Istiqbolli loyihalar milliy agentligining 03.06.2026 y. 3-son, Bosh prokuratura huzuridagi Iqtisodiy jinoyatlarga qarshi kurashish departamentning 01.06.2026 y. 25-son "Sugʻurtalovchilar (qayta sugʻurtalovchilar) va sugʻurta vositachilari uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalarini tasdiqlash toʻgʻrisida"gi Qarori (AV tomonidan 13.07.2026 y. 3898-son bilan roʻyхatga olingan)

OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

13.07.2026 y.

N 3898

QARORI

Sugʻurtalovchilar (qayta sugʻurtalovchilar)

va sugʻurta vositachilari uchun jinoiy faoliyatdan

olingan daromadlarni legallashtirishga, terrorizmni

moliyalashtirishga va ommaviy qirgʻin qurolini

tarqatishni moliyalashtirishga qarshi kurashish

boʻyicha ichki nazorat qoidalarini

tasdiqlash toʻgʻrisida

Oʻzbekiston Respublikasining "Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida"gi va "Sugʻurta faoliyati toʻgʻrisida"gi qonunlariga, Oʻzbekiston Respublikasi Prezidentining 2023 yil 2 sentyabrdagi PQ-291-son "Kapital bozorini rivojlantirishning qoʻshimcha chora-tadbirlari toʻgʻrisida"gi va 2024 yil 1 martdagi PQ-108-son "Sugʻurta хizmatlari bozorini yanada rivojlantirishning kompleks chora-tadbirlari toʻgʻrisida"gi qarorlariga muvofiq Oʻzbekiston Respublikasi Istiqbolli loyihalar milliy agentligi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti QAROR QILADI:

1. Sugʻurtalovchilar (qayta sugʻurtalovchilar) va sugʻurta vositachilari uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalari 1-ilovaga muvofiq tasdiqlansin.

2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

3. Mazkur qaror rasmiy e’lon qilingan kundan e’tiboran uch oydan keyin kuchga kiradi.

           

             

            

             

Qarorga

2-ILOVA

Oʻz kuchini yoʻqotgan deb topilayotgan

idoraviy normativ-huquqiy hujjatlar

ROʻYXATI

1. Oʻzbekiston Respublikasi Moliya vazirligi va Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2009 yil 13 oktyabrdagi 104 va 41-son "Sugʻurtalovchilar va sugʻurta vositachilari uchun jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalarini tasdiqlash toʻgʻrisida"gi qarori (roʻyхat raqami 2036, 2009 yil 3 noyabr) (Oʻzbekiston Respublikasi qonun hujjatlari toʻplami, 2009 y., 45-son, 494-modda).

2. Oʻzbekiston Respublikasi Moliya vazirligi va Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2010 yil 21 maydagi 44, 14-son "Sugʻurtalovchilar va sugʻurta vositachilari uchun jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha ichki nazorat qoidalariga oʻzgartirish va qoʻshimchalar kiritish toʻgʻrisida"gi qarori (roʻyхat raqami 2036-1, 2010 yil 28 may) (Oʻzbekiston Respublikasi qonun hujjatlari toʻplami, 2010 y., 22-son, 176-modda).

3. Oʻzbekiston Respublikasi Moliya vazirligi va Bosh prokuratura huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2015 yil 18 martdagi 25, 7-son "Sugʻurtalovchilar va sugʻurta vositachilari uchun jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha ichki nazorat qoidalariga oʻzgartirish va qoʻshimchalar kiritish toʻgʻrisida"gi qarori (roʻyхat raqami 2036-2, 2015 yil 6 aprel) (Oʻzbekiston Respublikasi qonun hujjatlari toʻplami, 2015 y., 14-son, 172-modda).

4. Oʻzbekiston Respublikasi Moliya vazirligi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining 2021 yil 25 iyundagi 39 va 29-son "Sugʻurtalovchilar va sugʻurta vositachilari uchun jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish boʻyicha ichki nazorat qoidalarini tasdiqlash toʻgʻrisida"gi qarorga oʻzgartirish va qoʻshimchalar kiritish haqida"gi qarori (roʻyхat raqami 2036-3, 2021 yil 26 iyun) (Qonunchilik ma’lumotlari milliy bazasi, 26.06.2021 y., 10/21/2036-3/0601-son).

5. Oʻzbekiston Respublikasi adliya vazirining 2021 yil 30 noyabrdagi 20-mh-son buyrugʻi (roʻyхat raqami 3338, 2021 yil 30 noyabr) (Qonunchilik ma’lumotlari milliy bazasi, 30.11.2021 y., 10/21/3338/1117-son) bilan tasdiqlangan Vazirliklar, davlat qoʻmitalari va idoralar tomonidan qabul qilingan ayrim idoraviy normativ-huquqiy hujjatlarga kiritilayotgan oʻzgartirishlarning 103-bandi.

6. Oʻzbekiston Respublikasi adliya vazirining 2024 yil 25 dekabrdagi 34-mh-son buyrugʻi (roʻyхat raqami 3595, 2024 yil 27 dekabr) (Qonunchilik ma’lumotlari milliy bazasi, 28.12.2024 y., 10/24/3595/1086-son) bilan tasdiqlangan Ayrim idoraviy normativ-huquqiy hujjatlarga kiritilayotgan oʻzgartirishlarning 25-bandi.

           

              

Qonun hujjatlari ma’lumotlari milliy bazasi (www.lex.uz),

2026 yil 14 iyul