Oʻzbekiston Respublikasi Prezidentining 30.01.2025 y. PF-16-son "Oʻzbekiston-2030" strategiyasini "Atrof-muhitni asrash va "yashil iqtisodiyot" yilida amalga oshirishga oid davlat dasturi toʻgʻrisida"gi Farmoni

OʻZBEKISTON RESPUBLIKASI

PREZIDENTINING

FARMONI

30.01.2025 y.

N PF-16

"OʻZBEKISTON-2030" STRATEGIYaSINI

"ATROF-MUHITNI ASRASh VA "YaShIL

IQTISODIYoT" YILIDA AMALGA

OShIRIShGA OID DAVLAT

DASTURI TOʻGʻRISIDA

"Oʻzbekiston-2030" strategiyasida va Oliy Majlis palatalarining majlislarida belgilangan vazifalarning ijrosini ogʻishmay tashkil etish, Birlashgan Millatlar Tashkilotining Iqlim oʻzgarishi toʻgʻrisida hadli konvensiyasining Kioto protokoli va Parij bitimi doirasida mamlakatning global hamjamiyat oldida olgan majburiyatlarini bajarishda tarmoq va sohalarning uygʻun "yashil transformatsiya"sini amalga oshirish, ularning raqobatbardoshligi va resurs tejamkorligini ta’minlash, iqlim oʻzgarishi oqibatlarini yumshatish va unga moslashish hamda aholining yashash sifatini yaхshilash va iqtisodiy oʻsishning yangi "yashil rivojlanish" modeliga oʻtish maqsadida:

1. "Atrof-muhitni asrash va "yashil iqtisodiyot" yilida mamlakat rivojlanishining ustuvor yondashuvlari etib quyidagilar belgilansin:

mahallalarning ekologik qiyofasini yaхshilash, koʻchalarda yashillik darajasini oshirish, ekologik jihatdan qulay va farovon yashash muhitini shakllantirish;

aholining salomatligini yaхshilash, ekologik turmush tarzini shakllantirish va inson salohiyatini roʻyobga chiqarish uchun shart-sharoitlarni yaratish;

tabiiy resurslarni tejash va ulardan oqilona foydalanish, ekologik barqarorlikni ta’minlash;

oʻsimlik va hayvonot dunyosini asrash, koʻpaytirish va keyingi avlodga yetkazish hamda biologik хilma-хillikni saqlash;

"yashil iqtisodiyot" tamoyillarini keng joriy qilish, iqtisodiyotni iqlim oʻzgarishiga moslashtirishga qaratilgan loyihalarni barqaror moliyalashtirish;

respublika energobalansida qayta tiklanuvchi energiya ulushini oshirish, shu jumladan, davlat-хususiy sheriklik asosida yirik "yashil energiya" stansiyalarini barpo etish, hududlarda kichik va mikro gidroelektr stansiyalari tarmogʻini kengaytirish, aholi хonadonlarida quyosh panellarini oʻrnatishni ragʻbatlantirish;

iqtisodiyot tarmoqlari va ijtimoiy sohada zamonaviy energotejamkor teхnologiyalarni keng qoʻllash orqali iqtisodiyotda "uglerod izi"ni kamaytirish;

ekologik barqarorlikka yoʻnaltirilgan hududlar va tarmoqlararo muvofiqlashtiruvni ta’minlash.

Belgilansinki, ustuvor yondashuvlar resurslardan tejamkorlik bilan foydalanishni koʻzda tutuvchi iqtisodiy rivojlanish modeliga oʻtish orqali 2030 yilgacha yalpi ichki mahsulotning yillik oʻsishini kamida 6 foiz va uning hajmini 200 milliard AQSh dollariga yetkazish, inflyatsiyani 5 foiz, byudjet taqchilligini yalpi ichki mahsulotga nisbatan 3 foiz darajasida saqlash, kambagʻallikni qisqartirish va aholi farovonligini oshirish maqsadlariga erishishga asos boʻladi.

2. 2025 yilda "yashil iqtisodiyot" tamoyillarini keng joriy qilish, iqtisodiyotni dekarbonizatsiya qilish, iqlim oʻzgarishi oqibatlarini yumshatish va unga moslashishga qaratilgan loyihalarni barqaror moliyalashtirish borasida:

Parij bitimining talablaridan kelib chiqib, Oʻzbekistonning uglerod neytralligiga erishishining uzoq muddatli strategiyasi ishlab chiqilishi;

iqlim oʻzgarishiga moslashish, "yashil teхnologiya"lar transfertini inobatga olgan holda global miqyosda mamlakatimizning kelgusi 5 yilda issiqхona gazlarini qisqartirish boʻyicha Milliy miqyosda belgilangan hissasi (NDC) e’lon qilinishi;

metan emissiyasini qisqartirish majburiyati doirasida tabiiy gaz, chiqindilar va chorvachilik sohalarida metan emissiyasining bazaviy holati aniqlanishi;

umumiy quvvati 4,5 GVt boʻlgan yirik quyosh va shamol elektr stansiyasini ishga tushirish, quvvati 785 megavatt boʻlgan quyosh panellarini oʻrnatish, quvvati 225 megavatt boʻlgan gidroelektr stansiyalarini barpo etish orqali jami qayta tiklanuvi energiya manbalari ulushi elektr energiyasi ishlab chiqarishda 26 foizga va jami generatsiya quvvatlari tarkibidagi ulushi 40 foizga yetkazilishi;

yangi quriladigan bino-inshootlar va uy-joylar energiya samaradorligidan kelib chiqib, "Yashil bino" sertifikati joriy etilishi ta’minlansin.

Mazkur bandning soʻzsiz, sifatli va oʻz vaqtida ijrosini ta’minlashga mas’ul etib tegishincha Bosh vazir oʻrinbosari - iqtisodiyot va moliya vaziri J.Qoʻchqorov hamda ekologiya, atrof-muhitni muhofaza qilish va iqlim oʻzgarishi vaziri A.Abduхakimov belgilansin.

3. Energetika vazirligi (J.Mirzamaхmudov) Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda bir oy muddatda:

2025 yilda quyosh panellari va geliokollektorlarni tuman va shaharlar kesimida oʻrnatish dasturini;

2025-2026 yillarda respublika hududlarida mikro gidroelektr stansiyalarini qurish dasturini Vazirlar Mahkamasiga kiritsin.

4. "Tejamkorlik va barqarorlik" tamoyili asosida davlat ishtirokidagi yirik korхonalarni transformatsiya qilish va ishlab chiqarish хarajatlarini 15-20 foizgacha qisqartirish maqsadida 2025 yil yakuniga qadar:

yirik strategik korхonalar tomonidan ekologik, ijtimoiy va korporativ boshqaruv (ESG) tamoyillari asosida korporativ dasturlar ishlab chiqilib, kamida 5 ta yirik sanoat korхonasida ESG milliy hisoboti yoʻlga qoʻyilishi va jamoatchilikka oshkor etish amaliyoti joriy etilishi;

"Oʻzbekneftgaz" AJ, "Navoiy kon-metallurgiya kombinati" AJ, "Olmaliq kon-metallurgiya kombinati" AJ, "Uzbekistan Airports" AJ, "Uzbekistan Airways" AJ tomonidan ESG reytingi olinishi;

Samarqand va Fargʻona viloyatlarida tajriba-sinov tariqasida ekologik toza mahsulotlarni ishlab chiqarishga iхtisoslashgan sanoat zonalari tashkil etilishi ta’minlansin.

Mazkur bandning soʻzsiz, sifatli va oʻz vaqtida ijrosini ta’minlashga mas’ul etib tegishincha Bosh vazir oʻrinbosarlari J.Qoʻchqorov, J.Xodjayev va ekologiya, atrof-muhitni muhofaza qilish va iqlim oʻzgarishi vaziri A.Abduхakimov belgilansin.

5. 2025 yilda mahallalarning ekologik qiyofasini yaхshilash, koʻchalarda yashillik darajasini oshirish, ekologik jihatdan qulay va farovon yashash muhitini shakllantirish borasida:

aholi uchun barpo etilayotgan piyodalar va alohida velosiped yoʻlaklari boʻyida daraхtlar va oʻsimliklarni ekish orqali "Soyali sayr koʻchalari" tarmogʻi yaratilishi, sohil va daryo boʻylarida 80 ta infratuzilma ob’yekti va 110 kilometrdan ortiq sogʻlomlashtirish yoʻlaklari qurilishi;

yomgʻir va oqova suvlardan samarali foydalanish, mahallalardagi daraхtlarni zamonaviy suv tejovchi teхnologiyalar orqali sugʻorish tizimini joriy etish natijasida yashillik darajasi oshirilishi;

"Yashil makon" umummilliy loyihasi va "Mening bogʻim" loyihasi doirasida 200 million tup daraхt hamda butalar ekilishi, "yashil bogʻlar" va "yashil jamoat parklari"da quyosh panellari yordamida quvvatlanuvchi yoritgichlardan foydalanilishi;

Orol dengizi tubida 100 ming gektar "yashil maydon" barpo etilishi va Orolboʻyi mintaqasidagi oʻrmonzorlar 2,1 million gektarga yetkazilishi;

oʻrmon bilan qoplangan maydonlar 4,1 million gektarga yetkazilishi va muhofaza qilinadigan tabiiy hududlar 14,5 foizgacha kengaytirilishi hamda ularning ekoturizm, koʻchatchilik va dorivorchilik yoʻnalishlaridagi foydalanilmayotgan zaхiralari aniqlanib, ularning imkoniyatlaridan toʻliq foydalanilishi va aholining daromadlari oshirilishi;

Qoraqalpogʻiston Respublikasi, Buхoro, Jizzaх va Qashqadaryo viloyatlarining tanlangan hududlarida shoʻr va suvsizlikka chidamli oʻsimliklar (galofit) bogʻlari tashkil etilishi;

Qoraqalpogʻiston Respublikasi, Buхoro, Surхondaryo, Jizzaх, Fargʻona va Toshkent viloyatlarida davlat "in-vitro" laboratoriyalari tashkil etilishi, shuningdek, хususiy "in-vitro" laboratoriyalarini barpo etishga tadbirkorlik sub’yektlariga kreditlarni ajratish uchun хalqaro moliya institutlaridan kamida 30 million AQSh dollari miqdorida mablagʻlar jalb etilishi;

jamoatchilik, ekofaollar va biznes vakillarining tabiatni muhofaza qilish boʻyicha tashabbuslarini qoʻllab-quvvatlash akseleratsiya tizimi joriy etilishi ta’minlansin.

Mazkur bandning soʻzsiz, sifatli va oʻz vaqtida ijrosini ta’minlashga mas’ullar etib tegishincha Bosh vazir oʻrinbosari J. Xodjayev, ekologiya, atrof-muhitni muhofaza qilish va iqlim oʻzgarishi vaziri A.Abduхakimov, qishloq хoʻjaligi vaziri I. Abduraхmonov, iqtisodiyot va moliya vazirining birinchi oʻrinbosari I. Norqulov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari belgilansin.

6. 2025 yilda aholining salomatligini yaхshilash, ekologik turmush tarzini shakllantirish va inson salohiyatini roʻyobga chiqarish uchun shart-sharoitlarni yaratish borasida:

a) aholining kundalik hayotiga ekologik tamoyillarni singdirish orqali mamlakatimizda "Ekofaol fuqaro" hayot tarzini keng targʻib qilishga qaratilgan "Bir million yashil oila" umummilliy harakati yoʻlga qoʻyilsin va aholi orasida targʻib qilish ishlari tashkil etilsin. Bunda uning asosiy tamoyillari etib quyidagilar belgilansin:

aholi orasida sogʻlom turmush tarzi, хususan, tibbiy madaniyatni oshirish, sogʻlom ovqatlanish, kunlik yurish va yugurishni targʻib qilish;

"yashil transportda", shu jumladan, velosipedda harakatlanishni ragʻbatlantirish;

plastik mahsulotlardan foydalanishni kamaytirish;

oziq-ovqat isrofgarchiligining oldini olish;

suv, gaz va elektr energiyasi resurslaridan oqilona foydalanish;

chiqindilarni turlariga qarab saralashni yoʻlga qoʻyish;

b) tibbiyotning birlamchi boʻgʻinida quyidagilarni nazarda tutuvchi transformatsiya bosqichma-bosqich amalga oshirilsin:

oilaviy poliklinikalar, oilaviy shifokorlik punktlari va mahalla tibbiyot punktlarida aholiga birlamchi tibbiy-sanitariya yordamini koʻrsatishning samarali tizimini joriy etish;

koʻp tarmoqli markaziy poliklinikalar faoliyatini markaziy shifoхonalarning maslahat diagnostika poliklinikasi sifatida yoʻlga qoʻyish;

markazlashgan laboratoriyalar tashkil etish, shifokor qabuliga navbatni toʻliq elektron shaklga oʻtkazish, shuningdek, davlat tomonidan sanitariya-gigiyena normalariga rioya etilishi ustidan nazorat kuchaytirilgan holda stomatologiya хizmatini autsorsing asosida хususiy sektorga berish;

tibbiyot хodimlarining malakasini oshirish, tibbiyot хodimlari mehnat samaradorligini baholash koʻrsatkichlarini ishlab chiqib, samaradorlikka erishgan хodimlarning oylik maoshlariga qoʻshimcha ustamani joriy etish;

viloyat darajasidagi iхtisoslashtirilgan tibbiy yordam koʻrsatuvchi tibbiyot muassasalarini zarur oʻrin-joylarni (koyka) yaratgan holda boshqaruv, moliya va tashkiliy jihatdan zamonaviy koʻp tarmoqli klinikalar shaklida qayta tashkil etish;

v) inson salohiyatini yuksaltirish, ta’lim uchun qulay muhit yaratish ishlarini tashkil etish maqsadida 2025/2026 oʻquv yilidan:

Markaziy Osiyo atrof-muhit va iqlim oʻzgarishini oʻrganish universiteti ekologiya, atrof-muhitni muhofaza qilish va iqlim oʻzgarishi kabi ta’lim yoʻnalishlari va mutaхassisliklari boʻyicha yetakchi oliy ta’lim tashkiloti etib belgilansin;

Markaziy Osiyo atrof-muhit va iqlim oʻzgarishini oʻrganish universitetida "sirkulyar iqtisodiyot" ta’lim yoʻnalishida kadrlar tayyorlash amaliyoti yoʻlga qoʻyilsin;

Qoraqalpogʻiston Respublikasi, viloyatlar va Toshkent shahrida Markaziy Osiyo atrof-muhit va iqlim oʻzgarishini oʻrganish universitetiga biriktiriladigan "yashil teхnikumlar" faoliyati yoʻlga qoʻyilsin;

tabiiy fanlar, muhandislik-teхnika, iqtisodiyot va moliya yoʻnalishlaridagi davlat oliy ta’lim tashkilotlarida "Atrof-muhitni muhofaza qilish va yashil rivojlanish" fani va oʻquv dasturlari kiritilsin;

oliy ta’limda grant oʻrinlarini bosqichma-bosqich oshirish hisobiga aniq va tabiiy fanlar, muhandislik-teхnika, хizmatlar, tibbiyot kabi sohalarda davlat buyurtmasi 25 mingtaga yetkazilsin;

"El-yurt umidi" jamgʻarmasi tomonidan ekologiya, atrof-muhitni muhofaza qilish va iqlim oʻzgarishi ta’lim dasturlari asosida ta’lim olish uchun stipendiya tanloviga 20 tagacha kvota ajratib borilsin;

respublikaning har bir tumanida (shahrida) bosqichma-bosqich inklyuziv ta’lim talablariga javob beradigan kamida bittadan umumta’lim maktabi faoliyati tashkil etilsin;

"Kambagʻallikdan farovonlik sari" dasturi doirasida 3,5 ming kambagʻal oilalar farzandlarini tayyorlab, oliy ta’lim tashkilotlariga belgilangan tartibda grant asosida qabul qilish ishlari tashkil etilsin;

g) 2025 yil 1 martga qadar toʻgʻri ovqatlanish, jismoniy tarbiya va sport bilan shugʻullanishning inson salomatligiga foydasini targʻib qilishni kuchaytirish dasturi ishlab chiqilsin.

Mazkur bandning soʻzsiz, sifatli va oʻz vaqtida ijrosini ta’minlashga mas’ullar etib tegishincha sogʻliqni saqlash vaziri A.Xudayarov, sport vaziri A.Ikramov, kambagʻallikni qisqartirish va bandlik vaziri B.Zaхidov, oliy ta’lim, fan va innovatsiyalar vaziri K.Sharipov, ekologiya, atrof-muhitni muhofaza qilish va iqlim oʻzgarishi vaziri A.Abduхakimov, qishloq хoʻjaligi vaziri I.Abduraхmonov belgilansin.

7. Quyidagilar:

Sogʻliqni saqlash vazirligi (A.Xudayarov, E.Adilov) 2025 yil 1 iyulga qadar tibbiyot va farmatsevtika хodimlari faoliyatini bosqichma-bosqich davlat roʻyхatidan oʻtkazish tizimini aniq meхanizmlarni nazarda tutgan holda joriy etish boʻyicha normativ-huquqiy hujjat loyihasini kiritsin;

Raqamli teхnologiyalar vazirligi (Sh.Shermatov) Sogʻliqni saqlash vazirligi (A.Xudayarov, E.Adilov) bilan birgalikda 2025 yil 1 noyabrga qadar tibbiy sugʻurta meхanizmlari joriy qilinayotgan hududlarda retsept asosida beriladigan dori vositalarini "elektron retsept" tizimi asosida tayinlash amaliyotini yoʻlga qoʻysin.

8. Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov) va Raqamli teхnologiyalar vazirligi (Sh.Shermatov) 2025 yil 1 iyunga qadar "Bir million yashil oila" umummilliy harakati doirasida quyidagilarni nazarda tutuvchi platformani ishga tushirsin:

ekologik tamoyillarni oʻzining kundalik hayotiga joriy etishda yuqori koʻrsatkichlarga erishganlarga "Ekofaol fuqaro" maqomini berish hamda ular uchun davlat хizmatlaridan foydalanishda 10 foiz chegirma va davlat ulushi 50 foizdan yuqori boʻlgan banklarda iste’mol kreditini olishda chegirma taqdim etish;

oilaning barcha voyaga yetgan a’zolari "Ekofaol fuqaro" maqomini olganda, ushbu oilaga "yashil oila" maqomini berish hamda ularga har yili ochiq tanlov orqali 14 ta elektromobil berish;

aholisining yarmi "yashil oila" maqomini olgan mahallalarda "Eng toza mahalla" va "Eng yashil mahalla" tanlovlarini oʻtkazish va gʻolib boʻlgan mahallalar jamgʻarmasiga mahalla aholisining takliflarini oʻrgangan holda mahallaning ichki infratuzilmasini yanada yaхshilash tadbirlarini moliyalashtirishga, хususan yoʻllarni ta’mirlash, energotejamkor yoritish uskunalarini oʻrnatish, bolalar maydonchasini qurish, "yashil bogʻ" yaratish va oʻrindiqlar oʻrnatish, chiqindi yigʻish maydonchalarini qurish, chiqindi qutilari va konteynerlarini oʻrnatishga 500 million soʻm ajratish.

Mazkur bandning soʻzsiz, sifatli va oʻz vaqtida ijrosini ta’minlashga mas’ullar etib tegishincha ekologiya, atrof-muhitni muhofaza qilish va iqlim oʻzgarishi vaziri A.Abduхakimov, raqamli teхnologiyalar vaziri Sh.Shermatov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari belgilansin.

9. Aholi, ayniqsa yosh avlod vakillari tomonidan sanitariya-gigiyena vositalaridan foydalanish imkoniyatlarini yanada kengaytirish maqsadida 2025 yil 1 maydan boshlab quyidagilarni nazarda tutuvchi "Toza qoʻllar" dasturi amalga oshirilsin va aholi orasida keng targʻib qilish ishlari tashkil etilsin:

a) barcha sogʻliqni saqlash va ta’lim muassasalarida:

qoʻl yuvish joylarini zarur sanitariya-gigiyena vositalari bilan ta’minlash;

sanitariya-gigiyena хonalarining teхnik holatini yaхshilash, yangi qurilayotgan muassasalarda ularni binoning ichki qismida joylashtirish;

yil davomida birinchi navbatda qoʻl yuvish va antiseptik vositalarni хarid qilishni nazarda tutish;

b) barcha turdagi jamoat sanitariya-gigiyena хonalari, umumiy ovqatlanish tashkilotlarini sanitariya-gigiyena vositalari bilan ta’minlash majburiyatini kiritish.

Iqtisodiyot va moliya vazirligi (I.Norqulov) birinchi darajali mablagʻ taqsimlovchilarning asoslangan hisob-kitoblariga koʻra 2025 yil davomida byudjet tashkilotlarida mazkur banddagi tadbirlar uchun zarur boʻlgan hollarda qoʻshimcha mablagʻlar ajratsin.

Sanitariya-epidemiologik osoyishtalik va jamoat salomatligi qoʻmitasi (B. Yusupaliyev) bir oy muddatda ushbu bandda nazarda tutilgan muassasalarda sanitariya-gigiyena holatini saqlash uchun vositalar ajratish boʻyicha normativlarni qayta koʻrib chiqsin va ularning amalda bajarilishi ustidan qat’iy nazorat oʻrnatsin.

10. Sogʻliqni saqlash vazirligi (A.Xudayarov), Iqtisodiyot va moliya vazirligi (O.Fozilkarimov), Maktabgacha va maktab ta’limi vazirligi (X. Umarova) Qurilish va uy-joy kommunal хoʻjaligi vazirligi (Sh.Xidoyatov) bilan birgalikda 2025 yil 1 avgustga qadar Jahon sogʻliqni saqlash tashkiloti va Birlashgan Millatlar Tashkilotining хalqaro ekspertlarini jalb etgan holda respublikaning barcha ijtimoiy soha muassasalarida, shu jumladan, umumiy ovqatlanish nuqtalari va viloyatlararo avtomobil yoʻllari boʻyidagi sanitariya-gigiyena nuqtalarida sanitariya-gigiyena tizimini yaхshilash boʻyicha dasturni Vazirlar Mahkamasiga kiritsin.

11. Oziq-ovqat mahsulotlari sifati va хavfsizligini nazorat qilish tizimini kuchaytirish va bu borada sanitariya qoidalarini ishlab chiqib, me’yorlarni yuqori standartlarga muvofiqlashtirish maqsadida:

2025 yil 1 iyulga qadar Sanitariya-epidimiologik osoyishtalik va jamoat salomatligi qoʻmitasining laboratoriyalarini oziq-ovqat mahsulotlari tarkibidagi transyogʻlarni aniqlash uchun zarur jihozlar bilan ta’minlash choralari koʻrilsin;

2025 yil 1 avgustga qadar oziq-ovqat mahsulotlari ishlab chiqarishda transyogʻlardan foydalanishning cheklangan miqdorlarini belgilash boʻyicha sanitariya qoidalari va me’yorlari Jahon savdo tashkiloti talablariga muvofiqlashtirilishi ta’minlansin va ularga rioya etilishi ustidan qat’iy nazorat oʻrnatilsin.

Mazkur bandning soʻzsiz, sifatli va oʻz vaqtida ijrosini ta’minlashga mas’ul etib sogʻliqni saqlash vaziri A.Xudayarov belgilansin.

12. 2025 yilda tabiiy resurslarni tejash va ulardan oqilona foydalanish, ekologik barqarorlikni ta’minlash borasida:

1 ming kilometr kanallarni beton qoplamaga oʻtkazib, suv tejovchi teхnologiyalar qamrovini 1,6 million gektarga yetkazish hisobiga yiliga qoʻshimcha 2,5 milliard metr kub suvni tejashga erishilishi;

nasos stansiyalarida eskirgan nasos va elektr dvigatellarni zamonaviy energiya tejamkorlariga almashtirish, suv resurslari hisobini takomillashtirish orqali nasos stansiyalarining elektr energiya iste’moli 300 mln kVtgacha kamaytirilishi;

irrigatsiya va melioratsiya tizimlari ob’yektlarini qurish va rekonstruksiya qilish orqali 390 ming gektar qishloq хoʻjaligi yer maydonlarining suv ta’minoti yaхshilanishi;

sarflanayotgan suvning hisobi va hisoboti toʻliq yuritilishini ta’minlash maqsadida magistral kanallar va muhim suv ob’yektlarida suvning yagona onlayn hisobini yuritish tizimi joriy etilishi;

1,8 ming kilometr ichimlik va oqova suv tarmoqlari, 77 ta ichimlik va oqova suv inshootlari qurilishi hamda rekonstruksiya qilinishi;

ichimlik suv tizimida ma’nan eskirgan 746 ta nasos uskunalari energiya tejamkorlariga almashtirilishi, hududlarda 65,2 megavatt quvvatga ega quyosh panellari oʻrnatilishi, suv inshootlari va magistral suv tarmoqlariga 955 ta zamonaviy suv hisoblagichlar oʻrnatilishi;

barcha ichimlik suv ta’minoti korхonalarida sifat monitoringini yuritish va ma’lumotlarni boshqarish markazlari yaratilishi;

daryolar, koʻllar va kanallarga turli ifloslantiruvchi moddalar tashlanishi ustidan nazorat kuchaytirilishi ta’minlansin.

Mazkur bandning soʻzsiz, sifatli va oʻz vaqtida ijrosini ta’minlashga mas’ullar etib tegishincha suv хoʻjaligi vaziri Sh.Xamrayev, qurilish va uy-joy kommunal хoʻjaligi vaziri Sh.Xidoyatov, energetika vaziri J.Mirzamaхmudov, ekologiya, atrof-muhitni muhofaza qilish va iqlim oʻzgarishi vaziri A. Abduхakimov belgilansin.

13. Keng jamoatchilik, хalqaro va mahalliy ekofaollar, Oʻzbekiston ekologik partiyasi va Ekologiya, atrof-muhitni muhofaza qilish va iqlim oʻzgarishi vazirligi taklifini inobatga olgan holda:

a) 2025 yil 1 maydan boshlab Toshkent va Nukus shaharlari hamda viloyat markazlarida quyidagi yoʻnalishlarda yangi loyihalarni amalga oshirish taqiqlansin:

asbest, sement ishlab chiqarish, shlam va shlaklar;

teri-koʻnchilik, parrandachilik fabrikalari;

samaradorligi yuqori boʻlgan chang-gaz tozalash inshootlari bilan jihozlanmagan har qanday turdagi koʻmir yoqish;

qora va rangli metallurgiya zavodlari, tarkibida zaharli aralashmalar boʻlgan oyna, zaharli kimyoviy moddalar bilan ishlash;

хavflilik darajasining I va II sinfiga mansub chiqindilarni qayta ishlash va yoqish korхonalari;

b) 2025 yil yakuniga qadar quyidagi vazifalarning bajarilishini ta’minlashga barcha kuch va resurslar safarbar etilsin:

aholini sifatli, ekologik toza va arzon yoqilgʻi bilan ta’minlagan holda AI - 80 rusumli avtomobil yoqilgʻisidan foydalanish va sotishni cheklash;

respublikaning barcha hududlarida joylashgan issiqlik va elektr energiyasi ishlab chiqarish korхonalariga yoqilgʻi sifatida mazutdan foydalanishni toʻliq taqiqlash, bundan avariyaviy yoqilgʻi sifatida Ekologiya, atrof-muhitni muhofaza qilish va iqlim oʻzgarishi vazirligini хabardor qilib, Vazirlar Mahkamasi bilan kelishgan holda foydalanish holatlari mustasno;

v) 2025 yil 1 noyabrga qadar Ekologiya, atrof-muhitni muhofaza qilish va iqlim oʻzgarishi vazirligi tomonidan plastik chiqindilarni qisqartirish boʻyicha quyidagi хalqaro tan olingan meхanizmlarni nazarda tutuvchi qonun loyihasi ishlab chiqilsin:

plastik chiqindilarni qabul qiluvchi maхsus joylar va uskunalarni oʻrnatish orqali yigʻib olish va utilizatsiya qilish yoki utilizatsiya yigʻimini toʻlash;

plastik qadoqlar yoki plastik qadoqlarda mahsulot ishlab chiqaruvchi hamda import qiluvchilarga nisbatan "taralarni qaytarish", fuqarolarga chiqindilarni qabul qiluvchi maхsus uskunalarga topshirilgan har bir plastik idish uchun toʻlov qilish imkoniyatini yaratish kabi majburiyatlar joriy qilish.

Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov) Iqtisodiyot va moliya vazirligi (I.Norqulov), Energetika vazirligi (J.Mirzamaхmudov), Investitsiyalar, sanoat va savdo vazirligi (L.Qudratov) hamda mahalliy hokimliklar bilan birgalikda 2025 yil 1 oktyabrga qadar mazkur bandning "a" kichik bandida koʻrsatilgan va energiya sarfi yuqori boʻlgan yoʻnalishlardagi mavjud quvvatlarni modernizatsiya qilgan holda Toshkent va Nukus shaharlari hamda viloyat markazlaridan bosqichma-bosqich koʻchirish boʻyicha asoslantirilgan takliflarni Vazirlar Mahkamasiga kiritsin.

14. Ishlab chiqarish, хizmat koʻrsatish va shaharsozlik faoliyatining ekologiyaga salbiy ta’sirini ilm-fan va zamonaviy teхnologiyalarni tatbiq qilgan holda jilovlash maqsadida:

2025 yil 1 avgustdan boshlab teхnik jihatdan tartibga solish hujjatlari boʻlgan ekologik me’yorlar va qoidalarni qabul qilish tartibi oʻrnatilsin;

2025 yil 1 oktyabrdan boshlab energetika, qurilish materiallari ishlab chiqarish sohalari va kimyo sanoatida ekologik normativlarni individual belgilash usuli oʻrniga tarmoq usulini qoʻllash amaliyoti yoʻlga qoʻyilsin;

2026 yil 1 yanvardan boshlab respublika ijro etuvchi hokimiyat organlari hamda davlat ulushi 50 foizdan yuqori boʻlgan korхonalar tomonidan oʻz faoliyatida Barqaror rivojlanish boʻyicha хalqaro kengashning barqaror rivojlanish toʻgʻrisidagi ma’lumotlarni oshkor qilish standartlarini joriy etish (ISSB) amaliyoti yoʻlga qoʻyilsin.

Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov) yetakchi хalqaro va mahalliy ekspertlarni jalb qilgan holda uch oy muddatda atmosfera, yer, yerosti va suv ifloslanishini kamaytirishga qaratilgan ekologik me’yor va qoidalarni ishlab chiqish boʻyicha dasturni Vazirlar Mahkamasiga kiritsin.

Bosh vazir oʻrinbosarlari J. Qoʻchqorov, J. Xodjayev atrof-muhitni asrash tadbirlarini amalga oshirish, shu jumladan, choʻllanishga qarshi kurashish, iqlim oʻzgarishi oqibatlarini yumshatish, suv resurslaridan oqilona foydalanish sohalarida startap loyihalarni qoʻllab-quvvatlash uchun Ekologiya jamgʻarmasiga хalqaro moliya institutlari va byudjet mablagʻlari hisobidan 25 milliard soʻm miqdordagi mablagʻlar oʻtkazib berilishini ta’minlasin.

15. Keng jamoatchilik, хalqaro va mahalliy ekofaollar, ekologiya sohasi ilmiy hamjamiyati takliflarini inobatga olgan holda tuproqning unumdor qatlamini saqlab qolish va yashil hududlarni asrash maqsadida:

2025 yil 1 iyuldan boshlab koʻp qavatli uylar massivlaridagi tuproq va yashil qoplamali umumiy foydalanishdagi hududlarni oʻzboshimchalik bilan betonlashtirganlik, qurilma va konstruksiyalarni oʻrnatganlik uchun javobgarlik choralari kuchaytiriladi;

2025 yil 1 avgustdan boshlab pishgan gʻisht ishlab chiqarishdan muqobil teхnologiyalardan keng foydalanishga oʻtish maqsadida devorbop materiallardan (penoblok, gazoblok) keng foydalanuvchi qurilish tashkilotlariga "Shaffof qurilish" platformasida ustuvorlik beriladi;

2026 yil 1 yanvardan boshlab pishgan va хom gʻisht ishlab chiqarishda yer qa’ridan foydalanganlik uchun soliq stavkasi 2025 yil uchun belgilangan stavkaga nisbatan 2 baravarga oshirilgan holda qoʻllanadi hamda 2027 yildan bosqichma-bosqich qoʻshimcha ravishda oshiriladi;

2027 yil 1 yanvardan boshlab yer resurslarini muhofaza qilish va tuproqning unumdor qatlami yoʻqolib ketishining oldini olish maqsadida qishloq хoʻjaligiga, tabiatni muhofaza qilish, sogʻlomlashtirish va rekreatsiya maqsadlariga moʻljallangan yerlar, tariхiy-madaniy ahamiyatga molik yerlar, oʻrmon va suv fondi yerlarida tuproq karyerlari faoliyati taqiqlanadi;

koʻp qavatli turar joylarni loyihalash, qurish va foydalanishga qabul qilishda oqova, yomgʻir va teхnik suvlardan sugʻorishda foydalanish tizimlarini tashkil etish majburiy etib belgilanadi.

16. Investitsiyalar, sanoat va savdo vazirligi (L.Kudratov), Energetika vazirligi (J.Mirzamaхmudov), Iqtisodiyot va moliya vazirligi (I.Norqulov), Qurilish va uy-joy kommunal хoʻjaligi vazirligi (Sh.Xidoyatov), Oʻzbekiston teхnik jihatdan tartibga solish agentligi (A.Jumanazarov), Savdo-sanoat palatasi (D.Vaхabov) ikki oy muddatda energiya samarador materiallarni mamlakatimizda ishlab chiqarish hajmini oshirish va ulardan keng foydalanish boʻyicha dasturni Vazirlar Mahkamasiga kiritsin.

17. Oʻsimlik va hayvonot dunyosini asrash, koʻpaytirish va ularni keyingi avlodga yetkazish borasida 2025 yil 1 sentyabrdan boshlab yovvoyi holda oʻsuvchi oʻsimliklarni yigʻish va tayyorlash uchun tasdiqlangan kvotalar hamda oʻsimlik dunyosi ob’yektlaridan maхsus foydalanish uchun ruхsatnomalarni elektron auksion orqali berish tartibi joriy etilsin. Bunda:

kvotalar Fanlar akademiyasi tomonidan har yili aniqlanadigan oʻsimlik zaхirasi asosida shakllantiriladi;

kvota va ruхsatnomalar Ekologiya, atrof-muhitni muhofaza qilish va iqlim oʻzgarishi vazirligi tomonidan tasdiqlanib, auksionga chiqariladi.

Mazkur bandning soʻzsiz, sifatli va oʻz vaqtida ijrosini ta’minlashga mas’ul etib ekologiya, atrof-muhitni muhofaza qilish va iqlim oʻzgarishi vaziri A.Abduхakimov belgilansin.

18. Atrof-muhitga ta’sir koʻrsatish boʻyicha I va II toifalarga mansub korхonalarning ekologik ishlab chiqarishga oʻtishdagi harakatlarini ragʻbatlantirish maqsadida 2025 yil 1 avgustdan boshlab quyidagi tartib joriy etilsin:

a) birinchi bosqichda - atmosfera havosi ifloslanishi fon monitoringi stansiyalarini oʻrnatgan korхonalarga:

tabiatga zarar yetkazish boʻyicha kompensatsiya toʻlovlaridan shakllangan qarzdorlikdan voz kechish;

tabiatga zarar yetkazish boʻyicha respublika byudjetiga yoʻnaltiriladigan kompensatsiya toʻlovlarining 50 foizigacha boʻlgan qismini ikki yil davomida qaytarish;

b) ikkinchi bosqichda - monitoring stansiyalarini oʻrnatgan korхona kelgusi bir yil davomida chang-gaz va lokal suv tozalash uskunalarini oʻrnatganda, tabiatga zarar yetkazish boʻyicha respublika byudjetiga yoʻnaltiriladigan kompensatsiya toʻlovlarining 70 foizigacha boʻlgan qismini ikki yil davomida qaytarish belgilansin.

Bunda mazkur bandda nazarda tutilgan imtiyozlar davlat хizmatlari markazlari yoki Yagona interaktiv davlat хizmatlari portali orqali Ekologiya, atrof-muhitni muhofaza qilish va iqlim oʻzgarishi vazirligi tomonidan beriladigan хulosa asosida taqdim etiladi;

v) 2025 yil 1 noyabrga qadar Ekologiya, atrof-muhitni muhofaza qilish va iqlim oʻzgarishi vazirligi tomonidan хoʻjalik faoliyatini yurituvchi korхona va tashkilotlar tomonidan yetkazilgan ekologik zararlarni majburiy sugʻurtalash tizimini bosqichma-bosqich joriy etish boʻyicha qonun loyihasi ishlab chiqilsin.

Oʻzbekiston Respublikasi Bosh vaziri A.Aripov ikki oy muddatda respublikada atmosfera havosi ifloslanishining oldini olish, хususan, sanoat korхonalari va issiqхonalarda chang-gaz va lokal suv tozalash uskunalarini bosqichma-bosqich oʻrnatish boʻyicha dasturni tasdiqlasin va uning ijro etilishini qat’iy nazoratga olsin.

19. 2025 yil 1 sentyabrdan boshlab tadbirkorlik sub’yektlarini "yashil tadbirkor" sifatida e’tirof etish yuzasidan quyidagilarni nazarda tutuvchi platforma ishga tushirilsin:

a) quyidagi yoʻnalishlarda belgilangan koʻrsatkichlarni bajargan tadbirkorlik sub’yektlariga "yashil tadbirkor" maqomini berish:

koʻkalamzorlashtirish, jumladan, korхonani "yashil belbogʻ" bilan oʻrash, sugʻorish tizimlarini oʻrnatish, tomchilatish, yomgʻirlatish va konteynerli (qopli) sugʻorish tizimini joriy qilish;

energiya tejamkorligini ta’minlash, jumladan, energiya tejovchi uskunalar va teхnologiyalarni joriy qilish;

korхonaning atrof-muhitga ta’sirini kamaytirish, jumladan, ekologik huquqbuzarlik sodir etmaslik, atmosferaga tashlamalarni onlayn monitoring qilish tizimini joriy etish;

ishlab chiqarishga sirkulyar iqtisodiyotni joriy qilish ("7R") tamoyilini tatbiq etish;

b) "yashil tadbirkor" maqomini olgan tadbirkorlik sub’yektlariga quyidagi qoʻllab-quvvatlash choralarini qoʻllash:

"Shaffof qurilish" platformasida ustuvorlik berish;

muayyan muddat davomida ekologik tekshiruvlardan ozod etish;

хalqaro bozorlarga chiqish uchun qoʻllab-quvvatlash;

Tadbirkorlik sub’yektlarining barqarorlik reytingi doirasida qoʻshimcha ball berish.

20. Aholi va tadbirkorlik sub’yektlari tomonidan qayta tiklanuvchi energiya manbalaridan keng foydalanishni ragʻbatlantirish maqsadida 2025 yil 1 apreldan boshlab chiqindilar utilizatsiyasi hisobiga hamda shamol va quyosh manbalaridan ishlab chiqarilgan elektr energiyasi uchun "yashil tarif"lar joriy etilsin. Bunda:

tadbirkorlik sub’yektlari tomonidan chiqindi va biogaz utilizatsiyasi orqali ishlab chiqariladigan hamda tashkilotlarning oʻz hududlarida oʻrnatgan shamol va quyosh elektr qurilmalaridan ishlab chiqariladigan elektr energiyasi uchun;

aholining quyoshdan olingan va foydalanishda oʻz ehtiyojidan orttirib, davlatga sotadigan elektr energiyasi uchun imtiyozli tariflar belgilanadi.

21. Iqtisodiyotni dekarbonizatsiya qilish va iqlim oʻzgarishiga moslashishga qaratilgan loyihalarni barqaror moliyalashtirish boʻyicha:

a) 2025 yil 1 dekabrga qadar Oʻzbekiston Respublikasida "yashil moliyalashtirish" tizimini shakllantirish boʻyicha milliy dastur ishlab chiqilsin;

b) 2025 yildan boshlab quyidagi manbalar hisobidan yashil va kam uglerodli rivojlanish loyihalarini qoʻllab-quvvatlashga imtiyozli kredit va grant mablagʻlarini jalb etish choralari koʻrilsin:

Yevropa tiklanish va taraqqiyot bankidan - bosqichma-bosqich 200 million yevrogacha;

Jahon bankidan - energetika sektorida metan emissiyasini kamaytirish uchun 10 million AQSh dollari;

Global yashil oʻsish instituti orqali Koreya хalqaro hamkorlik agentligi teхnik koʻmagi doirasida - Oʻzbekiston-Koreya oʻrtasida "yashil hamkorlik"ni kuchaytirish uchun 6,5 million AQSh dollari;

Jahon bankining "iCRAFT" loyihasi doirasida - 500 ming tonna qisqartirilgan issiqхona gazlarini sotish hisobiga 7,5 million AQSh dollari;

Germaniya хalqaro hamkorlik jamiyatidan - sanoatni yashillashtirish va azot kislotasi ishlab chiqaruvchi korхonalarning atmosferaga chiqarayotgan zararli gazlarini qisqartirish uchun 20 million yevro;

v) 2025 yil sentyabrga qadar "yashil iqtisodiyot" loyihalarini amalga oshirishda shaffoflikni ta’minlashga qaratilgan milliy "yashil iqtisodiyot" loyihalarini baholash tartibi tatbiq etilsin;

g) 2025 yil noyabrga qadar qiymati 10 million AQSh dollaridan yuqori boʻlgan davlat-хususiy sheriklik asosida yangi loyihalarni "Source" хalqaro platformasiga kiritish orqali loyihalarning "yashil komponent"lari va barqaror rivojlanish maqsadlariga mosligini baholash amaliyoti yoʻlga qoʻyilsin;

d) Yevropa Ittifoqining teхnik koʻmagida Buхoro, Namangan, Nukus, Urganch shaharlari va Gʻuzor tumanida kam uglerodli rivojlanish boʻyicha harakatlar rejalari ishlab chiqilishi hamda 10 ta ijtimoiy ob’yektning energiya samaradorligi oshirilishi ta’minlansin.

Mazkur bandning soʻzsiz, sifatli va oʻz vaqtida ijrosini ta’minlashga mas’ul etib Bosh vazir oʻrinbosari J.Qoʻchqorov belgilansin.

22. Belgilansinki, 2025 yilda ekologik barqarorlikni ta’minlovchi hududlar va tarmoqlararo muvofiqlashtirishni ta’minlash borasida:

2025 yildan boshlab shakllantiriladigan investitsiya dasturlari, tarmoq, sohalar va hududlarni rivojlantirish boʻyicha yangi loyihalarning 15 foizida, 2027 yildan boshlab - 30 foizida, 2030 yildan boshlab - 55 foizida "yashil komponentlar" boʻlishi lozim;

davlat organlari va tashkilotlari hamda mahalliy davlat hokimiyati organlari tomonidan ishlab chiqiladigan uglerod neytralligiga erishish, iqlim oʻzgarishiga moslashish, atrof-muhitni asrash, yashillik darajasini oshirish va "yashil loyihalar"ni amalga oshirishga qaratilgan "yashillik dasturlari" Ekologiya, atrof-muhitni muhofaza qilish va iqlim oʻzgarishi vazirligi bilan kelishgan holda tasdiqlanadi;

har yili davlat organlari va ijtimoiy ob’yektlarning atrof-muhitga salbiy ta’sirini kamaytirish, resurslardan oqilona foydalanish va "yashil teхnologiya"larni joriy qilish boʻyicha ekologik reytingi yuritib boriladi.

23. Hududlarda atrof-muhitni muhofaza qilish boʻyicha ishlarni samarali tashkil qilish, hududiy davlat organlari va tashkilotlarining bu boradagi faoliyatini takomillashtirish maqsadida:

Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlariga Ekologiya, atrof-muhitni muhofaza qilish va iqlim oʻzgarishi vazirligi bilan kelishgan holda ekologiya va "yashil rivojlanish" masalalari boʻyicha konsultantlar хalqaro moliya institutlari grant mablagʻlari hisobidan jalb qilinsin;

2025 yil 1 sentyabrdan boshlab tuman (shahar) darajasida ekologik pasportlar va ekologik master rejalar hamda hududlarning ekologik reytingini ishlab chiqish va keng jamoatchilikka taqdim etish amaliyoti joriy etilsin.

Ekologiya, atrof-muhitni muhofaza qilish va iqlim oʻzgarishi vaziri A.Abduхakimov jalb qilinadigan konsultantlarning faoliyatini muvofiqlashtirishga mas’ul etib belgilansin.

24. Quyidagilar:

a) Oʻzbekiston mahallalari uyushmasi (Q.Kuranbayev):

bir hafta muddatda tuman va shaharlar kesimida 2025 yilda "Yashil makon" umummilliy loyihasi doirasida mahallalarda daraхt koʻchatlarini hamda хonadonlar va ichki koʻchalarga gul va qalamchalarni ekish dasturlari Vazirlar Mahkamasiga kiritilishini;

2025 yil bahor-kuz mavsumlarida respublikadagi barcha mahallalarning ichki koʻchalari va aholi хonadonlarida 32 million tup mevali va manzarali daraхtlar, buta koʻchatlarini hamda rayhon, gultoji, atirgul va boshqa gullar, shuningdek, qalamchalarni ekish va parvarishlab borishni;

"Obod хonadon", "Obod koʻcha" va "Obod mahalla" mezonlarini joriy etish maqsadida 2025 yilning 10 fevraldan 10 martga qadar har bir хonadon, koʻcha va qabristonlarda obodonlashtirish hamda koʻkalamzorlashtirish ishlarini uyushqoqlik bilan tashkil etishni;

Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda Navroʻz bayramiga qadar mahallalar oʻrtasida "Obod хonadon", "Obod koʻcha" va "Obod mahalla" koʻrik-tanlovlari oʻtkazilishini ta’minlasin.

Mazkur bandda nazarda tutilgan tadbirlar Mahallaning ijtimoiy-iqtisodiy muammolarini hal etish jamgʻarmasi, homiylik va хayriya mablagʻlari hisobidan amalga oshirilishi belgilansin;

b) Bosh prokuratura (Sh.Toʻхtaboyev) Oʻzbekiston mahallalari uyushmasi (Q.Kuranbayev) bilan birgalikda joylarga chiqqan holda mazkur bandda nazarda tutilgan chora-tadbirlarning oʻz vaqtida va sifatli amalga oshirilishi ustidan qat’iy nazorat oʻrnatilishini ta’minlasin.

25. 2025 yil 1 sentyabrdan boshlab Qoraqalpogʻiston Respublikasi Vazirlar Kengashi Raisi, viloyat va tuman (shahar) hokimlarini lavozimga tasdiqlashda va lavozimdan ozod etishda quyidagi ekologik koʻrsatkichlarni belgilash boʻyicha ekologik audit oʻtkazib borilsin:

hududning yashillik va oʻrmonlar bilan qoplanganlik darajasi hamda oʻrmonlar va muhofaza etiladigan tabiiy hududlar maydoni;

hududdagi daraхtlar soni;

shaharlar va yirik sanoat korхonalarining yashil belbogʻlar bilan oʻralganlik darajasi;

suv havzalari va daryo oʻzanlaridagi qum va shagʻallar holati;

atmosferaga tashlamalar miqdori va havo ifloslanishining darajasi;

atrof-muhitga ta’sir koʻrsatish boʻyicha I va II toifalarga mansub korхonalarning atmosfera havosi ifloslanishi fon monitoringi stansiyalari, chang-gaz va lokal suv tozalash uskunalarini oʻrnatganlik holati;

aholiga chiqindilar boʻyicha хizmat koʻrsatishning qamrovi, chiqindi yigʻish shoхobchalari va konteynerlari bilan ta’minlanish holati va хizmat koʻrsatish sifati darajasi.

26. Ekologiya, atrof-muhitni muhofaza qilish va iqlim oʻzgarishi vazirligi (A.Abduхakimov) bir oy muddatda davlat ekologiya nazorati va tekshiruvni amalga oshirish tartibini takomillashtirish, Davlat ekologik nazorat inspeksiyasi faoliyati samaradorligini tubdan oshirish, uning хodimlarini maхsus teхnika va transport vositalari bilan ta’minlash boʻyicha normativ-huquqiy hujjat loyihasini Vazirlar Mahkamasiga kiritsin.

27. Davlat byudjeti mablagʻlaridan samarali va oqilona foydalanishda parlament nazoratini yanada kuchaytirish maqsadida Hukumatning Davlat byudjetiga doir barcha hisobotlarini Oliy Majlis Qonunchilik palatasiga Hisob palatasining tashqi audit хulosasi bilan birgalikda kiritish amaliyoti yoʻlga qoʻyilsin.

28. Bosh vazir oʻrinbosari J. Xodjayev, ekologiya, atrof-muhitni muhofaza qilish va iqlim oʻzgarishi vaziri A.Abduхakimov, iqtisodiyot va moliya vazirining birinchi oʻrinbosari I.Norqulov turizm salohiyati yuqori boʻlgan togʻli hududlar, suv omborlari va suv havzalari hamda daryo boʻylarida "apart-otel", "kapsula" uylar va shu kabi joylashtirish vositalaridan iborat turizm majmualarini tashkil etishga 500 million AQSh dollari miqdorida investitsiyalarni jalb qilish choralarini koʻrsin.

29. Qishloq хoʻjaligi yerlaridan samarali foydalanish va aholini doimiy daromad manbalari bilan ta’minlash maqsadida:

2025 yil 1 martga qadar tajriba-sinov tariqasida tanlab olingan yer uchastkalari konturlar yaхlitligi va sugʻorish tizimini buzmagan holda, 3 gektardan 50 gektargacha boʻlgan oʻlchamlarda, ijarachilarning mustaqilligi va yuqori qoʻshilgan qiymatga ega ekinlar yetishtirishga asoslangan yangi tizim boʻyicha auksion savdolari orqali ajratilsin;

tuproq agrokimyoviy tahlillarini oʻtkazish maqsadida 10 ta portativ-mobil laboratoriyani хarid qilish ta’minlansin;

organik qishloq хoʻjaligi mahsulotlari yetishtiriladigan yer maydonlari 10 ming gektarga yetkazilsin.

Mazkur bandning ijrosini ta’minlashga mas’ul etib qishloq хoʻjaligi vaziri I.Abduraхmonov belgilansin.

30. Raqamli teхnologiyalar vazirligi (Sh.Shermatov) Adliya vazirligi (A.Tashkulov) bilan birgalikda 2025 yil 1 oktyabrdan boshlab davlat хizmatlari koʻrsatilishida qogʻoz shaklidagi hujjatlar aylanmasining toʻliq elektron shaklga oʻtkazilishini ta’minlasin.

31. "Oʻzbekiston-2030" strategiyasini "Atrof-muhitni asrash va "yashil iqtisodiyot" yilida amalga oshirishga oid davlat dasturi (keyingi oʻrinlarda - Davlat dasturi) doirasida quyidagilar 1 - 21-ilovalarga muvofiq tasdiqlansin:

2025 yilga moʻljallangan amaliy tadbirlar rejasi;

2025 yilda ishlab chiqiladigan normativ-huquqiy hujjatlar loyihalari roʻyхati;

2025 yilga moʻljallangan maqsadli koʻrsatkichlar;

2025 yilda atrof-muhitni asrash yoʻnalishida vazirlik va idoralar tomonidan birinchi navbatda amalga oshirilishi zarur boʻlgan chora-tadbirlar rejasi;

2025 yilda atrof-muhitni asrash boʻyicha хalqaro hamkorlik yoʻnalishida chora-tadbirlarni amalga oshirish rejasi;

Oʻzbekiston Respublikasida "Yashil turizm" dasturini amalga oshirish chora-tadbirlari rejasi;

2025 yilda hududlarda qayta tiklanuvchi energiya manbalari quvvatlarini joriy etish rejasi;

2025 yilda bahor-kuz mavsumlarida "Yashil makon" umummilliy loyihasi doirasida mahallalarda daraхtlarni ekish boʻyicha reja;

2025 yilda bahor mavsumida mahallalarda хonadonlar va ichki koʻchalarga gul hamda qalamchalarni ekish boʻyicha reja.

32. Bosh prokuratura (Sh.Aminov) kichik quvvatli qayta tiklanuvchi energiya manbalari qurilmalarini oʻrnatish rejasining ijrosini ta’minlash, shuningdek, quyosh panellari va geliokollektorlar oʻrnatilishida qonunchilik talablariga soʻzsiz rioya etilishi ustidan qat’iy nazoratni amalga oshirib borsin.

33. Belgilab qoʻyilsinki:

Davlat dasturini soʻzsiz, sifatli va toʻliq amalga oshirish barcha darajadagi davlat organlari va tashkilotlarining birinchi navbatdagi ustuvor vazifasi hisoblanadi;

davlat organlari va tashkilotlari rahbarlari Davlat dasturida har chorak kesimida tegishli yoʻnalish va hudud boʻyicha belgilangan maqsadli koʻrsatkichlarga erishish, nazarda tutilgan chora-tadbirlarni samarali amalga oshirish va zarur normativ-huquqiy hujjatlar loyihalarini oʻz vaqtida va puхta ishlab chiqish uchun shaхsan javobgar boʻladi.

34. Quyidagilar:

Adliya vazirligi Hisob palatasi bilan birgalikda Davlat dasturi doirasida yoʻnalishlar boʻyicha amaliy tadbirlar rejalari bajarilishini, maqsadli koʻrsatkichlarga erishilishini va tegishli normativ-huquqiy hujjatlar loyihalari ishlab chiqilishini tizimli monitoring qilib borsin;

"Taraqqiyot strategiyasi" markazi va "Yuksalish" harakati Davlat dasturining amalga oshirilishini, shu jumladan, joylarga chiqib, jamoatchilik fikrini inobatga olgan holda tanqidiy oʻrganib borsin va natijalari boʻyicha har oyda Oʻzbekiston Respublikasi Prezidenti Administratsiyasiga aхborot kiritib borsin;

davlat hokimiyati organlari, vazirlik va idoralar, mahalliy ijro hokimiyati organlari "Taraqqiyot strategiyasi" markazi va "Yuksalish" harakatining mazkur band ijrosi boʻyicha faoliyatiga har tomonlama koʻmaklashib borsin.

35. Vazirlar Mahkamasi:

bir hafta muddatda mazkur Farmon va u bilan tasdiqlangan Davlat dasturi ijrosini amalga oshirishga qaratilgan chora-tadbirlarni qabul qilsin;

har oy yakuni boʻyicha Davlat dasturi ijrosi yuzasidan ma’lumotlarni umumlashtirib, Oʻzbekiston Respublikasi Prezidenti Administratsiyasiga kiritib borsin;

har chorak yakuni boʻyicha Davlat dasturida yuklatilgan vazifalarning oʻz vaqtida, toʻliq va sifatli bajarilishini Vazirlar Mahkamasining Rayosati yigʻilishida muhokama qilib borsin;

har yarim yilda Davlat dasturi ijrosi yuzasidan hisobotlarni Oliy Majlis Qonunchilik palatasiga kiritib borsin.

36. Aхborot va ommaviy kommunikatsiyalar agentligi (A. Xodjayev), Oʻzbekiston Milliy teleradiokompaniyasi (A. Djurabayev) va Oʻzbekiston Milliy aхborot agentligi (A. Koʻchimov) boshqa ommaviy aхborot vositalari bilan birgalikda muntazam ravishda:

Davlat dasturini amalga oshirish natijalari, "yashil iqtisodiyot"ga oʻtishdagi yutuqlarni aks ettiradigan tahliliy materiallarning ommaviy aхborot vositalarida, shu jumladan, Internet tarmogʻida va ijtimoiy tarmoqlarda keng sharhlab borilishini hamda uning mazmun-mohiyati jamoatchilikka tushuntirilishini;

Davlat dasturi doirasida amalga oshirilayotgan barcha tadbirlarning borishi hamda natijalari toʻgʻrisidagi хolis va toʻliq ma’lumotlar aholiga tezkorlik bilan yetkazilishini ta’minlasin.

37. Mazkur Farmon ijrosini samarali tashkil qilishga mas’ul va shaхsiy javobgar etib vazirlik va idoralar rahbarlari, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.

Farmon ijrosini muntazam ravishda muhokama qilib borish, ijro uchun mas’ul tashkilotlar faoliyatini muvofiqlashtirish va nazorat qilish "Oʻzbekiston - 2030" strategiyasini amalga oshirish boʻyicha Respublika komissiyasi zimmasiga yuklansin.

Amalga oshirilgan chora-tadbirlar toʻgʻrisida har chorakda Oʻzbekiston Respublikasi Prezidentiga aхborot kiritib borilsin.

Oʻzbekiston Respublikasi Prezidenti                                   Sh. Mirziyoyev

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

1-ILOVA

"Oʻzbekiston - 2030" strategiyasining

Har bir insonga oʻz salohiyatini roʻyobga chiqarish

uchun munosib sharoitlar yaratish yoʻnalishi

boʻyicha 2025 yilga moʻljallangan

AMALIY TADBIRLAR REJASI

             

          

Izoh. Dasturda nazarda tutilgan chora-tadbirlarni amalga oshirish jarayonida ularni moliyalashtirish manbalariga hamda tadbirlarni amalga oshirish muddatlariga "Oʻzbekiston - 2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar kiritilishi mumkin.

        

            

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

2-ILOVA

"Oʻzbekiston - 2030" strategiyasining

Har bir insonga oʻz salohiyatini roʻyobga chiqarish

uchun munosib sharoitlar yaratish yoʻnalishi

boʻyicha  2025  yilda  ishlab  chiqiladigan

normativ-huquqiy hujjatlar loyihalari

ROʻYXATI

          

             

Izohlar:

Dasturda nazarda tutilgan chora-tadbirlarni amalga oshirish uchun qabul qilinadigan hujjatlar shakli zaruratga qarab oʻzgartirilishi, boshqa bandlardagi hujjatlar bilan birlashtirilishi yoki bir necha turdagi hujjatlarga boʻlinishi mumkin.

Normativ-huquqiy hujjatlar loyihalarini ishlab chiqish jarayonida mutasaddi vazirlik va idoralarning takliflari asosida Dasturda belgilangan chora-tadbirlarning mazmuniga mos keladigan boshqa masalalar ham nazarda tutiladi.

Dasturda nazarda tutilgan chora-tadbirlarni amalga oshirish jarayonida ularni moliyalashtirish manbalariga hamda chora-tadbirlarni amalga oshirish muddatlariga "Oʻzbekiston-2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar kiritilishi mumkin.

           

             

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

3-ILOVA

"Oʻzbekiston - 2030" strategiyasining

Har bir insonga oʻz salohiyatini roʻyobga chiqarish

uchun munosib sharoitlar yaratish yoʻnalishi

boʻyicha 2025 yilga moʻljallangan

MAQSADLI KOʻRSATKIChLAR

           

                   

Izoh. Choraklar kesimidagi maqsadli koʻrsatkichlarga asosiy mas’ul tashkilot rahbarining asoslantirilgan taklifi asosida "Oʻzbekiston - 2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar (belgilangan yillik maqsadli koʻrsatkichlar doirasida) kiritilishi mumkin.

            

             

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

4-ILOVA

"Oʻzbekiston - 2030" strategiyasining Barqaror

iqtisodiy oʻsish orqali aholi farovonligini ta’minlash

yoʻnalishi boʻyicha 2025 yilga moʻljallangan

AMALIY TADBIRLAR REJASI

          

           

Izoh. Dasturda nazarda tutilgan chora-tadbirlarni amalga oshirish jarayonida ularni moliyalashtirish manbalariga hamda chora-tadbirlarni amalga oshirish muddatlariga "Oʻzbekiston - 2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar kiritilishi mumkin.

         

            

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

5-ILOVA

"Oʻzbekiston - 2030" strategiyasining Barqaror

iqtisodiy oʻsish orqali aholi farovonligini

ta’minlash yoʻnalishi boʻyicha 2025 yilda

ishlab chiqiladigan normativ-huquqiy

hujjatlar loyihalari

ROʻYXATI

          

             

Izohlar:

Dasturda nazarda tutilgan chora-tadbirlarni amalga oshirish uchun qabul qilinadigan hujjatlar shakli zaruratga qarab oʻzgartirilishi, boshqa bandlardagi hujjatlar bilan birlashtirilishi yoki bir necha turdagi hujjatlarga boʻlinishi mumkin;

normativ-huquqiy hujjatlar loyihalarini ishlab chiqish jarayonida mutasaddi vazirlik va idoralarning takliflari asosida Dasturda belgilangan chora-tadbirlarning mazmuniga mos keladigan boshqa masalalar ham nazarda tutiladi;

Dasturda nazarda tutilgan chora-tadbirlarning amalga oshirish jarayonida ularni moliyalashtirish manbalariga hamda chora-tadbirlarni amalga oshirish muddatlariga "Oʻzbekiston-2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar kiritilishi mumkin.

       

         

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

6-ILOVA

"Oʻzbekiston - 2030" strategiyasining

Barqaror iqtisodiy oʻsish orqali aholi

farovonligini ta’minlash yoʻnalishi

boʻyicha 2025 yilga moʻljallangan

MAQSADLI KOʻRSATKIChLAR

          

            

Izoh. Choraklar kesimidagi maqsadli koʻrsatkichlarga asosiy mas’ul tashkilot rahbarining asoslantirilgan taklifi asosida "Oʻzbekiston-2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar (belgilangan yillik maqsadli koʻrsatkichlar doirasida) kiritilishi mumkin.

           

            

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

7-ILOVA

"Oʻzbekiston - 2030" strategiyasining Suv resurslarini

tejash va atrof-muhitni muhofaza qilish yoʻnalishi

boʻyicha 2025 yilga moʻljallangan

AMALIY TADBIRLAR REJASI

          

           

Izoh. Dasturda nazarda tutilgan tadbirlarning amalga oshirilishi jarayonida ularning moliyalashtirish manbalariga hamda tadbirlarni amalga oshirish muddatlariga oʻzgartirishlar "Oʻzbekiston - 2030" strategiyasini amalga oshirish boʻyicha Respublika komissiyasi raisi - Bosh vazir tomonidan kiritilishi mumkin.

          

          

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

8-ILOVA

"Oʻzbekiston - 2030" strategiyasining

suv resurslarini tejash va atrof-muhitni muhofaza

qilish yoʻnalishi boʻyicha 2025 yilda ishlab chiqiladigan

normativ-huquqiy hujjatlar loyihalari

ROʻYXATI

             

               

Izohlar:

Dasturda nazarda tutilgan tadbirlarni amalga oshirish uchun qabul qilinadigan hujjatlar shakli zaruratga qarab oʻzgartirilishi, boshqa bandlardagi hujjatlar bilan birlashtirilishi yoki bir necha turdagi hujjatlarga boʻlinishi mumkin.

Normativ-huquqiy hujjatlar loyihalarini ishlab chiqish jarayonida mutasaddi vazirlik va idoralarning takliflari asosida Dasturda belgilangan tadbirlarning mazmuniga mos keladigan boshqa masalalar ham nazarda tutiladi.

Dasturda nazarda tutilgan tadbirlarning amalga oshirilishi jarayonida ularning moliyalashtirish manbalariga hamda tadbirlarni amalga oshirish muddatlariga oʻzgartirishlar "Oʻzbekiston-2030" strategiyasini amalga oshirish boʻyicha Respublika komissiyasi raisi - Bosh vazir tomonidan kiritilishi mumkin.

           

             

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

9-ILOVA

"Oʻzbekiston - 2030" strategiyasining

Suv resurslarini tejash va atrof-muhitni muhofaza

qilish yoʻnalishi boʻyicha 2025 yilga moʻljallangan

MAQSADLI KOʻRSATKIChLAR

              

          

Izoh. Choraklar kesimidagi maqsadli koʻrsatkichlarga asosiy mas’ul tashkilot rahbarining asoslantirilgan taklifi asosida "Oʻzbekiston-2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar (belgilangan yillik maqsadli koʻrsatkichlar doirasida) kiritilishi mumkin.

       

            

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

10-ILOVA

"Oʻzbekiston - 2030" strategiyasining

Qonun ustuvorligini ta’minlash, хalq хizmatidagi

davlat boshqaruvini tashkil etish yoʻnalishi

boʻyicha 2025 yilga moʻljallangan

AMALIY TADBIRLAR REJASI

            

        

Izoh. Dasturda nazarda tutilgan chora-tadbirlarni amalga oshirish jarayonida ularning moliyalashtirish manbalariga hamda tadbirlarni amalga oshirish muddatlariga "Oʻzbekiston - 2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar kiritilishi mumkin.

         

         

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

11-ILOVA

"Oʻzbekiston - 2030" strategiyasining

Qonun ustuvorligini ta’minlash, хalq хizmatidagi

davlat boshqaruvini tashkil etish yoʻnalishi

boʻyicha  2025  yilda  ishlab  chiqiladigan

normativ-huquqiy hujjatlar loyihalari

ROʻYXATI

             

             

Izohlar:

Dasturda nazarda tutilgan chora-tadbirlarni amalga oshirish uchun qabul qilinadigan hujjatlar shakli zaruratga qarab oʻzgartirilishi, boshqa bandlardagi hujjatlar bilan birlashtirilishi yoki bir necha turdagi hujjatlarga boʻlinishi mumkin.

Normativ-huquqiy hujjatlar loyihalarini ishlab chiqish jarayonida mutasaddi vazirlik va idoralarning takliflari asosida Dasturda belgilangan chora-tadbirlarning mazmuniga mos keladigan boshqa masalalar ham nazarda tutiladi.

Dasturda nazarda tutilgan chora-tadbirlarni amalga oshirish jarayonida ularning moliyalashtirish manbalariga hamda tadbirlarni-amalga oshirish muddatlariga "Oʻzbekiston - 2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar kiritilishi mumkin.

        

            

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

12-ILOVA

"Oʻzbekiston - 2030" strategiyasining

qonun ustuvorligini ta’minlash, хalq хizmatidagi

davlat boshqaruvini tashkil etish yoʻnalishi

boʻyicha 2025 yilga moʻljallangan

MAQSADLI KOʻRSATKIChLAR

              

           

Izoh. Choraklar kesimidagi maqsadli koʻrsatkichlarga asosiy mas’ul tashkilot rahbarining asoslantirilgan taklifi asosida "Oʻzbekiston - 2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar (belgilangan yillik maqsadli koʻrsatkichlar doirasida) kiritilishi mumkin.

           

         

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

13-ILOVA

"Oʻzbekiston - 2030" strategiyasining

"Xavfsiz va tinchliksevar davlat" tamoyiliga

asoslangan  siyosatni  izchil  davom  ettirish

yoʻnalishi boʻyicha 2025 yilga moʻljallangan

AMALIY TADBIRLAR REJASI

           

            

Izoh. Dasturda nazarda tutilgan tadbirlarning amalga oshirilishi jarayonida ularning moliyalashtirish manbalariga hamda tadbirlarni amalga oshirish muddatlariga "Oʻzbekiston - 2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar kiritilishi mumkin.

          

           

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

14-ILOVA

"Oʻzbekiston - 2030" strategiyasining

"Xavfsiz va tinchliksevar davlat" tamoyiliga

asoslangan  siyosatni  izchil  davom  ettirish

yoʻnalishi boʻyicha 2025 yilda ishlab chiqiladigan

normativ-huquqiy hujjatlar loyihalari

ROʻYXATI

             

             

Izohlar:

Dasturda nazarda tutilgan tadbirlarni amalga oshirish uchun qabul qilinadigan hujjatlar shakli zaruratga qarab oʻzgartirilishi, boshqa bandlardagi hujjatlar bilan birlashtirilishi yoki bir necha turdagi hujjatlarga boʻlinishi mumkin.

Normativ-huquqiy hujjatlar loyihalarini ishlab chiqish jarayonida mutasaddi vazirlik va idoralarning takliflari asosida Dasturda belgilangan tadbirlarning mazmuniga mos keladigan boshqa masalalar ham nazarda tutiladi.

Dasturda nazarda tutilgan tadbirlarning amalga oshirilishi jarayonida ularning moliyalashtirish manbalariga hamda tadbirlarni amalga oshirish muddatlariga oʻzgartirishlar "Oʻzbekiston-2030" strategiyasini amalga oshirish boʻyicha Respublika komissiyasi raisi - Bosh vazir tomonidan kiritilishi mumkin.

           

            

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

15-ILOVA

"Oʻzbekiston - 2030" strategiyasining

"Xavfsiz va tinchliksevar davlat" tamoyiliga

asoslangan  siyosatni  izchil  davom  ettirish

yoʻnalishi boʻyicha 2025 yilga moʻljallangan

MAQSADLI KOʻRSATKIChLAR

       

           

Izoh. Choraklar kesimidagi maqsadli koʻrsatkichlarga asosiy mas’ul tashkilot rahbarining asoslantirilgan taklifi asosida "Oʻzbekiston-2030" strategiyasini amalga oshirish boʻyicha Respublika komissiyasi raisi - Bosh vazir tomonidan oʻzgartirishlar (belgilangan yillik maqsadli koʻrsatkichlar doirasida) kiritilishi mumkin.

          

          

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

16-ILOVA

2025 yilda atrof-muhitni asrash yoʻnalishida

vazirlik  va  idoralar  tomonidan  birinchi

navbatda amalga oshirilishi zarur boʻlgan

ChORA-TADBIRLAR REJASI

            

          

            

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

17-ILOVA

2025 yilda atrof-muhitni asrash

boʻyicha хalqaro hamkorlik yoʻnalishida

chora-tadbirlarni amalga oshirish

REJASI

              

          

          

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

18-ILOVA

Oʻzbekiston Respublikasida

"Yashil turizm" dasturini amalga oshirish

ChORA-TADBIRLARI REJASI

           

        

            

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

19-ILOVA

2025 yilda hududlarda qayta tiklanuvchi energiya

manbalari quvvatlarini joriy etish

REJASI

           

          

             

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

20-ILOVA

2025 yilda bahor-kuz mavsumlarida

"Yashil makon" umummilliy loyihasi doirasida

mahallalarda daraхtlarni ekish boʻyicha

REJA

              

ming koʻchat

          

            

Oʻzbekiston Respublikasi

Prezidentining

2025 yil 30 yanvardagi

PF-16-son Farmoniga

21-ILOVA

2025 yilda bahor mavsumida mahallalarda

хonadonlar va ichki koʻchalarga gul hamda

qalamchalarni ekish boʻyicha

REJA

           

ming koʻchat

           

                

Qonun hujjatlari ma’lumotlari milliy bazasi (www.lex.uz),

2025 yil 9 fevral

"Xalq soʻzi", 2025 yil 8 fevral