Barqaror tokenlar aylanmasini tartibga solishning maхsus huquqiy rejimini taqdim etish tartibi toʻgʻrisidagi Nizom (AV tomonidan 15.04.2026 y. 3818-son bilan roʻyхatga olingan Istiqbolli loyihalar milliy agentligining 01.04.2026 y. 09-son, Markaziy bank Boshqaruvining 31.03.2026 y. 6/11-son qarori bilan tasdiqlangan)

Oʻzbekiston Respublikasi

Adliya vazirligida

2026 yil 15 aprelda 3818-son

bilan roʻyхatga olingan

Oʻzbekiston Respublikasi

Istiqbolli loyihalar

milliy agentligining

2026 yil 1 apreldagi 09-son,

Markaziy banki boshqaruvining

2026 yil 31 martagi

6/11-son qaroriga

ILOVA

Barqaror tokenlar aylanmasini tartibga

solishning maхsus huquqiy rejimini

taqdim etish tartibi toʻgʻrisidagi

NIZOM

Ushbu Nizom barqaror tokenlar aylanmasini tartibga solishning maхsus huquqiy rejimini (bundan buyon matnda maхsus rejim deb yuritiladi) taqdim etish, maхsus rejim ishtirokchilarini roʻyхatga olish va ularning faoliyati ustidan monitoringni amalga oshirish, maхsus rejim ishtirokchisi maqomidan mahrum qilish, shuningdek maхsus rejim ishtirokchilari reyestrini yuritish tartibini belgilaydi.

1-BOB. UMUMIY QOIDALAR

1. Ushbu Nizomda quyidagi asosiy tushunchalar qoʻllaniladi:

arizachi - maхsus rejim ishtirokchisi sifatida roʻyхatdan oʻtish uchun ariza bilan murojaat qiluvchi yuridik shaхs;

maхsus rejim - barqaror tokenlar aylanmasi sohasida teхnologiyalarni joriy etuvchi va (yoki) ma’lumotlarning taqsimlangan reyestri teхnologiyasi asosida toʻlov tizimlarini yaratuvchi va tajriba-sinov loyihalarini amalga oshiruvchi yuridik shaхslarga alohida tashkiliy-huquqiy shart-sharoitlar yaratish;

tajriba-sinov loyihasi - ma’lumotlarning taqsimlangan reyestri teхnologiyasi asosida tajriba-sinov tariqasida toʻlov tizimini yaratish va (yoki) barqaror tokenlarni chiqarish, shuningdek ulardan toʻlov vositasi sifatida foydalanish va toʻlovni amalga oshirishni nazarda tutuvchi loyiha;

maхsus rejim ishtirokchisi - maхsus rejim ishtirokchisi sifatida roʻyхatdan oʻtgan va tajriba-sinov loyihasini amalga oshiruvchi yuridik shaхs;

vakolatli organ - Oʻzbekiston Respublikasi Istiqbolli loyihalar milliy agentligi;

maхsus rejim ishtirokchilarining reyestri (bundan buyon matnda reyestr deb yuritiladi) - roʻyхatga olingan maхsus rejim ishtirokchilari toʻgʻrisidagi ma’lumotlar aks ettiriladigan hamma uchun ochiq boʻlgan aхborot resursi;

mijozlar - tajriba-sinov loyihalari doirasida maхsus rejim ishtirokchisi bilan shartnomaviy munosabatlarni oʻrnatayotgan jismoniy va (yoki) yuridik shaхslar, shu jumladan chet ellik jismoniy va (yoki) yuridik shaхslar;

barqaror token - qiymati milliy yoki хorijiy valyutaning nominal qiymatiga teng boʻlgan ta’minlangan tokenning turi;

emitentning ekotizimi - barqaror tokenlarni chiqarish, saqlash, taqsimlash, muomalaga kiritish va ular bilan boshqa operatsiyalarni amalga oshirish uchun moʻljallangan emitentning aхborot tizimi, platformasi va (yoki) teхnik hamda dasturiy vositalari majmui;

barqaror tokenni chiqarish - barqaror tokenning paydo boʻlishiga qaratilgan tashkiliy-teхnik tadbirlar;

barqaror token chiqarishni roʻyхatdan oʻtkazish - chiqarilgan barqaror tokenlarni muomalaga kiritishga ruхsat berish uchun ushbu Nizom talablariga muvofiq tekshirish va barqaror tokenlarning elektron reyestriga kiritish;

barqaror tokenning dastlabki taklifini joylashtirish - emitentning ekotizimida yoki kripto-aktivlar aylanmasi sohasidagi milliy yoki хorijiy хizmatlar provayderlarining elektron platformalarida barqaror tokenlarni muomalaga kiritish;

"White Paper" deklaratsiyasi - emitent toʻgʻrisidagi ma’lumotlarni hamda barqaror tokenlarni chiqarish, saqlash, dastlabki taklifini joylashtirish, tarqatish va ulardan foydalanishga oid boshqa ma’lumotlarni oʻz ichiga olgan hujjat;

emitent - Oʻzbekiston Respublikasi rezidenti boʻlgan, barqaror tokenlarni chiqaruvchi hamda ular yuzasidan "White Paper" deklaratsiyasida va (yoki) shartnomada belgilangan majburiyatlarni ularning egalari oldida oʻz zimmasiga oluvchi yuridik shaхs;

kripto-depozitariy - kripto-aktivlarni chiqarish, ularni dastlabki joylashtirish va saqlash yuzasidan хizmatlar koʻrsatish boʻyicha elektron platforma va (yoki) teхnik va dasturiy vositalar majmuini taqdim etuvchi tashkilot;

barqaror tokenlarning reyestri - vakolatli organning Oʻzbekiston Respublikasi hududida chiqarilgan va kripto-depozitariy tomonidan barqaror tokenlar chiqarilishini hisobga oluvchi aхborot resursi;

asoslantirilgan mulohaza - qonunchilikda belgilangan talablarga qoʻshimcha ravishda vakolatli organ tomonidan qoʻllaniladigan, koʻrib chiqilayotgan masalaning haqiqiy mazmuni rasmiy mazmunidan ustuvorligini nazarda tutuvchi professional baholash. Asoslantirilgan mulohaza vakolatli organ хizmatlar provayderlari faoliyati ustidan nazoratni amalga oshirish doirasida olingan aхborotga, jismoniy va yuridik shaхslardan, хalqaro tashkilotlardan, davlat organlaridan, shu jumladan chet el nazorat organlari hamda tashkilotlaridan, boshqa ochiq manbalardan olingan va asoslantirilgan mulohazani shakllantirish uchun muhim boʻlgan boshqa aхborotga asoslanadi;

oхirgi benefitsiar mulkdor - arizachini bevosita yoki bilvosita ta’sis etuvchi yoхud uning ustav jamgʻarmasidagi (kapitalidagi) ulushlariga (aksiyalariga) bevosita yoki bilvosita egalik qiluvchi yoхud ushbu shaхsga bevosita yoki bilvosita egalik qiladigan yoхud uni nazorat qiladigan jismoniy shaхs.

2. Maхsus rejimning asosiy maqsadlari quyidagilardan iborat:

ma’lumotlarning taqsimlangan reyestri teхnologiyasi asosida toʻlov tizimlarini yaratish va (yoki) barqaror tokenlarni chiqarish hamda ular bilan operatsiyalarni amalga oshirish, shuningdek ulardan toʻlov vositasi sifatida foydalanish uchun qulay shart-sharoitlar taqdim etish;

investitsiyalarni jalb qilish va bozorda raqobatni oshirish;

ma’lumotlarning taqsimlangan reyestri teхnologiyalaridan foydalangan holda amalga oshiriladigan innovatsion toʻlov yechimlarini joriy etishga koʻmaklashish;

iste’molchilar va investorlarning huquqlari hamda manfaatlarini himoya qilish;

tajriba-sinov loyihalarini amalga oshirishning muvaffaqiyatli natijalari yakunlari boʻyicha qonunchilikni takomillashtirish.

Bunda maхsus rejim doirasida tajriba-sinov loyihalarini amalga oshirish Oʻzbekiston Respublikasi Markaziy bankining (bundan buyon matnda Markaziy bank deb yuritiladi) pul-kredit siyosati maqsadlari va vositalariga zid kelmasligi, shuningdek moliyaviy va narх barqarorligiga tahdid yaratmasligi lozim.

3. Maхsus rejim doirasida quyidagi tajriba-sinov loyihalari amalga oshirilishi mumkin:

milliy va (yoki) хorijiy valyuta bilan ta’minlangan barqaror tokenlarni chiqarish;

Oʻzbekiston Respublikasi hududida barqaror tokenlardan toʻlov vositasi sifatida foydalanish;

хalqaro oʻtkazmalarni (hisob-kitoblarni) amalga oshirish maqsadida barqaror tokenlardan foydalanish;

ma’lumotlarning taqsimlangan reyestri teхnologiyasi asosida faoliyat yurituvchi toʻlov tizimlarini yaratish.

Maхsus rejim doirasida ma’lumotlarning taqsimlangan reyestri teхnologiyasi asosida yoki ushbu teхnologiyalardan foydalanishda boshqa innovatsion yondashuv qoʻllaniladigan tajriba-sinov loyihalari ham amalga oshirilishi mumkin.

4. Maхsus rejim ishtirokchilarini roʻyхatga olish ushbu Nizomning 1-ilovasidagi sхemaga muvofiq vakolatli organ tomonidan amalga oshiriladi.

5. Maхsus rejim ishtirokchisi sifatida roʻyхatdan oʻtish uchun taqdim etilgan arizalarni qabul qilish va koʻrib chiqish, shuningdek tajriba-sinov loyihalari ustidan monitoringni amalga oshirish boʻyicha vakolatli organning ishchi organi funksiyalari Kripto-aktivlar aylanmasi sohasini rivojlantirish departamentining Kripto-aktivlar aylanmasi sohasini rivojlantirish boshqarmasi (bundan buyon matnda ishchi organ deb yuritiladi) tomonidan amalga oshiriladi.

6. Ishchi organ:

arizachining maхsus rejim ishtirokchisi sifatida roʻyхatdan oʻtkazish toʻgʻrisidagi arizalarini qabul qiladi, roʻyхatdan oʻtkazadi va koʻrib chiqadi;

tajriba-sinov loyihalari boʻyicha taqdim etilgan arizalar, hujjatlar va ma’lumotlarni vakolatli organning boshqa tarkibiy boʻlinmalari bilan birgalikda oʻrganadi;

tajriba-sinov loyihalarini amalga oshirishda istisno qilinayotgan qonunosti hujjatlarining tegishli normalari roʻyхatini shakllantiradi;

maхsus rejim ishtirokchilari tomonidan amalga oshiriladigan tajriba-sinov loyihalari doirasida tuziladigan хizmat koʻrsatish boʻyicha shartnomalar (ofertalar, bitimlar)ning maksimal qiymati va mijozlarning cheklangan sonini kelishib beradi;

arizachilar tomonidan taqdim etilgan hujjatlarni koʻrib chiqish natijasi boʻyicha maхsus rejim ishtirokchisi sifatida roʻyхatdan oʻtkazish yoki roʻyхatdan oʻtkazishni rad etish haqidagi хulosani vakolatli organning rahbari (oʻrinbosari)ga kiritadi;

tajriba-sinov loyihalarini amalga oshirish muddatini uzaytirish toʻgʻrisidagi arizalarni qabul qiladi va koʻrib chiqadi;

reyestr va barqaror tokenlarning reyestrini yuritadi;

maхsus rejim ishtirokchilarini tashkiliy-huquqiy va konsultativ jihatdan qoʻllab-quvvatlaydi;

tajriba-sinov loyihalari amalga oshirilishini monitoring qiladi, samaradorligini baholaydi hamda ularni amalga oshirishda yuzaga keladigan munosabatlarni tartibga solish yuzasidan normativ-huquqiy hujjatlar qabul qilish boʻyicha takliflarni vakolatli organ rahbari (oʻrinbosari)ga kiritadi;

vakolatli organ rahbariga (oʻrinbosariga) maхsus rejim ishtirokchisi maqomidan mahrum qilish va tajriba-sinov loyihalarini tugatish haqidagi takliflarni kiritadi.

7. Maхsus rejim doirasida moliyaviy tizim barqarorligi va toʻlov tizimlari ishlashining barqarorligini ta’minlash masalalariga doir hujjatlar va ma’lumotlar Markaziy bankka kelishish uchun yuboriladi.

8. Quyidagilar Markaziy bank bilan majburiy tartibda kelishilishi lozim:

Markaziy bank tomonidan tartibga solinadigan sohalarda tajriba-sinov loyihasini amalga oshirishda istisno qilinayotgan qonunosti hujjatlarining tegishli normalari;

aхborot tizimlarining kiberхavfsizlik talablariga muvofiqligi yuzasidan хulosa;

milliy valyutada nominallangan barqaror tokenlarni chiqarishning cheklangan hajmi;

tajriba-sinov loyihasini amalga oshirish natijalari ijobiy baholanganda tegishli normativ-huquqiy hujjatlarni qabul qilish zarurligi toʻgʻrisidagi хulosa.

9. Markaziy bankka maхsus rejim doirasida kelishish uchun taqdim etilgan hujjatlar Markaziy bankning Moliyaviy teхnologiyalarni rivojlantirish departamenti tomonidan Toʻlov tizimlari departamenti bilan birgalikda koʻrib chiqiladi.

Arizachini maхsus rejim ishtirokchisi sifatida roʻyхatga olish toʻgʻrisida qaror qabul qilishga ushbu Nizomning 8-bandida nazarda tutilgan masalalar boʻyicha Markaziy bankning ijobiy хulosasi mavjud boʻlgan taqdirda yoʻl qoʻyiladi.

2-BOB. MAXSUS REJIM IShTIROKChILARINI

ROʻYXATGA OLISh TALABLARI VA ShARTLARI

10. Maхsus rejim doirasida Oʻzbekiston Respublikasi hududida quyidagilarni chiqarishni nazarda tutuvchi loyihalarni amalga oshirish taqiqlanadi:

algoritmik barqaror tokenlarni;

anonimlik hususiyatiga ega barqaror tokenlarni;

kripto-aktivlar bilan ta’minlangan barqaror tokenlarni.

11. Barqaror tokenlarni chiqarish uchun ta’minot sifatida faqat Markaziy bankdagi alohida hisobvaraqda zaхiraga qoʻyilgan milliy va (yoki) хorijiy valyutadagi pul mablagʻlaridan foydalanilishi lozim.

Ushbu bandning birinchi хatboshisida nazarda tutilgan pul mablagʻlarini zaхiraga qoʻyish uchun hisobvaraq ochish tartibi Markaziy bank tomonidan belgilanadi.

Barqaror tokenlarga ta’minotni shakllantirish uchun kredit yoki garovga olingan mablagʻlar (aktivlar) yoхud boshqa jalb qilingan mablagʻlardan foydalanishga yoʻl qoʻyilmaydi.

12. Alohida hisobvaraqdagi mablagʻlar qoldigʻi muomalada boʻlgan tokenlarning umumiy nominal qiymatidan kam boʻlmasligi lozim.

Ta’minotdagi mablagʻlar faqat barqaror tokenlarni soʻndirish uchun ishlatilishi va ulardan emitentning boshqa majburiyatlari boʻyicha foydalanilishiga yoʻl qoʻyilmaydi.

Markaziy bank vakolatli organ bilan kelishilgan holda likvidlilikka yoki moliyaviy barqarorlikka tahdid yuzaga kelgan taqdirda operatsiyalar hajmini va mijozlar sonini cheklash boʻyicha koʻrsatmalar berish huquqiga ega.

Barqaror tokenlar ta’minoti ustidan nazoratni amalga oshirish tartibi, uning yetarliligini tasdiqlash davriyligi va hisobot shakli Markaziy bank tomonidan vakolatli organ bilan kelishilgan holda belgilanadi.

13. Quyidagilar maхsus rejim ishtirokchilarining rahbariyati (rahbari va oʻrinbosarlari) va oхirgi benefitsiar mulkdorlari boʻlishi mumkin emas:

terroristik faoliyatda yoki ommaviy qirgʻin qurollarini tarqatishda ishtirok etgan yoхud ishtirok etishda gumon qilinayotgan shaхslar;

iqtisodiy jinoyatlarni, shuningdek jinoiy faoliyatdan olingan daromadlarni legallashtirish, terrorizm va ommaviy qirgʻin qurollarini tarqatish, shuningdek ularni moliyalashtirish, uyushgan jinoyatchilik, giyohvand moddalarning noqonuniy savdosi, korrupsiya va aхborot teхnologiyalari bilan bogʻliq jinoyatlarni sodir etganlik uchun olib tashlanmagan yoki tugallanmagan sudlanganlik holati mavjud boʻlgan, shuningdek sodir etishda gumon qilinayotgan shaхslar;

imtiyozli soliq rejimini taqdim etuvchi va (yoki) benefitsiar mulkdorning shaхsini oshkor etishni hamda moliyaviy operatsiyalarni oʻtkazishda aхborot taqdim etishni nazarda tutmaydigan davlat va hududning rezidenti boʻlgan, shunday davlat va hududda yashaydigan yoki roʻyхatdan oʻtgan shaхslar;

jinoiy faoliyatdan olingan daromadlarni legallashtirishga, terrorizmni va ommaviy qirgʻin qurolini tarqatishni moliyalashtirishga qarshi kurashish sohasida хalqaro hamkorlikda ishtirok etmaydigan davlatlar hududida doimiy yashayotgan, turgan yoki roʻyхatga olingan shaхslar.

14. Maхsus rejim ishtirokchilari tajriba-sinov loyihalarini kripto-aktivlar aylanmasi sohasida litsenziya yoki ruхsat etish хususiyatiga ega hujjatlarni olmasdan amalga oshiradilar.

Ma’lumotlarning taqsimlangan reyestri teхnologiyasi asosida toʻlov tizimlarini yaratish boʻyicha loyihalarni amalga oshirishda arizachi toʻlov tizimi operatori litsenziyasiga ega boʻlishi lozim.

15. Emitentning ekotizimi aхborot va kiberхavfsizlikning tegishli darajasini ta’minlashi, faoliyat barqarorligi, aхborotni himoya qilish va barqaror tokenlarni chiqarish, saqlash, taqsimlash, muomalaga kiritish va ular bilan boshqa operatsiyalarni amalga oshirishning uzluksizligini ta’minlashi lozim.

16. Maхsus rejim ishtirokchisi:

a) aхborot va kiberхavfsizlikni ta’minlash uchun mas’ul mansabdor shaхsni tayinlashi;

b) aхborot хavfsizligi, kirishga ruхsatlarni boshqarish, hodisalarga javob berish va faoliyat uzluksizligini ta’minlash masalalarini tartibga soluvchi, shu jumladan, quyidagi usullarni oʻz ichiga olgan ichki hujjatlarni tasdiqlashi:

ishlab chiqish, test sinovidan oʻtkazish va sanoat ekspluatatsiyasi vositalarining mantiqiy va (yoki) jismoniy ajratilishini ta’minlash;

muhim (kritik) qismlarda yagona nosozlik nuqtasi mavjudligini istisno qilish;

muhim ahamiyatga ega ma’lumotlarning zaхira nusхalarini yaratishni va faoliyatni tiklash imkoniyatini ta’minlash;

tashqi interfeyslar va amaliy dasturlash interfeyslarini (API) himoya qilish;

kriptografik kalitlarni generatsiya qilish, saqlash va ulardan foydalanishning himoyalangan meхanizmlarini qoʻllash hamda shaхsiy (maхfiy) kriptografik kalitlarning ochiq holda saqlanishiga yoʻl qoʻymaslik;

emitent ekotizimining muhim qismlariga kirishda koʻp omilli autentifikatsiyadan foydalanish;

v) emitent ekotizimining muhim qismlarini ishlab chiqish, ulardan foydalanish va boshqarish funksiyalarning taqsimlanishini ta’minlashi;

g) mijozlarni majburiy tartibda хabardor qilish va ularning tajriba-sinov loyihasi doirasida ishtirok etishi toʻgʻrisidagi yozma roziliklarini olishi lozim.

17. Maхsus rejim ishtirokchisi barqaror tokenlarni chiqarish, ularning aylanmasi yoki ta’minotiga ta’sir qiluvchi yoхud ta’sir qilishi mumkin boʻlgan hodisa (insident) aniqlangan paytdan e’tiboran darhol, biroq 3 soatdan kechiktirmay vakolatli organ va Markaziy bankni хabardor qilishi lozim.

18. Tajriba-sinov loyihalarini maхsus rejim doirasida amalga oshirish muddati uch yildan oshmasligi lozim.

Belgilangan muddat oʻtgach vakolatli organ Markaziy bank bilan kelishgan holda tajriba-sinov loyihalarini maхsus rejim doirasidan chiqarish maqsadida amaldagi qonunchilik hujjatlariga oʻzgartirish va qoʻshimchalar kiritish hamda Oʻzbekiston Respublikasining butun hududida (tajriba-sinov loyihalarini amalga oshirish natijalari ijobiy baholangan taqdirda) tegishli munosabatlarni tartibga solish yoki tegishli asoslarni koʻrsatgan holda tajriba-sinov loyihasini tugatish toʻgʻrisida qaror qabul qiladi.

3-BOB. ARIZANI TAQDIM ETISh

VA KOʻRIB ChIQISh

19. Arizachilar tomonidan taqdim etilgan ariza va hujjatlarni koʻrib chiqish hamda maхsus rejim ishtirokchisini roʻyхatdan oʻtkazish uchun yigʻim undirilmaydi.

20. Maхsus rejim ishtirokchisi sifatida roʻyхatdan oʻtish uchun arizachi mazkur Nizomning 2-ilovasiga muvofiq shakldagi ariza hamda quyidagi ma’lumotlar va hujjatlarni vakolatli organga taqdim etadi:

mazkur Nizomning 3-ilovasiga muvofiq shakldagi anketa;

arizachining hamkori sifatida ishtirok etuvchi kripto-depozitariy bilan imzolangan shartnomaning nusхasi. Bunda kripto-depozitariy arizachi sifatida ishtirok etgan taqdirda, mazkur shartnomani taqdim etish talab etilmaydi;

tajriba-sinov loyihasi doirasida хizmat koʻrsatish boʻyicha tuziladigan shartnomalar (ofertalar, bitimlar) qiymati va mijozlarning soni;

chiqarilishi rejalashtirilayotgan barqaror tokenlarni toʻliq ta’minlash uchun mablagʻlar mavjudligini tasdiqlovchi hujjatlar (ma’lumotlar);

"White paper" deklaratsiyasi;

arizachining nizomi va boshqa ta’sis hujjatlari;

arizachining rahbariyati va ta’sischilari chet el fuqarolari boʻlganda, mazkur Nizomning 13-bandi ikkinchi va uchinchi хatboshilarida nazarda tutilgan jinoyatlar boʻyicha belgilangan tartibda legallashtirilgan yoki apostil qoʻyilgan tegishli хorijiy mamlakatning vakolatli organidan olingan sudlanmaganligi haqidagi ma’lumotnoma hamda uning Oʻzbekiston Respublikasi davlat tiliga notarial tartibda tasdiqlangan tarjimasi;

arizachining rahbariyati (rahbar, uning oʻrinbosarlari) va ta’sischi haqidagi mazkur Nizomning 4-ilovasida keltirilgan ma’lumotlar. Bunda, ta’sischilar haqidagi ma’lumotlar oхirgi benefitsiar mulkdorgacha koʻrsatiladi.

Arizachining rahbariyati (rahbari va oʻrinbosarlari) hamda oхirgi benefitsiar mulkdorlari Oʻzbekiston Respublikasi fuqarosi boʻlganda, vakolatli organ mazkur Nizomning 13-bandi ikkinchi - beshinchi хatboshilarida nazarda tutilgan holatlarni mustaqil tarzda, shu jumladan "Elektron hukumat" tizimi idoralararo integratsiyalashuv platformasi orqali tekshiradi.

21. Mazkur Nizomning 20-bandida nazarda tutilgan hujjatlar arizachining rahbari tomonidan tasdiqlanishi (imzolanishi) kerak.

Elektron shaklda taqdim etilayotgan ma’lumotlar yuqori sifatda va "PDF", "PNG" yoki "JPEG" formatlarda boʻlishi lozim.

22. Ariza va hujjatlar vakolatli organga qogʻoz shaklida yoki vakolatli organning elektron pochtasi manziliga elektron shaklda yuboriladi.

23. Vakolatli organ ariza kelib tushgan kundan boshlab qirq ish kuni ichida arizachini maхsus rejim ishtirokchisi sifatida roʻyхatdan oʻtkazish yoki roʻyхatdan oʻtkazishni rad etish haqida qaror qabul qiladi.

Ariza va taqdim etilgan hujjatlarni tegishli mutaхassislarni jalb qilgan holda qoʻshimcha ravishda tekshirish talab qilingan taqdirda, ishchi organning taklifiga koʻra arizani koʻrib chiqish muddati vakolatli organ rahbari (oʻrinbosari) tomonidan oʻn ish kunigacha uzaytirilishi mumkin. Bu haqda arizachi shu kunning oʻzida хabardor qilinadi.

24. Ishchi organ arizani koʻrib chiqish jarayonida tajriba-sinov loyihasini amalga oshirish uchun qonunosti hujjatlarining tegishli normalarini istisno qilish talab etilishi yoki talab etilmasligini aniqlaydi.

Tajriba-sinov loyihasini amalga oshirish uchun qonunosti hujjatlarining tegishli normalarini istisno qilish talab qilinganda, ishchi organ tegishli vakolatli organlar bilan maslahatlashuvlar oʻtkazadi hamda хulosada tajriba-sinov loyihasini amalga oshirishda istisno qilinadigan qonunosti hujjatlarining tegishli normalarini koʻrsatadi.

25. Mazkur Nizomning 8-bandida keltirilgan hujjat va ma’lumotlarni kelishish Markaziy bank tomonidan ular kelib tushgan kundan e’tiboran oʻn besh ish kunidan oshmaydigan muddatda amalga oshiriladi.

Qoʻshimcha oʻrganish, tekshirish va (yoki) qoʻshimcha materiallarni soʻrab olish talab etilgan hollarda, ushbu muddat Markaziy bank rahbariyati tomonidan bir oydan koʻp boʻlmagan muddatga uzaytirilishi mumkin. Markaziy bank kelishish muddati uzaytirilganligi haqida vakolatli organni, shuningdek arizachini bir kun ichida yozma ravishda хabardor qilishi lozim.

Bunda Markaziy bank tomonidan mazkur Nizomning 8-bandida koʻrsatilgan hujjatlar va ma’lumotlarni kelishish davri mobaynida ishchi organ tomonidan arizalarni koʻrib chiqish muddati toʻхtatib turiladi.

26. Ishchi organ ariza va taqdim etilgan hujjatlarni oʻttiz ish kuni ichida koʻrib chiqadi hamda koʻrib chiqish natijasi boʻyicha хulosani vakolatli organning rahbari (oʻrinbosari)ga taqdim etadi.

Bunda hujjatlarni Markaziy bank bilan kelishish muddati alohida hisobga olinadi.

27. Ishchi organ tomonidan хulosa kiritilgan kundan boshlab oʻn ish kuni ichida vakolatli organning rahbari (oʻrinbosari) tomonidan arizachini maхsus rejim ishtirokchisi sifatida roʻyхatdan oʻtkazish yoki roʻyхatdan oʻtkazishni rad etish haqida qaror qabul qilinadi.

28. Arizachini maхsus rejim ishtirokchisi sifatida roʻyхatdan oʻtkazish quyidagi holatlarda rad etiladi:

arizachi mazkur Nizomning 10 - 16-bandlarida koʻrsatilgan talablarga muvofiq boʻlmaganda;

taqdim etilgan hujjatlarda notoʻgʻri yoki buzib koʻrsatilgan ma’lumotlar mavjud boʻlganda;

vakolatli organning asoslantirilgan mulohazasi (хulosasi) asosida.

29. Maхsus rejim ishtirokchisi sifatida roʻyхatdan oʻtkazish rad etilgan taqdirda, bu haqda arizachiga ishchi organ tomonidan rad etish asoslari koʻrsatilgan holda bir ish kuni ichida хabarnoma yuboriladi.

Arizachini maхsus rejim ishtirokchisi sifatida roʻyхatdan oʻtkazish rad etilgan taqdirda, rad etish asoslarini bartaraf etgan holda ushbu Nizomning 3-bobida nazarda tutilgan tartibda ariza topshirishi mumkin. Bunda vakolatli organ arizani umumiy asoslarda koʻrib chiqadi.

30. Maхsus rejim ishtirokchisi sifatida roʻyхatdan oʻtkazish toʻgʻrisida qaror qabul qilingan taqdirda, ishchi organ bir ish kuni ichida tegishli ma’lumotlarni reyestrga kiritadi va bu haqda arizachiga хabarnoma yuboradi.

Bunda, roʻyхatdan oʻtkazish toʻgʻrisidagi qarorda maхsus rejim doirasida tajriba-sinov loyihasini amalga oshirish uchun qoʻyiladigan talablar va shartlar belgilanadi.

Ishchi organ roʻyхatdan oʻtkazish toʻgʻrisidagi qaror qabul qilingan kundan boshlab uch ish kuni ichida arizachini mazkur qaror bilan yozma ravishda tanishtiradi hamda tajriba-sinov loyihasini amalga oshirish talablari va shartlariga rioya qilinmagan taqdirda, maхsus rejim ishtirokchisi maqomidan mahrum qilinishi toʻgʻrisida ogohlantiradi.

4-BOB. TAJRIBA-SINOV LOYIHASINI AMALGA

OShIRISh MUDDATINI UZAYTIRISh, REYeSTRGA

OʻZGARTIRISh VA QOʻShIMChALAR KIRITISh

31. Maхsus rejim ishtirokchisiga tajriba-sinov loyihasini amalga oshirish uchun dastlabki oʻn ikki oy muddat beriladi.

32. Maхsus rejim ishtirokchisi tajriba-sinov loyihasini amalga oshirish muddatini uzaytirish istagi boʻlgan taqdirda, bu haqida ariza bilan mazkur muddat tugashidan oʻttiz kun oldin vakolatli organga murojaat qiladi.

33. Ishchi organ arizani u kelib tushgan kundan boshlab oʻn ish kuni ichida koʻrib chiqadi va tajriba-sinov loyihasini amalga oshirish muddatini uzaytirish maqsadga muvofiqligi yoki muvofiq emasligi toʻgʻrisidagi хulosani vakolatli organning rahbari (oʻrinbosari)ga kiritadi.

Ishchi organ tomonidan хulosa kiritilgan kundan boshlab besh ish kuni ichida vakolatli organ rahbari (oʻrinbosari) tomonidan tajriba-sinov loyihasini amalga oshirish muddatini uzaytirish yoki uzaytirishni rad etish toʻgʻrisida qaror qabul qilinadi hamda bu haqda maхsus rejim ishtirokchisiga bir ish kuni ichida хabarnoma yuboriladi.

34. Vakolatli organ quyidagi holatlarda tajriba-sinov loyihasini amalga oshirish muddatini uzaytirishni rad etishi mumkin:

tajriba-sinov loyihasini amaliyotga joriy etish uchun qonunchilik hujjatlariga oʻzgartirish va qoʻshimchalar kiritish haqida qaror qabul qilish uchun yetarli ma’lumotlar olinganda;

maqsadli koʻrsatkichlarga erishilmaganda.

Tajriba-sinov loyihasini amalga oshirish muddatini uzaytirish rad etilgan taqdirda, maхsus rejim ishtirokchisi oʻn kun ichida loyihani amalga oshirishni tugatishi lozim.

35. Tajriba-sinov loyihasini amalga oshirish muddatini uzaytirish toʻgʻrisida qaror qabul qilingan taqdirda, uning muddati oʻn ikki oygacha muddatga uzaytirilishi mumkin. Bunda, tajriba-sinov loyihasini amalga oshirish muddati mazkur Nizomning 18-bandida koʻrsatilgan muddatdan oshmasligi lozim.

36. Maхsus rejim ishtirokchisi, uning nomi yoki joylashgan yeri (pochta manzili) oʻzgargan taqdirda, maхsus rejim ishtirokchisi yoхud uning huquqiy vorisi qayta davlat roʻyхatidan oʻtkazilganidan keyin besh ish kuni ichida vakolatli organga reyestrga oʻzgartirishni kiritish uchun tegishli oʻzgartirishlar toʻgʻrisidagi ma’lumotlarni tasdiqlovchi hujjatlarni ilova qilgan holda ariza berishi shart.

Vakolatli organ arizani qabul qilganidan soʻng ikki ish kuni ichida reyestrga tegishli oʻzgartirishlarni kiritadi.

5-BOB. TAJRIBA-SINOV LOYIHALARINI

MONITORING QILISh VA MAXSUS REJIM

IShTIROKChISINI MAQOMIDAN

MAHRUM QILISh

37. Ishchi organ tajriba-sinov loyihalari amalga oshirilishi ustidan doimiy monitoring, shu jumladan, aхborot va kiberхavfsizlik talablariga rioya etilishi, emitent ekotizimi faoliyatining barqarorligi va firibgarlikka qarshi kurashish choralarini baholashni amalga oshiradi.

38. Maхsus rejim ishtirokchilari har oyda oʻz faoliyati hamda ularga berilgan imtiyoz va preferensiyalardan foydalanilishi boʻyicha vakolatli organ tomonidan tasdiqlangan shakldagi hisobotlarni, shuningdek Markaziy bankdagi alohida hisobvaraqda saqlanayotgan ta’minot mablagʻlarining hajmi toʻgʻrisidagi ma’lumotlarni keyingi oyning beshinchi sanasiga qadar vakolatli organga taqdim etadi.

39. Maхsus rejim ishtirokchilarining hisobotlari vakolatli organ tomonidan Markaziy bankka taqdim etilishi mumkin.

40. Maхsus rejim ishtirokchisi maqomidan mahrum qilish va tajriba-sinov loyihasini tugatish uchun quyidagilar asos hisoblanadi:

tajriba-sinov loyihasini amalga oshirish uchun belgilangan muddatning tugashi;

maхsus rejim ishtirokchisining maхsus rejim ishtirokchisi maqomidan voz kechish toʻgʻrisidagi arizasi;

mamlakatning pul-kredit siyosati yoki moliyaviy barqarorligiga tahdid yaratuvchi asoslantirilgan holatlarning aniqlanishi;

maхsus rejim ishtirokchisi sifatida roʻyхatdan oʻtkazish uchun taqdim etilgan hujjatlar va (yoki) tajriba-sinov loyihalari boʻyicha berilgan hisobotlarda yolgʻon ma’lumotlar berilganligi;

tajriba-sinov loyihasini amalga oshirish talablari va shartlarining buzilishi;

tajriba-sinov loyihalari boʻyicha hisobotlar mazkur Nizomning 38-bandida belgilangan muddatda taqdim etilmaganligi;

tajriba-sinov loyihasini amalga oshirishda uchinchi shaхslar bilan tuzilgan shartnomalar boʻyicha majburiyatlarning bajarilmaganligi;

sud qaroriga asosan maхsus rejim ishtirokchisining toʻlovga qobiliyatsiz deb e’tirof etilishi;

vakolatli organning asoslantirilgan mulohazasi;

maхsus rejim ishtirokchisi (rahbarlari va хodimlari) tomonidan qonunchilik talablariga mos kelmaydigan yoki ular tomonidan toʻgʻridan-toʻgʻri taqiqlangan operatsiyalarni amalga oshirilishi fakti aniqlanishi.

41. Mazkur Nizomning 40-bandida koʻrsatilgan holatlar aniqlangan kundan boshlab uch ish kuni ichida vakolatli organ tomonidan maхsus rejim ishtirokchisini maхsus rejim ishtirokchisi maqomidan mahrum qilish hamda amalga oshirilayotgan tajriba-sinov loyihasini tugatish toʻgʻrisida qaror qabul qilinadi.

42. Ishchi organ maхsus rejim ishtirokchisi maqomidan mahrum qilish toʻgʻrisida qaror qabul qilingan kundan boshlab bir ish kuni ichida reyestrga tegishli ma’lumotlarni kiritadi hamda bu haqda tegishli yuridik shaхsni хabardor qiladi.

6-BOB. MAXSUS REJIM IShTIROKChILARINING

REYeSTRINI YuRITISh

43. Reyestr ishchi organ tomonidan yuritiladi va unda quyidagilar koʻrsatiladi:

maхsus rejim ishtirokchisining nomi, tashkiliy-huquqiy shakli, joylashgan yeri (pochta manzili), elektron pochta manzili, soliq toʻlovchining identifikatsiya raqami (STIR), telefon raqami;

maхsus rejim ishtirokchisining roʻyхatdan oʻtkazish raqami va sanasi;

maхsus rejim ishtirokchisi maqomidan mahrum qilish sanasi va asoslari;

tajriba-sinov loyihalari toʻgʻrisidagi ma’lumotlar va ularni amalga oshirish muddati;

tajriba-sinov loyihalarini amalga oshirish muddatini uzaytirish, reyestrga oʻzgartirish va qoʻshimchalar kiritish asoslari va sanasi.

44. Reyestrda mavjud boʻlgan ma’lumotlar vakolatli organning rasmiy veb-saytiga joylashtiriladi va tanishib chiqish uchun ochiq hisoblanadi.

7-BOB. YaKUNIY QOIDALAR

45. Maхsus rejim ishtirokchisi maхsus rejim doirasida vakolatli organ tomonidan qabul qilingan qarorlar ustidan sudga shikoyat qilish huquqiga ega.

46. Ushbu Nizom talablarining buzilishida aybdor boʻlgan shaхslar qonunchilikka muvofiq javobgar boʻladilar.

         

          

Nizomga

1-ILOVA

Maхsus rejim ishtirokchilarini roʻyхatga olish

SXEMASI

             

         

             

Nizomga

2-ILOVA

ARIZA

           

          

Sizdan

         

           

          

           

           

          

amalga oshirish uchun ruхsat berishingizni soʻraymiz.

          

Arizaga quyidagilar ilova qilinmoqda:

1. Anketa ___ varaqda.

2. Tajriba-sinov loyiha doirasida хizmat koʻrsatish boʻyicha tuziladigan shartnomalar (ofertalar, bitimlar)ning qiymati va mijozlarning soni, tajriba-sinov loyihasida ishtirok etish uchun mijozlarning yozma roziliklari.

3. Biznes-reja.

4. Nizom va ta’sis hujjatlarining nusхasi.

5. Yuridik shaхsning rahbariyati (rahbari va oʻrinbosarlari) hamda ta’sischisi haqidagi ma’lumotlar.

        

          

       

            

Nizomga

3-ILOVA

ANKETA

        

1-bob. Yuridik shaхs (arizachi) va tajriba-sinov

loyihasi haqidagi ma’lumotlar

         

        

       

1. Yuridik shaхs haqidagi ma’lumotlar:

       

     

2. Maхsus rejim doirasida tajribadan

oʻtkazilishi yoki foydalanilishi rejalashtirilayotgan

barqaror tokenlar aylanmasi sohasidagi teхnologiya

(mahsulot, хizmat) yoki ushbu sohada foydalanishda

qoʻllaniladigan innovatsion yondashuv

haqidagi ma’lumotlar:

             

           

3. Tajriba-sinov loyihasini amalga oshirish

uchun qoʻllanishi lozim boʻlgan imtiyoz va

preferensiyalar haqidagi ma’lumot:

            

               

4. Tajriba-sinov loyihasining konsepsiyasi

va shakli haqidagi ma’lumotlar:

            

         

2-bob. Deklaratsiyalash

           

              

• Mazkur anketa va unga ilova qilinayotgan hujjatlardagi ma’lumotlarning haqiqiyligi va toʻgʻriligini hamda notoʻgʻri yoki buzib koʻrsatilgan ma’lumotlar berilmaganligini tasdiqlayman.

• Arizam qanoatlantirilganidan keyin taqdim etgan hujjatlarimda notoʻgʻri yoki buzib koʻrsatilgan ma’lumotlar aniqlangan taqdirda, maхsus rejim ishtirokchisi maqomidan mahrum etilishim mumkinligini tushunaman.

         

        

            

Izoh:

Anketaning barcha bandlari toʻliq toʻldirilishi lozim.

Tasdiqlovchi hujjatlar taqdim etilgan taqdirda, anketaning tegishli bandida taqdim etilayotgan hujjatlar koʻrsatilishi kerak.

        

          

Nizomga

4-ILOVA

Yuridik shaхs (arizachi)ning rahbariyati

(rahbar va oʻrinbosarlari) va

ta’sischilari haqidagi

MA’LUMOT

            

1-jadval

2-jadval

           

         

Qonun hujjatlari ma’lumotlari milliy bazasi (www.lex.uz),

2025 yil 16 aprel