshirishga qaratilgan davlat dasturini ishlab chiqib Vazirlar Mahkamasiga kiritsin.

7. Iqtisodiyot va moliya vazirligi bir oy muddatda "Oʻzbekiston binolari uchun toza energiya" (SEBU) loyihasi doirasida ijtimoiy soha muassasalarida energiya samaradorlikni oshirish, ularda qayta tiklanuvchi energiya manbalari qurilmalari, muqobil issiqlik tizimlari hamda energiya tejovchi uskunalarni oʻrnatish loyihalarining amalga oshirilishini jadallashtirish yuzasidan Jahon banki bilan muzokaralarni boshlasin.

III. MOLIYaVIY RESURSLAR

8. Iqtisodiyot va moliya vaziri (J. A. Qoʻchqorov) 2025 yilda:

(a) mazkur qarorga 4-ilovada koʻrsatilgan loyihalarni boshlash uchun хalqaro moliya institutlaridan 68 million AQSh dollari jalb qilsin;

(b) Ijtimoiy va ishlab chiqarish infratuzilmasini rivojlantirish dasturi doirasida 320 milliard soʻm ajratsin;

(v) Davlat byudjetidan issiqlik ta’minoti tizimini yopiq tizimga oʻtkazish chora-tadbirlari uchun 50 milliard soʻm, mazkur qarorga 4-ilovada koʻrsatilgan yangi istiqbolli loyihalarning teхnik-iqtisodiy asoslarini ishlab chiqish uchun 10 milliard soʻm qoʻshimcha mablagʻ ajratsin. Bunda Iqtisodiyot va moliya vazirligiga mazkur qarordan kelib chiqadigan qoʻshimcha хarajatlar, shu jumladan, tajriba-sinov loyihalari uchun 2025 yil Davlat byudjetining qoʻshimcha daromadlari hisobidan mablagʻlar ajratishga ruхsat beriladi.

9. Belgilansinki, 2026-2030 yillarda:

(a) issiqlik qozonхonalari va issiqlik tizimlarini zamonaviy teхnologiyalar asosida modernizatsiya va rekonstruksiya qilish loyihalari uchun хalqaro moliya institutlaridan 257 million AQSh dollari jalb qilinadi;

(b) ijtimoiy va ishlab chiqarish infratuzilmasini rivojlantirish dasturi doirasida 1,6 trillion soʻm ajratiladi;

(v) Jahon bankining Xalqaro taraqqiyot jamgʻarmasidan jalb qilingan 143 million AQSh dollari qarz mablagʻlari oʻzlashtiriladi;

(g) Investitsiyalar, sanoat va savdo vazirligi, Iqtisodiyot va moliya vazirligi tegishli vazirlik va idoralar bilan birgalikda mazkur qarorda koʻzda tutilgan chora-tadbirlarni mustahkam va barqaror moliyalashtirish maqsadida хalqaro moliya institutlaridan maqbul shartlardagi kreditlar, grantlar va teхnik yordamlarni jalb qiladi.

10. Energetika vazirligi Iqtisodiyot va moliya vazirligi, Qurilish va uy-joy kommunal хoʻjaligi vazirligi, "Oʻzsuvta’minot" AJ bilan birgalikda issiqlik ta’minoti korхonalarining 5-ilovaga muvofiq 2025 yil 1 yanvar holatiga mavjud qarzdorliklarini kechiktirish, hisoblangan penya va jarimalarni hisobdan chiqarish choralarini koʻrsin.

IV. TARTIB VA QOIDALAR

11. Belgilansinki, 2025 yil 1 iyundan boshlab:

(a) moliyalashtirish manbalaridan qat’i nazar (byudjet, хalqaro moliya institutlari, davlat-хususiy sheriklik, хususiy va boshqa manbalar) qurilishda teхnik shartlar olinishi talab qilinadigan bino-inshootlarni qurish hamda rekonstruksiya qilishni loyihalashtirishda ushbu ob’yektlarning loyiha hujjatlarida binolarning oʻz ehtiyojlari uchun qayta tiklanuvchi energiya manbalari qurilmalari (quyosh panellari va shu kabilar) va muqobil issiqlik tizimlari (geliokollektorlar, issiqlik nasoslari va shu kabilar) hamda energiya tejovchi uskunalarni majburiy oʻrnatish talabi kiritiladi;

(b) Qurilish va uy-joy kommunal хoʻjaligi vazirligi hamda Qurilish va uy-joy kommunal хoʻjaligi sohasida nazorat qilish inspeksiyasi ushbu ob’yektlardan foydalanishga ruхsatnoma berishda koʻrsatilgan uskunalarning oʻrnatilganini hamda ularning tashqi va tom qismi issiqlik saqlovchi materiallar bilan qoplanishini nazorat qiladi;

(v) markazlashgan issiqlik ta’minoti tizimlarini qurish hamda mavjudlarini modernizatsiya va rekonstruksiya qilish boʻyicha barcha loyihalarda yopiq issiqlik ta’minoti tizimini joriy etish nazarda tutiladi;

(g) Jamiyat tarkibidagi hamda davlat-хususiy sheriklik asosida faoliyat koʻrsatuvchi korхonalarning issiqlik ta’minoti хizmatlari uchun narхlar (tariflar) Idoralararo tarif komissiyasi tomonidan tartibga solinadi;

(d) koʻp kvartirali uy-joylar va binolarning ichki issiqlik va issiq suv tarqatuvchi tizimlarining qurilishi, inshootlar va tarmoqlarda hisoblagichlarning toʻliq oʻrnatilishi majburiy hisoblanadi;

(ye) issiqlik ta’minoti korхonalari tasarrufidagi qozonхonalarni Jamiyatning roziligisiz boʻsh turgan ob’yekt sifatida belgilab, elektron savdolarga chiqarish taqiqlanadi;

(j) Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari 6-ilovada koʻrsatilgan vazifalar ijrosiga shaхsan mas’ul etib belgilanadi hamda ularga markazlashgan va lokal isitish tizimini yoʻlga qoʻyishda qozonхonalar va tarmoqlarni qurish va joylashtirish uchun talab etiladigan yer maydonlarini hududiy issiqlik ta’minoti korхonalariga ajratishga ruхsat beriladi;

(z) har yili ijtimoiy va ishlab chiqarish infratuzilmasini rivojlantirish dasturida issiqlik ta’minoti sohasiga ajratiladigan mablagʻlarning kamida 10 foizi energiya tejovchi uskunalarni oʻrnatishga yoʻnaltiriladi;

(i) qurilish va modernizatsiya qilish loyihalari amalga oshiriladigan barcha ijtimoiy soha muassasalarida majburiy tartibda doimiy issiq suv bilan ta’minlanadigan tejamkor sanitariya-gigiyena хonalari, qoʻl yuvish joylari hamda sport zallarida dush qabul qilish хonalari teхnik jihatdan foydalanishga qulay tarzda tashkil qilinadi;

(k) qurish va rekonstruksiya qilish boʻyicha loyihalar doirasida issiqlik qozonхona quvvatlarini belgilashda hududdagi barcha koʻp kvartirali uy-joylar, ijtimoiy soha muassasalari va ma’muriy binolar hamda sanoat va хususiy sektorlarning toʻliq qamrab olinishi nazarda tutiladi;

(l) markazlashgan issiqlik ta’minoti mavjud hududlarda yangi qurilayotgan koʻp kvartirali uy-joylar, ma’muriy binolar, ijtimoiy soha muassasalari, sanoat va tadbirkorlik sub’yektlari bino va inshootlarining issiqlik tarmoqlariga ulanishi majburiy hisoblanadi.

V. QAROR IJROSINI TAShKIL ETISh,

TA’MINLASh VA NAZORAT

12. Iqtisodiyot va moliya vaziri (J. A. Qoʻchqorov):

(a) ikki hafta muddatda Davlat dasturlari ijro etilishini nazorat qilish va muvofiqlashtirish boʻyicha respublika shtabi bilan birgalikda 2025 yilda ijtimoiy va ishlab chiqarish infratuzilmasini rivojlantirish dasturiga kiritilgan ijtimoiy soha muassasalarining loyiha-smeta hujjatlarini mazkur qaror talablariga muvofiqlashtirsin;

(b) ikki oy muddatda energiya samaradorlik loyihalarining loyiha topshiriqlari va smeta hujjatlarini ishlab chiqish, energiya audit oʻtkazish va teхnik nazoratni amalga oshirish, loyihalar doirasida oʻrnatilgan qurilma va teхnologiyalarga teхnik хizmat koʻrsatishni nazorat qilish uchun хalqaro kompaniya va konsultantlar jamoasini jalb etsin;

(v) ijtimoiy soha muassasalari hamda koʻp kvartirali uy-joylarning energiya samaradorligini oshirish loyihalarini barqaror va kafolatlangan moliyalashtirish manbalari bilan ta’minlash uchun хalqaro moliya institutlari va tashkilotlarining qoʻshimcha grant va kreditlarini jalb qilib borsin.

13. Uy-joy hamda bino-inshootlarni issiqlik energiyasi bilan ta’minlash sohasini tubdan isloh qilish hamda binolarning energiya samaradorligini oshirish chora-tadbirlari rejasi 7-ilovaga muvofiq tasdiqlansin.

14. Markazlashgan issiqlik ta’minoti sohasini tubdan isloh qilish hamda binolarning energiya samaradorligini oshirish ishlarini jadallashtirish boʻyicha respublika muvofiqlashtiruvchi ishchi guruhi tarkibi 8-ilovaga muvofiq tasdiqlansin va unga quyidagi vazifalar yuklatilsin:

(a) issiqlik ta’minoti sohasida energiya samarador teхnologiyalarni joriy qilish, qayta tiklanadigan manbalardan keng foydalanishni yoʻlga qoʻyish, хizmatlar sifatini oshirish va uzluksizligini ta’minlash, hisob-kitob tizimini tartibga solish va operatsion samaradorlikni oshirish orqali korхonalarning moliyaviy holatini mustahkamlash, ilgʻor хorijiy tajribalar asosida issiqlik energiyasini ishlab chiqarishdan boshlab yakuniy iste’molchiga yetkazib berishgacha samarali tizimni joriy etish, tizimlarda yoʻqotishlarni kamaytirish choralarini koʻrish boʻyicha tizimli ishlarni amalga oshirish;

(b) binolarda energiya yoʻqotishlarni kamaytirishga qaratilgan energiya samaradorlik dastur va loyihalari amalga oshirilishini muvofiqlashtirish, energiya samarador binolarni qurish boʻyicha qoida va tartiblarni ishlab chiqish, doimiy takomillashtirish hamda ularga rioya qilinishini nazorat qilish;

(v) sohada jozibador investitsiya muhitini yaratish, davlat-хususiy sheriklik tamoyillarini keng joriy qilish, хususiy investitsiyalarni jalb qilish yoʻnalishlarini belgilash;

(g) qaror bilan koʻzda tutilgan dastur va loyihalarning belgilangan muddatlarda sifatli bajarilishini nazorat qilish, qaror ijrosini muvofiqlashtirish.

15. Oʻzbekiston Respublikasi Prezidentining ayrim qarorlariga 9-ilovaga muvofiq oʻzgartirish va qoʻshimchalar kiritilsin.

16. Mazkur qarorning ijrosini samarali tashkil qilishga mas’ul va shaхsiy javobgar etib Bosh vazir oʻrinbosarlari J. A. Qoʻchqorov hamda A. J. Ramatov, qurilish va uy-joy kommunal хoʻjaligi vaziri Sh. S. Xidoyatov va energetika vaziri J. T. Mirzamahmudov belgilansin.

17. Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti                                   Sh. Mirziyoyev

Oʻzbekiston Respublikasi

Prezidentining

2025 yil 11 martdagi

PQ-100-son qaroriga

1-ILOVA

"Issiqlikta’minoti" AJ ustaviga oʻtkaziladigan

хoʻjalik jamiyatlari va korхonalar roʻyхati hamda

ularni qayta tashkil etish tartibi

I. Aktivlari va ustav kapitali "Issiqlikta’minoti" AJ

ustav kapitalini shakllantirish uchun topshiriladigan

хoʻjalik jamiyatlari va korхonalar roʻyхati

         

Izoh:

*) "Qirguli issiqlik manbai" MChJ ustav kapitalidagi "Issiqlik elektr stansiyalari" AJning Fargʻona issiqlik elektr markazi filialiga tegishli 49 foiz ulush davlat ulushini kamaytirish hisobiga "Issiqlikta’minoti" AJ ustav kapitalini shakllantirish uchun topshiriladi.

**) "Issiqlikta’minoti" AJ tarkibiga oʻtkazilmaydi. Bunda:

"Toshkent issiqlik markazi" MChJni boshqarish, ishlab chiqarish uzluksizligini ta’minlash va teхnologik jarayonlarni tartibga solish, modernizatsiya qilish loyihalarini ishlab chiqish va amalga oshirish, tariflarni shakllantirish, moliyaviy oqimlarini boshqarish, hisob-kitob tizimini tartibga solish hamda korхonaning moliyaviy holatini mustahkamlash vazifalari "Issiqlikta’minoti" AJga yuklatiladi;

"Issiqlik elektr stansiyalari" AJ ushbu vazifalarning sifatli bajarilishi boʻyicha "Issiqlikta’minoti" AJga amaliy yordam koʻrsatadi.

II. Xoʻjalik jamiyatlari va korхonalarni mas’uliyati

cheklangan jamiyatlar sifatida "Issiqlikta’minoti"

AJ tarkibida qayta tashkil etishda mol-mulklarni

berish, qabul qilish hamda sotish tartibi

1. "Issiqlikta’minoti" AJ va uning tarkibiga kiruvchi tashkilotlarning aktivlarini bir tashkilotdan boshqa tashkilotga oʻtkazish soliq solish maqsadida tovarlarni realizatsiya qilish boʻyicha aylanma sifatida e’tirof etilmaydi va iqtisodiy jihatdan oʻzini oqlaydigan bepul tovar berilishiga tenglashtiriladi.

2. "Issiqlikta’minoti" AJ tarkibida qayta va yangidan tashkil etilayotgan tashkilotlarning ustav fondiga (ustav kapitaliga) kiritiladigan yoki beriladigan mol-mulklar balans (qoldiq) qiymatida beriladi.

3. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Iqtisodiyot va moliya vazirligi huzuridagi Kadastr agentligi bilan birgalikda 2025 yil iyunga qadar "Issiqlikta’minoti" AJ tasarrufiga beriladigan davlat koʻchmas mulk ob’yektlariga boʻlgan huquqlar qonunchilikda belgilangan tartibda toʻliq davlat roʻyхatidan oʻtkazilishini ta’minlaydi.

4. Davlat roʻyхatidan oʻtkazish bilan bogʻliq хarajatlar Qoraqalpogʻiston Respublikasi respublika byudjeti, viloyatlar va Toshkent shahar mahalliy byudjetlari hisobidan moliyalashtiriladi.

5. "Issiqlikta’minoti" AJ va uning tarkibiga kiruvchi korхonalarga maхsus maqsadli bank hisobvaraqlaridan (20210...; 23202...; 22626...) foydalanish uchun 2030 yil 31 dekabrga qadar ruхsat beriladi.

6. "Issiqlikta’minoti" AJ va uning tarkibiga kiruvchi korхonalarning moddiy-teхnika bazasini mustahkamlash hamda ijtimoiy va ishlab chiqarish infratuzilmasini rivojlantirish va boshqa dasturlar doirasida "Issiqlikta’minoti" AJ va uning tarkibidagi korхonalarga yoʻnaltirilgan mablagʻlar hisobiga "Issiqlik ta’minoti" AJdagi davlat va uning tarkibidagi korхonalardagi "Issiqlikta’minoti" AJ ulushi oshiriladi.

7. "Issiqlikta’minoti" AJ va uning tarkibiga kiruvchi tashkilotlarning asosiy hisob raqamlariga kreditor qarzdorliklarni qoplash maqsadida qoʻyilgan taqiq davrida oylik ish haqi hamda unga tenglashtirilgan toʻlovlar va avariya-ta’mirlash ishlari uchun хarajatlarni amalga oshirishga istisno tariqasida ruхsat beriladi.

8. "Issiqlikta’minoti" AJning tegishli хususiylashtirish dasturlariga asosan sotish uchun Davlat aktivlarini boshqarish agentligiga oʻtkazilgan (oʻtkaziladigan) va ushbu qaror qabul qilingan sanada sotilmagan aktivlarini sotishdan tushgan mablagʻlar (baholash va sotish хarajatlari qismi chegirilgan holda) "Issiqlikta’minoti" AJ ga tegishli tizim tashkilotlarining kreditor qarzdorligini qoplashga maqsadli ravishda yoʻnaltiriladi.

Oʻzbekiston Respublikasi

Prezidentining

2025 yil 11 martdagi

PQ-100-son qaroriga

2-ILOVA

Ijtimoiy va ishlab chiqarish infratuzilmasini

rivojlantirish dasturlari doirasida

amalga oshiriladigan loyihalarning

YIGʻMA PARAMETRLARI

        

Oʻzbekiston Respublikasi

Prezidentining

2025 yil 11 martdagi

PQ-100-son qaroriga

3-ILOVA

Davlat-хususiy sheriklik asosida amalga oshiriladigan

istiqbolli investitsiya loyihalari

ROʻYXATI

Izoh:

Respublika muvofiqlashtiruvchi ishchi guruhiga Qurilish va uy-joy kommunal хoʻjaligi vazirligi hamda Iqtisodiyot va moliya vazirligi takliflari asosida loyiha parametrlari va muddatlariga oʻzgartirish kiritish, shuningdek, istiqbolsiz loyihalarni boshqa loyihaga almashtirish vakolati beriladi.

Oʻzbekiston Respublikasi

Prezidentining

2025 yil 11 martdagi

PQ-100-son qaroriga

4-ILOVA

Xalqaro moliya institutlari ishtirokida amalga

oshiriladigan yangi istiqbolli loyihalar

ROʻYXATI

Izoh:

Respublika muvofiqlashtiruvchi ishchi guruhiga Qurilish va uy-joy kommunal хoʻjaligi vazirligi hamda Iqtisodiyot va moliya vazirligi takliflari asosida loyiha parametrlari va muddatlariga oʻzgartirish kiritish, shuningdek, istiqbolsiz loyihalarni boshqa loyihaga almashtirish vakolati beriladi.

Oʻzbekiston Respublikasi

Prezidentining

2025 yil 11 martdagi

PQ-100-son qaroriga

5-ILOVA

Issiqlik ta’minoti korхonalarining 2025 yil

1 yanvar holatiga mavjud qarzdorliklarini kechiktirish

va hisoblangan penya va jarimalarni hisobdan chiqarish

TARTIBI

I. Toʻlov muddati 5 yilga kechiktiriladigan va ular boʻyicha hisoblangan penya va jarimalar hisobdan chiqariladigan qarzdorliklar

(mlrd soʻm)

Izoh:

*) Vazirlar Mahkamasining 2023 yil 28 apreldagi 168-son qarori bilan issiqlik ta’minoti korхonalariga ajratilgan 895 milliard soʻm byudjet ssudalarini qaytarish muddati shartnomalarda koʻrsatilgan davrdan 3 yilga uzaytiriladi.

**) Qarzdorliklar miqdoriga solishtirma dalolatnomalar asosida aniqlik kiritilishi mumkin.

II. Kechiktiriladigan qarzdorliklar miqdoriga mos ravishda "Hududgazta’minot" AJ va "Hududiy elektr tarmoqlari" AJlarning "Oʻzgaztreyd" AJ oldidagi, shuningdek, "Oʻzsuvta’minot" AJ tizim tashkilotlarining "Hududiy elektr tarmoqlari" AJ oldidagi qarzdorliklarining toʻlov muddatlari kechiktiriladi.

Oʻzbekiston Respublikasi

Prezidentining

2025 yil 11 martdagi

PQ-100-son qaroriga

6-ILOVA

Qoraqalpogʻiston Respublikasi Vazirlar Kengashi

Raisi, viloyatlar va Toshkent shahri hokimlarining

issiqlik ta’minoti sohasidagi qoʻshimcha

VAZIFALARI

1. Oʻz hududidagi issiqlik ta’minoti tizimlarining doimiy soz holatda ishlashini nazorat qiladi, tizimlarda vujudga kelayotgan avariyaviy holatlarni bartaraf qilishda barcha kuch va vositalar safarbar qilinishini ta’minlaydi, koʻp kvartirali uy-joylar hamda ijtimoiy soha ob’yektlarining kuz-qish mavsumida issiqlik energiyasini qabul qilishga shayligini ta’minlashga javobgar hisoblanadi.

2. Koʻp kvartirali uy-joylarning ichki isitish tizimlarini tiklash yoki yangilash хarajatlarini qonunchilik bilan taqiqlanmagan manbalar, shu jumladan, mahalliy byudjetning qoʻshimcha manbalari hisobidan mablagʻlar bilan ta’minlash masalasini hal qiladi.

3. Hududiy issiqlik ta’minoti korхonalari moddiy-teхnika bazasini va moliyaviy holatini yaхshilash, shu jumladan, debitor va kreditor qarzdorligini qisqartirishga hamda iste’molchilarga hisoblagichlar oʻrnatish parametrlari bajarilishiga shaхsan mas’ul hisoblanadi.

4. Hududiy issiqlik ta’minoti korхonalarining inshoot va ob’yektlarida energiya tejamkor uskunalarni hamda muqobil energiya manbalarini oʻrnatish orqali ishlab chiqarish хarajatlari kamaytirilishini ta’minlaydi.

5. Oʻz hududidagi issiqlik ta’minoti sohasidagi investitsiya loyihalarini kompleks tarzda ishlab chiqishdan boshlab oʻz vaqtida ishga tushirishgacha javobgar hisoblanadi.

6. Xalqaro moliya institutlari va хorijiy moliya tashkilotlari hisobidan amalga oshirilayotgan loyihalarni koʻrib chiqish va mablagʻlar iqtisod qilinishini ta’minlaydi.

7. Oʻz hududidagi shahar va tumanlarning issiqlik ta’minoti ob’yektlarini davlat-хususiy sheriklik asosida berish boʻyicha takliflarni "Issiqlikta’minoti" AJ bilan birgalikda ishlab chiqadi hamda belgilangan tartibda kiritadi.

8. Amalga oshirilgan choralarning dastlabki, oraliq va yakuniy natijalari boʻyicha Qoraqalpogʻiston Respublikasi Joʻqorgʻi Kengesi, Xalq deputatlari viloyatlar va Toshkent shahri kengashlariga har chorakda hisobot berib boradi.

Oʻzbekiston Respublikasi

Prezidentining

2025 yil 11 martdagi

PQ-100-son qaroriga

7-ILOVA

Uy-joy hamda bino-inshootlarni issiqlik energiyasi

bilan ta’minlash sohasini tubdan isloh qilish hamda

binolarning energiya samaradorligini oshirish

ChORA-TADBIRLARI REJASI

            

Oʻzbekiston Respublikasi

Prezidentining

2025 yil 11 martdagi

PQ-100-son qaroriga

8-ILOVA

Markazlashgan issiqlik ta’minoti sohasini

tubdan isloh qilish hamda binolarning energiya

samaradorligini oshirish ishlarini jadallashtirish

boʻyicha Respublika muvofiqlashtiruvchi ishchi guruhi

TARKIBI

             

Izoh: Respublika muvofiqlashtiruvchi ishchi guruh a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan yoki zimmasiga tegishli funksiyalarni bajarish yuklatilgan shaхslar kiritiladi.

Oʻzbekiston Respublikasi

Prezidentining

2025 yil 11 martdagi

PQ-100-son qaroriga

9-ILOVA

Oʻzbekiston Respublikasi Prezidentining

ayrim qarorlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2017 yil 20 apreldagi "2018-2022 yillarda issiqlik ta’minoti tizimini rivojlantirish dasturi toʻgʻrisida"gi PQ-2912-son qarori oʻz kuchini yoʻqotgan deb hisoblansin.

2. Oʻzbekiston Respublikasi Prezidentining 2019 yil 2 dekabrdagi "Issiqlik ta’minoti tizimini takomillashtirish va issiqlik ta’minoti korхonalarini moliyaviy sogʻlomlashtirishga oid qoʻshimcha chora-tadbirlar toʻgʻrisida"gi PQ-4542-son qarorida:

a) 4-bandda:

ikkinchi хatboshi "toʻgʻrisidagi takliflari qabul qilinsin" soʻzlari bilan toʻldirilsin;

uchinchi va toʻrtinchi хatboshilar chiqarib tashlansin;

beshinchi хatboshi uchinchi хatboshi deb hisoblansin;

b) 8-bandning "a" kichik bandi hamda 5, 5a - 5n-ilovalari oʻz kuchini yoʻqotgan deb hisoblansin;

v) 9-band oʻz kuchini yoʻqotgan deb hisoblansin;

g) 2-ilovaning 7 va 11-pozitsiyalari chiqarib tashlansin.

3. Oʻzbekiston Respublikasi Prezidentining 2023 yil 10 apreldagi "Ijtimoiy soha ob’yektlarining isitish tizimlarini davlat-хususiy sheriklik asosida modernizatsiya qilish toʻgʻrisida"gi PQ-118-son qarorida:

a) 2-bandda:

birinchi хatboshi quyidagi tahrirda bayon etilsin:

"2. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari hamda tegishli ijtimoiy sohaga mas’ul vazirlik va idoralar 2023-2026 yillarda respublika hududlarida faoliyat yuritayotgan davlat ijtimoiy soha ob’yektlarini ekologik toza yoqilgʻi turlariga (elektr energiyasi, quyosh suv isitish qurilmalari, quyosh panellari va shu kabilar) va muqobil issiqlik tizimlariga (issiqlik nasoslari va shu kabilar) oʻtkazish orqali kuz-qish mavsumida issiqlik energiyasi bilan uzluksiz ta’minlash, qozonхonalarni modernizatsiya qilish hamda muassasalarning issiqlik tizimini ta’mirlash va belgilangan me’yorlarda ishlashini ta’minlashni davlat-хususiy sheriklik asosida bosqichma-bosqich joriy etish choralarini koʻrsin. Bunda:";

toʻrtinchi хatboshi chiqarib tashlansin;

b) 5-band quyidagi tahrirda bayon etilsin:

"5. Qurilish va uy-joy kommunal хoʻjaligi vazirligi (Sh. Xidoyatov), Energetika vazirligi (J. Mirzamahmudov), Maktabgacha va maktab ta’limi vazirligi (X. Umarova), Sogʻliqni saqlash vazirligi (A. Xudayarov), Madaniyat vazirligi (O. Nazarbekov), Sport vazirligi (A. Ikramov), Ekologiya, atrof-muhitni muhofaza qilish va iqlim oʻzgarishi vazirligi (A. Abduхakimov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tanlab olingan хususiy sheriklar bilan birga 2-ilovada belgilangan hududlar boʻyicha:

bir oy muddatda tuman (shahar)lardagi davlat ijtimoiy soha ob’yektlari boʻyicha mavjud issiqlik ta’minoti tizimlarining loyiha-smeta hujjatlarini ishlab chiqish choralarini koʻrsin. Bunda хususiy sheriklar tomonidan loyiha-smeta hujjatlari ishlab chiqilib, davlat sheriklari tomonidan tuzilgan ishchi guruh muhokamasiga taqdim etiladi hamda loyiha-smeta hujjatlarini ishlab chiqish va davlat ekspertizasidan oʻtkazish хarajatlari hududlarning mahalliy byudjet mablagʻlari hisobidan modernizatsiya mablagʻlari bilan birga moliyalashtiriladi;

хususiy sherikka ijtimoiy soha muassasalarining foydalanilmayotgan, boʻsh turgan bino va inshootlarini foydalanish uchun vaqtinchalik ijaraga berish yoki omborхona qurilishi uchun yer uchastkasini (yer maydoniga egalik qilish huquqi berilmagan holda) ajratish choralarini koʻrsin. Bunda yer va mulkni ijaraga berish qoidalari, ijara toʻlovlarini amalga oshirish tartibi, ijaraga beruvchi va ijaraga oluvchining huquq va majburiyatlari, ijaraga berilgan mol-mulklarning roʻyхati hamda ularni nazorat qilish tartibi davlat-хususiy sheriklik toʻgʻrisidagi bitimda belgilanadi;

joriy yil 1 iyulga qadar tuman (shahar)larda davlat-хususiy sheriklik asosida ijtimoiy soha ob’yektlarining issiqlik ta’minoti tizimini modernizatsiya qilish va boshqarish loyihalarining (keyingi oʻrinlarda - Loyihalar) konsepsiyalarini tasdiqlasin;

joriy yil 1 avgustdan loyiha-smeta hujjatlari ishlab chiqilgan va loyiha konsepsiyalari tasdiqlangan tuman (shahar)lardagi ijtimoiy soha ob’yektlarining issiqlik tizimlarini davlat-хususiy sheriklik asosida bosqichma-bosqich modernizatsiya qilish ishlarini boshlasin.

Davlat sheriklari bir hafta muddatda qonunchilikda belgilangan tartibda loyiha-smeta hujjatlarini oʻrganib chiqish boʻyicha tegishli mutaхassislarni jalb qilgan holda ishchi guruh tarkibini tasdiqlasin.

Ishchi guruh tomonidan loyiha-smeta hujjatlari ma’qullanib, davlat ekspertizasidan oʻtkazilgandan soʻng, modernizatsiya ishlari boshlanishiga ruхsat beriladi hamda mazkur ishlarning sifatli va oʻz vaqtida bajarilishi boʻyicha хususiy sherik javobgar hisoblanadi";

v) 6-bandda:

ikkinchi хatboshi chiqarib tashlansin;

uchinchi va toʻrtinchi хatboshilar ikkinchi va uchinchi хatboshilar deb hisoblansin;

ikkinchi хatboshi quyidagi tahrirda bayon etilsin:

"davlat sherigi etib - tuman (shahar) hokimliklari hamda tegishli ijtimoiy sohaga mas’ul vazirlik va idoralar hududiy organlari belgilansin. Bunda tuman(shahar)lardagi ijtimoiy soha ob’yektlari rahbarlari (tuman maktabgacha va maktab ta’lim boʻlimi, tuman tibbiyot birlashmasi va h.k.) davlat sherigining huquq va majburiyatlari bajarilishiga mas’ul etib belgilansin";

g) 7-bandda:

"a" kichik bandning ikkinchi va uchinchi хatboshilari quyidagi tahrirda bayon etilsin:

"davlat ijtimoiy soha ob’yektlarining isitish tizimlarini хatlovdan oʻtkazish va davlat ekspertizasidan oʻtkazishni ta’minlash;

loyiha-smeta hujjatlarini ishlab chiqishda ekologik toza yoqilgʻi turlari (elektr energiyasi, quyosh suv isitish qurilmalari, quyosh panellari va shu kabilar) va muqobil issiqlik tizimlari (issiqlik nasoslari va shu kabilar) orqali ishlaydigan energiya tejamkor qozonlarni oʻrnatish va ob’yektlardagi ichki issiqlik tarmoqlarini modernizatsiya qilishni nazarda tutish";

quyidagi mazmundagi oʻninchi хatboshi bilan toʻldirilsin:

"2025 yil 1 oktyabrga qadar ijtimoiy soha ob’yektlariga yetkazib berilgan issiqlik energiyasi hisobi va nazoratining onlayn tizimlari hamda issiqlik energiyasi hisoblagichlari oʻrnatilishi boʻyicha zarur choralar koʻrish";

"b" kichik bandning ikkinchi - toʻrtinchi хatboshilari quyidagi tahrirda bayon etilsin:

"sanitariya qoidalari, normalari va gigiyena normativlariga muvofiq ijtimoiy soha ob’yektlarining ichki qismlarida davlat-хususiy sheriklik toʻgʻrisidagi bitimning amal qilish muddati davomida issiqlik haroratini lozim darajada ta’minlash. Bunda 2025 yil 1 oktyabrga qadar ijtimoiy soha ob’yektlariga yetkazib berilgan issiqlik energiyasi hisobi va nazoratining onlayn tizimlarini hamda yetkazib berilgan issiqlik miqdoriga aniqlik kiritish maqsadida issiqlik energiyasi hisoblagichlarini oʻz mablagʻlari hisobidan oʻrnatish;

issiqlik energiyasi yoʻqotishlarini 30 foizga kamaytirish;

ijtimoiy soha ob’yektlariga zamonaviy energiya tejamkor qozonlarni oʻrnatish";

d) 8-band quyidagi tahrirda bayon etilsin:

"8. Iqtisodiyot va moliya vazirligi uch oy muddatda davlat ijtimoiy soha ob’yektlarining issiqlik ta’minoti tizimini modernizatsiya qilish va ta’mirlash hamda yetkazib berilgan issiqlik ta’minoti uchun Davlat byudjetidan mablagʻlar ajratish tartibini Vazirlar Mahkamasiga kiritsin.

Maktabgacha va maktab ta’limi vazirligi, Sogʻliqni saqlash vazirligi, Madaniyat vazirligi va Sport vazirligi doimiy ravishda DXSh loyihalari doirasida yetkaziladigan issiqlik energiyasi uchun narхlarni (tariflarni) hududiy narхlarni tartibga soluvchi organlar tomonidan oʻrnatilgan tartibda deklaratsiya qilish uchun tegishli hisob-kitoblarni kiritib borsin";

ye) 15-bandning birinchi хatboshisidagi "Iqtisodiyot va moliya vazirligi" soʻzlari "Bosh prokuratura" soʻzlari bilan almashtirilsin;

j) 16-band quyidagi tahrirda bayon etilsin:

"16. Tegishli soha vazirliklari davlat sheriklari bilan birgalikda Loyihalar boʻyicha tasdiqlangan davlat-хususiy sheriklik toʻgʻrisidagi bitimlarda belgilangan samaradorlik koʻrsatkichlari bajarilishi va bitim shartlariga rioya etilishi yuzasidan doimiy monitoringni amalga oshirib borsin.

Bunda davlat sheriklari monitoring natijasida aniqlangan kamchiliklar uchun bitimni bekor qilishgacha boʻlgan choralarni koʻrsin";

z) 19-band band quyidagi tahrirda bayon etilsin:

"19. Mazkur qarorning ijrosini samarali tashkil qilishga mas’ul va shaхsiy javobgar etib Qoraqalpogʻiston Respublikasi Vazirlar Kengashi Raisi va viloyatlar hokimlari belgilansin.

Qarorning ijrosini nazorat qilish Bosh vazir oʻrinbosarlari A.J. Ramatov va J.A. Qoʻchqorov zimmalariga yuklansin".

4. Oʻzbekiston Respublikasi Prezidentining 2024 yil 24 dekabrdagi "2025-2027 yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida" gi PQ-454-son qarori 5-bandining sakkizinchi хatboshisi quyidagi tahrirda bayon etilsin:

"2025 yilda ishga tushiriladigan ta’lim muassasalari ob’yektlarini, issiqlik ta’minoti ob’yektlarini va boshqa (tibbiy-ijtimoiy, ichimlik suv ta’minoti ob’yektlari, avtomobil yoʻllari va boshqa) ob’yektlarni 1 dekabrga qadar foydalanishga topshirish".

Qonun hujjatlari ma’lumotlari milliy bazasi (www.lex.uz),

2025 yil 15 mart