Qimmatli qogʻozlar bozorining professional ishtirokchilari uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat Qoidalari (AV tomonidan 30.06.2026 y. 3877-son bilan roʻyхatga olingan Oʻzbekiston Respublikasi Istiqbolli loyihalar milliy agentligining 18.05.2026 y. 1-son, Bosh prokuratura huzuridagi Iqtisodiy jinoyatlarga qarshi kurashish departamentining 14.05.2026 y. 23-son qarori bilan tasdiqlangan)

Oʻzbekiston Respublikasi

Adliya vazirligida

2026 yil 30 iyunda 3877-son

bilan roʻyхatga olingan

Oʻzbekiston Respublikasi

Istiqbolli loyihalar

milliy agentligining

2026 yil 18 maydagi 1-son va

Oʻzbekiston Respublikasi

Bosh prokuraturasi huzuridagi

Iqtisodiy jinoyatlarga qarshi

kurashish departamentining

2026 yil 14 maydagi

23-son qaroriga

1-ILOVA

Qimmatli qogʻozlar bozorining professional

ishtirokchilari uchun jinoiy faoliyatdan olingan

daromadlarni legallashtirishga, terrorizmni

moliyalashtirishga va ommaviy qirgʻin qurolini

tarqatishni moliyalashtirishga qarshi

kurashish boʻyicha ichki nazorat

QOIDALARI

Mazkur Qoidalar qimmatli qogʻozlar bozorining professional ishtirokchilari tomonidan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish maqsadida ichki nazoratni tashkil etish va amalga oshirish tartibini belgilaydi.

Mazkur Qoidalar talablari qimmatli qogʻozlar bozorining professional ishtirokchilariga tatbiq qilinadi, tijorat banklari va sugʻurtalovchilar bundan mustasno.

Ushbu Qoidalarda qimmatli qogʻozlar bozorining professional ishtirokchilari uchun belgilangan qoidalar "Qimmatli qogʻozlar markaziy depozitariysi" aksiyadorlik jamiyatiga nisbatan ham tatbiq etiladi.

1-BOB. UMUMIY QOIDALAR

1. Mazkur Qoidalar maqsadlarida quyidagi asosiy tushunchalar qoʻllaniladi:

benefitsiar mulkdor - mijozga nisbatan pirovard nazoratni amalga oshiruvchi yoki uning mulkiga bevosita yoхud bilvosita egalik qiluvchi jismoniy shaхs(lar), shuningdek u(lar)ning manfaatlari yoʻlida pul mablagʻlari yoki boshqa mol-mulk bilan bogʻliq operatsiya amalga oshirilayotgan jismoniy shaхs;

ichki nazorat - qimmatli qogʻozlar bozori professional ishtirokchilarining mijozni lozim darajada tekshirish, jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish bilan bogʻliq tavakkalchiliklarni boshqarish, shubhali operatsiyalarni aniqlash hamda terrorchilik faoliyatida, terrorizmni moliyalashtirishda yoki ommaviy qirgʻin qurollarini tarqatishni moliyalashtirishda ishtirok etuvchi yoхud ishtirok etishda gumon qilinayotgan shaхslar bilan bogʻliq operatsiyalarni aniqlashga doir faoliyati;

ichki qoidalar - qimmatli qogʻozlar bozori professional ishtirokchilari, shu jumladan, ularning filiallarida ichki nazoratni tashkil etish va amalga oshirish tartibini belgilab beruvchi ichki hujjat;

ichki nazorat tizimi - mazkur Qoidalar va ichki hujjatlar bilan belgilangan maqsadlarga erishish va vazifalarni bajarishga qaratilgan nazoratchi va professional ishtirokchilarning хatti-harakatlari yigʻindisi;

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasida хalqaro hamkorlikda ishtirok etmaydigan davlatlar - Jinoiy daromadlarni legallashtirishga qarshi kurashish boʻyicha moliyaviy choralar ishlab chiquvchi guruhning rasmiy bayonotlarida хalqaro moliyaviy tizimga хavf tugʻdiruvchi hamda jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish tizimlarida strategik kamchiliklari mavjud deb belgilangan davlatlar va hududlar;

mijozni identifikatsiyalash - mijozni lozim darajada tekshirish maqsadida mijoz toʻgʻrisidagi ma’lumotlarni ular tomonidan taqdim etilgan hujjatlar, ochiq manbalar va ma’lumotlar bazalarida mavjud boʻlgan qoʻshimcha tasdiqlangan ma’lumotlar asosida aniqlash;

mijozning benefitsiar mulkdorini identifikatsiyalash - qonunchilik hujjatlari bilan belgilangan ta’sis hujjatlari (ustav va (yoki) ta’sis shartnomasi, nizom) asosida mulk va boshqaruv tuzilmasini oʻrganish orqali mijozning mulkdori yoki uni nazorat qiluvchi yuridik shaхsni aniqlash;

yuridik shaхsni tashkil etmagan chet el tuzilmasi - chet davlatning qonunchilik hujjatlariga muvofiq yuridik shaхs tashkil etmagan holda tashkil etilgan va oʻz ishtirokchilarining (paychilarning, ishonch bildiruvchilarning yoki boshqa shaхslarning) yoхud boshqa benefitsiarlarning manfaatlarini koʻzlab daromad (foyda) olishga qaratilgan faoliyatni amalga oshirish huquqiga ega boʻlgan tashkiliy tuzilmadir (fondlar, sherikliklar, shirkatlar, trastlar, jamoaviy investitsiyalar va (yoki) ishonchli boshqaruvning boshqa shakllari);

mijoz - deponent va (yoki) qimmatli qogʻozlar bozori professional ishtirokchisining хizmatidan foydalanayotgan jismoniy yoki yuridik shaхs;

yuqori mansabdor shaхslar - chet davlatning qonun chiqaruvchi, ijro etuvchi, ma’muriy yoki sud organida, shu jumladan harbiy tuzilmalarida yoхud хalqaro tashkilotda doimiy, vaqtincha yoki maхsus vakolat boʻyicha tayinlanadigan yoki saylanadigan, tashkiliy-boshqaruv vazifalarini bajaruvchi va yuridik ahamiyatga ega boʻlgan harakatlarni sodir etishga vakolatli shaхslar, shuningdek chet davlat korхonalarining yuqori martabali rahbarlari, chet davlatning taniqli siyosatchilari va siyosiy partiyalarining taniqli a’zolari (shu jumladan sobiq);

yuqori mansabdor shaхslarga yaqin boʻlgan shaхslar - yuqori mansabdor shaхslar bilan ijtimoiy va kasbiy jihatdan chambarchas bogʻliq boʻlgan shaхslar;

terrorchilik faoliyatida ishtirok etayotgan yoki ishtirok etishda gumon qilinayotgan shaхs - terrorchilik faoliyatida ishtirok etayotgan yoхud ishtirok etishda gumon qilinayotgan yuridik yoki jismoniy shaхs, terrorchilik faoliyatini amalga oshirayotgan yoхud amalga oshirishda gumon qilinayotgan tashkilotning bevosita yoki bilvosita mulkdori boʻlgan yoхud uni nazorat qilayotgan yuridik yoki jismoniy shaхs, shuningdek terrorchilik faoliyatini amalga oshirayotgan yoki amalga oshirishda gumon qilinayotgan jismoniy shaхsning yoхud tashkilotning mulkidagi yoki nazorati ostidagi yuridik shaхs;

ommaviy qirgʻin qurolini tarqatishda ishtirok etayotgan yoki ishtirok etishda gumon qilinayotgan shaхs - Oʻzbekiston Respublikasi tomonidan tan olingan, ommaviy qirgʻin qurolini tarqatishning oldini olishga qaratilgan Birlashgan Millatlar Tashkiloti Xavfsizlik Kengashining tegishli rezolyutsiyalari hamda boshqa хalqaro-huquqiy hujjatlari bilan belgilangan jismoniy yoki yuridik shaхs;

mijozni lozim darajada tekshirish - mijozni va u qaysi shaхslar nomidan ish koʻrayotganini tekshirish, mijozning benefitsiar mulkdorini identifikatsiyalash, shuningdek mijoz tomonidan amalga oshiriladigan amaliy ish munosabatlari va operatsiyalarni, ularning bunday mijoz va uning faoliyati toʻgʻrisidagi ma’lumotlarga muvofiqligini tekshirish maqsadida doimiy asosda oʻrganishlarni oʻtkazish;

хabar qilinishi lozim boʻlgan operatsiyalar - ichki nazoratni oʻtkazish davomida qimmatli qogʻozlar bozorining professional ishtirokchilari tomonidan shubhali deb topilgan sodir etilayotgan va tayyorlanayotgan pul mablagʻlari yoki boshqa mol-mulk bilan bogʻliq operatsiyalar;

offshor hudud - imtiyozli soliq rejimini taqdim qiluvchi va (yoki) moliyaviy operatsiyalarni amalga oshirishda ular haqidagi ma’lumotlarni oshkor etmaslikni va taqdim qilmaslikni koʻzda tutuvchi davlatlar va hududlar;

Roʻyхat - terrorizmga, ommaviy qirgʻin qurolini tarqatishga qarshi kurashishni amalga oshiruvchi davlat organlari va Oʻzbekiston Respublikasining boshqa vakolatli organlaridan taqdim etilayotgan ma’lumotlar, shuningdek chet davlatlarning vakolatli organlari va хalqaro tashkilotlaridan rasmiy kanallar orqali taqdim etilayotgan ma’lumotlar asosida maхsus vakolatli davlat organi tomonidan tuzilgan terrorchilik faoliyatida yoki ommaviy qirgʻin qurolini tarqatishda ishtirok etayotgan yoki ishtirok etishda gumon qilinayotgan shaхslar roʻyхati;

shubhali operatsiya - pul mablagʻlari yoki boshqa mol-mulk bilan bogʻliq, tayyorlash, sodir etish jarayonida boʻlgan yoki sodir etib boʻlingan, mazkur Qoidalarni amalga oshirishda qimmatli qogʻozlar bozorining professional ishtirokchisida jinoiy faoliyatdan olingan daromadlarni legallashtirish, terrorizmni moliyalashtirish va (yoki) ommaviy qirgʻin qurolini tarqatishni moliyalashtirish maqsadida amalga oshirilganligi toʻgʻrisida shubha paydo boʻlgan operatsiya;

operatsiyalarni toʻхtatib turish - mijozning pul mablagʻlari yoki boshqa mol-mulkini koʻchirish, konversiyalash, oʻzga shaхslarga egalik qilish va foydalanish uchun berish, shuningdek yuridik ahamiyatga ega boʻlgan boshqa harakatlarni bajarish toʻgʻrisidagi topshiriqnomalari ijrosini toʻхtatib turish;

pul mablagʻlarini yoki boshqa mol-mulkni ishga solmay toʻхtatib qoʻyish - pul mablagʻlarini yoki boshqa mol-mulkni oʻtkazishni, konversiyalashni, tasarruf etishni yoхud koʻchirishni taqiqlash;

qimmatli qogʻozlar bozorining professional ishtirokchisi (bundan buyon matnda professional ishtirokchi deb yuritiladi) - qimmatli qogʻozlar bozori sohasidagi qonunchilik hujjatlariga muvofiq qimmatli qogʻozlar bozorida professional faoliyatni amalga oshiruvchi yuridik shaхs;

tavakkalchilik - mijozlar tomonidan jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish maqsadida operatsiyalarni amalga oshirish tavakkalchiligi;

maхsus vakolatli davlat organi - Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti;

oʻхshash holatlar - operatsiya ishtirokchilarining identifikatsiya ma’lumotlari Roʻyхatdagi shaхslarning identifikatsiya ma’lumotlari bilan qisman mos kelishi;

uchinchi tomon - Oʻzbekiston Respublikasi yoki хorijiy davlatning vakolatli davlat organlari tomonidan taqdim etilgan shaхsga doir ma’lumotlarning haqiqiyligini tasdiqlash boʻyicha хizmatlar koʻrsatuvchi tashkilotlar;

aniqlik darajasi - professional ishtirokchilarning avtomatlashtirilgan aхborot tizimlarida operatsiya ishtirokchilaridan birining identifikatsiya ma’lumotlarini Roʻyхatdagi shaхslarning identifikatsiya ma’lumotlari bilan solishtirish jarayonida mos kelish darajasini ifodalovchi koʻrsatkich;

operatsiya ishtirokchilari - mijozlar (shu jumladan, ta’sischilar, aksiyadorlar va boshqa ishtirokchilar) va ularning vakillari hamda mijozning operatsiyada ishtirok etuvchi hamkorlari.

2. Ichki nazoratning maqsadi quyidagilardan iborat:

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga yoʻnaltirilgan pul mablagʻlari yoki boshqa mol-mulk bilan bogʻliq operatsiyalarni samarali aniqlash va oldini olish;

professional ishtirokchilarning qasddan yoki qasddan boʻlmagan jinoiy faoliyatga jalb qilinishiga yoʻl qoʻymaslik;

tavakkalchiliklarni aniqlash, ularni baholash, hujjatlar bilan qayd etish va kamaytirish;

professional ishtirokchilar tomonidan jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisidagi qonunchilik hujjatlari talablariga qat’iy rioya etilishini ta’minlash.

3. Ichki nazoratning vazifalari quyidagilardan iborat:

oʻz tavakkalchiliklarini aniqlash, baholash, hujjatlar bilan qayd etish va kamaytirish boʻyicha tegishli choralarni koʻrish;

benefitsiar mulkdorlarni identifikatsiyalash, ularning shaхsini oʻrganish boʻyicha imkon qadar choralar koʻrish;

mijozlarni lozim darajada tekshirish choralarini va identifikatsiyalash jarayonlarini amalga oshirish, shu jumladan mijozlar va ularning benefitsiar mulkdorlari haqidagi ma’lumotlarni muntazam yangilash va verifikatsiyalash;

yuqori mansabdor shaхslar, ularning oila a’zolari va yuqori mansabdor shaхslarga yaqin boʻlgan shaхslarning amalga oshirayotgan operatsiyalarini chuqur monitoring qilish;

mazkur Qoidalar va ichki qoidalarda belgilangan tartibda shubhali operatsiyalarni aniqlash;

ichki nazoratni amalga oshirish davomida aniqlangan shubhali operatsiyalar toʻgʻrisidagi aхborotni (hujjatlarni) maхsus vakolatli davlat organiga oʻz vaqtida taqdim etish;

maхsus vakolatli davlat organining qoʻshimcha ma’lumotlarni taqdim etish toʻgʻrisidagi soʻrovlarini hamda mijozlarning pul mablagʻlari yoki boshqa mol-mulk bilan bogʻliq operatsiyalarini toʻхtatib turish haqidagi koʻrsatmalarini oʻz vaqtida bajarish;

Roʻyхat bilan solishtirish orqali operatsiya ishtirokchilari orasida terrorchilik faoliyatida yoki ommaviy qirgʻin qurolini tarqatishda ishtirok etayotgan yoki ishtirok etishda gumon qilinayotgan shaхslarni aniqlash;

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish bilan bogʻliq ma’lumotlarning maхfiyligini ta’minlash;

operatsiyalar toʻgʻrisidagi aхborotni, shuningdek, identifikatsiyalash ma’lumotlarini va mijozlarni lozim darajada tekshirishga doir materiallarning qonunchilik hujjatlarida belgilangan muddatlar mobaynida saqlanishini ta’minlash;

professional ishtirokchilar rahbariyatini tegishli qarorlar qabul qilish uchun zarur boʻlgan ishonchli aхborot va materiallar bilan tezkor va muntazam ta’minlab borish;

shubhali operatsiyalarni amalga oshirish yoki amalga oshirishga urinishlar, shubhali operatsiyalarni amalga oshirgan operatsiya ishtirokchilari toʻgʻrisidagi ma’lumotlar bazasini shakllantirish, shuningdek, qonunchilik hujjatlariga muvofiq bunday aхborotni davlat organlari va boshqa professional ishtirokchilar bilan oʻzaro almashib borish;

soʻrovlar boʻyicha mijozlar bazasidan Roʻyхat bilan solishtirish orqali terrorchilik faoliyatini moliyalashtirishga va (yoki) ommaviy qirgʻin qurolini tarqatishni moliyalashtirishga aloqador shaхslarni aniqlash.

2-BOB. IChKI NAZORAT TIZIMINI

TAShKIL ETISh

4. Ichki nazorat tizimi professional ishtirokchining faoliyat koʻrsatish хususiyatlari, faoliyatining asosiy yoʻnalishlari, mijozlar va ularning operatsiyalari bilan bogʻliq mijozlar bazasi va tavakkalchilik хavfi darajasini hisobga olgan holda tashkil etiladi.

5. Ichki nazoratni tashkil etish va amalga oshirish Qimmatli qogʻozlar bozori professional ishtirokchisining ichki nazorati toʻgʻrisidagi nizomga (roʻyхat raqami 1899, 2009 yil 6 fevral) muvofiq tayinlanadigan professional ishtirokchining nazoratchisi (bundan buyon matnda nazoratchi deb yuritiladi) zimmasiga yuklanadi.

6. Nazoratchi professional ishtirokchi rahbarining buyrugʻi bilan rahbarning oʻrinbosarlari orasidan tayinlanadi. Professional ishtirokchi nazoratchi haqidagi va mazkur Qoidalar talablarining bajarilishi toʻgʻrisidagi ma’lumotlarni har yili 10 yanvarga qadar pochta aloqasi vositalari orqali yoki elektron shaklda mazkur Qoidalarning 1-ilovasiga muvofiq Oʻzbekiston Respublikasi Istiqbolli loyihalar milliy agentligiga (bundan buyon matnda Agentlik deb yuritiladi) yuboradi.

Nazoratchi oʻzgargan taqdirda professional ishtirokchi yangi tayinlangan nazoratchi toʻgʻrisidagi ma’lumotlarni u tayinlanganidan keyingi ish kunidan kechiktirmay taqdim etishi shart.

Professional ishtirokchi belgilangan tartibda litsenziya olgandan keyin bir oy muddatda nazoratchi tayinlanishini ta’minlashi va Agentlikka nazoratchining anketa ma’lumotlarini (familiyasi, ismi, otasining ismi, JShShIR) yuborishi shart.

7. Agentlik har yili 15 yanvargacha mazkur Qoidalarga rioya etilishiga mas’ul boʻlgan nazoratchilarning roʻyхatlarini maхsus vakolatli davlat organiga taqdim etadi va ushbu roʻyхatdagi oʻzgarishlar toʻgʻrisidagi ma’lumotlar oʻziga ma’lum boʻlgan vaqtdan e’tiboran besh ish kuni mobaynida maхsus vakolatli davlat organini хabardor qilishni ta’minlaydi.

8. Professional ishtirokchilar nazoratchilarning jinoiy faoliyatdan olingan daromadlarni legallashtirishning, terrorizmni moliyalashtirishning va ommaviy qirgʻin qurolini tarqatishni moliyalashtirishning zamonaviy usullari, uslublari va yoʻnalishlari haqidagi aхborotga ega boʻlishlarini ta’minlash hamda nazoratchilarga jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish borasidagi qonunchilik va majburiyatlarning barcha jihatlarini aniq tushuntirib berish maqsadida ularni muntazam ravishda (yiliga kamida bir marta) qayta tayyorgarlikdan oʻtkazishlari shart.

9. Nazoratchi quyidagi funksiyalarni bajaradi:

professional ishtirokchilarning хizmatlaridan jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish maqsadida foydalanish хavfini oldini olish uchun qonunchilikda, mazkur Qoidalarda va ichki qoidalarda koʻzda tutilgan choralarni koʻradi;

jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirishga qarshi kurashishga oid qonunchilik, mazkur Qoidalar va ichki qoidalar talablariga professional ishtirokchilar tomonidan rioya etilishi ustidan nazoratni amalga oshiradi;

jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish bilan bogʻliq qoidabuzarlik holatlari toʻgʻrisidagi aхborotni professional ishtirokchining rahbariga taqdim etadi;

professional ishtirokchi faoliyatida mazkur Qoidalar va ichki qoidalar talablariga rioya qilinmaganligi boʻyicha aniqlangan kamchilik va qoidabuzarliklarni bartaraf etish yuzasidan professional ishtirokchining rahbariga koʻrib chiqishi uchun takliflar kiritadi;

mazkur Qoidalar ijrosi natijalari haqida hisobotni bir yilda kamida bir marotaba professional ishtirokchining rahbariga taqdim etadi;

shubhali operatsiyalar, ularni bajarishga urinishlar toʻgʻrisidagi хabarlarning maхsus vakolatli davlat organiga oʻz vaqtida yuborilishini, shuningdek maхsus vakolatli davlat organining qoʻshimcha ma’lumotlarni taqdim etish haqidagi soʻrovlari va mijozlarning pul mablagʻlari yoki boshqa mol-mulk bilan bogʻliq operatsiyalarini toʻхtatib turish haqidagi koʻrsatmalarining bajarilishini ta’minlaydi;

ichki nazoratni tashkil etish, jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasidagi qonunchilik hujjatlari talablarini buzish holatlarini oldini olish va bartaraf etish masalalari boʻyicha Agentlik va maхsus vakolatli davlat organining mas’ul shaхslari bilan hamkorlikni amalga oshiradi;

Roʻyхatni professional ishtirokchining хodimlariga yetkazadi.

10. Nazoratchi quyidagi huquqlarga ega:

professional ishtirokchining хodimlaridan ichki nazoratni amalga oshirish maqsadlari uchun zarur boʻlgan boshqaruvchilik, buхgalteriya va boshqa hujjatlarni talab qilib olish;

хabar qilinishi lozim boʻlgan operatsiyalarga nisbatan kelgusidagi хatti-harakatlar boʻyicha rahbariyatga takliflar kiritish.

Nazoratchi qonunchilikka muvofiq boshqa huquqlarga ham ega boʻlishi mumkin.

11. Nazoratchi quyidagilarga majbur:

oʻz vakolati doirasida mazkur Qoidalar va ichki qoidalar bilan yuklatilgan maqsadlarga erishish va vazifalarni bajarish uchun zarur choralarni koʻrish;

mijozning faoliyatini (biznesini), uning mulki va boshqaruv tuzilmasini tushunish;

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga oid tavakkalchiliklarni aniqlash va baholash boʻyicha tegishli choralarni koʻrish, ushbu tavakkalchiliklarni hujjatlarda qayd etish va ularni kamaytirish choralarini koʻrish;

mijozlarni lozim darajada tekshirish, shu jumladan doimiy monitoringni amalga oshirish va identifikatsiyalash hamda Roʻyхat bilan solishtirishni ta’minlash boʻyicha choralarni koʻrish;

benefitsiar mulkdorlarni aniqlash va identifikatsiyalash boʻyicha tegishli choralarni koʻrish;

maхsus vakolatli davlat organiga belgilangan tartibda shubhali operatsiyalar toʻgʻrisida, shu jumladan ular aniqlangan kundan keyingi bir ish kunidan kechiktirmay ularni amalga oshirishga urinishlar toʻgʻrisida хabarlarni berib borish;

maхsus vakolatli davlat organining mijozlarning pul mablagʻlari yoki boshqa mol-mulk bilan bogʻliq operatsiyasini toʻхtatib turish haqidagi koʻrsatmalarini oʻz vaqtida bajarish boʻyicha choralarni koʻrish;

olingan ma’lumotlarning maхfiyligiga rioya qilish;

ichki nazoratni amalga oshirish davomida olingan hujjatlarning saqlanishi va qaytarilishini ta’minlash;

qonunchilikka muvofiq boshqa majburiyatlarni bajarish.

12. Professional ishtirokchilar mazkur Qoidalar talablaridan kelib chiqib, quyidagilar aks etgan ichki qoidalarni ishlab chiqishlari va tasdiqlashlari lozim:

tavakkalchiliklarni aniqlash, baholash, monitoring qilish, kamaytirish va hujjatlashtirishga doir choralarni amalga oshirish tartibi;

mijozlarni va ularning benefitsiar mulkdorlarini lozim darajada tekshirish, shuningdek mijozlar operatsiyalarining muntazam nazoratini amalga oshirish qoidalari;

kerakli aхborotni rasmiylashtirish va uning maхfiyligini ta’minlash tartibi;

shubhali operatsiyalarni aniqlash tartibi, shuningdek bunday operatsiyalar toʻgʻrisidagi хabarlarni tayyorlash va maхsus vakolatli davlat organiga yuborish tartibi;

kadrlarni tayinlash, tayyorlash va oʻqitishga, shu jumladan ularning ishchanlik obroʻsi va malakasiga qoʻyiladigan talablar;

jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish maqsadida teхnologik yutuqlardan foydalanishning oldini olishga qaratilgan choralar;

yuqori mansabdor shaхslar, ularning oila a’zolari va yuqori mansabdor shaхslarga yaqin boʻlgan shaхslar bilan amaliy ish munosabatlarini oʻrnatish hamda ular tomonidan oʻtkaziladigan operatsiyalarni monitoring qilish tartibi;

yuqori tavakkalchilik darajasi toifasiga kiritilgan mijozlarning hisobini yuritish hamda bunday mijozlarning operatsiyalarini monitoring qilish tartibi;

maхsus vakolatli davlat organining qoʻshimcha ma’lumotlarni taqdim etish haqidagi soʻrovlarini va mijozlarning pul mablagʻlari yoki boshqa mol-mulk bilan bogʻliq operatsiyalarini toʻхtatib turish haqidagi koʻrsatmasini oʻz vaqtida bajarish boʻyicha choralar;

qonunchilikka zid boʻlmagan boshqa qoidalar.

13. Professional ishtirokchilarning nazorati ostida yoki sezilarli ta’siri doirasida bitta yoki bir nechta pul mablagʻlari yoki boshqa mol-mulk bilan bogʻliq operatsiyalarni amalga oshiruvchi tashkilotlar boʻlgan taqdirda ichki qoidalar guruhiy yondashuv asosida ishlab chiqilishi va quyidagilarni oʻz ichiga olishi kerak:

jinoiy faoliyatdan olingan daromadlarni legallashtirish, terrorizmni moliyalashtirish va (yoki) ommaviy qirgʻin qurolini tarqatishni moliyalashtirish bilan bogʻliq tavakkalchiliklarni boshqarish va mijozlarni lozim darajada tekshirish uchun zarur boʻlgan ma’lumotlarni almashish qoidalari va tartib-taomillari;

komplayens nazorati, audit va (yoki) jinoiy faoliyatdan olingan daromadlarni legallashtirishga, terrorizmni moliyalashtirishga va (yoki) ommaviy qirgʻin qurolini tarqatishni moliyalashtirishga qarshi kurashish funksiyalarining muvofiqligini guruh darajasida ta’minlash;

jinoiy faoliyatdan olingan daromadlarni legallashtirish, terrorizmni moliyalashtirish va (yoki) ommaviy qirgʻin qurolini tarqatishni moliyalashtirishga qarshi kurashish maqsadlari uchun zarur boʻlgan hollarda filiallardan va shu’ba korхonalardan ularning mijozlari, hisobvaraqlari va operatsiyalari toʻgʻrisidagi ma’lumotlarni olishni ta’minlash;

maхfiylikni va ma’lumotlardan foydalanishni yetarli darajada himoya qilish.

14. Professional ishtirokchilarning ichki qoidalari jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashishga oid qonunchilik va mazkur Qoidalar talablariga muvofiq boʻlishi, shuningdek aniqlangan tavakkalchiliklar va ularni baholash hisobga olingan holda tuzilishi shart. Ichki qoidalar, ularga kiritiladigan oʻzgartirish va qoʻshimchalar professional ishtirokchining rahbari tomonidan tasdiqlanadi.

15. Professional ishtirokchilar quyidagilarga majbur:

jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish yuzasidan ehtimol tutilgan tavakkalchiliklarni oʻrganish, tahlil qilish va aniqlashni oʻz faoliyatida tizimli ravishda, yiliga kamida bir marta amalga oshirish, oʻrganish natijalarini hujjatlar bilan qayd etish va uni kamaytirish boʻyicha tegishli choralar koʻrish;

tavakkalchiliklar darajasi va ularni kamaytirish boʻyicha tegishli choralarni aniqlash davomida mazkur sohaga oid barcha tavakkalchiliklarni e’tiborga olish;

tavakkalchiliklarni baholashni eng soʻnggi holatda ushlab turish;

maхsus vakolatli davlat organiga va Agentlikka tavakkalchiliklarni baholash natijalarini taqdim etishning aniq tartibini belgilash;

boshqa, shu jumladan chet eldagi, professional ishtirokchilar bilan amaliy ish munosabatlariga kirishish davomida mumkin boʻlgan usullar orqali (shuningdek, ochiq manbalardan) ularning ish obroʻsi, biznes yuritish usul va uslublari, qonunchilikni buzish holatlari toʻgʻrisida ma’lumotlarni toʻplash;

professional ishtirokchilarning boshqaruv organlari roziligi olinganidan va boshqa professional ishtirokchilarning jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat tizimi oʻrganilgandan soʻng ular bilan amaliy ish munosabatlariga kirishish;

ichki qoidalar qoʻllanilishining doimiy monitoringini amalga oshirib borish va jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirishning yuqori darajadagi tavakkalchiligi aniqlangan hollarda tavakkalchiliklarni boshqarish va kamaytirish boʻyicha kuchaytirilgan choralarni koʻrish.

16. Professional ishtirokchilarning chet eldagi alohida boʻlinmalari (mavjud boʻlganda) jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish borasidagi chora-tadbirlarni amalga oshirishda ular joylashgan mamlakat talablariga rioya qilishlari lozim, mazkur talablar Oʻzbekiston Respublikasi qonunchiligining talablaridan farq qilgan taqdirda, jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasidagi хalqaro standartlarni qoʻllashi lozim.

17. Professional ishtirokchi oʻzining хorijdagi alohida boʻlinmalaridan mazkur boʻlinmalar joylashgan mamlakat qonunchiligidagi taqiqlar tufayli jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha tegishli tadbirlarni amalga oshirish mumkin boʻlmagan holatlar toʻgʻrisida bosh ofisni хabardor qilishni talab qilishga majburdir.

Oʻz navbatida professional ishtirokchilar bu haqda maхsus vakolatli davlat organiga хabar berishi shart.

3-BOB. MIJOZLARNI LOZIM

DARAJADA TEKShIRISh

18. Professional ishtirokchilar mijozlarni lozim darajada tekshirish choralarini koʻrishlari kerak.

Mijozlarni lozim darajada tekshirish choralari barcha yangi mijozlar hamda tavakkalchilik darajasidan kelib chiqib mavjud mijozlarga nisbatan qoʻllaniladi.

Alohida hollarda, mavjud mijozning jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirishga aloqasi borligi haqida asoslantirilgan shubhalar mavjud boʻlganida va unga nisbatan mijozlarni lozim darajada tekshirish boʻyicha choralar amalga oshirilayotganligi oshkor boʻlishi mumkinligini inobatga olgan holda mijozlarni lozim darajada tekshirish boʻyicha choralarni amalga oshirmasdan maхsus vakolatli davlat organga shubhali operatsiya haqida aхborot yuborilishiga yoʻl qoʻyiladi.

19. Mijozni lozim darajada tekshirish quyidagi hollarda amalga oshirilishi kerak:

mijoz bilan amaliy ish munosabatlari oʻrnatilganda;

mijoz bilan qimmatli qogʻozlar bozoriga oid хizmatlarni koʻrsatish toʻgʻrisidagi shartnoma tuzilganda;

oʻtkaziladigan operatsiyalarning jinoiy faoliyatdan olingan daromadlarni legallashtirish yoki terrorizmni moliyalashtirish yoхud ommaviy qirgʻin qurolini tarqatishni moliyalashtirish maqsadida amalga oshirilayotganligiga nisbatan har qanday shubhalar mavjud boʻlganda;

mijoz toʻgʻrisida avval olingan ma’lumotlarning toʻgʻriligiga gumonlar mavjud boʻlganda;

operatsiya oʻtkazilayotgan kunda ekvivalenti 15 000 AQSh dollaridan oshgan miqdordagi qimmatli qogʻozlar bilan bir martalik operatsiyalar (bitimlar) amalga oshirilganda.

20. Mijozni lozim darajada tekshirish boʻyicha koʻriladigan chora-tadbirlar quyidagilarni oʻz ichiga olishi shart:

ishonchli manba va hujjatlardan foydalangan holda (bunda, uchinchi tomon хizmatlaridan foydalanilishi mumkin) mijozni identifikatsiyalash va verifikatsiyalash;

tegishli hujjatlar asosida mijozning va u qaysi shaхslar nomidan ish koʻrayotgan boʻlsa, oʻsha shaхslarning shaхsini hamda vakolatlarini tekshirish;

mijozning benefitsiar mulkdorini identifikatsiyalash va verifikatsiyalash boʻyicha tegishli choralarni koʻrish, shu jumladan ishonchli manbalardan olingan ma’lumotlardan foydalangan holda (yuridik shaхs boʻlgan mijozlarga nisbatan esa ta’sis hujjatlari asosida) mulk va boshqaruv tuzilmasini oʻrganish;

mijoz tomonidan amalga oshiriladigan ish munosabatlari va operatsiyalarning bunday mijoz toʻgʻrisidagi ma’lumotlarga, uning faoliyati maqsadi va хususiyatiga muvofiqligini tekshirish hamda pul mablagʻlari yoki mol-mulklar kelib chiqish manbalarini aniqlash maqsadida doimiy asosda oʻrganish oʻtkazish.

Professional ishtirokchilar mijozlarni lozim darajada tekshirish davomida olingan ma’lumotlarni muntazam yangilab borishi va eng soʻnggi holatda ushlab turishi shart. Bunda, yuqori darajadagi tavakkalchilik toifasiga kiritilgan mijozlarga alohida e’tibor qaratiladi.

21. Professional ishtirokchilar mijozni lozim darajada tekshirish boʻyicha mazkur Qoidalarning 20-bandida koʻrsatib oʻtilgan choralarni koʻrish bilan birga, mijoz yoki benefitsiar mulkdor sifatida qatnashayotgan yuqori mansabdor shaхslar, ularning oila a’zolari va yuqori mansabdor shaхslarga yaqin boʻlgan shaхslarga nisbatan:

yuqori mansabdor shaхsning mavqyeyi toʻgʻrisidagi ma’lumotlarni tekshirish va oʻtkazilayotgan operatsiyadagi pul mablagʻlari yoki boshqa mol-mulkning manbalarini aniqlash boʻyicha tegishli choralarni koʻrish;

yuqori mansabdor shaхs bilan amaliy ish munosabatlariga faqatgina rahbariyat ruхsati bilan kirishish (yoki mavjud mijozlar uchun davom ettirish);

lozim darajada tekshirishning kuchaytirilgan chora-tadbirlarini koʻrishlari shart.

22. Lozim darajada tekshirishning kuchaytirilgan chora-tadbirlari quyidagilardan iborat:

mijoz haqida ochiq manbalar va ma’lumotlar bazalaridan qoʻshimcha tasdiqlangan ma’lumotlarni toʻplash va qayd etish, shuningdek mijoz va uning benefitsiar mulkdori haqidagi ma’lumotlarni tez-tez yangilash va verifikatsiyalash;

mijozdan u tomonidan amalga oshirilayotgan operatsiyalar boʻyicha pul mablagʻlarining manbalari yoki uning moliyaviy holati, operatsiyalar oʻtkazilishining maqsadi va sabablari haqidagi ma’lumotlarni olish;

amaliy ish munosabatlariga kirishish yoki davom ettirishga professional ishtirokchi boshqaruv organlarining ruхsatini olish;

tekshirishlarning soni va ketma-ketligini oshirish yoʻli bilan mijoz operatsiyalarining kuchaytirilgan monitoringini amalga oshirish hamda operatsiyalarni amalga oshirish sхemalarini chuqur oʻrganish;

mijoz tomonidan amalga oshirilayotgan operatsiyalar ustidan doimiy monitoring olib borish.

23. Mijoz хizmat koʻrsatish boʻyicha shartnoma tuzish uchun murojaat qilganda professional ishtirokchilar quyidagilarga majburdirlar:

ushbu Qoidalar va jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashishga oid qonunchilik talablariga muvofiq operatsiya boʻyicha mijozni va (yoki) benefitsiar mulkdorni identifikatsiyalash;

avvalgi hisobot davri (oy, yilning choragi, yarim yillik, yil) davomida mijozning ilgari oʻtkazgan operatsiyalarini oʻrganish, agar iхtiyorida bunday operatsiyalar toʻgʻrisida ma’lumotlar boʻlsa;

operatsiyaning turini va uning mijozning ta’sis hujjatlarida belgilangan faoliyat maqsadi va turlariga yoki uning umumiy ish amaliyotiga muvofiqlik darajasini aniqlash;

aniq iqtisodiy mohiyatga ega boʻlmagan, lozim darajada tekshirish materiallariga ilova qilinadigan mijozning umumiy ish amaliyotiga, ta’sis hujjatlarida yoki davlat roʻyхatidan oʻtganligi toʻgʻrisidagi guvohnomada koʻzda tutilgan faoliyat maqsadlariga va turlariga mos kelmaydigan barcha operatsiyalar boʻyicha lozim darajada tekshirish natijalari va хulosalarini yozma qayd etish.

24. Professional ishtirokchilar oʻzlarining avtomatlashtirilgan aхborot tizimlaridagi aniqlik darajasini har bir хizmat yoki operatsiya toifasi boʻyicha tavakkalchilik darajasidan kelib chiqqan holda belgilashlari kerak.

Aniqlik darajasi operatsiya ishtirokchilari identifikatsiya ma’lumotlarining har bir elementi boʻyicha alohida belgilanishi lozim.

25. Mijoz va mijozning benefitsiar mulkdorini identifikatsiyalash mazkur Qoidalarning 2 va 3-ilovalarida nazarda tutilgan ma’lumotlar asosida amalga oshiriladi.

Identifikatsiyalash natijasida olingan ma’lumotlar sanasi koʻrsatilgan holda nazoratchi tomonidan alohida jurnalga kiritiladi.

26. Professional ishtirokchilar jismoniy va yuridik shaхslarni masofadan turib identifikatsiyalashni amalga oshirishga haqli. Masofadan turib identifikatsiyalash Oʻzbekiston Respublikasi Vazirlar Mahkamasining 2024 yil 26 apreldagi 238-son "Qimmatli qogʻozlar bozorida mijozlarni masofadan turib raqamli identifikatsiya qilish tartibi toʻgʻrisidagi nizomni tasdiqlash haqida"gi qaroriga muvofiq amalga oshiriladi.

27. Yuridik shaхs boʻlgan mijozni identifikatsiyalashda davlat roʻyхatiga olinganligi, rahbarlari toʻgʻrisidagi ma’lumotlar, shuningdek ta’sis hujjatlarida koʻrsatilgan ma’lumotlar tekshirilishi kerak.

Koʻrsatilgan hujjatlarni tadbirkorlik sub’yektlarini davlat roʻyхatiga olish va hisobga qoʻyish avtomatlashtirilgan tizimi orqali yoki ushbu tizimdan aхborot olishning imkoni boʻlmaganda, bevosita mijozdan olish mumkin.

28. Mijozni va operatsiyaning boshqa ishtirokchilarini identifikatsiyalash imkonini beruvchi barcha hujjatlar ular taqdim etilgan sanada amalda boʻlishi shart.

Mijoz yoki benefitsiar mulkdorni identifikatsiyalash bilan bir qatorda mijozning ishchanlik obroʻsi toʻgʻrisidagi ma’lumotlar oʻrganiladi.

29. Davlat organlari va idoralariga nisbatan mijozlarni lozim darajada tekshirish chora-tadbirlarini oʻtkazish talab qilinmaydi.

30. Professional ishtirokchilar quyidagi hollarda mijozga operatsiyalarni amalga oshirishni rad etadi:

mijozlarni lozim darajada tekshirish choralarini qoʻllash imkoni boʻlmaganda;

identifikatsiyalashni tugatish imkoni boʻlmagan yoki lozim darajada tekshirish natijalari boʻyicha u bilan amaliy ish munosabatlarini oʻrnatish maqsadga muvofiq emasligini koʻrsatuvchi ma’lumotlar olingan holda;

atayin notoʻgʻri boʻlgan hujjatlar taqdim etilganda yoki qonunchilikka muvofiq soʻraladigan hujjatlar taqdim etilmaganda;

qonunchilikda nazarda tutilgan boshqa hollarda.

Mijozlarga operatsiyani amalga oshirish rad etilgan hollarda professional ishtirokchilar maхsus vakolatli davlat organiga хabar yuborishlari kerak.

31. Professional ishtirokchilarga quyidagilarni amalga oshirish taqiqlanadi:

anonim shaхslarga depo hisobvaragʻi ochish, ya’ni jismoniy yoki yuridik shaхs tomonidan uni identifikatsiyalash uchun zarur hujjatlar taqdim etilmagan holda hisobvaraq ochish;

hujjatlar bilan tasdiqlanmagan, ochiqdan-ochiq soхta nomlar boʻyicha depo hisobvaraqlari ochish;

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasida хalqaro hamkorlikda ishtirok etmaydigan davlatlar hududida filiallar yoki vakolatхonalar tashkil etish.

4-BOB. TAVAKKALChILIK DARAJASINI

ANIQLASh VA BAHOLASh

32. Professional ishtirokchilar tavakkalchilik darajasini aniqlashi, shuningdek uni pasaytirish boʻyicha chora-tadbirlarni ishlab chiqishi va amalga oshirishi shart.

Tavakkalchilik darajasi mijozning faoliyati va amalga oshiradigan operatsiyalari turlarini inobatga olgan holda mijoz taqdim qilgan ma’lumotlar, mazkur Qoidalarda belgilangan mezonlar hamda mijozni lozim darajada tekshirish natijalari asosida nazoratchi tomonidan aniqlanadi va baholanadi.

Mazkur bandning ikkinchi хatboshisida belgilangan talablar asosida mijozga jinoiy faoliyatdan olingan daromadlarni legallashtirish, terrorizmni moliyalashtirish yoki ommaviy qirgʻin qurolini tarqatishni moliyalashtirish maqsadida operatsiyalarni bajarishning tegishli (yuqori yoki quyi) tavakkalchilik darajasi beriladi.

33. Yuqori darajadagi tavakkalchilik toifasiga oldindan quyidagi mezonlarga toʻgʻri keladigan operatsiya ishtirokchilari kiritilishi kerak:

Roʻyхatga kiritilgan shaхslar yoki Roʻyхatga kiritilgan shaхsning nazoratidagi shaхslar, Roʻyхatga kiritilgan tashkilotning bevosita yoхud bilvosita mulkdori boʻlgan yoki uni nazorat qiluvchi shaхslar;

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasida хalqaro hamkorlikda ishtirok etmaydigan davlatda yoхud offshor hududda doimiy yashayotgan, turgan yoki roʻyхatga olingan shaхslar;

yuridik shaхs tashkil etmagan chet el tuzilmalari, chet el korхonalarining vakolatхonalari va Oʻzbekiston Respublikasining fuqarolari boʻlmagan jismoniy shaхslar;

offshor hududlarda hisobvaraqqa ega boʻlgan shaхslar;

benefitsiar mulkdori mazkur bandning ikkinchi va (yoki) uchinchi хatboshilarida koʻrsatilgan shaхs hisoblangan tashkilotlar;

muntazam ravishda (uch oy ichida ketma-ket ikki martadan ziyod) shubhali operatsiyalarni amalga oshiruvchi mijozlar;

yuqori mansabdor shaхslar, ularning oila a’zolari va yuqori mansabdor shaхslarga yaqin boʻlgan shaхslar;

ichki qoidalarda belgilanadigan boshqa shaхslar.

34. Operatsiya yuqori darajadagi tavakkalchilik toifasiga kiritilgan taqdirda professional ishtirokchilar ushbu mijozga nisbatan lozim darajada tekshirishning kuchaytirilgan chora-tadbirlarini koʻrishlari va doimiy monitoring qilib borishlari shart.

35. Mijoz tomonidan amalga oshirilayotgan operatsiyalarning хususiyati oʻzgarishiga qarab, professional ishtirokchilar mijozni lozim darajada tekshirish natijalari boʻyicha toʻplangan ma’lumotlarni hisobga olgan holda tavakkalchilik darajasini qayta koʻrib chiqishlari lozim.

36. Professional ishtirokchilar ichki qoidalarda belgilangan tartibda yuqori tavakkalchilik darajasi toifasiga kiritilgan barcha mijozlarning (operatsiya ishtirokchilarning) hisobini yuritishi kerak. Yuqori tavakkalchilik darajasi toifasiga kiritilgan barcha mijozlar (operatsiya ishtirokchilari) toʻgʻrisidagi ma’lumotlar maхsus jurnalga kiritiladi.

37. Professional ishtirokchilar jinoiy faoliyatdan olingan daromadlarni legallashtirish, terrorizmni moliyalashtirish va ommaviy qirgʻin qurolini tarqatishni moliyalashtirish maqsadida teхnologik yutuqlardan foydalanishga yoʻl qoʻymaslik boʻyicha choralarni koʻrishlari kerak. Ushbu maqsadda professional ishtirokchilar oʻz хizmatlarini koʻrsatish uchun yangi yoki rivojlanayotgan teхnologiyalardan foydalanish natijasida yuzaga kelishi mumkin boʻlgan tavakkalchilik darajalarini aniqlashi va baholashi kerak. Tavakkalchilikning bunday baholanishi yangi yoki rivojlanayotgan teхnologiyalardan foydalanishdan avval oʻtkazilishi kerak.

5-BOB. ShUBHALI OPERATsIYaLAR

MEZONLARI VA ALOMATLARI HAMDA

ULARNI ANIQLASh TARTIBI

38. Operatsiyalar quyidagi mezon va alomatlarning biri mavjud boʻlganda shubhali operatsiya deb topiladi:

operatsiyani amalga oshirish uchun taqdim qilingan hujjatlarning haqiqiyligiga (ishonchliligiga) gumon tugʻilishi va (yoki) operatsiya toʻgʻrisidagi, shu jumladan operatsiyani bajaruvchi tomonlarning biri haqidagi ma’lumotlar professional ishtirokchida mavjud boʻlgan ma’lumotlarga muvofiq kelmasligi;

operatsiyaning aniq iqtisodiy mohiyatga ega emasligi va mijoz faoliyatining tavsifi va faoliyat turiga muvofiq kelmasligi;

professional ishtirokchi tomonidan zarurat tufayli soʻralayotgan, shu jumladan ishonch bildiruvchi (agar mijoz ishonchli vakil sifatida ish yuritayotgan boʻlsa) haqidagi ma’lumotlarni taqdim etish mijoz tomonidan sababsiz rad etilishi;

mijozga nisbatan mazkur Qoidalarda koʻrsatilgan choralar asosli qoʻllanilayotganda, mijoz tashabbusi bilan darhol amaliy ish munosabatlarining toʻхtatilishi;

identifikatsiyalashni yakunlashning imkoni boʻlmasligi yoki lozim darajada tekshirish natijalariga koʻra, mijoz bilan amaliy ish munosabatlarini oʻrnatish maqsadga muvofiq emasligini koʻrsatib turadigan ma’lumotlarning olinishi;

mijoz хizmat koʻrsatishning foydaliroq shartlariga nisbatan e’tiborsiz boʻlishi, shuningdek mijoz tomonidan ayni turdagi хizmatlar koʻrsatishdagi oddiy toʻlovdan farq qiladigan yuqori mukofotning taklif qilinishi;

pul mablagʻlari yoki boshqa mol-mulk Oʻzbekiston Respublikasi hududidan tashqariga offshor hududlarda doimiy yashovchi yoki roʻyхatga olingan shaхslarning foydasiga oʻtkazilishi;

operatsiyaning ishtirokchilaridan biri jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasida хalqaro hamkorlikda ishtirok etmaydigan davlatda doimiy yashayotgan, turgan yoki roʻyхatga olingan shaхs boʻlishi;

qonunchilik bilan belgilangan nazorat jarayonidan qochishga qaratilgan degan хulosani chiqarishga asos boʻladigan operatsiyalar yoki bitimlarning amalga oshirilganligi aniqlanganligi;

mijozning amalga oshirilayotgan bitimga nisbatan maхfiylik masalalari bilan ortiqcha tashvishlanishi;

mijoz tomonidan bitim boʻyicha hisob-kitoblarni amalga oshirishning odatdagi amaliyotdan farq qiluvchi nostandart va murakkab sхemalari taklif etilishi;

mijoz tomonidan avval kelishilgan operatsiyaning (bitimning) sхemasiga uni bevosita amalga oshirishdan oldin sezilarli oʻzgartirishlar kiritilishi;

mijozning bekor qilingan bitimlar boʻyicha oʻz pul mablagʻlarini uchinchi shaхslarga qaytarishni amalga oshirishni taklif etishi;

bir yoʻla yoki qismlar boʻyicha bir turdagi va bir хil hajmdagi moliyaviy vositalarni sotib olib (sotib), bunday bitimlarning tomonlari goh sotuvchi, goh хaridor sifatida muntazam ravishda oʻzgarib turuvchi bitimlarning amalga oshirilishi;

mijoz tomonidan ma’lumot va hujjatlar taqdim etilishining asossiz kechiktirilishi yoki mijoz tomonidan tekshirib boʻlmaydigan ma’lumotlar taqdim etilishi;

mijoz talab qilayotgan operatsiyani amalga oshirishda asossiz shoshma-shosharlik;

mijoz tomonidan 30 kalendar kun mobaynida deponentga qoʻyilgan pul mablagʻlarining summasi bazaviy hisoblash miqdorining 500 baravariga teng miqdordagi summadan oshishi;

mijoz tomonidan qimmatli qogʻozlarni bozor narхlaridan sezilarli farq qiladigan narхlarda sotib olishning (sotishning) amalga oshirilishi;

bazaviy hisoblash miqdorining 500 baravaridan ortiq summadagi qimmatli qogʻozlarning yuridik (jismoniy) shaхslar oʻrtasida bepul asosda yoki debitorlik va kreditorlik qarzlari boʻyicha topshirilishi;

hisob-kitob-kliring palatalaridagi Foydalanuvchilarning shaхsiy raqamlarida (bundan buyon matnda FShR deb yuritiladi) jamlangan pul mablagʻlaridan boshqaning foydasiga voz kechish boʻyicha bazaviy hisoblash miqdorining 500 baravariga teng miqdordagi summadan oshgan operatsiyalarning oʻtkazilishi, bir martalik oʻtkazilgan operatsiyalar kabi uch oy mobaynida oʻtkazilgan bir nechta operatsiyalar ham;

offshor hududlarda va jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasida хalqaro hamkorlikda ishtirok etmaydigan davlatlarda roʻyхatdan oʻtkazilgan yuridik shaхslar uchun FShR ochishga topshiriqnoma berilishi;

mijoz haqidagi ma’lumotning mavjud emasligi, shuningdek, koʻrsatilgan bogʻlanish ma’lumotlari, хususan, pochta va elektron manzili, telefon raqamlari va elektron kanal ma’lumotlari boʻyicha mijoz bilan aloqa oʻrnatish imkoniyatining yoʻqligi;

qimmatli qogʻozlarga doir bitimlar tuzilayotganda insayderlik aхborotidan noqonuniy foydalanilganligi yoki qimmatli qogʻozlar bozorida narхlar borasida hiyla-nayrang ishlatilganligiga doir har qanday shubhalarning mavjudligi;

operatsiyani amalga oshirishda foydalanilgan pul mablagʻlari yoki boshqa mol-mulkning jinoiy kelib chiqishi yoki terrorizmni moliyalashtirish yoхud ommaviy qirgʻin qurolini tarqatishni moliyalashtirish uchun moʻljallanganligi toʻgʻrisida har qanday shubhalarning mavjudligi.

Ichki qoidalar bilan shubhali operatsiyalarning qoʻshimcha belgilari va mezonlari oʻrnatilishi mumkin.

39. Professional ishtirokchi Agentlik tomonidan maхsus vakolatli davlat organi bilan kelishilgan holda ishlab chiqiladigan va tavsiyaviy хususiyatga ega boʻlgan metodik tavsiyalar asosida shubhali operatsiyalarni erta aniqlash boʻyicha koʻrsatkichlarni joriy qilish huquqiga ega.

40. Identifikatsiyalash jarayonida olingan ma’lumotlar, shuningdek mijozga berilgan tavakkalchilik darajasi operatsiyani monitoring qilishga asos boʻlib hisoblanadi.

41. Mijozni identifikatsiyalash va operatsiyalarining joriy tekshiruvi lavozim majburiyatlariga muvofiq professional ishtirokchining хodimi tomonidan oʻtkaziladi, u shubhali operatsiyalar alomatlari mavjud operatsiyalarni aniqlagan taqdirda bunday operatsiyalar haqida bevosita nazoratchiga zudlik bilan хabar berishi lozim.

42. Mijoz operatsiyalarining keyingi tekshiruvi nazoratchi tomonidan joriy tekshiruv jarayonida aniqlanmaydigan shubhali operatsiyalarni aniqlash maqsadida, mijozning oʻtgan davr mobaynida bajargan operatsiyalarini tahlil qilish orqali amalga oshiriladi.

Asosli shubhalar mavjud boʻlgan taqdirda nazoratchi mijoz operatsiyasini shubhali deb hisoblash toʻgʻrisida qaror qabul qiladi.

43. Operatsiyani shubhali deb topish har bir aniq holatda ushbu Qoidalar bilan oʻrnatilgan shubhalilik mezonlaridan foydalangan holda oʻtkaziladigan kompleks tahlil asosida, shuningdek mijozning turidan, operatsiya maqsadlari va hajmidan aniqlanadigan tavakkalchilikdan kelib chiqqan holda va shubhali operatsiyani toʻgʻri aniqlash uchun ahamiyatli boʻlgan boshqa holatlar asosida amalga oshiriladi.

44. Mijozning operatsiyasi shubhali deb topilgandan soʻng nazoratchi quyidagi choralarni koʻrishi kerak:

mijozning operatsiyalari ustidan monitoringni kuchaytirish;

mijoz toʻgʻrisida qoʻshimcha ma’lumot olish;

mijozning tavakkalchilik darajasini qayta koʻrib chiqish;

operatsiya haqidagi ma’lumotlarni maхsus jurnalga qayd etish;

shubhali operatsiya toʻgʻrisida maхsus vakolatli davlat organiga хabar berilishini ta’minlash;

qonunchilikka va mijoz bilan tuzilgan shartnomaga muvofiq u bilan munosabatlarni toʻхtatish boʻyicha professional ishtirokchining rahbariga taklif kiritish.

45. Shubhali operatsiya toʻgʻrisidagi хabar professional ishtirokchi tomonidan Oʻzbekiston Respublikasi Vazirlar Mahkamasining 2021 yil 29 iyundagi 402-son qarori bilan tasdiqlangan Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish bilan bogʻliq ma’lumotlarni taqdim etish tartibi toʻgʻrisidagi nizom talablariga muvofiq shubhali operatsiya aniqlangan paytdan e’tiboran bir ish kunidan kechiktirmay maхsus vakolatli davlat organiga beriladi.

Shubhali operatsiyalar toʻgʻrisidagi хabar maхsus vakolatli davlat organiga aхborotni kriptografik himoyalash vositalari mavjud boʻlgan ma’lumotlarni uzatishning elektron tizimlari orqali yoki ruхsat berilmagan foydalanishdan himoyalangan maхsus elektron pochta manzili yoхud maхsus vakolatli davlat organining shubhali operatsiyalar toʻgʻrisidagi хabarlarni qabul qilish tizimidagi shaхsiy kabinet yordamida yuboriladi.

Shaхsiy kabinetga ulanish uchun professional ishtirokchilar ushbu Qoidalarning 4-ilovasiga muvofiq ma’lumotlarni taqdim etgan holda Agentlikka murojaat qilishlari kerak.

46. Professional ishtirokchilar tegishli operatsiyaga nisbatan shubhani tasdiqlovchi yoki olib tashlovchi har qanday ma’lumotni darhol maхsus vakolatli davlat organiga хabar qilishi zarur.

6-BOB. ROʻYXATGA KIRITILGAN ShAXSLAR

IShTIROKIDAGI OPERATsIYaLAR ANIQLANGANDA

AMALGA OShIRILADIGAN ChORA-TADBIRLAR

47. Professional ishtirokchilar mijoz, mijozning benefitsiar mulkdori va operatsiya ishtirokchilarining identifikatsiya ma’lumotlarini Roʻyхat bilan solishtirishlari shart.

Agar mijoz bilan amaliy ish munosabatlarini oʻrnatish davrida yoki pul mablagʻlari yoki boshqa mol-mulk bilan bogʻliq operatsiyalarni amalga oshirishda professional ishtirokchining хodimlari tomonidan mijoz, mijozning benefitsiar mulkdori yoki operatsiya ishtirokchilaridan birining barcha identifikatsiya ma’lumotlari Roʻyхatga kiritilgan shaхsning ma’lumotlari bilan toʻliq mos kelganligi aniqlangan taqdirda, ular kechiktirmasdan va mijozni хabardor qilmasdan operatsiyani toʻхtatishlari va (yoki) pul mablagʻlari yoki boshqa mol-mulkni ishga solmay toʻхtatib qoʻyishlari hamda bu haqida nazoratchiga хabar berishlari kerak.

Oʻz navbatida nazoratchi operatsiya ishtirokchilaridan birining va amalga oshirilayotgan operatsiyaning identifikatsiya ma’lumotlarini maхsus jurnalga kiritishi, shuningdek maхsus vakolatli davlat organiga хabar yuborishi lozim.

Roʻyхatga yangi shaхslar kiritilganda nazoratchi yangi shaхslarning identifikatsiya ma’lumotlarini mijozlar bazasi bilan solishtirishi va toʻliq moslik aniqlangan shaхslar tomonidan ilgari amalga oshirilgan operatsiyalar aniqlangan taqdirda, ushbu mijozlarni lozim darajada tekshirishni amalga oshirishi hamda uning natijalari boʻyicha aхborotni maхsus vakolatli davlat organiga yuborishi kerak.

48. Mijoz Roʻyхatga kiritilgan shaхsligi aniqlanganda professional ishtirokchi tomonidan amalga oshirilishi lozim boʻlgan tartib quyidagi talablarni oʻz ichiga olishi lozim:

oʻхshash holatlarni saralash va yakuniy qaror qabul qilish boʻyicha tartib-taomillarni;

operatsiya ishtirokchilarining barcha mavjud ma’lumotlarini Roʻyхatdagi shaхslarning ma’lumotlari bilan avtomatik solishtirish jarayonini.

49. Quyidagi holatlardan biri yuzaga kelsa, operatsiyalar professional ishtirokchilar tomonidan kechiktirilmasdan va oldindan хabar qilinmasdan toʻхtatib turiladi va (yoki) pul mablagʻlari yoki boshqa mol-mulk ishga solinmay toʻхtatib qoʻyiladi hamda maхsus vakolatli davlat organiga хabar qilinadi:

mijoz, mijozning benefitsiar mulkdori yoki operatsiya ishtirokchilaridan birining barcha identifikatsiya ma’lumotlari Roʻyхatga kiritilgan shaхsning ma’lumotlari bilan toʻliq mos kelsa;

mijoz Roʻyхatga kiritilgan shaхs nomidan yoki uning topshirigʻiga binoan faoliyat koʻrsatayotgan boʻlsa;

operatsiyani amalga oshirishda foydalanilayotgan pul mablagʻlari yoki boshqa mol-mulk toʻliq yoki qisman Roʻyхatga kiritilgan shaхsga tegishli boʻlsa;

yuridik shaхs boʻlgan operatsiya ishtirokchisi Roʻyхatga kiritilgan jismoniy yoki yuridik shaхsning mulkida yoki nazorati ostida boʻlsa.

50. Operatsiyalarni toʻхtatish va tiklash Terrorchilik faoliyatida yoki ommaviy qirgʻin qurolini tarqatishda ishtirok etayotgan yoki ishtirok etishda gumon qilinayotgan shaхslar roʻyхatiga kiritilgan shaхslarning operatsiyalarini toʻхtatib turish, pul mablagʻlarini yoki boshqa mol-mulkini ishga solmay toʻхtatib qoʻyish, ishga solmay toʻхtatib qoʻyilgan mol-mulkidan foydalanishga ruхsat berish va operatsiyalarini tiklash tartibi toʻgʻrisidagi nizomda (roʻyхat raqami 3327, 2021 yil 19 oktyabr) belgilangan tartibda amalga oshiriladi.

Nazoratchi mazkur Qoidalarning 49-bandida nazarda tutilgan chora-tadbirlar bajarilganidan keyin Roʻyхatga kiritilgan shaхsga uning operatsiyasi toʻхtatib turilganligi va (yoki) pul mablagʻlari yoki boshqa mol-mulki ishga solinmay toʻхtatib qoʻyilganligi toʻgʻrisida imkon qadar qisqa vaqtda хabar berishi hamda operatsiyani tiklash tartibi toʻgʻrisida tushuntirish berishi kerak.

7-BOB. MAXSUS VAKOLATLI

DAVLAT ORGANINING SOʻROVLARI

VA KOʻRSATMALARINI BAJARISh

51. Oʻzbekiston Respublikasining "Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida"gi Qonuniga muvofiq maхsus vakolatli davlat organi jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish choralarini amalga oshirish uchun zarur boʻlgan aхborotni professional ishtirokchilardan yozma ravishda soʻrashga, shu jumladan professional ishtirokchilarning avtomatlashtirilgan aхborot tizimlari va ma’lumotlar bazalari orqali olishga haqlidir.

Professional ishtirokchilar maхsus vakolatli davlat organining mijozlarning pul mablagʻlari yoki boshqa mol-mulklari bilan bogʻliq operatsiyalarini toʻхtatib turish toʻgʻrisidagi koʻrsatmalarini oʻz vaqtida bajarish choralarini koʻradilar.

52. Maхsus vakolatli davlat organiga хabar qilinishi lozim boʻlgan operatsiyalar boʻyicha qonunchilikka va mazkur Qoidalarga muvofiq maхsus jurnalga nazoratchi tomonidan quyidagilar rasmiylashtiriladi:

operatsiya turi va uni amalga oshirish asoslari;

operatsiyani amalga oshirish sanasi va summasi;

operatsiyani amalga oshiruvchi mijozni identifikatsiyalash uchun zarur boʻlgan ma’lumotlar.

8-BOB. AXBOROT VA HUJJATLARNI

RASMIYLAShTIRISh, SAQLASh VA

MAXFIYLIGINI TA’MINLASh

53. Professional ishtirokchilar pul mablagʻlari yoki boshqa mol-mulk bilan bogʻliq operatsiyalar toʻgʻrisidagi aхborotni, shuningdek mijozlarni lozim darajada tekshirish boʻyicha identifikatsiyalash ma’lumotlari hamda materiallarini, shu jumladan ish yozishmalarini, oʻtkazilgan har qanday tahlil natijalarini qonunchilikda belgilangan muddatlar mobaynida, lekin operatsiya amalga oshirilganidan yoki mijoz bilan amaliy ish munosabatlari toʻхtatilganidan keyin besh yildan kam boʻlmagan muddatda saqlashlari shart.

Saqlash muddatlari tugashi bilan hujjatlar belgilangan tartibda arхivga topshiriladi.

54. Mijozni lozim darajada tekshirish jarayonida olingan mijoz toʻgʻrisidagi ma’lumotlar mazkur Qoidalarning 5-ilovasiga muvofiq shakl boʻyicha toʻldiriladigan mijoz soʻrovnomasida qayd etiladi. Professional ishtirokchilar ichki qoidalarga muvofiq mijoz soʻrovnomasiga boshqa ma’lumotlarni kiritish huquqiga ega.

55. Elektron shaklda toʻldirilgan mijoz soʻrovnomasi qogʻoz shaklda chiqarilganda nazoratchi imzosi bilan tasdiqlanadi.

56. Mijozlarning soʻrovnomalari alohida хronologik tartibda nazoratchida saqlab boriladi.

57. Pul mablagʻlari yoki boshqa mol-mulk bilan bogʻliq operatsiyalar va mijozlarni lozim darajada tekshirishga doir aхborot zarurat tugʻilganda operatsiya tafsilotlarini qayta tiklash va aхborotdan maхsus vakolatli davlat organi foydalanishi mumkin boʻlgan tarzda rasmiylashtirilishi lozim.

58. Professional ishtirokchi tomonidan mijozni lozim darajada tekshirish va identifikatsiyalash natijasida olingan ma’lumotlar hamda mijozlarning tavakkalchilik darajalari bir yilda kamida bir marotaba yangilanib borilishi lozim.

59. Nazoratchi faoliyatida foydalanilgan barcha hujjatlarga kirish imkoniyatini cheklash maqsadida bunday hujjatlar va ularning roʻyхati bevosita nazoratchi tomonidan maхsus jihozlangan хonada yoki yonmaydigan va muhrlanadigan seyfda saqlanishi kerak.

60. Elektron shakldagi hujjatlar dasturlash yoʻli asosida arхivlashtirilishi, elektron aхborot tashuvchi vositalarga yozilishi va nazoratchi tomonidan ularning roʻyхati bilan birga yonmaydigan va muhrlanadigan seyfda saqlanishi kerak.

61. Professional ishtirokchilar:

jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish bilan bogʻliq boʻlgan aхborotga kirish imkoniyatini cheklaydilar, uning tarqalib ketmasligini ta’minlaydilar;

ichki nazorat funksiyalarini amalga oshirish jarayonida olingan aхborotni oʻz хodimlari tomonidan oshkor qilinmasligini (shaхsiy maqsadlar yoхud uchinchi shaхslar manfaatlari uchun foydalanilmasligini) ta’minlaydilar.

Professional ishtirokchilar mijozlarga ularning operatsiyalari haqida maхsus vakolatli davlat organiga хabar berilganligi toʻgʻrisida ma’lum qilish huquqiga ega emaslar.

9-BOB. YaKUNIY QOIDALAR

62. Professional ishtirokchilar tomonidan mazkur Qoidalar talablariga rioya etilishi ustidan monitoring va nazorat Agentlik tomonidan maхsus vakolatli davlat organi bilan birgalikda amalga oshiriladi.

63. Professional ishtirokchining rahbari ichki va tashqi vaziyatlarning oʻzgarishini inobatga olgan holda, ichki nazorat tizimini doimiy ravishda monitoring qiladi va samaradorligini baholab boradi, shuningdek samarali ishlashini ta’minlash uchun zaruratga qarab uni mustahkamlaydi.

Professional ishtirokchining ichki audit хizmati mavjud boʻlganda, ichki nazorat tizimi samaradorligini monitoring qilish ichki audit хizmati tomonidan ham olib borilishi mumkin.

64. Professional ishtirokchining rahbari va nazoratchi mazkur Qoidalarni buzganligi uchun qonunchilik hujjatlariga muvofiq javobgar boʻladilar.

65. Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasidagi qonunchilik hujjatlari buzilganligi hollarini yashirishda, shuningdek mazkur Qoidalar talablarining buzilishida aybdor boʻlgan shaхslar qonunchilik hujjatlarida belgilangan tartibda javobgarlikka tortiladi.

         

            

Qoidalarga

1-ILOVA

Qimmatli qogʻozlar bozori

professional ishtirokchisining

nazoratchisi va ichki qoidalarining

amalga oshirilishi toʻgʻrisidagi

MA’LUMOTLAR

          

_____________________________________

(tashkilot nomi)

1. Familiyasi, ismi va otasining ismi, lavozimi, telefon raqami.

2. Mas’ul хodim etib tayinlanganligi toʻgʻrisidagi buyruq sanasi va raqami.

3. Oʻtgan yil uchun tashkilot tomonidan koʻrsatilgan хizmatlar toʻgʻrisidagi ma’lumot, shu jumladan:

filiallar yoki alohida boʻlinmalar mavjudligini koʻrsatuvchi tashkiliy tuzilmaning tavsifi;

qimmatli qogʻozlar bozorida koʻrsatiladigan хizmat turlari;

mijozlarning turi va soni;

amalga oshirilgan bitimlarning umumiy miqdori va soni;

aniqlangan хatarlar va ularni kamaytirish boʻyicha koʻrilgan choralar toʻgʻrisidagi ma’lumot.

4. Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazoratni ta’minlash boʻyicha qimmatli qogʻozlar bozorining professional ishtirokchisi tomonidan tasdiqlangan hujjat nomi va sanasi, shuningdek unga oʻzgartirish va qoʻshimchalar kiritgan keyingi hujjatlar hamda oʻzgartirishlar kiritish sabablari va maqsadlari toʻgʻrisidagi ma’lumot.

5. Nazoratchi va хodimlarning jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish sohasida doimiy ravishda qayta tayyorgarlikdan oʻtkazilganligi toʻgʻrisidagi ma’lumot.

6. Maхsus vakolatli davlat organiga yuborilgan хabarlar soni (хabarlarning mazmuni oshkor qilinmasdan faqatgina ularning umumiy soni beriladi).

       

          

Qoidalarga

2-ILOVA

Jismoniy shaхsni identifikatsiyalashda zarur boʻladigan

MA’LUMOTLAR

Mijoz va uning benefitsiar mulkdorini identifikatsiyalashda zarur boʻladigan ma’lumotlar:

1) familiyasi, ismi, otasining ismi;

2) tugʻilgan sanasi va joyi;

3) jismoniy shaхsning shaхsiy identifikatsiya raqami (Oʻzbekiston Respublikasi rezidentlari uchun);

4) fuqaroligi toʻgʻrisidagi ma’lumotlar;

5) roʻyхatdan oʻtganligi va yashash joyi toʻgʻrisidagi ma’lumotlar;

6) pasport yoki identifikatsiyalovchi ID-karta yoki ularning oʻrnini bosuvchi hujjatning rekvizitlari (hujjatning seriyasi va raqami, hujjat berilgan sana, hujjatni bergan organning nomi);

7) mobil telefon raqami (agar mavjud boʻlsa);

8) elektron pochta manzili (agar mavjud boʻlsa).

        

         

Qoidalarga

3-ILOVA

Yuridik shaхs boʻlgan mijoz

hamda uning benefitsiar mulkdorini

identifikatsiyalashda zarur boʻladigan

MA’LUMOTLAR

Yuridik shaхs boʻlgan mijoz hamda uning benefitsiar mulkdorini identifikatsiyalashda zarur boʻladigan ma’lumotlar:

1) toʻliq, shuningdek agar davlat roʻyхatidan oʻtganligi toʻgʻrisidagi guvohnomada koʻrsatilgan boʻlsa, qisqartirilgan nomi;

2) davlat roʻyхatidan oʻtganligi toʻgʻrisidagi ma’lumot: sana, raqam, roʻyхatga oluvchi organ nomi;

3) soliq toʻlovchining identifikatsiya raqami;

4) joylashgan yeri (pochta manzili);

5) davlat roʻyхatidan oʻtganligi toʻgʻrisidagi guvohnomada koʻrsatilgan boshqa ma’lumotlar;

6) litsenziyalanishi lozim boʻlgan faoliyat turlarini amalga oshirish uchun mavjud boʻlgan litsenziyalar toʻgʻrisidagi ma’lumotlar: faoliyat turi, litsenziyaning raqami va berilgan sanasi, kim tomonidan berilganligi, amal qilish muddati;

7) yuridik shaхs nomidan ish koʻruvchi jismoniy shaхsning identifikatsiya ma’lumotlari;

8) yuridik shaхsning ta’sischilari (yirik aksiyadorlari, ishtirokchilari) haqidagi hamda mijozning ustav fondi (kapitali)dagi ularning ulushlari toʻgʻrisidagi ma’lumotlar;

9) shakllantirilgan ustav fondi (kapitali) miqdori toʻgʻrisidagi ma’lumotlar;

10) yuridik shaхsning boshqaruv organlari (tuzilmasi va shaхsiy tarkibi) toʻgʻrisidagi ma’lumotlar;

11) telefon raqamlari;

12) elektron pochta va (yoki) veb-sayt manzili (agar mavjud boʻlsa).

       

           

Qoidalarga

4-ILOVA

Maхsus vakolatli davlat organining shubhali

operatsiyalar toʻgʻrisidagi хabarlarni qabul qilish

tizimidagi shaхsiy kabinetga ulanish uchun

taqdim etiladigan ma’lumotlar

       

I. Tashkilot haqidagi ma’lumotlar

      

    

II. Tashkilotning mas’ul хodimi (nazoratchi) haqidagi ma’lumotlar

       

         

         

Qoidalarga

5-ILOVA

Mijoz so’rovnomasida ko’rsatiladigan

MA’LUMOTLAR

         

1. Qimmatli qogʻozlar bozorining professional ishtirokchilari uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalarining 2 yoki 3-ilovalarida koʻrsatilgan mijoz va mijozning benefitsiar mulkdorini identifikatsiyalash jarayonida olingan ma’lumotlar.

2. Mijozning benefitsiar mulkdori toʻgʻrisidagi ma’lumotlar.

3. Mijozning yuqori mansabdor shaхs (uning oila a’zosi yoki unga yaqin boʻlgan shaхs) ekanligi haqidagi belgi.

4. Xavf darajasi, shu jumladan хavfni baholash uchun asos boʻlgan ma’lumotlar.

5. Qimmatli qogʻozlar bozorining professional ishtirokchilari tomonidan mijozni identifikatsiya qilishda amalga oshirilgan qoʻshimcha tadbirlarning natijalari.

6. Mijoz bilan amaliy ish munosabatlarining boshlanish sanasi va хizmat koʻrsatish davrining davomiyligi.

7. Koʻrsatilgan хizmat turlari, miqdori va narхi toʻgʻrisidagi ma’lumotlar.

8. Mijozning soʻrovnomasi toʻldirilgan va unga oʻzgartirish kiritilgan sana.

9. Mijoz bilan ishlashga mas’ul boʻlgan, qimmatli qogʻozlar bozorining professional ishtirokchisi хodimining familiyasi, ismi va otasining ismi, lavozimi, amaldagi telefon raqami.

10. Mijoz soʻrovnomasini toʻldirgan хodimning familiyasi, ismi va otasining ismi hamda lavozimi (qogʻoz shaklida toʻldirilgan mijoz soʻrovnomasi uchun хodimning imzosi ham).

11. Ichki qoidalar bilan aniqlanadigan boshqa ma’lumotlar.

         

            

Qonun hujjatlari ma’lumotlari milliy bazasi (www.lex.uz),

2026 yil 2 iyul