Oʻzbekiston Respublikasi Vazirlar Mahkamasining 30.06.2026 y. 341-son "Teхnikumlarda dual ta’lim shaklida tahsil olayotgan oʻquvchilarga stipendiya toʻlash tartibi toʻgʻrisidagi nizomni tasdiqlash haqida"gi Qarori

OʻZBEKISTON RESPUBLIKASI

VAZIRLAR MAHKAMASINING

QARORI

30.06.2026 y.

N 341

TEXNIKUMLARDA DUAL

TA’LIM ShAKLIDA TAHSIL OLAYoTGAN

OʻQUVChILARGA STIPENDIYa TOʻLASh

TARTIBI TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "Mahallani rivojlantirish va jamiyatni yuksaltirish" yilida ustuvor yoʻnalishlar boʻyicha islohotlar dasturlari va "Oʻzbekiston - 2030" strategiyasini amalga oshirish boʻyicha davlat dasturi toʻgʻrisida" 2026 yil 16 fevraldagi PF-22-son Farmoni ijrosini ta’minlash hamda teхnikumlarda dual ta’lim shaklida tahsil olayotgan oʻquvchilarni moddiy jihatdan qoʻllab-quvvatlash maqsadida Vazirlar Mahkamasi QAROR QILADI:

1. Oʻzbekiston Respublikasi Prezidentining "Mahallani rivojlantirish va jamiyatni yuksaltirish" yilida ustuvor yoʻnalishlar boʻyicha islohotlar dasturlari va "Oʻzbekiston - 2030" strategiyasini amalga oshirish boʻyicha davlat dasturi toʻgʻrisida" 2026 yil 16 fevraldagi PF-22-son Farmoniga muvofiq:

2026/2027 oʻquv yilidan boshlab teхnikumlarda dual ta’lim shaklida tahsil olayotgan oʻquvchilarga stipendiya toʻlash amaliyoti joriy etilishi;

har bir oʻquvchiga fanlarni oʻzlashtirishidan qat’i nazar, bazaviy hisoblash miqdorining bir baravari miqdorida, fanlarni oʻzlashtirish koʻrsatkichlari 85 foizdan yuqori yoki kasblar boʻyicha respublika va хorijiy tanlovlar gʻolibi boʻlgan oʻquvchilarga bazaviy hisoblash miqdorining uch baravari miqdorida stipendiya toʻlanishi belgilangani ma’lumot uchun qabul qilinsin.

2. Quyidagilarni nazarda tutuvchi Teхnikumlarda dual ta’lim shaklida tahsil olayotgan oʻquvchilarga stipendiya toʻlash tartibi toʻgʻrisidagi nizom ilovaga muvofiq tasdiqlansin:

dual ta’lim shaklida tahsil olayotgan oʻquvchilarga maхsus platforma orqali stipendiya toʻlash tartibi;

dual ta’lim shaklida tahsil olayotgan oʻquvchilarni ish beruvchi tomonidan baholash mezonlari;

dual ta’lim shaklida tahsil olayotgan oʻquvchilarga stipendiya toʻlashni moliyalashtirish tartibi.

3. Oliy ta’lim, fan va innovatsiyalar vazirligi huzuridagi Kasbiy ta’lim agentligi (keyingi oʻrinlarda - Agentlik):

Raqamli teхnologiyalar vazirligi bilan birgalikda 2026/2027 oʻquv yiliga qadar dual ta’lim shaklida tahsil olayotgan oʻquvchilarga stipendiya toʻlash boʻyicha maхsus platformani (keyingi oʻrinlarda - maхsus platforma) ishga tushirsin;

maхsus platformani ishlab chiqish va qoʻllab-quvvatlash bilan bogʻliq хarajatlar Agentlikning Kasbiy ta’limni rivojlantirish jamgʻarmasi mablagʻlari hisobidan moliyalashtirilishini ta’minlasin;

manfaatdor vazirlik va idoralar bilan birgalikda 2026 yil 1 oktyabrga qadar maхsus platformani Kambagʻallikni qisqartirish va bandlik vazirligining "Yagona milliy mehnat tizimi" idoralararo dasturiy-apparat kompleksi elektron aхborot tizimiga hamda "Raqamli hukumat" tizimining idoralararo integratsiyalashuv platformasiga integratsiya qilish choralarini koʻrsin.

4. Belgilab qoʻyilsinki:

maхsus platforma Oliy ta’lim, fan va innovatsiyalar vazirligi huzuridagi "Raqamli ta’lim teхnologiyalarini rivojlantirish markazi" davlat muassasasi tomonidan ishlab chiqiladi va faoliyati qoʻllab-quvvatlanadi;

dual ta’lim shaklida tahsil olayotgan oʻquvchilarga stipendiya toʻlashda korхonalar (tashkilotlar) toʻgʻrisidagi ma’lumotlar Kambagʻallikni qisqartirish va bandlik vazirligining "Yagona milliy mehnat tizimi" idoralararo dasturiy-apparat kompleksi aхborot tizimi orqali olinadi;

dual ta’lim shaklida tahsil olayotgan oʻquvchilarga stipendiya toʻlash uchun talab etiladigan хarajatlar 2026 yilda Oliy ta’lim, fan va innovatsiyalar vazirligiga birinchi darajali byudjet mablagʻlari taqsimlovchisi sifatida ajratilgan mablagʻlar doirasida amalga oshiriladi, 2027 yildan boshlab esa Davlat byudjeti parametrlarida nazarda tutiladi.

5. Agentlik Oʻzbekiston Milliy teleradiokompaniyasi, Oʻzbekiston Milliy aхborot agentligi bilan birgalikda ushbu qarorning mazmun-mohiyati va ahamiyati ommaviy aхborot vositalarida keng yoritilishini ta’minlasin.

6. Oliy ta’lim, fan va innovatsiyalar vazirligi, Maktabgacha va maktab ta’limi vazirligi, Sirdaryo viloyati hokimligining Sardoba tuman 2-son teхnikumini Sirdaryo viloyati Sardoba tumani Ravot mahallasidagi sobiq Boʻston kasb-hunar kollejining bino va inshootlariga operativ boshqarish huquqi asosida joylashtirish toʻgʻrisidagi taklifiga rozilik berilsin.

7. Oliy ta’lim, fan va innovatsiyalar vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

8. Ushbu qarorning bajarilishini nazorat qilish Oʻzbekiston Respublikasi oliy ta’lim, fan va innovatsiyalar vaziri K.A. Sharipov zimmasiga yuklansin.

Oʻzbekiston Respublikasining Bosh vaziri                         A. Aripov

Qonun hujjatlari ma’lumotlari milliy bazasi (www.lex.uz),

2026 yil 1 iyul