ТМЗни импорт қилишда харажатларни тан олиш
Тошхужаева Азизахон Акбархужа кизи
Должность: Эксперт "Нормы", налоговый консультант, бухгалтер
Специализация: налогообложение, бухгалтерский учет
Электромобиллар корхонанинг ўзида фойдаланиш учун эмас, балки сотиш учун импорт қилинган экан. Улар корхона учун ТМЗ ҳисобланади. ТМЗларнинг бухгалтерия ҳисоби 4-сон БҲМС «Товар-моддий заҳиралар» асосида олиб борилади.
Электромобилларни импорт қилишда хорижий мол етказиб берувчига тўланган ҳақ, божхона тўловлари (ҚҚСдан ташқари), божхона омбори хизмати тўловлари, счёт-справка суммаси ушбу ТМЗларнинг таннархига киритилади (4-сон БҲМС 15-б.).
Электромобилларни реализация қилишда ҚҚС тўланади. Шу сабабли импорт чоғида божхонада тўланган ҚҚС суммаси эса ҳисобга киритилади (СК 266-м. 1-қ.).
ТМЗларни импорт қилиш билан боғлик банк хизматлари ҳақи, декларант хизмати учун тўлов, давлат рақамини олиш учун тўлов таннархга киритилмайди, улар корхона харажатларига олиб борилади (4-сон БҲМС 17-б.). Бу харажатларда ҚҚС мавжуд бўлса, ушбу ҚҚС суммалари ҳам ҳисобга олинади (СК 266-м. 1-қ.).
Бухгалтерия ўтказмалари:
Хўжалик муомалаларининг мазмуни | Дт | Кт |
ТМЗ таннархига киритиладиган тўловларни тан олиш | 2910 «Омбордаги товарлар» | 6010 «Мол етказиб берувчилар ва пудратчиларга тўланадиган счётлар», 6990 «Бошқа мажбуриятлар» |
ТМЗ таннархига киритилмайдиган тўловларни тан олиш | 9430 «Бошқа операцион харажатлар» | 6010 «Мол етказиб берувчилар ва пудратчиларга тўланадиган счётлар», 6990 «Бошқа мажбуриятлар» |
Ҳисобга олинадиган ҚҚС суммаларини тан олиш | 4410 «Бюджетга солиқлар ва бошқа мажбурий тўловлар бўйича бўнак тўловлари (турлари бўйича)» | 6010 «Мол етказиб берувчилар ва пудратчиларга тўланадиган счётлар», 6990 «Бошқа мажбуриятлар» |
Ответы актуальны на дату публикации.