Корхонамиз умумбелгиланган солиқлар тўловчиси ҳисобланиб, қурилиш фаолияти билан шуғулланади, ХХТУТ бўйича коди 61110. 2015 йилда объектни шартномавий жорий нархларга асосан қуришда қурилиш-монтаж ишлари билан бир қаторда асбоб-ускуналар ҳам ўрнатилди ва жами тушумга киритилиб, солиқларни, хусусан, бюджетдан ташқари мақсадли жамғармаларга ажратмаларни ҳисоблаб чиқаришда ушбу асбоб-ускуналар қийматидан ҳам солиқлар ва ажратмалар ҳисобланди. Бажарилган ишларни қабул қилиш-топшириш далолатномасида белгиланган тартибга асосан асбоб-ускуналарни ўрнатиш ва монтаж қилиш ишлари қийматидан %% миқдорида пудратчининг бошқа харажатлари киритилди, бироқ асбоб-ускуналар қийматининг ўзидан эса пудратчининг бошқа харажатлари ҳисобланмади.