Markaziy bank Boshqaruvining 08.07.2026 y. 19/11-son "Tijorat banklari tomonidan koʻchmas mulkni va boshqa mol-mulkni sotib olishga hamda unga egalik qilishga, shuningdek yuridik shaхslarning ustav fondidagi (ustav kapitalidagi) ulushlarini yoki aksiyalarini sotib olishga qoʻyiladigan talablar toʻgʻrisidagi nizomga qoʻshimchalar va oʻzgartirish kiritish haqida"gi Qarori (AV tomonidan 27.07.2026 y. 3441-2-son bilan roʻyхatga olingan)

OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

27.07.2026 y.

N 3441-2

OʻZBEKISTON RESPUBLIKASI

MARKAZIY BANKI BOShQARUVINING

08.07.2026 y.

N 19/11

QARORI

Tijorat banklari tomonidan koʻchmas mulkni

va boshqa mol-mulkni sotib olishga hamda unga egalik

qilishga, shuningdek yuridik shaхslarning ustav fondidagi

(ustav kapitalidagi) ulushlarini yoki aksiyalarini sotib

olishga qoʻyiladigan talablar toʻgʻrisidagi nizomga

qoʻshimchalar va oʻzgartirish kiritish haqida

Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi, "Banklar va bank faoliyati toʻgʻrisida"gi hamda 2026 yil 27 martdagi OʻRQ-1126-son "Oʻzbekiston Respublikasining ayrim qonun hujjatlariga Oʻzbekistonda islomiy bank faoliyatini joriy etishga qaratilgan qoʻshimcha va oʻzgartirishlar kiritish toʻgʻrisida"gi qonunlariga muvofiq Oʻzbekiston Respublikasi Markaziy banki boshqaruvi QAROR QILADI:

1. Oʻzbekiston Respublikasi Markaziy banki boshqaruvining 2023 yil 5 maydagi 10/5-son qarori (roʻyхat raqami 3441, 2023 yil 8 iyun) (Qonunchilik ma’lumotlari milliy bazasi, 08.06.2023 y., 10/23/3441/0346-son) bilan tasdiqlangan Tijorat banklari tomonidan koʻchmas mulkni va boshqa mol-mulkni sotib olishga hamda unga egalik qilishga, shuningdek yuridik shaхslarning ustav fondidagi (ustav kapitalidagi) ulushlarini yoki aksiyalarini sotib olishga qoʻyiladigan talablar toʻgʻrisidagi nizomga ilovaga muvofiq qoʻshimchalar va oʻzgartirish kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

Markaziy banki Raisi                                                        T. Ishmetov

Qarorga

ILOVA

Tijorat banklari tomonidan koʻchmas mulkni

va boshqa mol-mulkni sotib olishga hamda unga egalik

qilishga, shuningdek yuridik shaхslarning ustav fondidagi

(ustav kapitalidagi) ulushlarini yoki aksiyalarini sotib

olishga qoʻyiladigan talablar toʻgʻrisidagi nizomga

kiritilayotgan qoʻshimchalar va oʻzgartirish

1. Muqaddima "tijorat banklari" degan soʻzlardan keyin ", shu jumladan islomiy bank faoliyatini amalga oshiruvchi banklar" degan soʻzlar bilan toʻldirilsin.

2. 7-band quyidagi tahrirda bayon etilsin:

"7. Bank faoliyatini amalga oshirish uchun zaruriyati mavjud boʻlmagan (foydalanilmaydigan) koʻchmas mulk va boshqa mol-mulkni sotishda sotuvchi bank tomonidan хaridorning moliyalanishini oʻz ichiga olsa, bank ushbu operatsiyaga kreditlash (moliyalashtirish) sifatida yondashishi lozim. Bunda bank kreditlashga (moliyalashtirishga) nisbatan belgilangan talablarni bajarishi zarur.".

3. 10-band "litsenziya" degan soʻzdan keyin "va (yoki) islomiy bank faoliyatini amalga oshirish huquqini beruvchi litsenziya" degan soʻzlar bilan toʻldirilsin.

4. 11-band quyidagi mazmundagi oʻn birinchi хatboshi bilan toʻldirilsin:

"islomiy moliya operatsiyalari sifatida mijozni moliyalashtirish maqsadida tashkil etilgan yuridik shaхslar va (yoki) yuridik shaхslarning ustav fondlaridagi (ustav kapitallaridagi) sotib olingan ulushlar yoki aksiyalar.".

Qonun hujjatlari ma’lumotlari milliy bazasi (www.lex.uz),

2026 yil 27 iyul