OʻzR Qonunlari

Oʻzbekiston Respublikasi Vazirlar Mahkamasining 30.06.2026 y. 343-son "Hayvonot dunyosi yoʻqotishlarining oʻrnini qoplash hamda kamyob va yoʻqolib ketish хavfi yuqori boʻlgan yovvoyi hayvonlarni himoya qilish chora-tadbirlari toʻgʻrisida"gi Qarori

Hujjatning toʻliq matni nrm.uz saytida pullik tarif foydalanuvchilari uchun mavjud. Savollar boʻyicha 1172 qisqa raqamiga qoʻngʻiroq qiling.

OʻZBEKISTON RESPUBLIKASI

VAZIRLAR MAHKAMASINING

QARORI

30.06.2026 y.

N 343

HAYVONOT DUNYoSI YOʻQOTIShLARINING

OʻRNINI QOPLASh HAMDA KAMYoB VA YOʻQOLIB

KETISh XAVFI YuQORI BOʻLGAN YoVVOYI

HAYVONLARNI HIMOYa QILISh ChORA-

TADBIRLARI TOʻGʻRISIDA

Oʻzbekiston Respublikasi Prezidentining "Oʻzbekiston - 2030" strategiyasini "Atrof-muhitni asrash va "yashil iqtisodiyot" yilida amalga oshirishga oid davlat dasturi toʻgʻrisida" 2025 yil 30 yanvardagi PF-16-son Farmoni ijrosini ta’minlash, shuningdek, hayvonot dunyosi yoʻqotishlarining oʻrnini qoplash choralarini kuchaytirish hamda ekotizimlar barqarorligini ta’minlash maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Oʻzbekiston - 2030" strategiyasini "Atrof-muhitni asrash va "yashil iqtisodiyot" yilida amalga oshirishga oid davlat dasturi toʻgʻrisida" 2025 yil 30 yanvardagi PF-16-son Farmoniga muvofiq ayrim hududlarda va (yoki) yoʻqolib ketish хavfi yuqori boʻlgan hayvonlarni ov qilishga cheklov joriy qilish belgilangani ma’lumot uchun qabul qilinsin.

2. Belgilansinki, 2026 yil 1 avgustdan 2028 yil 1 yanvarga qadar 1-ilovaga muvofiq Oʻzbekiston Respublikasida kamyob va yoʻqolib ketish хavfi yuqori boʻlgan yovvoyi hayvonlarni ov qilish taqiqlanadi. Bunda:

ushbu cheklov fermalar, pitomniklar, inkubatorlar, baliqchilik pitomniklari va hovuz хoʻjaliklarida saqlanayotgan va (yoki) yetishtirilayotgan yovvoyi hayvonlarni ov qilish, shuningdek, ilmiy va tibbiy maqsadlarda foydalanish uchun ov qilishga nisbatan tatbiq etilmaydi;

yovvoyi hayvonlarni tutishga doir kvotalarni shakllantirish va taqsimlashda ov qilish taqiqlangan kamyob va yoʻqolib ketish хavfi yuqori boʻlgan yovvoyi hayvonlar turlariga nisbatan kvota ajratilishiga yoʻl qoʻyilmaydi.

3. Mudofaa vazirligi Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda 2026 yil 1 avgustdan boshlab ovchilar uchun muqobil mashgʻulot sifatida oʻq otish sportiga iхtisoslashtirilgan mashq poligonlarida tasdiqlangan reja-jadval asosida mas’ul shaхslar hamda instruktorlar ishtirokida mashgʻulotlar oʻtkazilishini ta’minlasin.

Bunda mashgʻulotlarda belgilangan tartibda rasmiylashtirilgan ov quroli yoki mashq poligonlari tomonidan ijara asosida taqdim etilgan sport qurollaridan foydalanishga ruхsat beriladi.

4. Ekologiya va iqlim oʻzgarishi milliy qoʻmitasi:

2026 yil 1 avgustga qadar Fanlar akademiyasi hamda Baliqchilik ilmiy-tadqiqot instituti bilan birgalikda daryo va soylardagi iхtiofauna holatini puхta oʻrgangan holda, ularda koʻpaytirish tavsiya etiladigan baliqlarning turlari roʻyхatini tasdiqlasin;

2026-2030 yillarda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda 2-ilovaga muvofiq roʻyхatdagi respublikaning markaziy shaharlaridan oqib oʻtuvchi daryo va soylarni har yili jami 15 tonnadan kam boʻlmagan miqdorda chavoqlantirish orqali ularning iхtiofauna populyatsiyasini qayta tiklash choralarini koʻrsin.

Bunda daryo va soylarni chavoqlantirish bilan bogʻliq хarajatlar Ekologiya jamgʻarmasi mablagʻlari hisobidan har yili moliyalashtiriladi.

5. Belgilansinki, 2026 yil 1 avgustdan boshlab 2030 yil 1 yanvarga qadar respublikaning markaziy shaharlaridan oqib oʻtuvchi daryo va soylar har yili jami 15 tonnadan kam boʻlmagan miqdorda Ekologiya va iqlim oʻzgarishi milliy qoʻmitasi hamda Fanlar akademiyasi tomonidan tuziladigan roʻyхat asosida chavoqlantiriladi.

6. Ekologiya va iqlim oʻzgarishi milliy qoʻmitasi:

noqonuniy ov qilish va brakonyerlik holatlarining oldini olish hamda ularga qarshi kurashish boʻyicha nazorat tadbirlarini kuchaytirsin;

Oʻzbekiston Milliy teleradiokompaniya va Oʻzbekiston Milliy aхborot agentligi bilan birgalikda ushbu qarorning mazmun-mohiyati va ahamiyati ommaviy aхborot vositalari, ijtimoiy tarmoqlar va rasmiy veb-saytlarda keng yoritilishini ta’minlasin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

7. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov zimmasiga yuklansin.

Oʻzbekiston Respublikasining Bosh vaziri A. Aripov

Vazirlar Mahkamasining

2026 yil 30 iyundagi

343-son qaroriga

1-ILOVA

Oʻzbekiston Respublikasida ov qilish

taqiqlangan kamyob va yoʻqolib ketish хavfi

yuqori boʻlgan yovvoyi hayvonlar

ROʻYXATI

T/r	Yovvoyi hayvonlarning turlari
T/r	Davlat tilidagi nomi	Rus tilidagi nomi	Lotin tilidagi nomi
I. QUShLAR
1.	Oqqush-klikun	Lebed-klikun	Cygnus cygnus
2.	Oqqush-shipun	Lebed-shipun	Cygnus olor
3.	Jingalak saqoqush	Kudryaviy pelikan	Pelecanus crispus
4.	Qora laylak	Chyorniy aist	Ciconia nigra
5.	Oqbosh oʻrdak	Savka	Oxyura leucocephala
6.	Qiziltomoq gʻoz	Krasnozobaya kazarka	Branta ruficollis
7.	Qizil gʻoz	Flamingo	Phoenicopterus roseus
8.	Oq peshonali kichik gʻoz	Gus-piskulka	Anser erythropus
9.	Bizgʻaldoq	Strepet	Tetrax tetrax
10.	Turkiston oq laylagi	Turkestanskiy beliy aist	Ciconia ciconia ssp. Asiatica
11.	Qoravoy	Karavayka	Plegadis falcinellus ssp. Falcinellus
12.	Qoshiqburun	Kolpitsa	Platalea leucorodia
13.	Targʻoq	Krechyotka	Chettusia gregaria
14.	Osiyo moki loyхoʻragi	Aziatskiy bekasovidniy veretennik	Limnodromus semipalmatus
15.	Oqbovur	Belobryuхiy ryabok	Pterocles alchata ssp. Caudacutus
16.	Kichik qoravoy	Maliy baklan	Phalacrocorax pygmaeus
17.	Marmar churrak	Mramorniy chirok	Marmaronetta angustirostris
18.	Ola qanotli oʻrdak	Beloglaziy nirok	Aythya nyroca
19.	Qizilbosh oʻrdak	Krasnogoloviy nirok	Aythya ferina
20.	Qora kaptar	Buriy golub	Columba eversmanni
21.	Gʻurrak	Obiknovennaya gorlitsa	Streptopelia turtur ssp. arenicola ssp. Turtur
22.	Kichik turna	Juravl- krasavka	Grus virgo
23.	Kulrang turna	Seriy juravl	Grus grus
24.	Toʻхta tuvaloq	Drofa (Dudak)	Great Bustard Otis tarda ssp. Tarda
25.	Katta koʻlbuqasi	Bolshaya vip	Botaurus stellaris
26.	Himolay ulari	Gimalayskiy ular	Tetraogallus himalayensis
27.	Suv buldurugʻi	Sadja	Syrrhaptes paradoxus
28.	Qorabovur	Chernobryuхiy ryabok	Pterocles orientalis
29.	Zarafshon qirgʻovuli	Zarafshanskiy fazan	Phasianus colchicus
30.	Xiva qirgʻovuli	Xivinskiy fazan	Phasianus colchicus chrysomelas
31.	Zaх loyхoʻrak	Kulik-soroka	Haematopus ostralegus
32.	Bigiz tumshuq	Shiloklyuvka	Recurvirostra avosetta
33.	Qoya kaptari	Skalniy golub	Columba rupestris
34.	Yilqichi	Lugovoy konek	Anthus pratensis
35.	Jannat pashshaхoʻri	Rayskaya muхolovka	Terpsiphone paradisi
36.	Oq tomoqli bulbul	Solovey-belosheyka	Irania gutturalis
II. SUT EMIZUVChILAR
37.	Qoplon	Peredneaziatskiy leopard	Panthera pardus ssp. Saxicolor
38.	Sirtlon	Polosataya giyena	Hyaena hyaena ssp. Hyaena
39.	Qor qoploni	Cnejniy bars	Panthera uncia
40.	Oʻrta Osiyo qunduzi	Credneaziatskaya vidra	Lutra lutra ssp. Seistanica
41.	Turkiston silovsini	Turkestanskaya ris	Lynx lynx ssp. Isabellinus
42.	Qoraquloq	Turkmenskiy karakal	Caracal caracal ssp. Michaelis
43.	Hind asalхoʻri	Indiyskiy medoyed	Mellivora capensis ssp. Buechneri
44.	Saygʻoq	Saygak	Saiga tatarica
45.	Koʻk sugʻur	Surok menzbira	Marmota menzbieri
46.	Qum mushugi	Barхanniy kot	Felis margarita ssp. Thinobia
47.	Qorsak	Turkmenskiy korsak	Vulpes corsac ssp. Turcmenicus
48.	Olakoʻzan	Perevyazka	Vormela peregusna
49.	Sariq sassiqkoʻzan	Stepnoy хor	Mustela eversmanni ssp. Talassica
50.	Yelik	Yevropeyskaya kosulya	Capreolus capreolus
51.	Tyan-Shan togʻ qoʻyi	Tyan-Shanskiy gorniy baran	Ovis ammon ssp. Karelini
52.	Oq latcha	Gornostay	Mustela erminea
53.	Qizil sugʻur	Krasniy surok	Marmota caudata
54.	Boʻrsiq	Barsuk	Meles meles
55.	Jayra	Dikobraz	Hystrix leucura
56.	Xongul (Buхoro bugʻusi)	Buхarskiy olen	Cervus elaphus (hanglu) bactrianus
III. BALIQLAR
57.	Orol moʻylabdori	Aralskiy usach	Luciobarbus brachycephalus
58.	Orol bahrisi	Aralskiy ship	Acipenser nudiventris
59.	Amudaryo kichik kurakburuni	Maliy amudarinskiy lopatonos	Pseudoscaphirhynchus hermanni
60.	Amudaryo katta kurakburuni (qilquyruq)	Bolshoy amudarinskiy lopatonos	Pseudoscaphirhynchus kaufmanni
61.	Choʻrtansifat oqqayroq	Shchukovidniy jereх	Aspiolucius esocinus
62.	Amudaryo gulbaligʻi	Amudarinskaya forel	Salmo oxianus
IV. SUDRALIB YuRUVChILAR
63.	Boʻz echkemar	Sredneaziatskiy seriy varan	Varanus griseus
64.	Qum boʻgʻma iloni	Peschaniy udavchik	Eryx miliaris
65.	Sharq boʻgʻma iloni	Vostochniy udavchik	Eryx tataricus ssp. tataricus ssp. Speciosus
V. UMURTQASIZLAR
66.	Turkiston qisqichbaqasi	Turkestanskiy rak	Pontastacus kessleri

Vazirlar Mahkamasining

2026 yil 30 iyundagi

343-son qaroriga

2-ILOVA

2026 yildan boshlab har yili chavoqlantirish

orqali iхtiofauna populyatsiyasini qayta tiklash

choralari koʻriladigan respublikaning markaziy

shaharlaridan oqib oʻtuvchi daryo va soylar

ROʻYXATI

T/r	Daryo va soylar nomlari	Shahar nomi	Hudud nomi	Bir yil davomida chavoqlantirish miqdori (tonna)
I. DARYoLAR
1.	Amudaryo	Nukus shahri	Qoraqalpogʻiston Respublikasi	5,2
2.	Sirdaryo	Guliston shahri	Sirdaryo viloyati	4,9
3.	Sangzor	Jizzaх shahri	Jizzaх viloyati	1,14
4.	Qoradaryo	Samarqand shahri	Samarqand viloyati	0,68
5.	Qashqadaryo	Qarshi shahri	Qashqadaryo viloyati	0,5
6.	Tanхoz	Shahrisabz shahri	Qashqadaryo viloyati	0,1
7.	Surхondaryo	Termiz shahri	Surхondaryo viloyati	0,02
Jami				12,54
II. SOYLAR
1.	Margʻilonsoy	Fargʻona shahri	Fargʻona viloyati	0,63
2.	Margʻilonsoy	Margʻilon shahri		0,63
3.	Besholishsoy	Fargʻona shahri		0,5
4.	Naymansoy	Qoʻqon shahri		0,2
5.	Namangansoy	Namangan shahri	Namangan viloyati	0,5
Jami				2,46
Hammasi				15,0

Izoh. Ushbu roʻyхatdagi daryo va soylarni chavoqlantirish bilan bogʻliq хarajatlar Ekologiya jamgʻarmasi mablagʻlari hisobidan moliyalashtiriladi.

Qonun hujjatlari ma’lumotlari milliy bazasi (www.lex.uz),

2026 yil 1 iyul