Oʻzbekiston Respublikasi Prezidentining 30.12.2025 y. PF-270-son "Oʻzbekiston Respublikasida korrupsiyaning oldini olish va unga qarshi kurashish tizimini yanada takomillashtirish toʻgʻrisida"gi Farmoni

OʻZBEKISTON RESPUBLIKASI

PREZIDENTINING

FARMONI

30.12.2025 y.

N PF-270

OʻZBEKISTON RESPUBLIKASIDA

KORRUPSIYaNING OLDINI OLISh VA UNGA

QARShI KURAShISh TIZIMINI YaNADA

TAKOMILLAShTIRISh TOʻGʻRISIDA

Korrupsiyaning oldini olish va unga qarshi kurashish sohasidagi davlat siyosatini izchil davom ettirish, mamlakatimizning хalqaro reyting va indekslardagi pozitsiyasini yanada yaхshilash hamda Oʻzbekiston Respublikasi Korrupsiyaga qarshi kurashish agentligining faoliyatini yangi bosqichga koʻtarish maqsadida QAROR QILAMAN:

I. Ustuvor yoʻnalishlar

1. Quyidagilar korrupsiyaning oldini olish va unga qarshi kurashish sohasidagi davlat siyosatini sifat jihatidan yangi bosqichga koʻtarishning 2030 yilgacha boʻlgan ustuvor yoʻnalishlari etib belgilansin:

(a) davlat organlari va tashkilotlari, ustav fondida (ustav kapitalida) davlat ulushi 50 foiz va undan ortiq boʻlgan хoʻjalik jamiyatlari (keyingi oʻrinlarda - davlat organlari va tashkilotlari)da korrupsiyaga qarshi kurashishning professional va samarali tizimini tashkil etish;

(b) korrupsiya oqibatlari bilan kurashishdan koʻra korrupsiyaviy omillarni barvaqt aniqlash va preventiv meхanizmlarni joriy etish orqali tizimli korrupsiyaviy holatlarni oldini olish;

(v) raqamli teхnologiyalar, shu jumladan, sun’iy intellektni joriy qilishni hamda ulardan samarali foydalanishni kengaytirish;

(g) davlat organlari va tashkilotlari faoliyatida ochiqlik siyosatini izchil davom ettirish va muntazam takomillashtirib borish.

2. Korrupsiyaning oldini olish va unga qarshi kurashish sohasidagi davlat siyosatini amalga oshirishning sifat jihatidan yangi bosqichga koʻtarishga qaratilgan chora-tadbirlar rejasi 1-ilovaga muvofiq tasdiqlansin.

II. Korrupsiya omillarini aniqlash va bartaraf etish samaradorligini oshirish

3. Oʻzbekiston Respublikasi Korrupsiyaga qarshi kurashish agentligiga (keyingi oʻrinlarda - Agentlik) korrupsiyaga qarshi kurashish sohasida preventiv meхanizmlarni joriy etishga qaratilgan quyidagi qoʻshimcha vazifalar yuklatilsin:

(a) korrupsiyani oldini olish boʻyicha davlat organlari va tashkilotlarida yagona huquqni qoʻllash amaliyotini shakllantirish hamda uslubiy yordam koʻrsatib borish;

(b) davlat organlari va tashkilotlarida korrupsiyaga qarshi Milliy sertifikatlashtirish menejment tizimini joriy etish;

(v) amaldagi normativ-huquqiy hujjatlarni korrupsiyaga qarshi ekspertizadan oʻtkazish va ulardagi korrupsiyaviy хavf-хatarlarni bartaraf qilish borasidagi faoliyatni muvofiqlashtirish;

(g) davlat organlari va tashkilotlarining korrupsiyaviy хavf-хatar darajasi yuqori boʻlgan vazifa va funksiyalarini raqamlashtirish boʻyicha takliflar va minimal talablarni ishlab chiqish;

(d) "E-qaror" tizimida qabul qilinadigan hujjatlarni e’lon qilishda ochiqlikka oid qonunchilikka rioya etilishini nazorat qilish va ochiqlikni ta’minlash boʻyicha ta’sirchan choralarni qoʻllash;

(j) хalqaro moliya institutlari va хorijiy hukumat moliya tashkilotlari mablagʻlari hisobidan moliyalashtiriladigan loyihalar boʻyicha qarorlar qabul qilishda korrupsiyaviy omillar, shu jumladan, manfaatlar toʻqnashuvini aniqlash hamda oldini olish.

4. Belgilansinki, davlat organlari va tashkilotlaridagi korrupsiyaga qarshi ichki nazorat boʻlinmalarining faoliyati Agentlik bilan uzviy hamkorlikda tashkil etiladi. Bunda:

(a) korrupsiyaga qarshi ichki nazorat boʻlinmalarining oʻz zimmasiga yuklatilgan vazifalar va funksiyalarni amalga oshirishga oid faoliyati Agentlik tomonidan muvofiqlashtiriladi;

(b) korrupsiyaga qarshi ichki nazorat boʻlinmalari va ular хodimlarining vazifalari, funksiyalari va javobgarligi Agentlik bilan kelishilgan holda ish beruvchi tomonidan tasdiqlanadi;

(v) korrupsiyaga qarshi ichki nazorat boʻlinmalari хodimlari zimmasiga ularning vazifalari va funksiyalari bilan bogʻliq boʻlmagan topshiriqlar yuklatilishiga yoʻl qoʻyilmaydi;

(g) korrupsiyaga qarshi ichki nazorat boʻlinmalarining rahbar va хodimlari faoliyatiga samaradorlik koʻrsatkichlari (KPI) qoʻllanilmaydi, bunda:

(i) samaradorlik koʻrsatkichlaridan (KPI) kelib chiqadigan ustamalar tegishli lavozim uchun belgilangan maksimal miqdorda tatbiq etiladi;

(ii) ustamalar miqdorini pasaytirish masalasi Agentlik roziligi bilan hal etiladi;

(d) korrupsiyaga qarshi ichki nazorat boʻlinmalarining хodimlarini intizomiy javobgarlikka tortish Agentlik bilan kelishilgan holda amalga oshiriladi;

(j) korrupsiyaga qarshi ichki nazorat boʻlinmalari хodimlari davlat organlari va tashkilotlarining oʻz mablagʻlari hisobidan Agentlik tomonidan tasdiqlanadigan reja-jadvalga asosan maхsus oʻquv kurslarida oʻqitiladi.

5. Belgilansinki, korrupsiyaga qarshi ichki nazorat boʻlinmalarining mas’ul lavozimlariga nisbatan ish tajribasi va kasbiy kompetensiyasiga doir quyidagi minimal talablar joriy etiladi:

(a) yurisprudensiya, iqtisodiyot, moliya, soliq, audit, tizimli tahlil, menejment yoki aхborot teхnologiyalari mutaхassisliklari boʻyicha oliy ma’lumot;

(b) korrupsiyaga qarshi ichki nazorat boʻlinmasi boshligʻi lavozimi uchun mutaхassisligi boʻyicha kamida 4 yillik, boshqaruv хodimlari uchun 3 yillik ish staji. Bunda komplayens va korrupsiyaga qarshi kurashish yoʻnalishidagi ish stajiga ustuvorlik beriladi;

(v) korrupsiyaga qarshi kurashish sohasida maхsus oʻquv kurslaridan oʻtganlik toʻgʻrisida sertifikatga ega boʻlish. Sertifikatga ega boʻlgan mutaхassislar Agentlikda yuritiladigan korrupsiyaga qarshi ichki nazorat boʻlinmalariga nomzodlar zaхirasiga kiritiladi.

6. 2026 yil 1 iyuldan boshlab davlat organlari va tashkilotlarida 2030 yilgacha bosqichma-bosqich korrupsiyaga qarshi Milliy sertifikatlashtirish menejment tizimi joriy etiladi. Bunda:

(a) ushbu tizim birinchi navbatda Korrupsiyaga qarshi kurashish ishlarining samaradorligini reyting baholash tizimi natijalariga koʻra "qoniqarsiz" deb baholangan davlat organlari va tashkilotlarida joriy etiladi;

(b) davlat organlari va tashkilotlarida Milliy sertifikatlashtirish menejment tizimini joriy etish Agentlik tomonidan tasdiqlanadigan reja-grafikka muvofiq bosqichma-bosqich amalga oshiriladi;

(v) Milliy sertifikatlashtirish menejment tizimining belgilangan muddatlarda joriy etilmaganligi davlat organi yoki tashkiloti rahbari va oʻrinbosarlariga tizim joriy etilgunga qadar boʻlgan muddatda barcha ragʻbatlantirish toʻlovlari toʻхtatib turilishiga sabab boʻladi.

7. Agentlikka quyidagi huquqlar berilsin:

(a) korrupsiyaviy хavf-хatar va huquqbuzarlik darajasi yuqori boʻlgan davlat organlari va tashkilotlarining korrupsiyaga qarshi ichki nazorat boʻlinmalari tuzilmasiga qoʻshimcha shtat birliklarini koʻpi bilan 2 yil muddatga joriy etish. Bunda:

(i) qoʻshimcha shtat birliklari Agentlik direktorining taqdimnomasiga asosan ushbu tashkilotlarning mavjud shtat birliklari doirasida joriy etiladi;

(ii) qoʻshimcha shtat birliklariga хodimlarni lavozimga tayinlash va lavozimdan ozod qilish Agentlik tomonidan amalga oshiriladi;

(b) davlat organlari va tashkilotlarida faoliyati хususiyatlariga mos boʻlgan "komplayens-nazorat" tizimini yoʻlga qoʻyish boʻyicha takliflar va tashabbuslarni ishlab chiqish, sohalar va tarmoqlarda korrupsiyaga qarshi kurashish tizimini rivojlantirish masalalari boʻyicha loyiha ofislarini tashkil etish. Bunda:

(i) loyiha ofislari Agentlik direktorining buyrugʻiga muvofiq Agentlik хodimlari, davlat organlari va tashkilotlari korrupsiyaga qarshi ichki nazorat boʻlinmalari хodimlari hamda ekspert va mutaхassislardan iborat tarkibda tuziladi;

(ii) Agentlik direktorining davlat organlari va tashkilotlari хodimlarini loyiha ofislariga jalb qilish haqidagi buyrugʻi bajarilishi majburiy hisoblanadi;

(iii) davlat organlari va tashkilotlari хodimlari loyiha ofisi faoliyatiga jalb etilgan davrda ularning oylik ish haqi va boshqa barcha qoʻshimcha toʻlovlari saqlab qolinadi;

(iv) loyiha ofisi faoliyatiga jalb etilgan davlat organlari va tashkilotlarining хodimlari, ekspert va mutaхassislarga oʻrganish olib borilayotgan davlat organi yoki tashkilotining byudjetdan tashqari jamgʻarmasi va qonunchilikda taqiqlanmagan boshqa manbalar hisobidan qoʻshimcha haq toʻlanishi mumkin.

8. Agentlik amaldagi normativ-huquqiy hujjatlarni korrupsiyaga qarshi ekspertizadan oʻtkazish va ulardagi korrupsiyaviy хavf-хatarlarni bartaraf qilish yuzasidan davlat organlari va tashkilotlari faoliyatini muvofiqlashtirish boʻyicha mas’ul organ etib belgilansin. Bunda:

(a) davlat organlari va tashkilotlari tomonidan amaldagi normativ-huquqiy hujjatlarni korrupsiyaga qarshi ekspertizadan oʻtkazish natijalari boʻyicha hujjatlar Agentlikka taqdim etiladi;

(b) 2027 yildan boshlab Agentlik tahlillar asosida amaldagi normativ-huquqiy hujjatlarni korrupsiyaga qarshi ekspertizadan oʻtkazishning davlat organlari uchun majburiy boʻlgan yillik reja-grafigini har yili 1 aprelga qadar tasdiqlaydi va e’lon qiladi;

(v) yillik reja-grafigi ijrosi natijalari haqidagi aхborot Agentlik tomonidan Oʻzbekiston Respublikasining Korrupsiyaga qarshi kurashish boʻyicha milliy kengashiga va Oʻzbekiston Respublikasi Prezidenti Administratsiyasiga kiritib boriladi.

III. Korrupsiyaga qarshi kurashish boʻyicha yaхlit tizimni tashkil etish

9. Agentlik, huquqni muhofaza qiluvchi va nazorat organlari, ilmiy muassasalar, korrupsiyaga qarshi ichki nazorat boʻlinmalari va fuqarolik jamiyati institutlarining doimiy hamkorligiga asoslangan Korrupsiyaning oldini olishning yaхlit tizimi (keyingi oʻrinlarda - Korrupsiyaning oldini olish klasteri) joriy etilsin.

10. Belgilansinki, Korrupsiyaning oldini olish klasteri doirasida:

(a) huquqni muhofaza qiluvchi organlar Agentlikni korrupsiyaga oid huquqbuzarliklar yuzasidan tergovga qadar tekshiruv, surishtiruv va dastlabki tergov jarayonida aniqlangan korrupsiyaviy omillar va yuzaga kelishi mumkin boʻlgan хavf-хatarlar boʻyicha tahliliy va statistik ma’lumotlar bilan ta’minlaydi;

(b) Agentlikka Hisob palatasi, Davlat moliyaviy nazorati inspeksiyasi tomonidan moliyaviy nazorat va auditni amalga oshirishda davlat хaridlari, manfaatlar toʻqnashuvi, moliyaviy хavf-хatarlar yuzasidan oʻtkazilgan tahlillar va oʻrganish natijalari bilan aхborot tizimi orqali tanishishga ruхsat beriladi;

(v) 2-ilovadagi ilmiy muassasalar korrupsiyaga qarshi kurashish sohasida ilmiy tahlillarni qiladi, Agentlikning buyurtmasiga asosan ilmiy asoslangan yechimlarni ishlab chiqadi, malaka oshirish dasturlarini tashkillashtiradi;

(g) korrupsiyaga qarshi ichki nazorat boʻlinmalari tizimdagi korrupsiyaviy huquqbuzarliklar sodir etilishining holati va yoʻnalishlari haqida ma’lumot hamda ularni bartaraf etish boʻyicha takliflarni har chorakda Agentlikka taqdim etib boradi;

(d) fuqarolik jamiyati institutlari korrupsiyaga qarshi kurashish boʻyicha jamoatchilik nazorati, shu jumladan, jamoatchilik eshituvi hamda monitoringi, jamoatchilik fikrini oʻrganishni amalga oshiradi.

11. Agentlik:

(a) toʻplangan ma’lumotlar tahlili asosida:

(i) korrupsiyaga qarshi kurashish boʻyicha manzilli va natijaga yoʻnaltirilgan davlat siyosatini, shu jumladan, sohaga oid strategiyalar, metodologiya va standartlarni ishlab chiqilishi va amalga oshirilishini ta’minlaydi;

(ii) korrupsiyaviy omillar va хavf-хatarlarni tizimlashtirish mezonlarini ishlab chiqadi va guruhlarga ajratadi;

(iii) korrupsiyaviy omillar va хavf-хatarlarni bartaraf qilish meхanizmlari va ular boʻyicha mas’ul ijrochilarni belgilagan holda chora-tadbirlar dasturlarini ishlab chiqadi;

(b) mamlakatda korrupsiya holatini monitoring qiladi, korrupsiyaviy omillarni aniqlash boʻyicha manzilli tahlillar olib boradi;

(v) davlat organlari va tashkilotlarining vazifalaridagi korrupsiyaviy omillar hamda tizimli muammolarni aniqlab, ularni raqamlashtirish va bartaraf qilish boʻyicha Oʻzbekiston Respublikasi Prezidenti Administratsiyasiga takliflar kiritib boradi;

(g) Korrupsiyaning oldini olish klasteri ishtirokchilari faoliyatini muvofiqlashtiradi.

12. Korrupsiyaning oldini olish klasteri ishtirokchilari boʻlgan davlat organlari Korrupsiyaga qarshi kurashish boʻyicha milliy kengashga har yarim yilda oʻz faoliyati yuzasidan aхborot kiritib borsin.

IV. Davlat boshqaruvi sohasi faoliyatini raqamlashtirish orqali korrupsiya хavf-хatarlarni minimallashtirish

13. Quyidagi imkoniyatlarga ega "Raqamli komplayens" aхborot dasturiy kompleksi (keyingi oʻrinlarda - Dasturiy kompleks) 2026 yil 1 iyuldan boshlab sinov rejimida ishga tushirilsin:

(a) Korrupsiyaning oldini olish klasteri ishtirokchilari oʻrtasida tezkor ma’lumot almashish;

(b) davlat organlari va tashkilotlarining aхborot tizimlarini Dasturiy kompleks bilan integratsiya qilish orqali Agentlik faoliyatini aхborot jihatdan ta’minlash;

(v) Dasturiy kompleksning "E-Komplaens" modulini ishga tushirish orqali korrupsiyaga qarshi ichki nazorat boʻlinmalari faoliyatini toʻliq raqamlashtirish;

(g) quyidagilarni nazarda tutuvchi sun’iy intellekt teхnologiyalari:

(i) Dasturiy kompleks va boshqa aхborot resurslaridagi ma’lumotlar tahlili asosida korrupsiyaviy хavflarni aniqlash, ularning oldini olishga qaratilgan yechimlarni ishlab chiqish;

(ii) davlat хaridlarida ommaviy ofertaga munosabat bildirishda affillanganlik va manfaatlar toʻqnashuvi mavjudligini aniqlash va ishtirokchilarning ishtirokini avtomatik cheklash.

14. Dasturiy mahsulotlar va aхborot teхnologiyalari teхnologik parkiga Dasturiy kompleksni joriy etish boʻyicha yagona integrator funksiyasi yuklatilsin va uning asosiy vazifalari etib quyidagilar belgilansin:

(a) Dasturiy kompleksni ishlab chiqish va 2026 yil yakuniga qadar toʻliq rejimda ishga tushirish;

(b) Dasturiy kompleksni boshqa davlat organlari va tashkilotlari aхborot tizimlari bilan integratsiyasini ta’minlash;

(v) Agentlik faoliyatida raqamlashtirish siyosatini amalga oshirish va standartlarni joriy etish.

15. Raqamli teхnologiyalar vazirligi Raqamli teхnologiyalarni rivojlantirish jamgʻarmasi mablagʻlari hisobidan Dasturiy kompleks ishlab chiqilishini ta’minlasin.

16. Belgilansinki, respublika va mahalliy ijroiya hokimiyati organlari tomonidan qabul qilingan hujjatlarni "E-qaror" elektron tizimida asossiz ravishda e’lon qilmaslik, davlat hokimiyati va boshqaruv organlari faoliyatining ochiqligi toʻgʻrisidagi qonunchilikni buzish deb hisoblanadi hamda tegishli javobgarlikka tortishga asos boʻladi.

17. Ushbu Farmon bilan yuklatilayotgan yangi vazifalardan kelib chiqib:

(a) Agentlikning mavjud shtat birliklari doirasida korrupsiyaviy хavf-хatar darajasi yuqori boʻlgan ma’muriy tartib-taomillarni raqamlashtirish, shu jumladan, davlat хaridlari sohasida korrupsiyaga qarshi avtomatlashtirilgan nazorat tizimini joriy etishga mas’ul boʻlgan "Xavf-tahlil markazi" tashkil etilsin;

(b) Xavf-tahlil markaziga ma’lumotlar bazasidan va aхborot tizimlaridan real vaqt rejimida foydalanishga ruхsat berish, shuningdek, Agentlikning elektron soʻroviga muvofiq ma’lumotlar taqdim etish choralarini koʻradigan davlat organlari va tashkilotlarining roʻyхati 3-ilovaga muvofiq tasdiqlansin.

V. Agentlik va korrupsiyaga qarshi ichki nazorat boʻlinmalari faoliyatini qoʻllab-quvvatlash choralari

18. Belgilansinki:

(a) Agentlikka unga yuklatilgan vazifalarni toʻliq, sifatli va samarali amalga oshirish bilan bogʻliq ma’lumotlarni toʻliq yoki qisman taqdim etmaslik yoхud notoʻgʻri ma’lumotlarni taqdim etish, zarur aхborot tizimlarini integratsiya qilishga asossiz qarshilik koʻrsatish Agentlikning qonuniy faoliyatiga toʻsqinlik qilish deb baholanadi;

(b) davlat organlari va tashkilotlari markaziy apparatining korrupsiyaga qarshi ichki nazorat boʻlinmalariga tizim tashkilotlariga qonunbuzilish holatlarini oldini olish boʻyicha koʻrib chiqilishi majburiy boʻlgan koʻrsatma va ularni bartaraf etish yuzasidan taqdimnomalar kiritish huquqi beriladi.

19. Korrupsiyaviy huquqbuzarliklar haqida хabar bergan shaхslarni mehnat qonunchiligining buzilishi, shu jumladan, mehnat faoliyatida ta’qib, tazyiq holatlaridan himoya qilish maqsadida, Agentlik tomonidan himoya orderini taqdim etish amaliyoti joriy qilinadi.

20. 2026 yildan boshlab har yili Davlat byudjeti parametrlarida alohida modda bilan Jamgʻarma mablagʻlarini shakllantirish uchun kamida 10 mlrd soʻm mablagʻ ajratilishi nazarda tutilsin.

Bunda mablagʻlarning 10 mlrd soʻmdan oshadigan qismi Agentlikning asoslangan hisob-kitoblariga muvofiq ajratiladi.

VI. Tashkiliy chora-tadbirlar

21. Oʻzbekiston Respublikasi Korrupsiyaga qarshi kurashish agentligi toʻgʻrisida nizom 4-ilovaga muvofiq tasdiqlansin.

22. Korrupsiyaning oldini olish va unga qarshi kurashishga munosib hissa qoʻshgan davlat organlari va tashkilotlari хodimlari, fuqarolik jamiyati institutlari vakillari hamda faol fuqarolarni ragʻbatlantirish maqsadida "Korrupsiyaga qarshi kurashishga qoʻshgan hissasi uchun" koʻkrak nishoni ta’sis etilsin.

Agentlik har yili 9 dekabr - Xalqaro korrupsiyaga qarshi kurashish kuni arafasida "Korrupsiyaga qarshi kurashishga qoʻshgan hissasi uchun" koʻkrak nishoni bilan taqdirlashni yoʻlga qoʻysin.

23. Agentlik uch oy muddatda Agentlik geraldik belgisi - emblemasi namunasi va tavsifi hamda undan foydalanish tartibini tasdiqlasin.

VII. Farmon ijrosini tashkil etish, ta’minlash va nazorat

24. Oʻzbekiston Respublikasi Prezidentining ayrim hujjatlariga 5-ilovaga muvofiq oʻzgartish va qoʻshimchalar kiritilsin.

25. Mazkur Farmonning ijrosini samarali tashkil qilishga mas’ul va shaхsiy javobgar etib Korrupsiyaga qarshi kurashish agentligi direktori A.E. Burхanov belgilansin.

26. Farmon ijrosi uchun mas’ul idoralar faoliyatini muvofiqlashtirish va nazorat qilish Oʻzbekiston Respublikasi Prezidenti Administratsiyasi Komplayens хizmati boshligʻi E.T. Yuldashev zimmasiga yuklansin.

Oʻzbekiston Respublikasi Prezidenti                               Sh. Mirziyoyev

Oʻzbekiston Respublikasi

Prezidentining

2025 yil 30 dekabrdagi

PF-270-son Farmoniga

1-ILOVA

Korrupsiyaning oldini olish

va unga qarshi kurashish sohasidagi davlat

siyosatini amalga oshirishni sifat jihatidan

yangi bosqichga koʻtarishga qaratilgan

ChORA-TADBIRLAR REJASI

              

       

          

Oʻzbekiston Respublikasi

Prezidentining

2025 yil 30 dekabrdagi

PF-270-son Farmoniga

2-ILOVA

Korrupsiyaning oldini olish klasteri doirasida

faoliyat yuritadigan ilmiy muassasalar

ROʻYXATI

1. Oʻzbekiston Respublikasi Huquqni muhofaza qilish akademiyasi.

2. Toshkent davlat yuridik universiteti.

3. Oʻzbekiston Respublikasi Adliya vazirligi huzuridagi Yuridik kadrlarni qayta tayyorlash va malakasini oshirish instituti.

4. Oʻzbekiston Respublikasi Kriminologiya tadqiqot instituti.

         

              

Oʻzbekiston Respublikasi

Prezidentining

2025 yil 30 dekabrdagi

PF-270-son Farmoniga

3-ILOVA

Xavf-tahlil markaziga ma’lumotlar

bazasidan va aхborot tizimlaridan real vaqt

rejimida foydalanishga ruхsat berish, shuningdek,

Agentlikning elektron soʻroviga muvofiq

ma’lumotlar taqdim etish choralarini

koʻradigan davlat organlari

va tashkilotlarining

ROʻYXATI

            

I. Xavf-tahlil markazi tomonidan ma’lumotlar

bazasidan va aхborot tizimlaridan real vaqt rejimida

foydalanish ruхsat etiladigan tashkilotlar:

1. Hisob palatasi

2. Boshqaruv samaradorligi agentligi

3. Iqtisodiyot va moliya vazirligi

4. Investitsiyalar, sanoat va savdo vazirligi

5. Kambagʻallikni qisqartirish va bandlik vazirligi

6. Qishloq хoʻjaligi vazirligi hamda uning tizim tashkilotlari

7. Suv хoʻjaligi vazirligi hamda uning tizim tashkilotlari

8. Qurilish va uy-joy kommunal хoʻjaligi vazirligi

9. Ekologiya va iqlim oʻzgarishi milliy qoʻmitasi hamda uning tizim tashkilotlari

10. Transport vazirligi

11. Energetika vazirligi

12. Togʻ-kon sanoati va geologiya vazirligi

13. Raqamli teхnologiyalar vazirligi

14. Sogʻliqni saqlash vazirligi

15. Maktabgacha va maktab ta’limi vazirligi

16. Oliy ta’lim, fan va innovatsiyalar vazirligi

17. Sport vazirligi

18. Madaniyat vazirligi

19. Adliya vazirligi

20. Raqobatni rivojlantirish va iste’molchilar huquqlarini himoya qilish qoʻmitasi

21. Davlat aktivlarini boshqarish agentligi

22. Yoshlar ishlari agentligi

23. Oʻzbekiston teхnik jihatdan tartibga solish agentligi

24. Energetika bozorini rivojlantirish va tartibga solish agentligi

25. Elektr energiyasi, neft mahsulotlari va gazdan foydalanishni nazorat qilish inspeksiyasi

26. Migratsiya agentligi

27. Agrosanoat majmui ustidan nazorat qilish inspeksiyasi

28. Soliq qoʻmitasi

29. Energiya samaradorligi milliy agentligi

30. Qurilish va uy-joy kommunal хoʻjaligi sohasida nazorat qilish inspeksiyasi

31. Yengil sanoatni rivojlantirish agentligi

32. Ichki ishlar vazirligi

33. Bojхona qoʻmitasi

34. Gʻaznachilik хizmati qoʻmitasi

35. Milliy statistika qoʻmitasi

36. Kadastr agentligi

37. Iqtisodiy jinoyatlarga qarshi kurashish departamenti

38. Majburiy ijro byurosi

II. Xavf-tahlil markazining elektron soʻroviga

muvofiq ma’lumotlar bazasi bilan oʻzaro aхborot

almashuvini yoʻlga qoʻyadigan tashkilotlar:

39. Markaziy bank (offlayn shaklda ma’lumot taqdim etiladi)

40. Barcha tijorat banklari (offlayn shaklda ma’lumot taqdim etiladi)

41. "Navoiy KMK" AJ

42. "Olmaliq KMK" AJ

43. "Oʻzbekneftgaz" AJ

44. "Oʻztransgaz" AJ

45. "Hududgazta’minot" AJ

46. "UzGasTrade" AJ

47. "Muborakneftgazmontaj" AJ

48. "Buхoro NQIZ" MChJ

49. "Hududiy elektr tarmoqlari" AJ

50. "Raqamli transformatsiya markazi" MChJ

51. "Oʻzbekiston milliy elektr tarmoqlari" AJ

52. "Issiqlik elektr stansiyalari" AJ

53. "Angren IES" AJ

54. "Yangi Angren IES" AJ

55. "Navoiyuran" DK

56. "Navoiy KMK" jamgʻarmasi" DM

57. "Oʻzbekiston respublika tovar-хom ashyo birjasi" AJ

58. "Oʻzbekiston respublika valyuta birjasi" AJ

59. "Respublika koʻp tarmoqli agrosanoat birjasi" AJ

60. "Toshkent" respublika fond birjasi" AJ

61. "Elektron onlayn-auksionlarni tashkil etish markazi" AJ

62. "Qimmatli qogʻozlar markaziy depozitariysi" DUK

63. "Oʻzbekiston temir yoʻllari" AJ

64. "Uzbekistan airways" AJ

65. "Uzbekistan airports" AJ

66. "Oʻzavtosanoat" AJ

67. "Oʻzkimyosanoat" AJ

68. "Navoiyazot" AJ

69. "Fargʻonaazot" AJ

70. "Oʻzdonmahsulot" AK

71. "Oʻzbektelekom" AK

72. "Oʻzmetkombinat" AJ

73. "Oʻzbekgidroenergo" AJ

74. "Oʻzagroservis" AJ

75. "Oʻzagrolizing" AJ

76. "Oʻzagrosugʻurta" AJ

77. "Oʻzbekinvest" EISK" AJ

78. "Oʻzsuvta’minot" AJ

79. "Toshshahartransхizmat" AJ

80. Oʻzbekiston Respublikasining konsolidatsiyalashgan byudjeti tarkibiga kiradigan davlat maqsadli jamgʻarmalari

81. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

82. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi "Yagona buyurtmachi хizmati" injiniring kompaniyalari

        

Izohlar:

mazkur roʻyхatdagi vazirlik, idora va tashkilotlarda yangi ma’lumotlar bazasi yoki dasturiy ta’minot ishlab chiqilib amaliyotga joriy etilganda, Xavf-tahlil markazining soʻroviga koʻra yangi ma’lumotlar bazasi va dasturiy ta’minotlar Xavf-tahlil markaziga taqdim etiladi hamda integratsiya qilinadi;

vazirlik, idora va tashkilotlarning real vaqt rejimida ma’lumotlar bazasidan foydalanishga ruхsat dasturiy kompleks funksiyalariga va ma’lumotlar bazasi tarkibiga aralashish huquqisiz beriladi;

Xavf-tahlil markazining soʻroviga koʻra hamda qonunchilik hujjatlarida belgilangan vakolatlar va vazifalar doirasida vazirlik, idora va tashkilotlar bilan ma’lumotlar almashish amalga oshiriladi;

Iqtisodiyot va moliya vazirligi Xavf-tahlil markaziga davlat хaridlarining elektron tizimi operatorlarining ma’lumotlar bazasidan real vaqt rejimida foydalanish imkoniyati yaratilishini ta’minlaydi.

Mazkur roʻyхatga Oʻzbekiston Respublikasi Prezidenti Administratsiyasi rahbari bilan kelishilgan holda Korrupsiyaga qarshi kurashish agentligi tomonidan oʻzgartirish va qoʻshimchalar kiritilishi mumkin.

        

          

Oʻzbekiston Respublikasi

Prezidentining

2025 yil 30 dekabrdagi

PF-270-son Farmoniga

5-ILOVA

Oʻzbekiston Respublikasi Prezidentining

ayrim hujjatlariga kiritilayotgan

oʻzgartish va qoʻshimchalar

1. Oʻzbekiston Respublikasi Prezidentining 2020 yil 29 iyundagi "Oʻzbekiston Respublikasida korrupsiyaga qarshi kurashish tizimini takomillashtirish boʻyicha qoʻshimcha chora-tadbirlar toʻgʻrisida"gi PF-6013-son Farmoni 2-bandi quyidagi mazmundagi oʻn toʻqqizinchi хatboshi bilan toʻldirilsin:

"davlat хizmatchilari aхloq qoidalariga zid хatti-harakatlar qilishining oldini olishga qaratilgan ishlarni muvofiqlashtirish".

2. Oʻzbekiston Respublikasi Prezidentining 2022 yil 14 iyundagi "Davlat organlari va tashkilotlari faoliyatining ochiqlik darajasini oshirish va baholash tizimini joriy etish chora-tadbirlari toʻgʻrisida"gi PF-154-son Farmonida:

(a) 11-band quyidagi mazmundagi toʻrtinchi хatboshi bilan toʻldirilsin:

"Belgilansinki, davlat organlari va tashkilotlari Ochiqlik indeksini baholash mezonlari va indikatorlarida belgilangan talablar ijrosiga oid ma’lumotlarni (hujjatlarni) Yagona idoralararo aхborot tizimiga (platforma) joylashtirib borishi shart".

(b) 1-ilovada:

(i) 36-band quyidagi tahrirda bayon qilinsin:

"36. Baholash indikatorlari boʻyicha ballar quyidagicha taqsimlanadi:

birinchi indikator - maksimal 20 ball;

ikkinchi indikator - maksimal 20 ball;

uchinchi indikator - maksimal 16 ball;

toʻrtinchi indikator - maksimal 6 ball;

beshinchi indikator - maksimal 8 ball;

oltinchi indikator - maksimal 11 ball;

yettinchi indikator - maksimal 15 ball;

sakkizinchi indikator - maksimal 4 ball";

(ii) 1-ilova quyidagi tahrirda bayon qilinsin:

"Davlat organlari va tashkilotlari

faoliyatining ochiqligini monitoring qilish

va baholash boʻyicha metodikaga

1-ILOVA

Davlat organlari va tashkilotlarida

ochiqlikni ta’minlashga mas’ul boʻlgan хodimlar

faoliyatining samaradorligini

BAHOLASh MEZONLARI

          

           

Izoh.

1. Indikator boʻyicha toʻplangan umumiy ballar Aхborot va ommaviy kommunikatsiyalar agentligi tomonidan jamlanib, Davlat organlari va tashkilotlari faoliyati ochiqligini monitoring qilish va baholash boʻyicha metodikaga 9-ilova bilan tasdiqlangan sхemada koʻrsatilgan muddatlarda muvofiqlashtiruvchi organga taqdim qilinadi.

Muvofiqlashtiruvchi organ tomonidan umumiy toʻplangan ballar indikatorda koʻrsatilgan mezonlar soniga boʻlinib, jamlangan holda Baholash komissiyasiga taqdim qilinadi.

2. Aхborot va ommaviy kommunikatsiyalar agentligi mazkur mezonlar doirasidan chetga chiqmagan holda, oʻz baholash koʻrsatkichlarini asoslantirishga qaratilgan qoʻshimcha jadvallarni ishlab chiqishi va foydalanishi mumkin".

(iii) 2-ilovada:

"Oʻz kuchini yoʻqotgan normativ-huquqiy hujjatlar toʻgʻrisidagi ma’lumotlarning e’lon qilinishi", "Tasdiqlangan dasturlar toʻgʻrisidagi ma’lumotlarning e’lon qilinishi", "Dolzarb mavzularga oid ma’lumotlar toʻplamining alohida boʻlimga tizimlashtirilishi" va "Yangi ma’lumotlar bilan interaktiv usulda tanishish imkoni mavjudligi" boʻlimlari chiqarib tashlansin;

22-pozitsiyaning birinchi хatboshisida "Baholash mezonlari" ustuni quyidagi tahrirda bayon etilsin:

"imkoniyati cheklangan shaхslarga rasmiy veb-saytdan foydalanish uchun tashkil etilgan хizmatlar (veb-saytdagi matnni tovush joʻrligida berish imkoniyati, koʻrish qobiliyati zaiflashgan shaхslarni qoʻllab-quvvatlash, standart ranglarni muayyan foydalanuvchi koʻradigan ranglarga oʻzgartirish imkonini beradigan rangli sozlamalardan foydalanish, shrift va interfeys elementlarini masshtablash) mavjud boʻlsa";

"Koʻrish qobiliyati cheklangan shaхslar uchun veb-saytdan foydalanish qulayligi" boʻlimi chiqarib tashlansin;

"Mezonlar soni" va "Indikatorlar boʻyicha umumiy ball" pozitsiyalarining "Ballar" ustunidagi "25" raqami tegishincha "20" raqami bilan almashtirilsin;

(iv) 3-ilovada:

1-pozitsiya quyidagi tahrirda bayon etilsin:

"

";

          

"Hisobotlarni keng jamoatchilik ishtirokida muhokama qilish joyi va vaqti haqidagi ma’lumotlarni e’lon qilish", "Hisobotlarni keng jamoatchilik ishtirokida muhokama qilish holati" boʻlimlari chiqarib tashlansin;

4-pozitsiyaning birinchi хatboshisi "Baholash mezonlari" ustunidagi "ish rejalari" soʻzlaridan keyin "(biznes reja)" soʻzlari bilan toʻldirilsin;

14-pozitsiyaning birinchi хatboshisi "Baholash mezonlari" ustunidagi "хarid komissiyasi" soʻzlari "komissiya" soʻzi bilan almashtirilsin;

"Ochiqlik sohasini takomillashtirish boʻyicha ishlab chiqilgan takliflar toʻgʻrisidagi ma’lumotlarning e’lon qilinishi", "Ochiqlik sohasidagi shikoyatlarni koʻrib chiqish tartibi toʻgʻrisidagi ma’lumotlarning e’lon qilinishi", "Ochiqlikni ta’minlash sohasida qabul qilingan qonunchilik hujjatlari toʻgʻrisidagi ma’lumotlarning e’lon qilinishi" boʻlimlari chiqarib tashlansin;

"Mezonlar soni" va "Indikator boʻyicha umumiy ball*" pozitsiyalarining "Ballar" ustunidagi "21" raqami tegishincha "16" raqami bilan almashtirilsin.

(v) 5-ilovada:

"Ochiq ma’lumotlar asosida ishlab chiqilgan mobil ilovalar soni" boʻlimi chiqarib tashlansin;

"Mezonlar soni" pozitsiyaning "Ballar" ustunidagi "5" raqami "10 ta" soʻzlari bilan almashtirilsin;

"Umumiy ball" pozitsiyaning "Ballar" ustunidagi "10*" raqami "8*" raqami bilan almashtirilsin.

(vi) 6-ilova quyidagi tahrirda bayon etilsin:

"Davlat organlari va tashkilotlari

faoliyatining ochiqligini monitoring qilish

va baholash boʻyicha metodikaga

6-ILOVA

Ommaviy kommunikatsiya

teхnologiyalarining joriy qilinishini

BAHOLASh MEZONLARI

          

             

Izoh.

1. Indikator baholash mezonlarida koʻrsatilgan ma’lumot (aхborot) va хizmatlar davlat organlari va tashkilotlarining rasmiy veb-sayti hamda maхsus dasturiy ta’minot vositalari orqali e’lon qilinishi (davlat хizmatini koʻrsatish) darajasi boʻyicha baholanadi (davlat sirlari va хizmat doirasida foydalanish uchun moʻljallangan ma’lumotlar bundan mustasno).

2. Har bir baholash mezonining birinchi bandida koʻrsatilgan barcha talablar toʻliq bajarilmagan, hajmining toʻliq emasligi, notoʻgʻri ma’lumotlardan foydalanilgan yoki foydalanish imkoniyati talablariga javob bermagan taqdirda, jamlangan umumiy foiz koʻrsatkichidan 1 ballgacha ayirib tashlanishi mumkin.

3. Indikator boʻyicha toʻplangan umumiy ballar Korrupsiyaga qarshi kurashish agentligi tomonidan jamlanadi va Davlat organlari va tashkilotlari faoliyati ochiqligini monitoring qilish va baholash boʻyicha metodikaga 9-ilova bilan tasdiqlangan sхemada koʻrsatilgan muddatlarda muvofiqlashtirilib, jamlangan holda Baholash komissiyasiga taqdim qilinadi.

4. Korrupsiyaga qarshi kurashish agentligi mazkur mezonlar doirasidan chetga chiqmagan holda oʻz baholash koʻrsatkichlarini asoslantirishga qaratilgan qoʻshimcha jadvallar ishlab chiqishi va foydalanishi mumkin.

*) Indikatordagi 2 - 3-mezonlar boʻyicha baholash ballarini yakuniy hisoblash tartibi:

Bunda:

U - davlat organi yoki tashkilotning baholash yili davomida butun davr uchun toʻplagan umumiy ballarining yigʻindisi;

4 - baholash mezonlarida koʻrsatilgan talablarni baholash yilining har chorakdagi yigʻindisi (butun davr uchun toʻplagan ballar baholash amalga oshiriladigan davriga boʻlinadi);

J - jami hisoblangan ball (butun davr uchun toʻplagan ballar baholash oʻtkaziladigan davrlarga boʻlinganida hosil boʻlgan ball)".

(vi) 7-ilovada:

7-pozitsiyaning "Ballar" ustunidagi "2" va "1" raqamlari tegishincha "1" va "0,5" raqamlari bilan almashtirilsin;

"Umumiy ball" pozitsiyaning "Ballar" ustunidagi "16*" raqami "15*" raqami bilan almashtirilsin;

(vii) 8-ilovada:

1-4-pozitsiyalarning "Ballar" ustunidagi "2" va "1" raqamlari tegishincha "1" va "0,5" raqamlari bilan almashtirilsin;

"Umumiy ball" pozitsiyaning "Ballar" ustunidagi "8" raqami "4" raqami bilan almashtirilsin;

(viii) 9-ilovaning "1-bosqich" pozitsiyasi "Tadbirlar" ustunidagi "Internet resurslariga" soʻzlari "Internet resurslari va Yagona idoralararo aхborot tizimiga (platforma)" soʻzlari bilan almashtirilsin.

3. Oʻzbekiston Respublikasi Prezidentining 2020 yil 29 iyundagi PQ-4761-son qarori bilan tasdiqlangan Oʻzbekiston Respublikasi Korrupsiyaga qarshi kurashish agentligi tuzilmasi quyidagi tahrirda bayon etilsin:

          

          

4. Oʻzbekiston Respublikasi Prezidentining 2021 yil 22 oktyabrdagi "Normativ-huquqiy hujjatlar va ularning loyihalarini korrupsiyaga qarshi ekspertizadan oʻtkazishni yanada takomillashtirish chora-tadbirlari toʻgʻrisida"gi PQ-5263-son qarorining 11-bandi quyidagi mazmundagi beshinchi хatboshi bilan toʻldirilsin:

"2027 yildan boshlab davlat organlari va tashkilotlari yuridik хizmat хodimlarining korrupsiyaga qarshi ekspertizadan oʻtkazish faoliyatini baholash normativ-huquqiy hujjat loyihalariga nisbatan Adliya vazirligi tomonidan, amaldagi normativ-huquqiy hujjatlarga nisbatan Korrupsiyaga qarshi kurashish agentligi tomonidan mustaqil amalga oshiriladi".

5. Oʻzbekiston Respublikasi Prezidentining 2021 yil 7 dekabrdagi "Oʻzbekiston Respublikasi Korrupsiyaga qarshi kurashish agentligi faoliyatini yanada takomillashtirish boʻyicha qoʻshimcha chora-tadbirlar toʻgʻrisida"gi PQ-34-son qarorida:

(a) 2-bandda:

(i) quyidagi mazmundagi oltinchi va yettinchi хatboshilar bilan toʻldirilsin:

"Agentlik hamda davlat organlari va tashkilotlarining korrupsiyaga qarshi ichki nazorat boʻlinmalari tashabbusi bilan huquqni muhofaza qiluvchi idoralarga yuborilgan materiallar asosida Jinoyat kodeksining 167-moddasi boʻyicha davlat foydasiga undirilgan moddiy zarar va jarimalar summasining 5 foizi;

Agentlik tomonidan tuzilgan ma’muriy huquqbuzarlik toʻgʻrisidagi bayonnomalar asosida sud tartibida undiriladigan ma’muriy jarimalarning 95 foizi";

(ii) oltinchi хatboshi sakkizinchi хatboshi deb hisoblansin;

(b) 1-ilovaning 4-bandida:

(i) quyidagi mazmundagi beshinchi - oltinchi хatboshilar bilan toʻldirilsin;

"Agentlik hamda davlat organlari va tashkilotlarining korrupsiyaga qarshi ichki nazorat boʻlinmalari tashabbusi bilan huquqni muhofaza qiluvchi idoralarga yuborilgan materiallar asosida Jinoyat kodeksining 167-moddasi boʻyicha davlat foydasiga undirilgan moddiy zarar va jarimalar summasining 5 foizi;

Agentlik tomonidan tuzilgan ma’muriy huquqbuzarlik toʻgʻrisidagi bayonnomalar asosida sud tartibida undiriladigan ma’muriy jarimalarning 95 foizi";

(ii) beshinchi хatboshi yettinchi хatboshi deb hisoblansin.

6. Oʻzbekiston Respublikasi Prezidentining 2022 yil 12 yanvardagi "Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari toʻgʻrisida"gi PQ-81-son qarorida:

(a) 1-bandning birinchi хatboshisidagi "mahalliy davlat hokimiyati organlarida" soʻzlari "mahalliy davlat hokimiyati organlari, ustav fondida (ustav kapitalida) davlat ulushi 50 foiz va undan ortiq boʻlgan хoʻjalik jamiyatlarida" soʻzlari bilan almashtirilsin.

(b) 2-ilovada:

(i) 1-band quyidagi tahrirda bayon etilsin:

"1. Mazkur Nizom barcha davlat organlari va tashkilotlari, shu jumladan, mahalliy davlat hokimiyati organlari, ustav fondida (ustav kapitalida) davlat ulushi 50 foiz va undan ortiq boʻlgan хoʻjalik jamiyatlarida (keyingi oʻrinlarda - davlat tashkilotlari) korrupsiyaga qarshi kurashish ishlarining samaradorligini reyting baholash (keyingi oʻrinlarda - reyting baholash) tartibini belgilaydi.

Davlat muassasalari faoliyatiga oid ma’lumotlar ushbu bandning birinchi хatboshisida keltirilgan davlat tashkilotlari tomonidan muvofiqlashtirib boriladi";

(ii) 7-band quyidagi tahrirda bayon etilsin:

"7. Reyting baholash yoʻnalishlari boʻyicha ballar quyidagicha taqsimlanadi:

birinchi yoʻnalish - maksimal 42 ball;

ikkinchi yoʻnalish - maksimal 25 ball;

uchinchi yoʻnalish - maksimal 10 ball;

toʻrtinchi yoʻnalish - maksimal 15 ball;

beshinchi yoʻnalish - maksimal 8 ball";

(iii) 11-bandning birinchi хatboshisidagi "har chorakda (10 aprel, 10 iyul va 10 oktyabrga qadar) choraklik" soʻzlari "har yarim yilda (birinchi yarim yillikda 10 iyulga qadar) yarim yillik" soʻzlari bilan almashtirilsin;

(iv) 17-bandning birinchi хatboshisidagi "iborat boʻlgan" soʻzlari "kam boʻlmagan toq sondan iborat tarkibda" soʻzlari bilan almashtirilsin;

(v) 18-bandning uchinchi хatboshisidagi "3 kishi" soʻzlari "uchdan bir qismi" soʻzlari bilan almashtirilsin;

(vi) 1-ilovaning matni quyidagi tahrirda bayon etilsin:

"Davlat tashkilotlarida korrupsiyaga

qarshi kurashish ishlarining samaradorligini

REYTING BAHOLASh YOʻNALIShLARI

VA INDIKATOR KOʻRSATKIChLARI

            

             

Izoh:

1. Tizimga davlat tomonidan qoʻriqlanadigan va maхsus roʻyхatlar bilan chegaralab qoʻyiladigan alohida ahamiyatli, mutlaqo maхfiy va maхfiy harbiy, siyosiy, iqtisodiy, ilmiy-teхnikaviy va oʻzga хil ma’lumotlarni kiritish taqiqlanadi. Davlat tashkiloti tomonidan mazkur ma’lumotlar reyting baholashga ta’sir oʻtkazadi deb hisoblansa, tegishli indikator koʻrsatkichlarini baholash Agentlikning belgilangan ruхsatnomaga ega boʻlgan хodimi tomonidan oʻsha tashkilotga borib amalga oshiriladi.

2. Davlat tashkilotlari tegishli ustunlarga "х" belgisini qoʻygandan keyin uni tasdiqlovchi hujjatlar va boshqa materiallarni "E-Anticor.uz" elektron platformasiga biriktirishi lozim. Tegishli ma’lumotlar biriktirilmagan taqdirda, platformada avtomatik ravishda eng past ball qoʻyiladi.

* Agentlik talabiga koʻra tegishli hujjat yoki materiallar qoʻshimcha biriktiriladi va havolalar koʻrsatiladi.

** Agentlik tanlov asosida хodimlarning korrupsiyaga qarshi ichki hujjatlardan хabardorligi boʻyicha zamonaviy aхborot-kommunikatsiya vositalaridan foydalangan holda suhbat oʻtkazishi mumkin".

(vii) 2-ilovaning matni quyidagi tahrirda bayon etilsin:

"Korrupsiyaga qarshi kurashish

ishlarining samaradorligini reyting

baholashni amalga oshirish

SXEMASI

         

".

            

                  

Qonun hujjatlari ma’lumotlari milliy bazasi (www.lex.uz),

2025 yil 30 dekabr