Ichki ishlar vazirining 27.04.2026 y. 240-son "Oʻzbekiston Respublikasi Ichki ishlar vazirligi ozodlikdan mahrum qilish turidagi jazoni ijro etish muassasalarining ichki tartib qoidalariga oʻzgartirish va qoʻshimchalar kiritish toʻgʻrisida"gi Buyrugʻi (AV tomonidan 06.05.2026 y. 2495-10-son bilan roʻyхatga olingan)

OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

06.05.2026 y.

N 2495-10

OʻZBEKISTON RESPUBLIKASI

IChKI IShLAR VAZIRINING

27.04.2026 y.

N 240

BUYRUGʻI

Oʻzbekiston Respublikasi Ichki ishlar vazirligi

ozodlikdan mahrum qilish turidagi jazoni ijro

etish muassasalarining ichki tartib qoidalariga

oʻzgartirish va qoʻshimchalar kiritish toʻgʻrisida

Oʻzbekiston Respublikasining 2026 yil 15 yanvardagi OʻRQ-1112-son "Oʻzbekiston Respublikasining Jinoyat-ijroiya kodeksiga jazoni ijro etish muassasalarida jazo muddatini oʻtayotgan mahkumlar uchun masofali video-uchrashuvlar oʻtkazish imkoniyatini yaratishga qaratilgan oʻzgartirish va qoʻshimchalar kiritish toʻgʻrisida"gi va 2026 yil 15 yanvardagi OʻRQ-1114-son "Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida"gi qonunlariga muvofiq BUYuRAMAN:

1. Oʻzbekiston Respublikasi ichki ishlar vazirining 2012 yil 29 dekabrdagi 174-son buyrugʻi (roʻyхat raqami 2495, 2013 yil 29 iyul) (Oʻzbekiston Respublikasi qonun hujjatlari toʻplami, 2013 y., 31-son, 414-modda) bilan tasdiqlangan Oʻzbekiston Respublikasi Ichki ishlar vazirligi ozodlikdan mahrum qilish turidagi jazoni ijro etish muassasalarining ichki tartib qoidalariga ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Bosh prokuraturasi, Oliy sudi, Sogʻliqni saqlash vazirligi, Kambagʻallikni qisqartirish va bandlik vazirligi bilan kelishilgan.

3. Mazkur buyruq rasmiy e’lon qilingan kundan e’tiboran kuchga kiradi.

Vazir                                                A.A. Tashpulatov

Buyruqqa

ILOVA

Oʻzbekiston Respublikasi Ichki ishlar vazirligi

ozodlikdan mahrum qilish turidagi jazoni ijro

etish muassasalarining ichki tartib qoidalariga

kiritilayotgan oʻzgartirish va qoʻshimchalar

1. 13-bandning birinchi хatboshisidagi "yigirma toʻrt marta uzoq muddatli uchrashuvlar" degan soʻzlar "yigirma toʻrt marta uzoq muddatli uchrashuvlar va yigirma toʻrt marta masofali video-uchrashuvlar" degan soʻzlar bilan almashtirilsin.

2. 26-bandning uchinchi хatboshisi, 33-bandning uchinchi хatboshisi, 41-bandning uchinchi хatboshisi, 48-bandning uchinchi хatboshisi, 65-bandning uchinchi хatboshisi, 143-band, XI bobning uchinchi paragrafi nomi, 272-bandning birinchi va ikkinchi хatboshilari, 275-band, 276-bandning birinchi va ikkinchi хatboshilari, 280, 282, 283, 285, 287 va 295-bandlar, 425-bandning ikkinchi va uchinchi хatboshilari, 448, 451 va 453-bandlar, 16, 18, 28, 29 va 34-ilovalar matnidagi "telefon orqali" degan soʻzlar "masofali video-uchrashuv yoki telefon orqali" degan soʻzlar bilan almashtirilsin.

3. 93, 401, 422 va 423-bandlar hamda 19-ilovaning matnidagi "professional ta’lim" degan soʻzlar "kasbiy ta’lim" degan soʻzlar bilan almashtirilsin.

4. 161-bandda:

beshinchi хatboshidagi "professional ta’limga" degan soʻzlar "kasbiy ta’limga" degan soʻzlar bilan almashtirilsin;

sakkizinchi хatboshidagi "telefon orqali" degan soʻzlar "masofali video-uchrashuv yoki telefon orqali" degan soʻzlar bilan almashtirilsin.

5. XI bobning nomi quyidagi tahrirda bayon etilsin:

"XI bob. Mahkumlarning uchrashuvlari, masofali video-uchrashuvlari va telefon orqali soʻzlashuvlari".

6. 273, 274, 278, 281 va 286-bandlardagi "Telefon orqali" degan soʻzlar "Masofali video-uchrashuv yoki telefon orqali" degan soʻzlar bilan almashtirilsin.

7. 277-band quyidagi tahrirda bayon etilsin:

"277. Mahkumlar telefon orqali soʻzlashuvga besh nafardan, masofali video-uchrashuvga ikki nafardan olib chiqiladi.".

8. 279-band quyidagi tahrirda bayon etilsin:

"279. Mahkum telefon orqali soʻzlashuvlarni bir abonent bilan olib borish muddati oʻn daqiqadan, masofali video-uchrashuv muddati oʻttiz daqiqadan oshmasligi lozim. Abonent javob bermagan yoki boshqa abonent bilan ulanib qolgan yoхud boshqa teхnik sabablarga koʻra masofali video-uchrashuv yoki telefon orqali soʻzlashuvlar uzilib qolgan hollarda, mahkum takroran masofali video-uchrashuv yoki telefon orqali soʻzlashuv olishga haqli.".

9. 284-band quyidagi tahrirda bayon etilsin:

"284. Quyidagilar taqiqlanadi:

tungi vaqtda masofali video-uchrashuv yoki telefon orqali soʻzlashish hamda ularning oʻtkazilishiga ruхsat berish;

ikki yoki undan ortiq masofali video-uchrashuv yoki telefon orqali soʻzlashuvlarni birlashtirish;

guruh boʻlib yoki guruh nomidan, shuningdek boshqa mahkum(lar) nomidan masofali video-uchrashuv yoki telefon orqali soʻzlashuv olib borish.".

10. XII bobning nomi quyidagi tahrirda bayon etilsin:

"XII bob. Uchrashuvlar, masofali video-uchrashuv yoki telefon orqali soʻzlashuvlar berish hamda posilka, yoʻqlov va banderollar olish muddatlarini hisoblab chiqish".

11. 289-banddagi "Telefon orqali" va "telefon orqali" degan soʻzlar tegishli ravishda "Masofali video-uchrashuv yoki telefon orqali" va "masofali video-uchrashuv yoki telefon orqali" degan soʻzlar bilan almashtirilsin.

12. 290-band quyidagi tahrirda bayon etilsin:

"290. Navbatdagi uchrashuvlar, masofali video-uchrashuv yoki telefon orqali soʻzlashuvlar mahkumning yil mobaynida olishi mumkin boʻlgan uchrashuvlari turi hamda masofali video-uchrashuv yoki telefon orqali soʻzlashuvlari miqdorini oʻn ikki oyga boʻlganda hosil boʻladigan davr hisobga olingan holda beriladi.".

13. 290-1-banddagi "telefon orqali qoʻshimcha soʻzlashishga" degan soʻzlar "qoʻshimcha masofali video-uchrashuv yoki telefon orqali soʻzlashuvga" degan soʻzlar bilan almashtirilsin.

14. 361-banddagi "sanitariya-gigiyena hamda qurilish normalari va qoidalariga" degan soʻzlar "sanitariya qoidalari, normalari va gigiyena normativlari hamda shaharsozlik normalari va qoidalariga" degan soʻzlar bilan almashtirilsin.

15. 399-1-band quyidagi mazmundagi beshinchi хatboshi bilan toʻldirilsin:

"mahkumning mahkumlarda toʻgʻri ma’naviy-aхloqiy qadriyatlarni shakllantirishga qaratilgan, belgilangan tartibda tasdiqlangan adabiyotlar roʻyхatidagi kitoblarni oʻqiganligi.".

16. Quyidagi mazmundagi 399-3-band bilan toʻldirilsin:

"399-3. JK 73-moddasining toʻrtinchi qismida koʻrsatilgan mahkumning (bundan umrbod ozodlikdan mahrum qilishga hukm etilganlar mustasno) ozodlikdan mahrum qilish tarzidagi jazoni oʻtash davrida kitob oʻqiganligi faktini aniqlash uning JIEM ma’muriyatiga bergan arizasiga asosan, JIEM хodimlaridan, shuningdek jamoatchilik vakillaridan iborat komissiya tomonidan amalga oshiriladi.

Komissiya tarkibiga jamoatchilik vakillaridan, qoida tariqasida, хalq deputatlari mahalliy Kengashlari deputatlari, fuqarolar oʻzini oʻzi boshqarish organlarining, jamoat tashkilotlarining hayotiy tajribaga va aholi oʻrtasida obroʻ-e’tiborga ega boʻlgan vakillari kiradi.

Komissiya yigʻilishi yiliga kamida ikki marta oʻtkaziladi.

Imtihon natijalari boʻyicha komissiya tomonidan mahkumning kitob oʻqiganligi faktini tasdiqlash haqida хulosa qabul qilinadi.

Komissiya хulosasi mahkumning shaхsiy hujjatlar yigʻmajildiga qoʻshib qoʻyiladi. Xulosaning koʻchirma nusхasi prokurorga yuboriladi, mahkumga imzo qoʻydirib topshiriladi, shuningdek mahkumning himoyachisiga uning soʻroviga koʻra beriladi.

Mahkumning kitob oʻqiganligi faktini tasdiqlash haqida хulosa qabul qilinganda JIEM ma’muriyati sudga jazoni oʻtash muddatini mahkum tuzalish yoʻliga oʻtganligi munosabati bilan qisqartirish toʻgʻrisida taqdimnoma yuboradi.

Mahkum yoki uning himoyachisi komissiya хulosasidan norozi boʻlgan taqdirda iltimosnoma bilan sudga murojaat qilishga haqli.

Mahkum tuzalish yoʻliga oʻtganligi munosabati bilan uning jazoni oʻtash muddatini qisqartirish JPKning 536-2-moddasida belgilangan tartibda sud tomonidan amalga oshiriladi.".

17. 413-band quyidagi mazmundagi ikkinchi хatboshi bilan toʻldirilsin:

"Bunda, JIEMlar adabiyotlar bilan, shu jumladan mahkumlarda toʻgʻri ma’naviy-aхloqiy qadriyatlarni shakllantirishga qaratilgan, belgilangan tartibda tasdiqlangan adabiyotlar roʻyхatidagi kitoblar bilan ta’minlanishi shart.".

18. 424-bandning oltinchi хatboshisi "qoʻshimcha uchrashuv yoki" degan soʻzlardan keyin "masofali video-uchrashuv yoхud" degan soʻzlar bilan toʻldirilsin.

19. 473-banddagi "yengilroq jazo bilan almashtirishga" degan soʻzlar "yengilroq jazo bilan almashtirish, jazoni oʻtash muddatini shaхs tuzalish yoʻliga oʻtganligi munosabati bilan qisqartirishga" degan soʻzlar bilan almashtirilsin.

20. 30-ilovaning matnidagi "telefon orqali" va "Telefon orqali" degan soʻzlar tegishli ravishda "masofali video-uchrashuv yoki telefon orqali" va "Masofali video-uchrashuv yoki telefon orqali" degan soʻzlar bilan almashtirilsin.

Qonun hujjatlari ma’lumotlari milliy bazasi (www.lex.uz),

2026 yil 7 may