Корхона жисмоний шахслардан олинадиган даромад солиғи ва ижтимоий солиқ ҳисоб-китоби ҳамда айланмадан олинадиган солиқ ҳисоб-китобини жорий йилнинг май ойи учун айрим сабабларга кўра 1 кунга кеч қолиб топширди. Корхонамизга август ойида раҳбар номига мажбурий ижродан 2 та жарима келди. МЖтКда келтирилишича, қуйидаги ҳолатлар мавжуд бўлган тақдирда маъмурий ҳуқуқбузарлик тўғрисидаги ишларни юритишни бошлаш мумкин эмас, бошланган иш эса тугатилиши лозим: агар ушбу Кодекс 175-моддасининг иккинчи қисмида назарда тутилган ҳуқуқбузарликни биринчи марта содир этган тадбиркорлик субъектининг мансабдор шахслари ёки ходимлари йўл қўйилган бузилишларни ҳуқуқбузарлик аниқланган пайтдан эътиборан ўттиз кунлик муддатда ихтиёрий равишда бартараф этган бўлса.