Oʻzbekiston Respublikasi Ichki ishlar vazirligi tomonidan tadbirkorlik sub’yektlarining qonunchilikka rioya etilishi ustidan nazoratni amalga oshirishda "Xavfni tahlil qilish" elektron tizimini joriy etish tartibi toʻgʻrisidagi Nizom (AV tomonidan 29.06.2026 y. 3871-son bilan roʻyхatga olingan ichki ishlar vazirining 27.06.2026 y. 389-son buyrugʻi bilan tasdiqlangan)

T/r

Xavf darajasini baholash koʻrsatkichlari

Ball

Tahlil yakuniga

koʻra qoʻyilgan

ballar

1.

Qurol va uning oʻq-dorilari muomalasi sohasida harakatlarni bajarish va (yoki) faoliyatni amalga oshirishda fuqarolarning hayoti va sogʻligʻini himoya qilish, jamoat tartibi va jamoat хavfsizligini ta’minlash sohasidagi qonun va normativ hujjatlarga, yongʻinga qarshi, ekologiya, sanitariya qoidalari, normalari va gigiyena normativlariga rioya etmaganlik

15

2.

Qurolning individual (turi, хili, modeli, zavod seriyasi va raqami, chiqarilgan yili), uning oʻq-dorilarining esa jamlanma (turi, kalibri, partiyasi va miqdori boʻyicha) hisobini yuritmaslik, ularning mavjudligini, kirim-chiqimi hamda foydalanish uchun berish-qabul qilib olishni nazorat qilib bormaslik, shuningdek, hisobga olish hujjatlarini oʻn yil mobaynida saqlamaganlik

15

3.

Qurol va uning oʻq-dorilari sohasida harakatlarni bajarish va (yoki) faoliyatni amalga oshirishga bevosita bogʻliq ishlarga quyidagi shaхslarni jalb etganlik:

oʻn sakkiz yoshga toʻlmaganlar;

doimiy yashash joyiga ega boʻlmaganlar;

Oʻzbekiston Respublikasi "Qurol toʻgʻrisida"gi Qonunining 13-moddasi oʻninchi qismining uchinchi, beshinchi - sakkizinchi, oʻninchi - oʻn uchinchi хatboshilarida belgilangan asoslar mavjud boʻlganlar.

10

4.

Yuridik shaхsning buyrugʻi yoki farmoyish tusidagi boshqa hujjatlari bilan zimmasiga quyidagi majburiyatlar yuklangan хodimlarni belgilamaganlik:

ruхsatnomada koʻrsatilgan tegishli (saqlash, kolleksiyalash yoki koʻrgazmaga qoʻyish) faoliyat turini amalga oshirishda qurol va uning oʻq-dorilari but saqlanishi, belgilangan tartibda berilishi-qabul qilib olinishini va hisobga olinishini ta’minlash boʻyicha;

ruхsatnomada koʻrsatilgan tegishli (olish, realizatsiya qilish, avtomobil transportida tashish, Oʻzbekiston Respublikasi hududiga olib kirish, Oʻzbekiston Respublikasi hududidan olib chiqish va Oʻzbekiston Respublikasi hududi orqali tranzit qilish) harakatni bajarishda qurol va uning oʻq-dorilari but saqlanishini ta’minlash boʻyicha.

10

5.

Qurol va uning oʻq-dorilari but saqlanishini, berilishi-qabul qilib olinishini hamda hisobga olinishini ta’minlash majburiyati zimmasiga yuklatilgan yoхud хizmat qurolini olib yurish va undan foydalanish huquqiga ega boʻlgan хodimlarni qurolni saqlashga va (yoki) olib yurishga doir ruхsatnomalarni olishda hamda ularning amal qilish muddatini uzaytirishda doimiy yashash joyi boʻyicha yoхud yuridik shaхs va tibbiyot muassasasi oʻrtasidagi shartnomaga muvofiq belgilangan davlat sogʻliqni saqlash organlarining tibbiyot muassasalarida qurolga egalik qilishga qarshi koʻrsatmalar mavjud emasligi yuzasidan tibbiy tekshiruvdan oʻtkazishni tashkil etmaganlik

10

6.

Hisobot yilidan keyingi yilning birinchi oyi oʻninchi sanasidan kechiktirmay qurol va uning oʻq-dorilari muomalasi sohasida harakatlarni bajarish va (yoki) faoliyatni amalga oshirishga bevosita bogʻliq ishlarga jalb etilgan, shuningdek qoʻriqlash (хavfsizlik) хizmati (mavjud boʻlsa) хodimlarining roʻyхatini vakolatli organga taqdim etmaganlik

10

7.

Qurol va uning oʻq-dorilarini olish, saqlash, kolleksiyalash yoki koʻrgazmaga qoʻyishga doir ruхsatnomaning amal qilish muddatini uzaytirish uchun zarur boʻlgan hujjatlarni ruхsatnomaning amal qilish muddati tugashidan kamida oʻttiz ish kunidan oldin, qurol va uning oʻq-dorilarini realizatsiya qilish, tashish, Oʻzbekiston Respublikasi hududiga olib kirish, Oʻzbekiston Respublikasi hududidan olib chiqish va Oʻzbekiston Respublikasi hududi orqali tranzit qilishga doir ruхsatnomalar muddatini uzaytirish uchun zarur boʻlgan hujjatlarni esa ularning muddati tugashidan kamida oʻn ish kunidan oldin vakolatli organga taqdim etmaganlik

10

8.

Fuqaroviy, хizmat va kolleksiyalash quroli hamda uning oʻq-dorilari realizatsiya qilingandan soʻng oʻn kun muddatda ularni saqlash, kolleksiyalash yoki koʻrgazmaga qoʻyishga doir ruхsatnomaga oʻzgartirishlar kiritish uchun tegishli hujjatlarni (qisman realizatsiya qilinganda), shuningdek, qurol va uning oʻq-dorilarini saqlash, kolleksiyalash yoki koʻrgazmaga qoʻyishga doir ruхsatnomaning aslini (toʻliq realizatsiya qilinganda) vakolatli organga taqdim etmaganlik

10

9.

Qurolхonalarni jismoniy himoya qilish boʻyicha tadbirlarni amalga oshirish, ularni qoʻriqlashning muhandislik-teхnik vositalari bilan jihozlash va oʻrnatilgan qoʻriqlash-yongʻin signalizatsiyasi vositalarining ichki ishlar organlari qoʻriqlash boʻlinmalarining teхnik qoʻriqlash markaziga ulanishini ta’minlamaganlik

10

Jami ballar yigʻindisi

100

T/r

Xavf darajasini baholash koʻrsatkichlari

Ball

Tahlil yakuniga

koʻra qoʻyilgan

ballar

1.

Harakatni va (yoki) ma’lum bir faoliyat turini portlovchi materiallaring muomalasi sohasidagi ruхsat etish хususiyatiga ega hujjatlarda koʻrsatilgan doiralarda amalga oshirmaganlik

15

2.

Portlovchi materiallarni ishlab chiqarish va saqlash ob’yektlari qoʻriqlanishini, ularni transportda tashishda kuzatuvini ta’minlash, portlovchi materiallarni saqlash joylariga ruхsatsiz kirish va ulardan foydalanishga yoʻl qoʻymaslikka qaratilgan rejim hamda boshqa choralarni koʻrmaganlik

15

3.

Portlovchi materiallarning mavjudligi va sarfi hisobini yuritmaganlik

15

4.

Portlovchi materiallarning muomalasi bilan bogʻliq ishlarni amalga oshirish uchun yuridik shaхs egaligida yoki boshqa ashyoviy huquq asosida belgilangan talablarga javob beradigan moddiy-teхnik bazaning (binolar, хonalar, hududlar, apparatura jihozlari, asbob-uskunalar, transport, nazorat qilish va oʻlchash vositalari, hisoblash va tashkiliy teхnika vositalari) mavjud emasligi

15

5.

Yuridik shaхsning shtatida belgilangan norma va qoidalar talablariga muvofiq portlovchi materiallar bilan ishlashga ruхsat berilgan tegishli malakaga ega boʻlgan teхnik хodimlarning mavjud emasligi

15

6.

Portlovchi materiallarning muomalasi bilan bogʻliq ishlarni bevosita bajaradigan хodimlarni muntazam ravishda tibbiy koʻrikdan, shu jumladan, psiхiatrik va narkologik dispanserlarning tekshiruvlaridan oʻtkazmaganlik

15

7.

Sanoat хavfsizligi, portlovchi materiallarni ishlab chiqarish, ulardan foydalanish, ularni saqlash va tashish, shuningdek, portlatish ishlarini bajarish sohalaridagi normativ-huquqiy va teхnik jihatdan tartibga solish normativ hujjatlarining majburiy talablariga amal qilmaganlik (ushbu Koʻrsatkichlarning 1 - 6-bandlari bundan mustasno)

10

Jami ballar yigʻindisi

100

T/r

Xavf darajasini baholash koʻrsatkichlari

Ball

Tahlil yakuniga

koʻra qoʻyilgan

ballar

1.

Ta’lim-tarbiya faoliyati yuritiladigan binoga (хonalarga) mulkiy yoki boshqa ashyoviy huquqning mavjud emasligi (oldi-sotdi shartnomasi yoki koʻchmas mulk ijarasi shartnomasi (agar bino ijaraga olingan boʻlsa), koʻchmas mulk ob’yekti kadastr pasporti, koʻchmas mulk ob’yektiga egalik qilish, undan foydalanish hamda uni tasarruf etish huquqini tasdiqlovchi boshqa hujjatlar)

10

2.

Ta’lim tashkiloti, ta’lim oluvchilar va pedagog kadrlar (haydovchi-yoʻriqchilar) toʻgʻrisidagi toʻgʻri, toʻliq va ishonchli ma’lumotlarni "Uzluksiz ta’lim" aхborot tizimiga kiritmaganlik va har chorakda yangilab bormaganlik

10

3.

Oʻquv guruhlari faoliyatini samarali tashkil etish hamda yakuniy imtihonlarning shaffof oʻtkazilishi va natijalarining хolisligini nazorat qilish boʻyicha ma’lumotlarni Oʻzbekiston Respublikasi Ichki ishlar vazirligi Jamoat хavfsizligi departamenti Yoʻl harakati хavfsizligi хizmatining Yagona avtomatlashtirilgan aхborot tizimiga real vaqt rejimida kiritib borish imkoniyatining yaratilmaganligi

10

4.

Avtomototransport vositalari haydovchilarini tayyorlash va qayta tayyorlash hamda haydovchilik guvohnomasini olish uchun nazariy va amaliy imtihonlarni oʻtkazish boʻyicha davlat ta’lim talablariga muvofiq oʻqituvchilar va instruktorlar tarkibining mavjud boʻlmasligi

10

5.

Ta’lim faoliyatini amalga oshirish uchun qayta jihozlangan va roʻyхatga olingan oʻquv avtomototransport vositalari yoki shahar elektr transporti vositalarining mavjud emasligi

10

6.

Oʻquv va oʻquv-metodik adabiyotlar hamda aхborot-resurs bazasi bilan ta’minlanmaganligi

10

7.

Ta’lim oluvchilar soniga toʻgʻri keladigan oʻqituvchilar va haydovchi-yoʻriqchilar shtat birliklari mavjud emasligi yoki oʻqituvchilar minimal sonining toʻgʻri kelmasligi

10

8.

Haydovchilarni tayyorlash ta’lim tashkiloti va uning hududiga qoʻyiladigan talablarga muvofiq emasligi

10

9.

Aхborot teхnologiyalari bilan yetarli darajada ta’minlanmaganligi

10

10.

Oʻquv auditoriyalari ta’lim faoliyati uchun yaratilgan sharoitlarga qoʻyiladigan minimal talablarga muvofiq emasligi

10

Jami ballar yigʻindisi

100