2025 йил апрель ойи учун бош бухгалтер режаси

Апрель яқинлашиб келмоқда ва бу ойда бухгалтерлар учун одатий ишлар – солиқлар, ҳисоботлар, ҳисоб-китоблар ва бошқа кўплаб вазифалар бор...

Солиқ қўмитаси маълумотларни янги серверларга ўтказиш пайтида солиқ тўловчиларнинг рўйхатга олинган ижара шартномаларини «йўқотиб», бухгалтерларнинг асабларини анча қақшатди. Лекин, шукрки, носозликлар тезда бартараф этилди. Барқарорлик рейтинглари яна аввалги ёқимли позицияларга қайтди, энди яшашда давом этиш мумкин!

Buxgalter.uz барчага апрель ойида режадаги барча ишларни муваффақиятли амалга оширишни – носозликлар ва бошқа муаммоларсиз ишлашни тилайди. Бизнинг режамиз қуйидагича:

 

1 апрель:

• чет эл инвестициялари иштирокидаги ҳамда чет эл капитали иштирокидаги микрофирмалар ва кичик корхоналар томонидан 2024 йил учун 1-КВ (йиллик) статистика ҳисоботини тақдим этишнинг сўнгги куни.

Бошқа микрофирмалар ва кичик корхоналар ҳисоботни 10 мартдан кечиктирмай тақдим этадилар.

 

5 апрель – (5 апрель шанба бўлгани учун 7 апрелга кўчирилади**): 

• банклар томонидан 2025 йил мартда норезидентларга тўланган даромадлар (дивидендлар ва фоизлар кўринишидаги даромадлар бундан мустасно) бўйича фойда солиғини бюджетга тўлашнинг сўнгги куни СК 355-м. 2-қ. 1-б..

7 апрель:

• 2025 йил мартда натура шаклида тўланган даромадлардан ЖШДС ва ШЖБПҲ бадалларини тўлашнинг сўнгги куни СК 390-м. 2-қ. Низом 6-б., 20.11.2024 й. АВ рўйхат рақами 3577-сон.. Натура шаклида даромадлар тўланганда ҳисобланган солиқ суммаси ва ШЖБПҲ бадаллари даромад тўланган ойдан кейин 5 кун* ичида тўланади.

 

9 апрель:

• умумий овқатланиш ва чакана савдо корхоналари томонидан 2025 йил апрель ойи учун алкоголь маҳсулотларини реализация қилиш ҳуқуқи учун йиғимни тўлашнинг сўнгги куни СК 460-м. 6-қ..

 

10 апрель:

• 2025 йил март ойи учун акциз солиғи ҳисоботини тақдим этиш ва уни тўлашнинг сўнгги куни СК 292-м. СК 293-м.;

 

• Марказий депозитарий томонидан 2025 йил мартда ўзи ва инвестиция воситачилари томонидан рўйхатга олинган акциялар билан тузилган битимлар тўғрисидаги маълумотларни тақдим этишнинг сўнгги куни СК 133-м. 12-қ.;
• айланмадан олинадиган солиқ тўламайдиган солиқ тўловчилар томонидан 2025 йил апрель учун йиллик солиқ суммасининг 1/12 қисми миқдорида мол-мулк солиғи бўйича бўнак тўловларини тўлашнинг сўнгги куни СК 417-м. 6-қ..

Айланмадан олинадиган солиқ тўловчилар мол-мулк солиғи бўйича бўнак тўловларини ҳар чоракнинг учинчи ойининг 20-санасидан кечиктирмай йиллик солиқ суммасининг 1/4 қисми миқдорида тўлайдилар;

 

• 2025 йил апрель ойи учун қишлоқ хўжалигига мўлжалланмаган ерлар учун ер солиғини йиллик солиқ суммасининг 1/12 қисми миқдорида айланмадан олинадиган солиқ тўламайдиган солиқ тўловчилар томонидан тўлашнинг сўнгги куни СК 432-м. 1-қ..

Айланмадан олинадиган солиқ тўловчилар қишлоқ хўжалигига мўлжалланмаган ерлар учун солиқни ҳар чоракнинг учинчи ойи 20-санасидан кечиктирмай йиллик солиқ суммасининг 1/4 қисми миқдорида тўлайдилар.

 

• 16 ёшгача бўлган ногирон болани тарбиялаётган ота-онадан бирига қўшимча дам олиш куни учун юридик шахс харажатларини қоплаш учун Пенсия жамғармасидан маблағ (нафақа) олиш учун 2025 йил март ойи учун ариза тақдим этишнинг сўнгги куни 14.12.2023 й. 661-сон ВМҚга 1-илова 45−46-б..

16 ёшгача бўлган ногирон болани табиялаётган ота-онадан бирига ёки ота-она ўрнини босувчи шахсга ойда бир қўшимча дам олиш куни берилади. Бу кун учун иш берувчи давлат ижтимоий суғуртаси маблағлари ҳисобидан кунлик иш ҳақи миқдорида нафақа тўлайди МК 399-м.. 

 

14 апрель: 

• 2025 йил март ойи учун ШЖБПҲ бадаллари бўйича реестрларни тақдим этиш ва тўлашнинг сўнгги куни Низомнинг 9-б., 20.11.2024 й. АВ рўйхат рақами 3577-сон;

 

• 2025 йил I чораги учун I ва II тоифа субъектлари томонидан Атроф табиий муҳитни ифлослантирганлик ва чиқиндиларни жойлаштириш учун компенсация тўловлари ҳисоб-китобини тақдим этишнинг сўнгги куни 12.04.2021 й. 202-сон ВМҚга 1-илова 22-б..

III ва IV тоифа субъектлари ҳисоб-китобни йилда 1 марта – ҳисобот йилидан кейинги йилнинг 25 январига қадар тақдим этадилар.

 

15 апрель:

• тузатишларни ҳисобга олган ҳолда 2024 йил учун жами даромади 10 млрд сўмдан ошган солиқ тўловчилар томонидан 2025 йил II чораги учун кутилаётган фойдадан келиб чиққан ҳолда фойда солиғи бўйича бўнак тўловлари суммаси тўғрисидаги маълумотномани тақдим этишнинг сўнгги куни СК 340-м. 11-қ.;

 

• 2025 йил март ойи учун ЖШДС ва ижтимоий солиқ бўйича ҳисобот тақдим этиш ва тўлашнинг сўнгги куни.

ЖШДС солиқ тўловчига даромад тўланаётган пайтда, лекин солиқ ҳисоботини тақдим этиш муддатларидан кечиктирмай тўланади СК 389-м. 1-қ. 2-б. СК 390-м..

Ижтимоий солиқ ҳам солиқ ҳисоботини тақдим этиш муддатларидан кечиктирмай тўланади СК 407-м. 4-5-қ.;

 

• 2025 йил апрель ойи учун қатъий белгиланган миқдорда ЖШДСни тўлашнинг сўнгги куни.

Солиқ тўловчилар тадбиркорлик субъекти сифатида давлат рўйхатидан ўтган ёки якка тартибдаги тадбиркор ёхуд оилавий тадбиркорлик субъекти билан меҳнат шартномаси тузган ойдан кейинги ойдан бошлаб қатъий белгиланган миқдорда ЖШДС тўлайдилар СК 392-м. 1-2-қ.;

 

• 2025 йил март ойи учун айланмадан олинадиган солиқ бўйича ҳисобот тақдим этиш ва уни тўлашнинг сўнгги куни (қатъий суммада айланмадан олинадиган солиқ тўловчилар бундан мустасно) СК 470-м. 3-қ. 1-б. СК 470-м. 4-қ..

Қатъий белгиланган суммада айланмадан олинадиган солиқ тўловчилар ҳисобот тақдим этишдан озод қилинган. Бунда улар солиқни календарь ойидан кейинги ойнинг 15-санасидан кечиктирмай ҳар ойда тенг улушларда тўлайдилар СК 470-1-м. 10-қ.;

 

• 2025 йил март ойи учун айланмадан олинадиган солиқ тўловчилар томонидан онлайн-НКТ чекларидаги техник хатоларни тузатишнинг сўнгги куни 23.11.2019 й. 943-сон ВМҚга 1-илова 38-1-б. СК 470-м. 3-қ..

ҚҚС тўловчилар учун 2025 йил март ойи учун онлайн-НКТ чекларидаги техник хатоларни тузатишнинг сўнгги куни - 2025 йил 20 апрель (21 апрелга кўчирилади**) 23.11.2019 й. 943-сон ВМҚга 1-илова 38-1-б. СК 273-м. 1-қ..

 

16 апрель:

• айланмадан олинадиган солиқ тўловчилар томонидан 2025 йил май ойидан бошлаб қатъий суммада солиқ тўлашга ўтиш тўғрисида хабарнома тақдим этишнинг сўнгги куни СК 470-1-м. 1-қ..

 

20 апрель – (20 апрель якшанба бўлгани учун 21 апрелга кўчирилади**):

• 2025 йил март ойи учун ҚҚС ҳисоботини тақдим этиш ва уни тўлашнинг сўнгги куни СК 273-м. 1-4-қ.;

 

• 2025 йил март ойи учун солиқ агентлари – ҚҚС тўловчилар томонидан ҚҚС ҳисоботини тақдим этиш ва уни тўлашнинг сўнгги куни СК 273-м. 1–2-қ.:

–хорижий шахслардан харид қилинган товарлар (хизматлар) бўйича СК 255-м.;

–давлат мулки билан операциялар бўйича, мулк ҳуқуқи асосида қишлоқ хўжалигига мўлжалланмаган бўш ер участкаларини ҳам ўз ичига олган давлат мулкини реализация қилиш операциялари бундан мустасно СК 256-м..

ҚҚС тўловчи бўлмаган солиқ агентлари солиқ тўланган ойдан кейинги ойнинг 20-санасидан кечиктирмай ҳисобот тақдим этадилар СК 273-м. 4-қ.;

 

• 2025 йил I чораги учун фойда солиғи бўйича ҳисоб-китобни тақдим этиш ва тўлашнинг сўнгги куни СК 339-м. 5-қ. СК 340-м..

Бюджет ташкилотлари ва нодавлат нотижорат ташкилотлари, истеъмол кооперативларидан ташқари, фойда солиғи бўйича солиқ ҳисоботини фақат солиқ даври (календарь йили) якунлари бўйича тақдим этадилар. Агар ўтган солиқ даври якунлари бўйича солиқ тўловчида жами даромад бўлмаса, солиқ ҳисоботини тақдим этиш талаб қилинмайди СК 339-м. 6-қ..

Хусусий амалиёт билан шуғулланувчи нотариуслар фойда солиғи бўйича солиқ ҳисоботини тақдим этадилар ва солиқни йилда 1 марта – ўтган солиқ даврини кейинги йилнинг 1 мартидан кечиктирмай тўлайдилар СК 480-м.;

 

• солиқ даври учун солиқ суммаси БҲМнинг 200 бараваридан ошадиган, айланмадан олинадиган солиқ тўловчи бўлмаган юридик шахслар томонидан 2025 йил апрель ойи учун йиллик солиқ суммасининг 1/12 қисми миқдорида сув ресурсларидан фойдаланганлик учун солиқ бўйича бўнак тўловларини тўлашнинг сўнгги куни СК 448-м. 3-қ..

Солиқ даври учун солиқ суммаси БҲМнинг 200 бараваридан кам бўлган, айланмадан олинадиган солиқ тўловчи бўлмаган юридик шахслар, шунингдек айланмадан олинадиган солиқ тўловчилар ва якка тартибдаги тадбиркорлар сув ресурсларидан фойдаланганлик учун солиқ бўйича бўнак тўловларини ҳар чоракнинг учинчи ойининг 20-санасидан кечиктирмай йиллик солиқ суммасининг 1/4 қисми миқдорида тўлайдилар;

 

• солиқ агентлари томонидан норезидентлар даромадларидан олинадиган солиқ бўйича 2025 йил март ойи учун ҳисобот тақдим этишнинг сўнгги куни.

Солиқ норезидентга даромад тўланган кундан кейинги кундан кечиктирмай тўланади СК 355-м. 1–2-қ.;

 

• жисмоний шахсларга электрон шаклда хизматлар кўрсатувчи хорижий юридик шахслар томонидан 2025 йил I чораги учун ҚҚС бўйича ҳисоботни тақдим этиш ва солиқни тўлашнинг сўнгги куни СК 280-м. СК 281-м..

Чет эл юридик шахслари электрон хизматларни юридик шахсларга, шу жумладан Ўзбекистонда ДМ орқали фаолият юритаётган норезидентларга кўрсатганда, ҚҚСни солиқ агентлари - бундай хизматлар харидорлари тўлайдилар ва ҳисобот тақдим этадилар СК 278-м. 4-қ..

 

• солиқ агентлари томонидан 2025 йил март ойи учун дивиденд ва фоизлардан олинадиган солиқ бўйича ҳисоботни тақдим этишнинг сўнгги куни (ҳисобот тақдим этишдан озод қилинган қатъий суммада айланмадан солиқ тўловчилар бундан мустасно) СК 345-м. 5-қ. СК 470-1-м. 8-қ..

Солиқ дивиденд ва фоизларни тўлаш санасидан кечиктирмай тўланади СК 345-м. 6-қ.;

 

• юридик шахслар томонидан 2025 йил март ойи учун ер қаъридан фойдаланганлик учун солиқ бўйича ҳисобот тақдим этиш ва солиқни тўлашнинг сўнгги куни СК 454-м. 3–4-қ..

 

• солиқ базаси (рента даромади) мавжуд бўлганда фойдали қазилмаларни қазиб олиш бўйича 2025 йил I чораги учун махсус рента солиғи бўйича ҳисоботни тақдим этиш ва солиқни тўлашнинг сўнггги куни СК 454-7-м..

Рента зарари мавжуд бўлганда ҳисобот йилда бир марта солиқ давридан кейинги йилнинг 1 мартидан кечиктирмай тақдим этилади.

 

• 2025 йил март ойи учун ҚҚС тўловчилар томонидан онлайн-НКТ чекларидаги техник хатоларни тузатиш 23.11.2019 й. 943-сон ВМҚга 1-илова 38-1-б. СК 273-м. 1-қ..

Айланмадан олинадиган солиқ тўловчилар учун 2025 йил март ойи учун хатоларни тузатишнинг сўнгги куни – 2025 йил 15 апрель 23.11.2019 й. 943-сон ВМҚга 1-илова 38-1-б. СК 470-м. 3-қ.;

 

23 апрель:

• 2024 йил тузатишларни ҳисобга олган ҳолда жами даромади 10 млрд сўмдан ошган солиқ тўловчилар томонидан 2025 йил апрель учун фойда солиғи бўйича бўнак тўловларини тўлашнинг сўнгги куни СК 340-м. 2-қ..

Ойлик бўнак тўлови суммаси манфий ёки нолга тенг бўлса, тегишли чоракда бўнак тўловлари тўланмайди СК 340-м. 7-қ..

Жорий чоракда жами даромади 10 млрд сўмдан ошган солиқ тўловчилар, шу жумладан янги ташкил этилганлар, бундай ошиш юз берган тўлиқ чорак ўтганидан сўнг ойлик бўнак тўловларини тўлайдилар СК 340-м. 8-қ..

 

25 апрель:

• ходимнинг меҳнат мажбуриятларини бажариши билан боғлиқ меҳнатда жароҳатланиш ёки касб касаллиги оқибатида ногиронлик, боқувчисини йўқотганлик муносабати билан тайинланган ва тўланган пенсиялар бўйича Пенсия жамғармасининг 2025 йил март ойи учун харажатларини қоплаш маблағларини тўлашнинг сўнгги куни 14.12.2023 й. 661-сон ВМҚга 1-илова 32-б..

 

---

*Кунлар билан ҳисобланадиган муддат, агар календарь кунларида белгиланмаган бўлса, иш кунларида ҳисобланади. Бунда қонунчиликка мувофиқ дам олиш ва (ёки) ишланмайдиган байрам куни деб эътироф этилмаган кун иш куни ҳисобланади СК 5-м. 7-қ..

** Агар муддатнинг сўнгги куни қонун ҳужжатларига мувофиқ дам олиш ва (ёки) ишланмайдиган кунга тўғри келса, муддат тугайдиган кун дам олиш ва (ёки) ишланмайдиган кундан кейинги иш куни ҳисобланади СК 5-м. 8-қ. СК 86-м. 6-қ..