Нурмухамедов Нурали Халикович

Должность: Юрисконсульт

Специализация: Хозяйственное, трудовое, гражданское, корпоративное право

ВМнинг 30.10.2006 йилдаги 223-сонли қарори билан тасдиқланган Автомобиль бензини сотиб олиш харажатларининг бир қисми учун шахсларнинг айрим тоифаларига ойлик пул компенсацияси тўлаш тартиби тўғрисидаги низомга (кейинги ўринларда – Низом) асосан қуйидагилар ойлик пул компенсацияси олиш ҳуқуқига эгадир (Низомнинг 3-б.):

- уруш қатнашчилари ва уларга тенглаштирилган шахслар Низомга 1-иловага мувофиқ;

- уруш фахрийлари ва уларга тенглаштирилган шахслар Низомга 2-иловага мувофиқ;

- меҳнатда майиб бўлиш ва касб касаллиги туфайли I ва II гуруҳ ногиронлар;

- I ва II гуруҳ болаликдан ногиронлар.

Низомга 2-илованинг “е” бандида ички ишлар органлари ва давлат хавфсизлик хизматининг бошлиқлар ва оддий аскарлар таркибига кирадиган, жанговар ҳаракатлар олиб борилган мамлакатларда тинчлик ўрнатиш кучларида қатнашиш ҳамда байналмилал бурчни бажариш билан боғлиқ ярадор, майиб бўлиш, контузияга учраш ёки касал бўлиш оқибатида ногирон бўлиб қолган ҳарбий хизматчилари кўрсатилган.

Демак, Афғонистондаги урушда ички ишлар органлари ва давлат хавфсизлик хизматининг таркибида қатнашиб, ногирон бўлиб қолган ҳарбий хизматчилар ойлик пул компенсациясини олиш ҳуқуқига эга.