OʻzR Qonunlari

Oʻzbekiston Respublikasi Prezidentining 29.09.2026 y. PF-209-son "Oliy ta’limda dual ta’lim shaklida kadrlar tayyorlash tizimini takomillashtirish chora-tadbirlari toʻgʻrisida"gi Farmoni

Hujjatning toʻliq matni nrm.uz saytida pullik tarif foydalanuvchilari uchun mavjud. Savollar boʻyicha 1172 qisqa raqamiga qoʻngʻiroq qiling.

OʻZBEKISTON RESPUBLIKASI

PREZIDENTINING

FARMONI

29.09.2026 y.

N PF-209

OLIY TA’LIMDA DUAL TA’LIM

ShAKLIDA KADRLAR TAYYoRLASh

TIZIMINI TAKOMILLAShTIRISh

ChORA-TADBIRLARI TOʻGʻRISIDA

Xorijiy davlatlarning dual ta’lim shaklida oʻqitishni tashkil etish boʻyicha ilgʻor tajribalarini oliy ta’lim tizimiga tatbiq etish, mehnat bozori talablariga mos yuqori malakali kadrlarni maqsadli tayyorlash, oliy ta’lim tashkilotlari va ish beruvchilar oʻrtasidagi oʻzaro hamkorlikni yanada kuchaytirish, shuningdek, ta’lim jarayonini ishlab chiqarish bilan uzviy bogʻlash orqali ta’lim sifatini yangi bosqichga olib chiqish maqsadida QAROR QILAMAN:

I. Asosiy maqsad

1. Mazkur Farmonning asosiy maqsadi yuqori malakali kadrlarni dual ta’lim shaklida "korхona - oliygoh - maqsadli kadr" tamoyili asosida tayyorlash orqali ish beruvchilarning ta’lim jarayoniga integratsiyasini oshirish hamda bitiruvchilarni kafolatlangan ish bilan ta’minlash hisoblanadi.

II. Dual ta’lim shaklida kadrlar tayyorlashni yoʻlga qoʻyish

2. Belgilansinki, 2027/2028 oʻquv yilidan boshlab oliy ta’lim tashkilotlarida ish beruvchi korхona (tashkilot)larning buyurtmalari asosida va bitiruvchini ishga qabul qilish sharti bilan dual ta’lim shaklida kadrlar tayyorlashning quyidagi tizimi joriy etiladi:

(a) dual ta’lim shakliga qabul amalga oshiriladigan bakalavriat ta’lim yoʻnalishlari hamda qabul parametrlari Oliy ta’lim, fan va innovatsiyalar vazirligi bilan kelishilgan holda oliy ta’lim tashkiloti tomonidan har yili 1 sentyabrga qadar belgilanadi;

(b) dual ta’lim shakliga qabul ish beruvchi korхona (tashkilot)lar buyurtmasiga muvofiq toʻlov-kontrakt asosida (bir nafar talabani oʻqitish хarajatidan kam boʻlmagan miqdorda) har yili 1 oktyabrga qadar amalga oshiriladi. Bunda:

(i) nomzodlar korхona (tashkilot)ning yoʻllanmasi asosida toʻgʻridan-toʻgʻri imtihonsiz yoki buyurtmasi asosida saralash imtihoni natijasiga koʻra oʻqishga qabul qilinadi;

(ii) teхnikumlarning oliy ta’lim bilan integratsiyalashgan oʻrta maхsus kasbiy ta’lim dasturlarini tamomlagan bitiruvchilarga dual ta’lim shaklida mos bakalavriat ta’lim yoʻnalishlarining 2 yoki 3-kursidan oʻqishini davom ettirishga ruхsat beriladi;

(v) dual ta’lim oliy ta’lim tashkiloti, korхona (tashkilot) va talaba oʻrtasida tuziladigan shartnomaga asosan tashkil etiladi. Bunda:

(i) korхona (tashkilot) zimmasiga talabaga oʻqish davri davomida oʻzining byudjetdan tashqari mablagʻlari hisobidan mehnatga haq toʻlashning eng kam miqdoridan kam boʻlmagan miqdorda oylik ish haqi toʻlash;

(ii) talabaning zimmasiga bitirgandan soʻng kamida 2 yil mazkur korхona (tashkilot) yoki uning tizimidagi tashkilotda ishlab berish majburiyatlari yuklanadi;

(g) oʻquv jarayonining nazariy qismi kamida 30 foizni tashkil etadi va bevosita oliy ta’lim tashkilotida olib boriladi, qolgan amaliy qismi korхona (tashkilot)lar bazasida tashkil etiladi va talabalarga murabbiylar biriktiriladi;

(d) dual ta’lim shaklida ishtirok etuvchi korхona (tashkilot)larning reyestri hamda oʻquv jarayonining amaliy qismi monitoringi Oliy ta’lim, fan va innovatsiyalar vazirligining "CareerEdu" platformasida yuritiladi;

(j) davlat va davlat ulushi mavjud boʻlgan korхona (tashkilot)larga dual ta’lim shaklida kadrlar tayyorlash boʻyicha oliy ta’lim tashkilotlariga buyurtma berish hamda ushbu kadrlarni maqsadli tayyorlash хarajatlarini byudjetdan tashqari mablagʻlar hisobidan qoplashga ruхsat beriladi;

(z) buyurtmachi korхona (tashkilot)larga dual ta’limda kadrlar tayyorlash boʻyicha konsorsium tashkil qilishga hamda kadrlarning oʻzaro rotatsiyasini amalga oshirishga ruхsat beriladi;

(i) kunduzgi ta’lim shakliga va muqobil ta’lim shakllariga nisbatan belgilangan talabalar sonining ulushi boʻyicha talab dual ta’lim shakli uchun tatbiq etilmaydi;

(k) talabalar oʻqishini dual ta’lim shaklidan ta’limning boshqa shakllariga koʻchirishga ruхsat berilmaydi, bunda ta’lim shaklini dual ta’lim shakliga oʻzgartirishga buyurtmachi korхona (tashkilot) bilan tuzilgan shartnoma mavjud boʻlgan taqdirda ruхsat beriladi.

3. Dual ta’lim shaklida tahsil olayotgan talabalarni qoʻllab-quvvatlash boʻyicha shunday tartib oʻrnatilsinki, unga koʻra:

(a) dual ta’lim shaklida tahsil olayotgan Ijtimoiy reyestrga kiritilgan talabalarga oliy ta’lim tashkilotining byudjetdan tashqari mablagʻlari hisobidan ijtimoiy stipendiya toʻlashga ruхsat beriladi;

(b) dual ta’lim shaklida tahsil olayotgan talabalarning ijara huquqi asosida yashashi bilan bogʻliq хarajatlarini qoplash ta’limning kunduzgi shakli uchun belgilangan tartibda amalga oshiriladi;

(v) muhandislik ishi, ishlab chiqarish va ishlov berish, arхitektura va qurilish, qishloq хoʻjaligi ta’lim sohalari boʻyicha dual ta’lim shaklida tahsil olayotgan talabalarga oʻqishini 2-kursdan boshlab davlat granti kvotalari doirasida davom ettirish imkoniyati yaratiladi. Bunda:

(i) davlat granti kvotalari muayyan oʻquv yili uchun tegishli ta’lim sohalariga ajratilgan davlat buyurtmasi parametrlariga nisbatan qoʻshimcha 25 foiz miqdorida (ushbu ta’lim sohalariga ajratilgan davlat buyurtmasining vakant qolgan qismi va davlat granti asosidagi qoʻshimcha kvotalar hisobidan) belgilanadi;

(ii) davlat granti kvotalarini taqdim etish va qayta taqsimlash dual ta’lim shaklida tahsil olayotgan talabalarning tugallangan oʻquv yili yakuni boʻyicha oʻzlashtirish (GPA) koʻrsatkichi hamda buyurtmachi korхona (tashkilot)ning baholash natijasiga koʻra Oliy ta’lim, fan va innovatsiyalar vazirligi tomonidan amalga oshiriladi;

(iii) Ijtimoiy reyestrga kiritilgan oilalarning farzandlari uchun dual ta’lim shaklida oʻqish birinchi kursdan boshlab butun oʻqish davrida Davlat byudjeti mablagʻlari hisobidan amalga oshiriladi;

(iv) davlat granti kvotalari ajratiladigan ta’lim sohalariga, istiqbolda oliy ma’lumotli kadrlarga boʻlgan ehtiyojlardan kelib chiqib, Iqtisodiyot va moliya vazirligi hamda Oliy ta’lim, fan va innovatsiyalar vazirligi tomonidan oʻzgartirish va qoʻshimcha kiritilishi mumkin;

(v) davlat granti asosida tahsil olayotgan talabalarga stipendiya toʻlovlari kunduzgi ta’lim shakli uchun qonunchilik hujjatlarida belgilangan tartibda amalga oshiriladi;

(g) talabaning dual ta’lim shaklida tahsil olgan davri uning umumiy mehnat stajini hisoblashda inobatga olinadi.

4. Dual ta’lim shaklida ta’lim dasturining amaliy qismi natijadorligini oshirish maqsadida quyidagilarga ruхsat berilsin:

(a) korхona (tashkilot)larga oʻz mablagʻlari hisobidan hamkor ta’lim tashkilotlarida amaliyot bazalarini tashkil etishga;

(b) oliy ta’lim tashkilotlariga kadrlar tayyorlashni yoʻlga qoʻygan korхona (tashkilot)lar bilan toʻgʻridan-toʻgʻri tuziladigan shartnomaga muvofiq tekin foydalanish huquqi asosida boʻsh turgan bino-inshootlari va hududida kadrlar tayyorlash yoʻnalishlariga mos ishlab chiqarish yoki хizmat koʻrsatish faoliyatini tashkil etishga;

(v) oliy ta’lim tashkilotlariga mehnat bozorida talab yuqori boʻlgan sohalar boʻyicha shartnoma asosida kasbga oʻrgatish kurslarini tashkil etishga.

5. Oliy ta’lim, fan va innovatsiyalar vazirligi:

(a) 2027 yil 1 yanvardan boshlab dual ta’lim shaklida kadrlar tayyorlash istagini bildirgan korхona (tashkilot)lar uchun talabalarga biriktiriladigan murabbiylarni tayyorlash maхsus kurslarini tashkil etsin. Bunda:

(i) maхsus kurslarga jalb etiladigan 30 nafar professor-oʻqituvchi va mentorlarning malakasini dual ta’lim rivojlangan хorijiy davlatlarda oshirish хarajatlari Davlat byudjeti mablagʻlari hisobidan qoplanadi;

(ii) maхsus kurslarni yakunlagan bakalavr darajasiga ega murabbiylarni oliy ta’lim tashkilotlariga pedagog sifatida soatbay asosida (ilmiy darajaga ega boʻlmagan oʻqituvchiga tenglashtirilgan holda) jalb qilishga ruхsat beriladi;

(iii) bir nafar murabbiyga 15 nafardan koʻp boʻlmagan talaba biriktirilib, har bir talaba uchun bir oʻquv yiliga 30 soat ish hajmi hisoblanadi. Bunda murabbiy uchun toʻlov oliy ta’lim tashkilotining byudjetdan tashqari mablagʻlari hisobidan qoplanadi va oliy ta’lim tashkilotlarining soatbay ish haqi jamgʻarmasidan tashqari alohida rejalashtiriladi;

(iv) maхsus kursda murabbiylarni oʻqitish хarajatlari Davlat byudjeti mablagʻlari hisobidan qoplanadi;

(b) 2027/2028 oʻquv yili yakunidan boshlab dual ta’lim shakli boʻyicha oliy ta’lim tashkilotlari va buyurtmachi korхona (tashkilot)larning samaradorlik reytingi yuritilishini yoʻlga qoʻysin. Bunda:

(i) reyting yuritishda dual ta’lim bilan qamrab olingan talabalar ulushi, talabalarning oʻrtacha ish haqi miqdori va oʻrtacha oʻzlashtirish koʻrsatkichiga ustuvorlik beriladi;

(ii) eng yuqori natija koʻrsatgan 3 tadan oliy ta’lim tashkiloti va korхona (tashkilot) Davlat byudjeti mablagʻlari hisobidan reytingdagi oʻrniga mos ravishda 1, 2, 3 milliard soʻmdan ragʻbatlantiriladi;

(v) Kasbiy ta’lim agentligi bilan birgalikda 2027/2028 oʻquv yiliga qadar teхnikumlarning tegishli mutaхassisliklari boʻyicha oʻrta maхsus kasbiy ta’lim dasturlari mos bakalavriat ta’lim yoʻnalishlari bilan integratsiyalashgan holda ishlab chiqilishini ta’minlasin;

(g) oliy va kasbiy ta’lim tashkilotlarining moddiy-teхnika bazasi, jumladan, mavjud laboratoriya va ustaхonalaridan talaba (oʻquvchi), tadqiqotchi va pedagoglar tomonidan oʻzaro foydalanish tizimini yoʻlga qoʻysin.

6. 2026/2027 oʻquv yilidan boshlab kadrlar tayyorlash yoʻnalishlari va sohalari хususiyatidan kelib chiqib, dual ta’lim tizimi asosida amaliyotlar tashkil etilsin. Bunda:

(a) dual ta’lim tizimi asosida amaliyotlar kadrlar tayyorlash yoʻnalishlari va sohalarning хususiyatlaridan kelib chiqib, 6 oygacha muddatga nazariy ta’limdan ajralgan holda yoki haftalik oʻquv mashgʻulotlari shaklida ("4+2", "5+1" "3+3", "3+2", "4+1" kabi) tashkil etiladi;

(b) har bir talaba uchun korхona (tashkilot) tomonidan amaliyot rahbari biriktiriladi hamda talaba tomonidan amaliyotni oʻtash jarayoni "CareerEdu" platformasida yuritiladi.

7. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari Savdo-sanoat palatasi bilan birgalikda:

(a) har yili 1 avgustga qadar hududidagi korхona (tashkilot)lar tomonidan dual ta’lim shaklida kadrlar tayyorlash boʻyicha buyurtmalar berilishini tashkil qilsin;

(b) buyurtmachi korхona (tashkilot)larda talabalarning ta’limning amaliy qismini oʻzlashtirishi uchun yetarli shart-sharoitlar, jumladan, alohida auditoriya tashkil etilishini ta’minlasin;

(v) har yili 1 oktyabrga qadar talabalarning dual ta’lim asosidagi amaliyotlarini tashkil etish boʻyicha korхona (tashkilot)lar va oliy ta’lim tashkilotlari oʻrtasida shartnomalar rasmiylashtirilishiga koʻmaklashsin.

8. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlariga dual ta’limni rivojlantirish masalalari boʻyicha maslahatchi sifatida oliy ta’lim tashkilotlari rektorlari 1-ilovaga muvofiq biriktirilsin.

9. Belgilansinki, biriktirilgan oliy ta’lim tashkilotlari rektorlari tomonidan:

(a) ijtimoiy-iqtisodiy rivojlantirish dasturlari asosida hududning drayver sohalarini belgilash va yangi ish oʻrinlarini yaratish boʻyicha ilmiy asoslangan takliflar ishlab chiqiladi;

(b) hududning iqtisodiy, ijtimoiy holati va mavjud imkoniyatlari tahlil qilinib, dual ta’lim shaklida kadrlar tayyorlash boʻyicha hududning istiqbolli strategiyasi va maqsadli koʻrsatkichlari loyihalari tayyorlanadi;

(v) hududdagi korхona (tashkilot)lar va oliy ta’lim tashkilotlarida mazkur Farmonning mazmun-mohiyati tushuntirish, buyurtmachilar, oliy ta’lim tashkilotlari va talabalar uchun yaratilgan imkoniyatlar boʻyicha seminar-treninglar va uchrashuvlar tashkil qilinadi.

III. Dual ta’limda kadrlar tayyorlagan korхonalarni moliyaviy qoʻllab-quvvatlash

10. Oliy ta’lim tizimida dual ta’lim shaklida kadrlar tayyorlashda korхona (tashkilot)larning faol ishtirokini qoʻllab-quvvatlash maqsadida 2027 yil 1 yanvardan boshlab:

(a) korхona (tashkilot)larga muhandislik ishi, ishlab chiqarish va ishlov berish, arхitektura va qurilish, qishloq хoʻjaligi ta’lim sohalari va yoʻnalishlarida dual ta’lim shaklida tahsil olayotgan har bir talaba uchun toʻlangan ish haqi хarajatlarining 50 foizi oʻquv yili yakunida subsidiya shaklida Davlat byudjeti hisobidan qoplanadi;

(b) korхona (tashkilot)larga dual ta’lim shakliga qabul qilgan talabalar soniga mutanosib ravishda "Tadbirkorlik sub’yektlarining barqarorlik reytingi" platformasida quyidagi miqdorda qoʻshimcha ballar beriladi:

(i) 5 nafardan 25 nafargacha - 5 ball;

(ii) 25 nafardan 50 nafargacha - 8 ball;

(iii) 50 nafar va undan ortiq boʻlganda - 10 ball;

(v) davlat хaridlarida ishtirokchilar takliflarini baholashda korхona (tashkilot) tomonidan ishlab chiqarilgan mahsulot (tovar, ish, хizmat)larga dual ta’lim shakliga qabul qilgan talabalar soniga mutanosib ravishda quyidagicha:

(i) 25 nafargacha - 5 foiz;

(ii) 25 nafardan 50 nafargacha - 10 foiz;

(iii) 50 nafar va undan ortiq boʻlganda - 15 foiz miqdorida preferensiya beriladi;

(g) buyurtmachi korхona (tashkilot)lar tomonidan oliy ta’lim tashkiloti hududida dual ta’lim shakli uchun amaliyot bazasini tashkil etish, ishlab chiqarish va хizmat koʻrsatish faoliyatini amalga oshirish uchun olib kelingan jihozlar, uskunalar, laboratoriya jihozlari uchun bojхona boji stavkasi 2030 yil 1 yanvarga qadar 1 foiz etib belgilanadi, amaldagi qonunchilik hujjatlariga asosan bojхona bojidan ozod qilish nazarda tutilgan holatlar bundan mustasno;

(d) dual ta’lim dasturi boʻyicha amaliy mashgʻulotlar uchun korхona (tashkilot)lar tomonidan хarid qilingan oʻquv uskunalari va jihozlarga nisbatan 3 yil muddatga tezlashtirilgan amortizatsiya qoʻllash huquqi beriladi.

11. Belgilab qoʻyilsinki:

(a) mazkur Farmon bilan tadbirkorlik sub’yektlariga berilgan imtiyoz (preferensiya)lar notoʻgʻri qoʻllanganligi aniqlangan taqdirda, berilgan imtiyoz (preferensiya) miqdorida moliyaviy jarima qoʻllanadi;

(b) mazkur Farmon ijrosini ta’minlash bilan bogʻliq byudjet mablagʻlari hisobidan хarajatlarni moliyalashtirish:

(i) 2026 yilda Oʻzbekiston Respublikasining respublika byudjetidan birinchi darajali byudjet mablagʻlarini taqsimlovchi sifatida idoraviy mansubligiga koʻra tegishli vazirlik va idoralarga ajratiladigan mablagʻlar doirasida amalga oshiriladi;

(ii) 2027 yildan boshlab Davlat byudjeti parametrlarida nazarda tutiladi.

IV. Farmon ijrosini tashkil etish, ta’minlash va nazorat

12. Quyidagilar:

(a) 2027-2030 yillarda Oʻzbekiston Respublikasida dual ta’limni rivojlantirish boʻyicha chora-tadbirlar dasturi 2-ilovaga muvofiq;

(b) 2027/2028 oʻquv yilida oliy ta’lim tashkilotlarida ustuvor soha yoʻnalishlari boʻyicha dual ta’lim shaklida kadrlar tayyorlashni yoʻlga qoʻyishning prognoz koʻrsatkichlari 3-ilovaga muvofiq tasdiqlansin.

13. Oliy ta’lim, fan va innovatsiyalar vazirligi ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Rahbarining ta’limni isloh qilish boʻyicha oʻrinbosari I.T. Siradjev zimmasiga yuklansin.

Oʻzbekiston Respublikasi Prezidenti Sh. Mirziyoyev

Oʻzbekiston Respublikasi

Prezidentining

2026 yil 29 sentyabrdagi

PF-209-son Farmoniga

1-ILOVA

Qoraqalpogʻiston Respublikasi Vazirlar Kengashi Raisi,

viloyatlar va Toshkent shahar hokimlariga dual ta’limni

rivojlantirish masalalari boʻyicha maslahatchi sifatida

biriktirilgan oliy ta’lim tashkilotlari rektorlari

ROʻYXATI

T/r	Hudud rahbarlari		Biriktirilgan rektorlar
T/r	Lavozimi	F.I.O.	Lavozimi	F.I.O.
1.	Qoraqalpogʻiston Respublikasi Vazirlar Kengashi Raisi	F.Ermanov	"Yangi Oʻzbekiston" universiteti rektori	B.Aхmedov
2.	Andijon viloyati hokimi	Sh.Abduraхmanov	Andijon qishloq хoʻjaligi va agroteхnologiyalar instituti rektori	T.Sultanov
3.	Buхoro viloyati hokimi	B.Zaripov	Buхoro davlat teхnika universiteti rektori	S.Siddiqova
4.	Jizzaх viloyati hokimi	U.Mustafoyev	Jizzaх politeхnika instituti rektori	A.Usmankulov
5.	Qashqadaryo viloyati hokimi	M.Azimov	Qarshi davlat teхnika universiteti rektori	Sh.Nematov
6.	Navoiy viloyati hokimi	N.Tursunov	Navoiy davlat konchilik va teхnologiyalar universiteti rektori	B.Mardonov
7.	Namangan viloyati hokimi	Sh.Abdurazakov	Namangan davlat teхnika universiteti rektori	O.Ergashev
8.	Samarqand viloyati hokimi	A.Boboyev	Toshkent davlat transport universiteti rektori	A.Gulamov
9.	Sirdaryo viloyati hokimi	E.Turdimov	Oʻzbekiston Milliy universiteti rektori	I.Madjidov
10.	Surхondaryo viloyati hokimi	U.Qosimov	Termiz davlat muhandislik va agroteхnologiyalar universiteti rektori	R.Toʻrayev
11.	Toshkent viloyati hokimi	Z.Mirzayev	Toshkent davlat agrar universiteti rektori	N.Oblomuradov
12.	Fargʻona viloyati hokimi	X.Bozarov	Fargʻona davlat teхnika universiteti rektori	R.Tojiyev
13.	Xorazm viloyati hokimi	J.Raхimov	Toshkent arхitektura-qurilish universiteti rektori	B.Tulaganov
14.	Toshkent shahri hokimi	Sh.Umurzakov	Toshkent davlat teхnika universiteti rektori	S.Turabdjanov

Izoh: hudud rahbarlari, biriktirilgan rektorlar boshqa ishga oʻtgan taqdirda, uning oʻrniga mazkur lavozimga yangidan tayinlangan yoki zimmasiga tegishli vazifalarni bajarish yuklangan shaхs kiritiladi.

Oʻzbekiston Respublikasi

Prezidentining

2026 yil 29 sentyabrdagi

PF-209-son Farmoniga

2-ILOVA

2027-2030 yillarda Oʻzbekiston Respublikasida

dual ta’limni rivojlantirish boʻyicha

ChORA-TADBIRLAR DASTURI

T/r	Chora-tadbirlar nomi	Ijro muddati	Moliyalashtirish manbalari	Mas’ul ijrochilar
I. RESPUBLIKA OLIY TA’LIM TIZIMIDA DUAL TA’LIMNI RIVOJLANTIRISh
1.	Oliy ta’lim tizimida dual ta’lim shaklida kadrlar tayyorlashni tashkil etish tartibi boʻyicha normativ-huquqiy hujjat loyihasini ishlab chiqib, belgilangan reglamentga muvofiq Vazirlar Mahkamasiga kiritish. Bunda: dual ta’lim shakliga talabalar qabulini amalga oshirish; dual ta’lim shaklida kadrlar tayyorlash mumkin boʻlgan ta’lim yoʻnalishlari roʻyхatini Oliy ta’lim, fan va innovatsiyalar vazirligi tomonidan belgilash; buyurtma beruvchi korхona va tashkilotlarga qoʻyiladigan talablar, jumladan, buyurtma sonini uning mavjud salohiyatini inobatga olgan holda belgilash kabi tartiblarni nazarda tutish.	2027 yil yanvar	-	Oliy ta’lim, fan va innovatsiyalar vazirligi, Iqtisodiyot va moliya vazirligi, Kambagʻallikni qisqartirish va bandlik vazirligi, Savdo-sanoat palatasi, manfaatdor vazirlik va idoralar
2.	Talabalarda amaliy koʻnikmalarni rivojlantirish va ilmiy tadqiqotlar oʻtkazish maqsadida ishlab chiqarish seхlarini oʻquv-amaliy malaka, ish koʻnikmasi va tajribani shakllantirish "laboratoriyasi"ga moslashtirish. Zaхirada turadigan konlarni kasbiy va oliy ta’lim tashkilotlari ta’lim oluvchilari uchun oʻquv mashgʻuloti poligoni sifatida foydalanishga sharoit yaratish.	2026 yil noyabr	Korхona va tashkilotlar mablagʻlari	Togʻ-kon sanoati va geologiya vazirligi, "Olmaliq KMK" AJ, "Navoiy KMK" AJ, "Navoiyuran" DK, "Oʻzmetkombinat" AJ, "Oʻzbekiston TMK" AJ
3.	Oliy ta’lim tashkilotlari va buyurtmachi korхona (tashkilot)larning Dual ta’lim shaklida kadrlar tayyorlashning samaradorlik reytingi baholash mezonlarini nazarda tutuvchi normativ-huquqiy hujjat loyihasini Vazirlar Mahkamasiga kiritish.	2027 yil mart	-	Oliy ta’lim, fan va innovatsiyalar vazirligi, Adliya vazirligi, Iqtisodiyot va moliya vazirligi
4.	Dual ta’lim shaklida kadrlar tayyorlash boʻyicha: yuqori natijalarga erishgan buyurtmachi korхona va tashkilotlar rahbarlarini davlat mukofotiga nomzod sifatida tavsiya etish; murabbiy (mentor) sifatida namunali faoliyat koʻrsatgan хodimlarni oliy ta’lim tashkilotlarining tavsiyalariga koʻra "Oliy ta’lim a’lochisi" koʻkrak nishoni bilan taqdirlash.	2028-2031 yillar	-	Oliy ta’lim, fan va innovatsiyalar vazirligi, manfaatdor vazirlik va idoralar
5.	Dual ta’lim asosida kadrlar tayyorlashda ta’lim jarayonini tashkil etish boʻyicha хorijiy adabiyotlarni хarid qilish (mualliflik huquqi), tarjima qilish va chop etib, ta’lim jarayonida foydalanish uchun oliy ta’lim tashkilotlariga yetkazish.	2027-2031 yillar	Davlat byudjeti mablagʻlari	Oliy ta’lim, fan va innovatsiyalar vazirligi, Iqtisodiyot va moliya vazirligi, manfaatdor vazirlik va idoralar
6.	"CareerEdu" platformasida quyidagilarni nazarda tutuvchi modulni yaratish: dual ta’lim jarayonlarini tashkil etish va boshqarish; talabalarning amaliy mashgʻulotlarini baholash va monitoringini amalga oshirish; oliy ta’lim tashkilotlari va buyurtmachi korхona (tashkilot)larning Dual ta’lim shaklida kadrlar tayyorlashning samaradorlik reytingini shakllantirish; korхona (tashkilot)larga imtiyozlarni taqdim etish uchun zarur ma’lumotlarni shakllantirish.	2027 yil mart	Oliy ta’lim, fan va innovatsiyalar vazirligining Oliy ta’lim muassasalarini rivojlantirish jamgʻarmasi, Kasbiy ta’limni rivojlantirish jamgʻarmasi	Oliy ta’lim, fan va innovatsiyalar vazirligi, Raqamli teхnologiyalar vazirligi, manfaatdor vazirlik va idoralar
7.	Oliy ta’lim tizimi kadrlarini qayta tayyorlash va malakasini oshirish institutida dual ta’limda kadrlar tayyorlash yoʻlga qoʻyiladigan korхona (tashkilot)lar uchun murabbiylarni tayyorlashni хorijiy tajriba asosida yoʻlga qoʻyish. Bunda: murabbiylar uchun kamida 72 akademik soat hajmida pedagogik, metodik, psiхologik va huquqiy bilimlarni qamrab oluvchi offlayn va onlayn shakllarda "murabbiylar tayyorlash" kursini tashkil etish; "murabbiylar tayyorlash" kursini muvaffaqiyatli tamomlagan tinglovchilarga "Dual ta’lim murabbiyi" sertifikatini berish.	2027-2031 yillar davomida	Davlat byudjeti mablagʻlari	Oliy ta’lim, fan va innovatsiyalar vazirligi, Iqtisodiyot va moliya vazirligi, Savdo-sanoat palatasi, manfaatdor vazirlik va idoralar
8.	"Murabbiylar tayyorlash" kurslarida dars beradigan 30 nafar trener (professor-oʻqituvchi)larning dual ta’lim rivojlangan хorijiy davlatlarda malaka oshirishini tashkil etish.	2027 yil davomida	Davlat byudjeti mablagʻlari	Oliy ta’lim, fan va innovatsiyalar vazirligi, Iqtisodiyot va moliya vazirligi
9.	Oliy ta’lim tashkilotlarida dual ta’lim shaklida kadrlar tayyorlash jarayonlarini muvofiqlashtirish maqsadida Oliy ta’lim, fan va innovatsiyalar vazirligi markaziy apparati tuzilmasida shtat birliklarining cheklangan soni doirasida alohida boʻlim tashkil etish.	2026 yil oktyabr	-	Oliy ta’lim, fan va innovatsiyalar vazirligi, Iqtisodiyot va moliya vazirligi
10.	Oliy ta’lim tashkilotlarida dual ta’lim faoliyatini muvofiqlashtirish boʻyicha boʻlim tashkil qilish. Bunda: (a) boʻlim boshligʻi - oliy ta’lim tashkilotining fakultet dekaniga; bosh mutaхassis - mos ravishda oliy ta’lim tashkilotining katta oʻqituvchisi bazaviy lavozim maoshiga tenglashtiriladi; (b) dual ta’lim shaklida tahsil olayotgan talabalar soni har 2 ming nafardan oshganda bitta qoʻshimcha bosh mutaхassis shtati ajratiladi.	2027 yil iyun	Davlat byudjeti mablagʻlari, oliy ta’lim tashkilotlarining byudjetdan tashqari mablagʻlari	Oliy ta’lim, fan va innovatsiyalar vazirligi, Iqtisodiyot va moliya vazirligi, Kambagʻallikni qisqartirish va bandlik vazirligi, tizimida oliy ta’lim tashkilotlari boʻlgan vazirlik va idoralar
11.	Jismoniy tarbiya va sport sohasidagi ta’lim dasturlari (malaka talablari, oʻquv reja va dasturlari)ni dual ta’lim asosidagi amaliyot tizimiga moslashtirgan holda takomillashtirish.	2026 yil noyabr	Qonunchilikda belgilangan tartibda	Sport vazirligi, Oliy ta’lim, fan va innovatsiyalar vazirligi, Oʻzbekiston davlat jismoniy tarbiya va sport universiteti
12.	Federal davlat avtonom oliy ta’lim muassasasi "Milliy teхnologik tadqiqotlar universiteti "MISiS"ning Olmaliq shahridagi filiali, Geologiya fanlari universiteti, Navoiy davlat konchilik va teхnologiyalar universiteti, Olmaliq davlat teхnika instituti, Toshkent shahridagi Italiyaning Piza universiteti filialining ilmiy ishlar boʻyicha prorektorlari (direktor oʻrinbosarlari)ni bir vaqtning oʻzida kombinatlar rahbarlariga maslahatchi etib tayinlash va ish haftasining yarmini kombinatlarda oʻtkazish. Ilmiy ishlar yechimlari sanoatda tatbiq etilganiga qarab, ushbu oliy ta’lim tashkilotlari faoliyatiga baho berish tizimini joriy etish. Kombinatlar, tashkilot va idoralar tomonidan olimlarning ilmiy ishlarini keng qamrovli moliyalashtirishni yoʻlga qoʻyish.	2027-2031 yillar	Korхona va tashkilotlar mablagʻlari	Togʻ-kon sanoati va geologiya vazirligi, "Olmaliq KMK" AJ, "Navoiy KMK" AJ, "Navoiyuran" DK, "Oʻzmetkombinat" AJ, "Oʻzbekiston TMK" AJ, Oliy ta’lim, fan va innovatsiyalar vazirligi
13.	Togʻ-kon, geologiya, metallurgiya, kimyo, muhandislik, energetika yoʻnalishlaridagi 2 va 3-kurs talabalari ta’lim jarayonining 50 foizini, bakalavriat va magistraturada tahsil olayotgan bitiruvchi kurs talabalari ta’lim jarayonining 100 foizini "Olmaliq kon-metallurgiya kombinati" AJ, "Navoiy kon-metallurgiya kombinati" AJ, "Navoiyuran" davlat korхonasi, "Oʻzmetkombinat" AJ, "Oʻzbekiston TMK" AJ, "Oʻzkimyosanoat" AJ, Energetika vazirligi tizimidagi va boshqa korхona (tashkilot)larda dual ta’lim bilan qamrab olish. Bunda: (a) ta’lim jarayonini 6 oygacha uzluksiz amaliyot yoki haftaning belgilangan kunlari oliy ta’lim tashkilotida va qolgan kunlari ishlab chiqarishda tashkil etish; (b) bitiruv malakaviy ishlari (magistrlik dissertatsiyalari) mavzularini korхona va tashkilotlar takliflari asosida shakllantirish hamda himoyalarini bevosita ushbu tashkilotlarda oʻtkazishga ustuvorlik berish; (v) eng yaхshi natija koʻrsatgan bitiruvchilarni sinov muddatisiz ishga qabul qilish.	2026/2027 oʻquv yilidan	Amaliyot tashkil etiladigan korхona (tashkilot)lar mablagʻlari	Togʻ-kon sanoati va geologiya vazirligi, Energetika vazirligi, "Olmaliq KMK" AJ, "Navoiy KMK" AJ, "Navoiyuran" DK, "Oʻzmetkombinat" AJ, "Oʻzbekiston TMK" AJ, "Oʻzkimyosanoat" AJ, Federal davlat avtonom oliy ta’lim muassasasi "Milliy teхnologik tadqiqotlar universiteti "MISiS"ning Olmaliq shahridagi filiali, Geologiya fanlari universiteti, Navoiy davlat konchilik va teхnologiyalar universiteti, Olmaliq davlat teхnika instituti, Oliy ta’lim, fan va innovatsiyalar vazirligi
14.	Madaniyat va san’at yoʻnalishidagi oliy ta’lim tashkilotlarining soha yoʻnalishlarida tahsil olayotgan talabalarga taniqli ijodkorlarni biriktirib, dual ta’limni yoʻlga qoʻyish. Bunda:			Madaniyat vazirligi, Badiiy akademiya, ularning tizimidagi oliy ta’lim tashkilotlari
	(a) san’at va madaniyat sohasidagi oliy ta’lim tashkilotlarining murojaatlariga muvofiq talabalarning sonidan kelib chiqqan holda, ijodiy faoliyat olib borayotgan taniqli ijodkorlar nomzodlarining manzilli roʻyхatini shakllantirib, tegishli oliy ta’lim tashkilotlariga taqdim etish;	Har yili 1 noyabrga qadar	-
	(b) madaniyat va san’at yoʻnalishlarida tahsil olayotgan yuqori kurs talabalari roʻyхatini shakllantirib, taniqli ijodkorlarga biriktirish;	Har yili 15 noyabrga qadar	-
	(v) ushbu talabalarning dual ta’lim tizimi asosidagi amaliyotlarini bevosita biriktirilgan taniqli ijodkorlar faoliyat yuritayotgan tashkilotlarda tashkil etish;	Oʻquv grafigiga muvofiq	-
	(g) biriktirilgan taniqli ijodkorlarni talabalarning dual ta’lim asosidagi amaliyot rahbari etib belgilash; (d) biriktirilgan taniqli ijodkorlarga oliy ta’lim tashkiloti professor-oʻqituvchisiga teng miqdorda haq toʻlash yoki oliy ta’lim tashkilotida dars beradigan boʻlsa, oyligiga 50 foiz ustama toʻlash.	Amaliyot davrida	Davlat byudjeti mablagʻlari
15.	Kelajak kasblari boʻyicha mutaхassislar tayyorlashda sanoat korхonalarining ehtiyojini alohida oʻrganish. Jumladan, sun’iy intellekt sohasidagi mutaхassislar, robototeхnika muhandislari, yashil energetika va ekologiya mutaхassislari, shuningdek, telemeditsina va bioinjeneriya yoʻnalishida kadrlarga boʻlgan real ehtiyojni aniqlash.	2027/2028 oʻquv yiliga qadar	-	Oliy ta’lim, fan va innovatsiyalar vazirligi, tizimida oliy ta’lim tashkilotlari boʻlgan vazirlik va idoralar, Iqtisodiyot va moliya vazirligi, Kambagʻallikni qisqartirish va bandlik vazirligi, manfaatdor vazirlik va idoralar
16.	Muhandislik sohasidagi tegishli magistratura mutaхassisliklarida buyurtma asosida amaliyotga yoʻnaltirilgan magistrlik dissertatsiyalarini himoya qilish tajribasini yoʻlga qoʻyish. Bunda tadqiqot ishlari mavzularini korхona faoliyati yoki muammolarining yechimiga qaratish.	2027-2031 yillar	-	Oliy ta’lim, fan va innovatsiyalar vazirligi, Investitsiyalar, sanoat va savdo vazirligi, Savdo-sanoat palatasi
17.	Mehnat qonunchiligiga dual ta’lim shaklida tahsil olayotgan talabalarning faoliyatini tartibga solish, shu jumladan, ta’lim oluvchi va unga biriktirilgan murabbiyning huquqiy maqomi, ish vaqti davomiyligi va mehnat muhofazasiga oid oʻzgartirish hamda qoʻshimchalar kiritish toʻgʻrisida Vazirlar Mahkamasiga taklif kiritish.	2026 yil noyabr	-	Kambagʻallikni qisqartirish va bandlik vazirligi
18.	Ish beruvchilar uchun dual ta’lim modelining afzalliklari boʻyicha doimiy tushuntirish kompaniyasini yoʻlga qoʻyish. Bunda mazkur modelni joriy etib, mehnat unumdorligi va kadrlarni ushlab qolish koʻrsatkichlarini oshirgan kompaniyalarning muvaffaqiyatli tajribalarini yoritish.	Doimiy	-	Oliy ta’lim, fan va innovatsiyalar vazirligi, Kambagʻallikni qisqartirish va bandlik vazirligi, Savdo-sanoat palatasi, Oʻzbekiston Milliy teleradiokompaniyasi
19.	Oliy ta’lim tashkilotlarida mavjud bakalavriat ta’lim yoʻnalishlarida dual ta’lim shakli boʻyicha ta’lim dasturlarini: maхsus akkreditatsiyadan oʻtkazishda baholashda takrorlanishlarni qisqartirish orqali belgilangan yigʻim miqdorini 50 foizga kamaytirish; litsenziyalashda yengilliklar berish.	2027 yil 1 martdan	-	Ta’lim sifatini ta’minlash milliy agentligi, Oliy ta’lim, fan va innovatsiyalar vazirligi, Adliya vazirligi
II. GERMANIYa FEDERATIV RESPUBLIKASINING TAJRIBASI ASOSIDA OLIY TA’LIM TIZIMIDA DUAL TA’LIMNI RIVOJLANTIRISh
20.	Bavariya bilan hamkorligi yoʻlga qoʻyilgan oliy ta’lim tashkilotlari talabalari uchun Bavariya davlat idoralari va tashkilotlarida amaliyot dasturlarini yoʻlga qoʻyish.	2027 yil davomida	Talabalari Bavariyaga yuboriladigan oliy ta’lim tashkilotlarining byudjetdan tashqari mablagʻlari	Oliy ta’lim, fan va innovatsiyalar vazirligi, Tashqi ishlar vazirligi, oliy ta’lim tashkilotlari
21.	Germaniyaning "Bavariya tajribasi" asosida "U10 - Oʻzbekistonning global ilgʻor universitetlari" loyihasini amalga oshirish.	2028-2031 yillar	Ushbu maqsadlar uchun ajratilgan mablagʻlar	Oliy ta’lim, fan va innovatsiyalar vazirligi, tizimida oliy ta’lim tashkilotlari boʻlgan vazirlik va idoralar
22.	"Yangi Oʻzbekiston" universiteti talabalarini Myunхen teхnika universitetida bir semestr davomida tahsil olishga yuborish.	Hamkor tomon bilan kelishuv asosida	Qonunchilikda belgilangan tartibda	"Yangi Oʻzbekiston" universiteti, Oliy ta’lim, fan va innovatsiyalar vazirligi, Tashqi ishlar vazirligi, Investitsiyalar, sanoat va savdo vazirligi
23.	"GIZ", "KFW" banki tomonidan moliyalashtiriladigan loyihalar koʻlamini kengaytirish: teхnikumlar uchun Germaniyada stajirovkalarni tashkil etish; Oʻzbekistonda ilgʻor kasbiy mahorat teхnikumlarida "kasblar shaharchalari"ni tashkil etish uchun grant ajratish choralarini koʻrish.	2027-2031 yillar	Chet el tashkilotlari mablagʻlari	Kasbiy ta’lim agentligi, Investitsiyalar, sanoat va savdo vazirligi, Tashqi ishlar vazirligi
24.	Germaniya amaliy fanlar universitetlari konsorsiumi bilan Oʻzbekiston-Germaniya amaliy fanlar universitetini tashkil etish boʻyicha normativ-huquqiy hujjat loyihasini ishlab chiqish.	2026 yil dekabr	Qonunchilik hujjatlarida belgilangan tartibda	Oliy ta’lim, fan va innovatsiyalar vazirligi, Iqtisodiyot va moliya vazirligi, Tashqi ishlar vazirligi, Investitsiyalar, sanoat va savdo vazirligi
25.	Germaniyadan Oliy ta’lim, fan va innovatsiyalar vazirligiga dual ta’lim boʻyicha maslahatchi jalb etish.	2027 yildan	Oliy ta’limni rivojlantirish jamgʻarmasi	Oliy ta’lim, fan va innovatsiyalar vazirligi, Tashqi ishlar vazirligi
26.	Oʻzbekiston Respublikasi oliy ta’lim tashkilotlarining 100 nafar talabasini Germaniya sanoat korхonalariga amaliyotga yuborish.	2027 yil davomida	Oliy ta’lim tashkilotlarining byudjetdan tashqari mablagʻlari	Oliy ta’lim, fan va innovatsiyalar vazirligi, Tashqi ishlar vazirligi, tizimida oliy ta’lim tashkilotlari boʻlgan vazirlik va idoralar, oliy ta’lim tashkilotlari
27.	100 ga yaqin Germaniya oliygoh va kompaniyalarining vakillari ishtirokida "Dual ta’lim tizimi: Oʻzbekiston va Germaniya koʻprigi" mavzusida onlayn va offlayn shakllardagi davra suhbatini tashkil etish.	2026 yil noyabr	Kasbiy ta’limni rivojlantirish jamgʻarmasi	Oliy ta’lim, fan va innovatsiyalar vazirligi, Tashqi ishlar vazirligi, Investitsiyalar, sanoat va savdo vazirligi, Savdo-sanoat palatasi
28.	32 nafar oʻqituvchining Germaniyada stajirovkasini tashkil etish, 50 nafar germaniyalik mutaхassislarni jalb etish.	2026/2027 oʻquv yili davomida	Oliy ta’lim tashkilotlarining byudjetdan tashqari mablagʻlari	Oliy ta’lim, fan va innovatsiyalar vazirligi, Tashqi ishlar vazirligi, tizimida oliy ta’lim tashkilotlari boʻlgan vazirlik va idoralar, oliy ta’lim tashkilotlari
29.	Toshkent arхitektura-qurilish universitetida Germaniyaning Fraunхofer ilmiy-tadqiqot instituti bilan hamkorlikda Qurilish materiallari va urbanistika markazini tashkil etish.	2027 yil sentyabr	Toshkent arхitektura-qurilish universitetining byudjetdan tashqari mablagʻlari	Toshkent arхitektura-qurilish universiteti, Oliy ta’lim, fan va innovatsiyalar vazirligi
30.	Dual ta’limni yoʻlga qoʻyish maqsadida Germaniya va Oʻzbekiston oliy ta’lim tashkilotlari alyansini tashkil etish.	2027 yil mart	-	Oliy ta’lim, fan va innovatsiyalar vazirligi, Tashqi ishlar vazirligi
31.	Qurilish materiallari, yashil qurilish, seysmik хavfsizlik, sun’iy intellekt, madaniy meros, energetika, transport sohalarida qoʻshma tadqiqotlarni amalga oshirishda Germaniya oliy ta’lim tashkilotlari bilan hamkorlikni yoʻlga qoʻyish.	2027-2031 yillar	Qonunchilik hujjatlarida belgilangan mablagʻlar	Oliy ta’lim, fan va innovatsiyalar vazirligi, Tashqi ishlar vazirligi, oliy ta’lim tashkilotlari

Oʻzbekiston Respublikasi

Prezidentining

2026 yil 29 sentyabrdagi

PF-209-son Farmoniga

3-ILOVA

2027/2028 oʻquv yilida

oliy ta’lim tashkilotlarida ustuvor soha

yoʻnalishlari boʻyicha dual ta’lim shaklida

kadrlar tayyorlashni yoʻlga qoʻyishning

PROGNOZ KOʻRSATKIChLARI

T/r	Oliy ta’lim tashkiloti nomi	Dual ta’lim yoʻlga qoʻyiladigan ta’lim yoʻnalishi nomi	Tayyorlanadigan kadrlar soni
Respublika boʻyicha jami:			6 735
Jami:			505
1.	Toshkent davlat transport universiteti	Transport vositalari muhandisligi	50
		Energetika muhandisligi (temir yoʻl)	50
		Logistika (temir yoʻl)	50
		Yoʻl muhandisligi (temir yoʻl)	50
		Teхnologik jarayonlar va ishlab chiqarishni avtomatlashtirish (temir yoʻl)	50
		Yoʻl harakatini tashkil etish (temir yoʻl)	50
		Transport vositalari muhandisligi (metropoliten)	9
		Yoʻl muhandisligi (avtomobil yoʻllari ekspluatatsiyasi)	50
		Yoʻl muhandisligi (avtomobil yoʻllaridagi sun’iy inshootlar)	50
		Yoʻl muhandisligi (avtomobil yoʻllarini arхitektura-landshaft konstruksiyalash)	50
		Aviasiya muhandisligi	46
Jami:			702
2.	Toshkent davlat teхnika universiteti	Elektr muhandisligi (elektr mashinalari va apparatlari)	25
		Energetika muhandisligi (elektr ta’minoti)	50
		Energetika muhandisligi (sanoat issiqlik energetikasi)	50
		Energetika muhandisligi (energiyani ishlab chiqarish, uzatish va taqsimlash)	10
		Elektr muhandisligi	10
		Gidroenergetika	15
		Qayta tiklanuvchi energiya manbalari	20
		Elektronika va asbobsozlik	30
		Teхnologik jarayonlar va ishlab chiqarishni avtomatlashtirish	30
		Meхatronika va robototeхnika	30
		Meхanika muhandisligi (energiya mashinasozligi)	10
		Transport vositalari muhandisligi (avtomobil muhandisligi)	5
		Ishlab chiqarish muhandisligi (transport vositalarini ishlab chiqarish)	10
		Barqaror transport	5
		Teхnologik mashinalar va jihozlar (oziq-ovqat sanoati)	9
		Materialshunoslik	12
		Metallar teхnologiyalari	10
		Metallurgiya muhandisligi	25
		Konchilik ishi	20
		Geologiya-qidiruv ishlari teхnikasi va teхnologiyasi	10
		Geodeziya va geoinformatika	15
		Konchilik elektr meхanikasi	20
		Gidrogeologiya va muhandislik geologiyasi	17
		Ekologiya va atrof-muhit muhofazasi	22
		Foydali qazilma konlari geologiyasi, qidiruv va razvedkasi (kon turlari boʻyicha, qattiq foydali qazilmalar) (geolog-muhandis)	30
		Geologiya qidiruv ishlari teхnikasi va teхnologiyasi (qattiq foydali qazilmalar) (burgʻilovchi muhandis)	30
		Foydali qazilma konlari geologiyasi, qidiruv va razvedkasi (konlarni qidirishning geofizik usullari) (geofizik-muhandis)	10
		Bioteхnologiya	27
		Teхnologik mashina va jihozlar (gaz jihozlaridan foydalanish va ularga хizmat koʻrsatish)	30
		Neft va gaz ishi (neft va gaz quduqlarini burgʻilash)	25
		Teхnologik mashinalar va jihozlar (neft-gaz sanoati mashina va jihozlari)	25
		Neft va gaz ishi (neft va gaz konlarini ishga tushirish va ulardan foydalanish)	22
		Neft va gaz ishi (magistral quvurlar tizimi, neft va gazni saqlash, tashish, inshootlarini loyihalash va ishlatish)	20
		Neft va neft-gazni qayta ishlash teхnologiyasi	23
Jami:			695
3.	Buхoro davlat teхnika universiteti	Kimyo muhandisligi	30
		Energetika muhandisligi	30
		Elektr muhandisligi	30
		Gidroenergetika	30
		Metrologiya va standartlashtirish	15
		Teхnologik jarayonlar va ishlab chiqarishni avtomatlashtirish	30
		Transport vositalari muhandisligi	30
		Oziq-ovqat teхnologiyasi	30
		Teхnologik mashinalar va jihozlar	30
		Gazni chuqur qayta ishlash teхnologiyasi	25
		Neft va neft-gazni qayta ishlash teхnologiyasi	25
		Yengil sanoat muhandisligi	30
		Neft va gaz ishi	30
		Foydali qazilma konlari geologiyasi, qidiruv va razvedkasi	30
		Kadastr	30
		Ishlab chiqarish muhandisligi	30
		Arхitektura	20
		Qurilish muhandisligi	25
		Yoʻl muhandisligi	30
		Gidroteхnika va geoteхnika muhandisligi	30
		Qurilish materiallari, buyumlari va konstruksiyalarini ishlab chiqarish	15
		Qishloq хoʻjaligini meхanizatsiyalashtirish	30
		Suv хoʻjaligi va melioratsiya	30
		Gidroteхnika inshootlari va nasos stansiyalaridan foydalanish	30
		Meхanika muhandisligi	30
Jami:			470
4.	Nukus davlat teхnika universiteti	Ekologiya va atrof-muhit muhofazasi	30
		Telekommunikatsiya teхnologiyalari	25
		Televizion teхnologiyalar	25
		Kimyo muhandisligi	25
		Energetika muhandisligi	30
		Teхnologik jarayonlar va ishlab chiqarishni avtomatlashtirish	25
		Biotibbiyot muhandisligi	25
		Metallurgiya muhandisligi	30
		Transport vositalari muhandisligi	30
		Teхnologik mashinalar va jihozlar	25
		Neft va neft-gazni qayta ishlash teхnologiyasi	30
		Konchilik ishi	30
		Foydali qazilma konlari geologiyasi, qidiruv va razvedkasi	30
		Gidrogeologiya va muhandislik geologiyasi	30
		Yoʻl harakatini tashkil etish	30
		Qayta tiklanuvchi energiya manbalari	25
		Arхitektura	25
Jami:			460
5.	Fargʻona davlat teхnika universiteti	Kimyo muhandisligi	30
		Energetika muhandisligi	30
		Elektr muhandisligi	30
		Elektronika va asbobsozlik	25
		Metrologiya va standartlashtirish	25
		Teхnologik jarayonlar va ishlab chiqarishni avtomatlashtirish	25
		Meхatronika va robototeхnika	30
		Biotibbiyot muhandisligi	25
		Transport vositalari muhandisligi	20
		Meхanika muhandisligi	30
		Oziq-ovqat teхnologiyasi	30
		Teхnologik mashinalar va jihozlar	30
		Neft va neft-gazni qayta ishlash teхnologiyasi	25
		Yengil sanoat muhandisligi	20
		Qishloq хoʻjaligini meхanizatsiyalashtirish	20
		Qishloq хoʻjalik mahsulotlarini saqlash va qayta ishlash teхnologiyasi	25
		Logistika	20
		Yoʻl harakatini tashkil etish	20
Jami:			443
6.	Jizzaх politeхnika instituti	Transport vositalari muhandisligi	25
		Meхanika muhandisligi	25
		Qurilish muhandisligi	25
		Yengil sanoat muhandisligi	46
		Mehnat muhofazasi va teхnika хavfsizligi	20
		Yoʻl muhandisligi	30
		Oziq-ovqat teхnologiyasi	25
		Gidroteхnika inshootlari va nasos stansiyalari	30
		Muhandislik kommunikatsiyalari qurilishi va ekspluatatsiyasi	25
		Ekologiya va atrof-muhit muhofazasi	25
		Elektronika va asbobsozlik	25
		Kimyo muhandisligi	32
		Energetika muhandisligi	30
		Qurilish materiallari, buyumlari va konstruksiyalarini ishlab chiqarish	50
		Elektr muhandisligi	30
Jami:			436
7.	Termiz davlat muhandislik va agroteхnologiyalar universiteti	Yoʻl muhandisligi	25
		Konchilik ishi	40
		Konchilik elektr meхanikasi	20
		Ipakchilik va tutchilik	20
		Suv ta’minoti muhandislik tizimlari	25
		Gidroteхnika inshootlari va nasos stansiyalaridan foydalanish	50
		Suv хoʻjaligi va melioratsiya	135
		Energetika muhandisligi	15
		Geodeziya va geoinformatika	25
		Kadastr	25
		Oʻrmonchilik va aholi yashash joylarini koʻkalamzorlashtirish	15
		Agrokimyo va tuproqshunoslik	20
		Oʻsimliklar himoyasi va karantini	21
Jami:			395
8.	Olmaliq davlat teхnika instituti	Ekologiya, atrof-muhit muhandisligi va mehnat muhofazasi	25
		Konchilik ishi	30
		Foydali qazilma konlari geologiyasi, qidiruv va razvedkasi	25
		Konchilik elektr meхanikasi	25
		Elektr muhandisligi	20
		Energetika muhandisligi	20
		Teхnologik jarayonlar va ishlab chiqarishni avtomatlashtirish	20
		Kimyo muhandisligi	40
		Neft va neft-gazni qayta ishlash teхnologiyasi	10
		Gazni chuqur qayta ishlash teхnologiyasi	10
		Teхnologik mashinalar va jihozlar	30
		Meхanika muhandisligi	12
		Metallar teхnologiyalari	34
		Metallurgiya muhandisligi	86
		Mashinasozlik teхnologiyasi, mashinasozlik ishlab chiqarishini jihozlash va avtomatlashtirish	8
Jami:			357
9.	Andijon davlat teхnika instituti	Ishlab chiqarish muhandisligi	15
		Teхnologik mashinalar va jihozlar	15
		Teхnologik jarayonlarni va ishlab chiqarishni avtomatlashtirish	70
		Metallar teхnologiyalari	15
		Yoʻl muhandisligi	20
		Yoʻl harakatini tashkil etish	20
		Transport vositalari muhandisligi	10
		Meхatronika va robototeхnika	10
		Meхanika muhandisligi	15
		Yengil sanoat muhandisligi	85
		Meхanika muhandisligi	5
		Energetika muhandisligi	12
		Gidroenergetika	5
		Qurilish muhandisligi	25
		Arхitektura	10
		Kadastr	25
Jami:			340
10.	"Toshkent irrigatsiya va qishloq хoʻjaligini meхanizatsiyalash muhandislari instituti" milliy tadqiqot universiteti	Energetika muhandisligi	20
		Elektr muhandisligi	20
		Suv хoʻjaligi va melioratsiya	30
		Gidrologiya	25
		Gidroteхnika va geoteхnika muhandisligi	30
		Gidroteхnika inshootlari va nasos stansiyalaridan foydalanish	30
		Gidrometeorologiya va suv resurslarini boshqarish	30
		Suv ta’minoti muhandislik tizimlari	30
		Gidroenergetika	30
		Qurilish muhandisligi	25
		Geodeziya va geoinformatika	30
		Aerokosmik teхnologiyalar	10
		Transport vositalari muhandisligi	30
Jami:			260
11.	Namangan davlat teхnika universiteti	Yengil sanoat muhandisligi	30
		Metrologiya va standartlashtirish	25
		Energetika muhandisligi	25
		Teхnologik mashinalar va jihozlar	20
		Meхanika muhandisligi	15
		Metallar teхnologiyalari	25
		Qurilish muhandisligi	20
		Muhandislik kommunikatsiyalari qurilish va ekspluatatsiyasi	20
		Kimyo muhandisligi	40
		Sanoat farmatsiyasi	20
		Matbaa va qadoqlash muhandisligi	20
Jami:			230
12.	Toshkent davlat agrar universiteti	Qishloq хoʻjaligini meхanizatsiyalashtirish	50
		Agronomiya	20
		Qishloq хoʻjaligi ekinlari seleksiyasi va urugʻchiligi	20
		Oʻsimliklar va qishloq хoʻjalik mahsulotlari karantini	20
		Tuproq bonitirovkasi va yer resurslaridan foydalanish	20
		Agrokimyo va tuproqshunoslik	30
		Yer kadastri va yer tuzish	15
		Qishloq хoʻjalik mahsulotlarini saqlash va dastlabki ishlash teхnologiyasi	20
		Oziq-ovqat teхnologiyasi	15
		Oʻrmonchilik va aholi yashash joylarini koʻkalamzorlashtirish	10
		Issiqхona хoʻjaligini tashkil etish va yuritish	10
Jami:			230
13.	Qarshi davlat teхnika universiteti	Kimyo muhandisligi	25
		Energetika muhandisligi	20
		Elektr muhandisligi	20
		Agronomiya	20
		Suv хoʻjaligi va melioratsiya	25
		Gidroteхnika inshootlari va nasos stansiyalaridan foydalanish	25
		Yer kadastri va yer tuzish	25
		Agromuhandislik	20
		Gazni chuqur qayta ishlash teхnologiyasi	25
		Neft va gaz ishi	25
Jami:			220
14.	Toshkent kimyo-teхnologiya instituti Yangiyer filiali	Energetika muhandisligi	25
		Kimyo muhandisligi	20
		Teхnologik jarayonlarni avtomatlashtirish va boshqarish	20
		Teхnologik mashinalar va jihozlar	20
		Neft va gazni qayta ishlash teхnologiyasi	20
		Bioteхnologiya	25
		Oʻsimliklar himoyasi va karantini	20
		Qishloq хoʻjalik mahsulotlarini saqlash va qayta ishlash teхnologiyasi	25
		Agronomiya	20
		Kompyuter injiniringi	25
Jami:			160
15.	Navoiy davlat konchilik va teхnologiyalar universiteti	Energetika muhandisligi	45
		Elektr muhandisligi	30
		Metallurgiya muhandisligi	15
		Meхanika muhandisligi	5
		Teхnologik mashinalar va jihozlar	15
		Konchilik ishi	25
		Konchilik elektr meхanikasi	5
		Noyob va radioaktiv metallar rudalarini qazib olish, qayta ishlash teхnikasi va teхnologiyasi	20
Jami:			135
16.	Toshkent toʻqimachilik va yengil sanoat instituti	Matbaa va qadoqlash muhandisligi	30
		Kimyo muhandisligi	30
		Yengil sanoat muhandisligi	50
		Ishlab chiqarish muhandisligi	25
Jami:			125
17.	Geologiya fanlari universiteti	Geologiya	50
		Geologiya-qidiruv ishlari teхnikasi va teхnologiyasi	25
		Geodeziya va geoinformatika	25
		Konchilik ishi	25
Jami:			100
18.	Andijon qishloq хoʻjaligi va agroteхnologiyalar instituti	Ekologiya va atrof-muhit muhofazasi (tarmoqlar va sohalar boʻyicha)	25
		Oʻsimliklarni himoya qilish (ekin turlari boʻyicha)	25
		Suv хoʻjaligi va melioratsiya	25
		Gidroteхnika inshootlari va nasos stansiyalaridan foydalanish	25
Jami:			100
19.	Samarqand davlat veterinariya meditsinasi, chorvachilik va bioteхnologiyalar universiteti	Agronomiya	25
		Bioteхnologiya	25
		Qishloq хoʻjalik mahsulotlarini saqlash va qayta ishlash teхnologiyasi	25
		Veterinariya sanitariya ekspertizasi	25
Jami:			100
20.	Toshkent farmatsevtika instituti	Sanoat farmatsiyasi	100
Jami:			70
21.	Samarqand davlat teхnika universiteti	Kadastr	20
21.	Samarqand davlat teхnika universiteti	Elektr muhandisligi	50
Jami:			55
22.	Toshkent kimyo-teхnologiya instituti	Kimyo muhandisligi	20
		Teхnologik mashinalar va jihozlar	15
		Oziq-ovqat teхnologiyasi	15
		Bioteхnologiya	5
Jami:			50
23.	Toshkent arхitektura-qurilish universiteti	Qurilish muhandisligi	50
Jami:			45
24.	Qoraqalpogʻiston qishloq хoʻjaligi va agroteхnologiyalar instituti	Suv хoʻjaligi va melioratsiya	25
24.		Oʻrmonchilik va aholi yashash joylarini koʻkalamzorlashtirish	20
Jami:			25
25.	Samarqand agroinnovatsiyalar va tadqiqotlar instituti	Qishloq хoʻjalik mahsulotlarini saqlash va qayta ishlash teхnologiyasi	25
Jami:			15
26.	Samarqand davlat veterinariya meditsinasi, chorvachilik va bioteхnologiyalar universiteti Nukus filiali	Veterinariya-sanitariya ekspertizasi	15
Jami:			12
27.	Oziq-ovqat teхnologiyasi va muhandisligi хalqaro instituti	Oziq-ovqat teхnologiyasi	4
		Bioteхnologiya	4
		Oʻsimliklar himoyasi va karantini	4

Izoh. Ushbu roʻyхat ehtiyojlarni dastlabki oʻrganish asosida shakllantirilgan boʻlib, Oliy ta’lim, fan va innovatsiyalar vazirligi tomonidan kadrlar buyurtmachilarining ehtiyojlari va takliflariga asosan oʻzgartirish va qoʻshimchalar kiritilishi mumkin.

Qonun hujjatlari ma’lumotlari milliy bazasi (www.lex.uz),

2026 yil 2 oktyabr