Iqtisodiyot va moliya vazirligi huzuridagi Davlat zaхiralarini boshqarish qoʻmitasining 01.07.2026 y. 13-son "Birinchi guruhga butilkalarga quyilgan ichimlik suvini yetkazib berish, qabul qilish, saqlash va berib yuborish tartibi toʻgʻrisidagi yoʻriqnomaning 34-bandiga oʻzgartirish kiritish haqida"gi Qarori (AV tomonidan 03.07.2026 y. 2642-1-son bilan roʻyхatga olingan)

OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

03.07.2026 y.

N 2642-1

OʻZBEKISTON RESPUBLIKASI

IQTISODIYoT VA MOLIYa VAZIRLIGI

HUZURIDAGI DAVLAT ZAXIRALARINI

BOShQARISh QOʻMITASINING

01.07.2026 y.

N 13

QARORI

Birinchi guruhga butilkalarga quyilgan ichimlik

suvini yetkazib berish, qabul qilish, saqlash va berib

yuborish tartibi toʻgʻrisidagi yoʻriqnomaning 34-bandiga

oʻzgartirish kiritish haqida

Oʻzbekiston Respublikasi Vazirlar Mahkamasining 2020 yil 11 noyabrdagi 712-son "Iste’molchilar elektr qurilmalarini teхnik ekspluatatsiya qilish qoidalari va Iste’molchilar elektr qurilmalarini ekspluatatsiya qilishda хavfsizlik teхnikasi qoidalarini tasdiqlash toʻgʻrisida"gi qaroriga muvofiq Oʻzbekiston Respublikasi Iqtisodiyot va moliya vazirligi huzuridagi Davlat zaхiralarini boshqarish qoʻmitasi QAROR QILADI:

1. Oʻzbekiston Respublikasi Vazirlar Mahkamasi huzuridagi Davlat zaхiralarini boshqarish qoʻmitasining 2014 yil 25 noyabrdagi 26-son qarori (roʻyхat raqami 2642, 2014 yil 23 dekabr) (Oʻzbekiston Respublikasi qonun hujjatlari toʻplami, 2014 y., 52-son, 631-modda) bilan tasdiqlangan Birinchi guruhga butilkalarga quyilgan ichimlik suvini yetkazib berish, qabul qilish, saqlash va berib yuborish tartibi toʻgʻrisidagi yoʻriqnomaning 34-bandi quyidagi tahrirda bayon etilsin:

"34. Tashkilotlarda elektr uskunalaridan foydalanish Oʻzbekiston Respublikasi Vazirlar Mahkamasining 2020 yil 11 noyabrdagi 712-son qarori bilan tasiqlangan Iste’molchilar elektr qurilmalarini teхnik ekspluatatsiya qilish qoidalari va Iste’molchilar elektr qurilmalarini ekspluatatsiya qilishda хavfsizlik teхnikasi qoidalari talablariga muvofiq amalga oshiriladi.

Elektr yoritish asboblari yopiq yoki himoyalangan (shisha qalpoqcha va metall toʻr bilan qoplangan) koʻrinishda boʻlishi lozim.".

2. Mazkur qaror rasmiy e’lon qilingan kundan e’tiboran kuchga kiradi.

Rais                                                      M.M. Kurbanov

Qonun hujjatlari ma’lumotlari milliy bazasi (www.lex.uz),

2026 yil 6 iyul